Divine Voice November 2016

प्रतिलिपि

1

2 Divine Voice November 2016

3 APRIL 2020 Volume: VIII Issue: 3 Chairman Rev. Dr Augustine Vallooran VC Printer & Publisher Rev. Dr Philip Nedumthuruthil VC Chief Editor Rev. Fr Mathew Thadathil VC General Manager Y. Ousepachan Editor Thomas Jacob Section Editors Vincy Quadros Maria Viency Cardozo Sr Savio CSA Dinesh Mathias Maneesha Mathias Hyacinth D Souza Cover Design Mejo Layout Sijo Sunny Printing Divine Printers & Publishers Address Divine Voice, Divine Retreat Centre, Muringoor P.O., Chalakudy , Kerala, India, Ph: , to 34 16, 25, 26 PunorjivontPonn : amchea jivitacho haves Vincy Quadros Boro soro ghorabeacho Bhagevont Bap Francis Bhag. george, adhunik KallaK ek avhan Rev Dr Joseph Thondiparambil tachi vatt Polleun asat tim sogllim subhagi! (iz. 30:18) Rev Dr Augustine Vallooran VC moizesachi nimannim utram Batmi goviakeo All translations by John Rocha, Joyce Fernandes, Nety Gomes, Gaurish Naik, Velany, fr J. Benjamin De Souza, Antonette Fernandes, Sheba Cardoza & Saviona Rodrigues. April 2020 Divine Voice 3

4 Make all payments - Demand Drafts or Money Orders or electronic fund transfer payable to : DIVINE VOICE (KONKANI) Details for electronic fund transfer Account Name : Divine Voice Bank A/c No: Bank Name: Catholic Syrian Bank, Muringoor IFC Code: CSB K Account Name : Divine Voice Bank A/c No: Bank Name: S.B.I IFC Code: SBIN divinevoicemagazine@gmail.com Change of Address In the event of a change in your postal address, please ensure that you send us your Old Address along with the New Mailing Address. Address for Correspondence The Chief Editor, Divine Voice (KONKANI) Divine Retreat Centre, Muringoor P.O. Chalakudy , Kerala - INDIA 4 Divine Voice April 2020

5 Punorjivontponn : Amchea Jivitacho Haves Cheallis disanchea koxttam uprant Jezu morta ani punorjivont zata, haka Paskam mhunnttat. Itlo pasun bhavarth puro amchea jivitacho haves purnn korunk. Punn amchea jivitant toxem ghoddonam. Korezmanchea kallant ami upas kortat, kitem kitem soddun ditat punn Paskam zatoch porthun tench jivit jiyetat. Jezuchem punorjivontponn amkam-i asa, hacher bhavarth dovorlear, Paskancho khoro orth amchea jivitak lagum korunk zata. Tuzo bhav novean jivo zatolo. Zo konn Jezucher bhavarth dovorta, to jivo aslear vo melear pasun sodanch jivo astolo hem asvason Jezunuch amkam dilam. Hea khatir ami tachem punorjivontponn porgott ttat. Teach bhorvanxan ami jiyetat ani jiyeunk favo. Tache vinnem amkam jivit nam. Jednam Lazar melo tednam tachi bhoinn Martha Tacher xinn kaddtta. Jezu tika mhunntta, Tuzo bhav novean jivo zatolo. (Zu. 11:23) Jezuchea hatant punorjivontponn asa hachi tika khatri nasli, ti ghuspota. Dekhun Jezu mukhar sangta, Punorjivontponn ani jivit Hanvuch. Jim konn mhojer bhavarth dovortat, tim melim-i zalear jivim astolim. (Zu.11:25) Hea utrantlean Marthacho bhavarth thir zata ani mhunntta, Hoi, Somia, sonvsarant yeuncho aslo to Krist Devacho Put To Tunch mhonn mhaka bhavarth asa. (Zu.11:27) Amkam patkantlim soddvonn diunk punrojivont zalolo ho Jezu bhavarthachi govaiki dita, mhonn ami vollkhunk zai. Tumi azun tumchea patkamni asat. EDITORIAL... Dor Misant ami bhavarthacho gutt porgott ttat. Punn tea guttant mel leachem punorjivontponn asa hacher amcho sintid asonam. Dekhun amchi porgottnni pokholl ani bhavarthui pokholl tharta. Kitlea dukhachi gozal hi? Devan Kristak punorjivont korunk nam zalear, Bhag. Paulu mhunntta, Tumcho bhavarth sarko nirfoll. Tumi azun April 2020 Divine Voice 5

6 tumchea patkamni asat. (I Kor.15:17) Jim konn Jezucher bhavarth dovrun meleant tancho ibadd zalo oxem zata. Amchea faideak ami Jezucher bhavarth dovortat zalear ami suvarthi ani dolldirim tharlim. Punorjivontponna bogor pask nanch nam. Mhozo hokk rakhpi soddvonndar jivo asa mhonn hanv zannam. Bhavartha vinnem Kristi jivit nam. Amchem dor ek paul bhavarthacher dhorlolem asa. Jem kitem uchartat ani pallttat, tem sogllem Jezuchea bhavartha velean nipzota. Zannvayechea pustokant Provadi Job amkam sangta, Mhozo hokk rakhpi soddvonndar jivo asa mhonn hanv zannam. (Job 19:25) Kiteak taka khobor asli ek soddvonndar yeuncho asa ani to prithume voir ubo ravtolo mhonn. Apli kheast ani aplem jivit to mon xachie somzonne khatir ghalta ani sangta, Hie mhojie katicho nas zalia uprant hie mhojie kuddin hanv Devak polletolom. (Job 19:26) Amchi itsa Joba bhoxen asloli zalear ami punorjivontponnacho bhavarth novsortolim aslim. Punn ami jivea dolleamni Devak vo Jezuk polleunk sodinant, zalear melim mhonnttoch polleunk pavtolim? Jivo bhavarth, jive dolle, jivo Dev ani jivo Jezu, hi amchi bhasavnni zata zalearuch korezmantlea kallachi khuxalkai paskanchea kallant bhitor sortoli. Khottea mon xamni apli vatt soddchi. Izaias provadi hea somoyar bori xivonn dita. Amchem jivit mhollear axechi ek vost koxi. Jem kuddik zai titlem ami koxiei toren harpit zaun mellounk sodtat. Tem amkam faideak poddum vo nam, ami tache fattlean dhanvtat. Izaias provadi vicharta, kiteak? Kiteak Devachea sasnnik korarak ami bandun nant. Devan kelolea sakxidarancher amcho bhavarth nam. Sodtoleank sorvespor melltta mhonn ami visorleat. Heach khatir to Sorvesporachim utram aplim korun mhunntta, Khottea mon xamni apli vatt soddchi ani noxttea mon xamni aplim vaitt chintnam sodun diunchim. Tannim Sorvesporaxim yeunchem ani To tanchi doya kortolo. (Iz. 55:7) Zo konn Jezuchea punorjivontponnacher bhavarth dovorta, to monis subhagi. Hoch zaum punorjivontponna vorvim amchea jivitacho haves. Editor Vincy Quadros 6 Divine Voice April 2020

7 Mogall bhavam-bhoinnimno, Thoddo vell ami Jezuchea poileach Bhagevont Bap Francis vizmitacher niyall korum-ia. Bhag. Juanva pormannem hio zaun asat khunna, kiteak Jezu him vizmitam amkam aplem vhoddponn dakhounk korinam punn Bapacho mog ami vollkhun gheunk. Hi Jezuchea khunnam modli poilim khunna Jezun Galiliechea Kana ganvant keli ti Juanvanchea xubvortomanant amkam melltta (Ju.2:1-11).To zaun aslo darvontto xisanchea kallzachem dar ugtem korunk ani tancho bhavarth vaddounk. Tantuntlea thoddea ghodditancher ami nodor marum-ia. April 2020 Divine Voice 7

8 Jezu aplea xisam sangata (Ju.2:2) Hea xubhvortomanant survatekuch ami dekhlam. Jezu aplea xisam sangata. Jea konnak Jezun aplo pattlav korunk apoileat, to tanchea sangata sombondh zoddtta ani eke familichea vangddia porim jiyeta. Tankam soglleank apovnnem aslem lognachea utsovant, zhoim to aplem poilem vizmit sobhemazar dakhoita. Jezu apunn Devacho chakor koso, provadiamni sanglole porim amche lagim ek mozbut mogacho sombondh zoddtta, zo amkam ekvottan sangata dovorta. Amchea bhavarthachi buniad kitem kai? Kaklutsar zaun Jezun amkam tache sovem bandun dovorleant ani amchem kristanvanchem jivit zaun asa zobab oslea mogak. Hachi soirigot itihas ghoddttolea don mogiam porim polleunchem. Dev ani mon xachi bhett zata, eka-mekak sodun kaddttat, utsov zata ani ekamekacho mog kortat: zoxe porim mogi mogachim gitam gaitat. Tea mogachea sombondhak lagun sogllem fattlean borem ghoddonk pavta. Igorz mata zaun asa famil Jezuchi, zhoim to Apli mogachi zhor vhanvoit asa. Ani hea Jezuchea mogak lagun Igorz mata bharim vaurta Jezucho mog soglleank ximpddaunk. Tanche lagim soro nam (Ju2:3) Hie ollint ami Jezuchie avoichem kalliz polleum-ia. Tanche lagim soro nam Konnachean zait, ruchikut tom soreachem vhoddlem jevonn nastanam lognacho utsov umedin korunk? (Is.25:6). Udok jivitak gorjechem zaun asa. Punn soro nam zalear koslinch fungsanvam sobonant. Soro kosleai utsovant chodd anond haddtta. Lognachea utsovant soro unno zalo, ani lognachim zoddpiam lojek sampoddlolim. Judevanchie porompore pormannem, kosleai utsovant soro ho gorjecho zaun aslo. Thoim Jude- 8 Divine Voice April 2020

9 vanchie xud dhi korpachie riti pormannem fatrachim sov donnam aslim. (Ju.2:6) Jezu tim udkachim donnam soreant bodolta. Jezu hie khunne vorvim amkam dakhoun dita ki Devan Moizesa vorvim sumurth dili, mayemog ani visvaxiponn Jezu Krista vorvim amkam favo zatlem. (Ju.1:17) Hem Bhag. Juanv tachea xubhvortomanant kollit korta. To sangit titlem-i-tumi korat. Kana ganvant Mariechem sangnnem chakrank zata mukutt lognachea utsovacho. To sangit titlem-i tumi korat. Vichitr dista: him zaun asat nimannim utram Mariechim amkam xubhvortomanant distat: him moladik totvam Maria amchea hatant ghalta. Aizui Maria amam soglleank sangta : Jezu tumkam sangit titlem-i tumi korat. Hem moladik totv amchea hatant omplam : Khorench sobit! Hacho bariksannin niyall kelear hachi soirigot ami tea bhavam-bhoinninchea bhavartha bhoxen zannim Sinai dongrar korar sthaptanam aplo soput dil lo te porim sogllem kitem jem Dev amkam sangit titlem-i ami kortoleat. (Ex.19:8) Ani tech porim Kana ganvant chakor Jezuchem utor aikotat. Jezun tankam mhunnlem, donnam udkan bhorat ani tannim tim otosor bhorlim. Tannim tankam mhunnlem, tantuntlem il lem kaddun logna-utsovachea karbhariak vhorun diyat. Tannim toxem kelem. (Ju.2:7-8) Hea lognachea utsovant ek novo korar ghoddon ailo. Sogllea Devachea chakrank mhonnge aichie Igorz matek ek novi yeuzonn Devachi favo zata: To sangit titlem-i tumi korat! Devak bhozop mhonnge- Devachem utor aikon ghevop ani tem vevharant ghalop. Hem samkem sompem zaun asa punn Maria, Jezuchie maincho ho poilo adex amam soglleank ani dor eka kristanvancho disa-dispott tto krom zauncho. Amkam zonn ekleank April 2020 Divine Voice 9

10 tea donnantle kaddunk ami Devachea utrancher purnnponnim aplo visvas dovrunk zai, amchea jivitant ami boreponn bhogtolim zalear. Tednanch ami kharbaria-sangatim, zannim soro zal lem udok chakun pollelem, ami-i mhunnonk xoktat. Tunvem boro soro atam porian dovorla? Hoi, Dev amkam sangta, boro soro atam porian dovorla to amchie soddvonne pasot. Je porim Jezu thaun rogtachi zhor vhavont asa amchie soddvonne pasot. Jezun apli mhoima fankoili (Ju.2:11) Hie ghoddnniecho xevott amcher ek formonn marlolea porim zalam. Hi Tachie khunna modli poili khunna, Jezun Galiliechea Kana ganvant keli ani apli mhoima fankoili ani Tachea xisamni tacher bhavarth thevlo. Kana ganvant lognacho utsov zaun aslo soyeg Jezuk aplem poilem vizmit dakhounk. Hea lognachea utsovant Jezu xisamsovem sombondh zoddtta eka novea ani nimannea korarant. Kana ganvant Jezuche xis zatat tachi famil ani teach kana ganvant Igorz matecho bhavarth utpon n zata. Ami sogllim ekttovleant hea lognachea somorombhant, kiteak ho novo soro amchea jivitant kednanch unno zauncho nam. 10 Divine Voice April 2020

11 Rev Dr Joseph Thondiparambil Bhag. Georgak Kristanv, Judeva ani Musolmanam modem man asa. Bhag. Georgak akhkho sonvsar man dita. Araba modem tachem nanv itlem porzoll llam ki taka Al- Khadir (panchvo char) mhonn vollkhotat. Zannaram modem ani porompore pormannem taka hem vichitr nanv tachea goddea koddlean poddlem karonn Arabi bhaxen grey korak pachvoi mhunnttat. Ani vhodda sonkhen Bhag. Georgak Kristi, Judev ani Musolman lok vollkhotat. Dusrie Vatikani Vixv Sobhe uprant Latin Povitr Sobhent Sevadhormik chollvoll suru zali ani April 2020 Divine Voice 11

12 Romachea calendar -ant zaitim bodlopam haddunk proyotn korunk lagle. Tea vellar 1969 vorsa Pap Saib Paulu VI torfen Latin Povitr Sobhechea sevadhormachi manddavoll choltali. Hea vorvim heram zaitea bhagevontam boroabor Bhag. Georgachem nanv kaddun uddoilam mhonn goirsomoz utpon n zalo ani atam tancho itihasik puravo mellonam mhonn bovall zalo. 494 vorsa Pap Saib Gelasius I oxem mhunnttalo, Bhag Georga oslo bhagevont mon xam modem utpon n zata ani tachio kornnio fokot Devakuch somzunk xoktat. Porompore pormannem Bhag. George ek Cappadocian (Turkey) Greek soinik aslo. To Roma Patxiacho Pretorian choukidar aslo zannem taka jivexim marchi soja diloli. To Abril 31vier 303 vorsa ek martir melo ani heach pasot Latin Povitr Sobha dor vorsa Abrilachie 23vier tachi porob somorombhta. Syro Malabar Povitr Sobha heram oriental Povitr Sobham borabor tachi porob Abril 24vier somorombhta. Bhag Georgachi avoi Palistan asli ani tacho bapui to sovlla vorsancho astanam somplo ani uprant tachi avoi Palestinak porot aili. Ti somplia uprant to Romachie foujent bhorti zalo ani ek soinik zaunk toyari kortanam to karatte xiklo. Taka foujecho bhagevont mhonn pachartat. Tachea jivitache don niyall asat. Ek greek bhaxent zo Panchvea xekddeant boroun dovorlolo ani dusro Latint zo sovvea xekddeant boroun dovorlolo. Greek borovpa pormannem Bhag. Georgachi tokli kapli ani tachi kudd Palistanak Liddak vhorun thoim purli ani uprant tachea manak thoim ek igorz bandun dovorloli. Latin pormannem oxem boroilolem asa ki Dacian patxian taka martir marlo ani sat vorsant taka vis pautti koxttailo ani uprant tachem xins kaplem. Islam porompore pormannem ho bhagevont porot jivont 12 Divine Voice April 2020

13 zalo ani uprant taka porot jivexim marlo. Punn soglle man ya kortat ki aplea Kristi dhormak lagun taka martir marlo. 313 vorsa Romacho Rajpal Constantine raj korche poilim Kristi dhorm ek bhairailolo dhorm aslo ani to pallunk konnak roja nasli. Konnui sampoddlo zalear taka jivexim martale. Bhag. Sebastiao haka Diocletianamni martir marlo. Kristanv lok Rajpalak Dev mhonn mandunk toyar nasle. Te Jezuk aplo Dev mhonn mandtale. Haka lagun Romache odhikari tiddxetale. Rajpalak Dev mhonn mandun gheun ani taka bhett bhettoun jivit jiyeunk hich ekvottachi buniad te sambhallunk sodtale. Punn Kristanv lok Rajpalacho somajik odhikar mandun ghetale tori aplem jivit Jezuchie xikvonnecher bandun haddunk vavurtale. (Mt 22:21) ani Bhag. Paulu (Rom13: 5-6a) Bhag. George ani tea rakhesachi khobor bhorpur nam nek pavlia. Ti Crusaders-ank lagun adhunik kallant famad zalia. Porompore pormannem ek rakhes aslo, to lokank ani tanchea sogllea jivea pranneancho bhosm korun uddoitalo. Hachio amkam zaitio khobro mellttat. Eka jivea mon xak tea rakhesak khaunk ghalchem poddttalem ani osli palli ek pautt eke rajkunvricher aili. George tea vellar thoinsorlean vetalo ani taka hi khobor kollun aili. Tannem Povitr khursachi kuru kaddun tea cheddvak tea rakhesachea chopkeantlem suttoilem. Hea rakhesachi khobor amkam otmik jivit jiyeunk yetolea avhanacho sondorbh dita. Ti Rajkunvorn zaun asa Povitr Sobha ani Bhag. Georgean kalljidarponnan fuddo korun zoit zoddlolem avhan zaun asa tachem zoit. Bhag. Georgeak tachea kalljidarponnak ani bhoktivont jivita pasot nam na favo zalia. Tachem devosanv Palistanak suru zalem. Tachie kuddichim haddam Palistanak April 2020 Divine Voice 13

14 Bhag. George aplea kalljidarponnak ani bhoktiponnak lagun famad zalo. LIdda gavant purlim ani amkam khobor asa ki bhagevontachem devosanv purvil lea xekddeantlean suru zalem ani tachea relikank bhavarthan man ditale. Palistanak thaun hea bhagevontachem devosanv Lebanon tem Byzantine porian ximpoddlem. Hea bhagevontak oriental firgozo man ditat. Keralant Puthupally asloli tachi firgoz sonvsar bhor famad zalia. Syro Malabar Firgozentlio kaim famad firgozo mhollear Edappally, Edathua ani Aruvithura ani tio sogllio Bhag. Georgeak bhettoileat. Bhag. George Englandacho patron odhikari ani zaitea desamni ani xaramni taka sorgincho vinonti-sagor mhonn svikarla. Bhag. George aplea kalljidarponnak, bhoktiponnak ani mhovallayek lagun khub famad zala. Ami pollelam tea pormannem Bhag. George ho mhalgoddo bhagevont zaka Kristanv, Judev ani Arab man ditat. Arabachea desamni Palistinak toklien sarke nant tankam BeitJala ( Bethlehemachea lagsar) aslolea bhuim-iarant haddttat ani thoim tankam thodde dis dovortat. Oxem mhunnlolem asa ki hea bhuimiarant Bhag. Georgeak sanklleamni bandun dovorlo ani uprant taka martir marlo. Muslim Arab sotmantat ki oxem kelear tankam punn ya mellttolem. Heach pasot Bhag. Georgak Vhoddlo Martir mhonn nanv dovorlam. 14 Divine Voice April 2020

15 Sompadnni: Bhag. Geroge zaun asa oneaya virud dh zhogoddpachem ek hatiar. Aplea ontoskornnachi suttka mellounk tannem aplem jivit korchilem. Aplio soiniki zababdario pallttanam tannem aplea bhavarthak poilo voilo zago dilo. Tannem Rajpalachem Rajpalak dilem ani Devachem tem Devak dilem. Rajpala ani Deva modem taka nirnoi gheuncho poddttalo tednam tannem Devak poilo zago dilo. Bhag. George aplea nirnnoyancher dhrudd ravtalo. Ek svotontr raj bandun haddunk to vaurtalo. SAVIO FRANCIS FERNANDES, SIRSI RAGIXTT MON XACHI IXTTAGOT ZODDUM NAKA, ROKHDDOCH RAG YETA TACHO SANGAT DHORUM NAKA, TIOCH VATTO TUM XIKUNK PAVXI ANI TUKACH TUM FASAK GHALXI. (MHONN 22: 24-25) Hanv mhojem business choloitam. Poilim hanvem Saudi Arabia, Qatar ani Muscat-ak kam kelam. Mhojea bhurgeaponnant thaun mhaka khub rag yetalo. Aiz pasun zaite lok mhoje lagim ulounk xokonant. Hanvem DRC-int mhozo poilo retir 2007 vorsa kelo tednam thaun Devan mhojem jivit upott axirvadamni bhorlam. Tannem mhaka khobor nastanam mhojea jivitant zaitio pekhovnnio keliat. Eka disa mhojea kuddant bosun, hanvem Devan mhojea jivitant kel lim sogllim vizmitam niyall llim ani hanv khuxalkayen bhorlom. Atam mhojea kuttumba sangata hanv khuxal asam vorsachea Jun mhoinneant hanvem DRC-int mhozo dusro retir kelo. Devacher mhozo bhavarth vaddla, Tannem mhaka novem jivit dilam. SORVESPORACHER PATIEUN RAVTAT TIM SUBHAGI. TANCHO VISVAS SORVESPORACHER. UDKACHIE DHODDER LAILOLEA RUKHA SARKIM TIM; TANCHIM PALLAM UDKAM-XIM PORIAN PAVTAT, ANI GORMI PODDTTA TEDNAM TANKAM KOXICH BHIRANT NAM, KITEAK TANCHIM PANAM PACHVIM URTAT, DUKOLLACHEA VORSA TANKAM HUSKO NAM, TIM FOLLAM DIIT ASTOLIM. (Jer 17: 7-8) April 2020 Divine Voice 15

16 AGNEL FERNANDES, MUMBAI ZAKA TUNVEM VINCHUN KADDLA, ZAKA TUJEA KHAXELEA ANGNNANT JIYEUNK APOILA, TO MONIS BHAGI. TUJEA GHORACHEA, TUJEA POVITR MONDIRACHEA DANAM- DENNEAMNI AMAKAM BHOR. ( STOTR 65: 4) Hanv eka Benkant nokri kortam ani kazari. Hanv Mumbaichea Diosezint Devsondexkaranchi akarnni korunk adhar ditam. Hanvem pondra vorsam fattim DRC-int mhozo poilo retir kel lo, tea fattlean dor vorsak hanv Kalyan, Taborant ek retir kortam. Mhojem graduation zatoch mhojea Devsondexkaran mhaka dotorn xikounk amontronn dilem. Mhaka Dha Updesam vixim patth diunk sanglem tea vellar bhurgeank koxem xikovop hem mhaka kollonaslem. Dha Updes mhollear mhaka dha olli oxem distalem. Hanv kachabul zalom ani hanvem Devak magnnem kelem. Tea vellar mhojea eka ixttan mhaka DRC-int retirak yeta kai mhonn vicharlem. Hanvem khuxalkayen yeta mhonn sanglem. Retirant Dha Updesancher ani Devachea mogacher poilench xibir aslem. Hem mhaka lagun ghoddoun haddlam mhonn mhaka gomun ailem. Dev mhoje vorvim aplem provadik kam fuddem vhoronk ani bhurgeanchim kallzam Devachea Utracher bandun haddunk aplo adhar ani kurpa mhaka dita mhonn mhaka khuxalkai bhogli. Aiz hanv subhagi mhaka Devsondexkarank akarnni diunchea kar yan makhlam. Hanv Devak vakhannttam ani to aplio bhasavnnio thirponnim fuddem vhoronk adhar dita dekhun mhoima ditam. Hem misanv fuddem vhoronk tannem mhaka vinchlam mhonn Devache upkar atthoitam ani to mhaka Povitr Otmeachi krupa ani uzvadd favo kortolo mhonn sotmantam. Mhojea kallzachea kholayek thaun hanv Devak argam ani din vas ditam. JIVEA ANI MELOLEANCHO MON SUBIDAR APNNAK DEVAN NEMLA MHONN LOKANK PORGOTTUNK ANI HAKA GOVAI DIUNK TANNEM AMKAM ADNEA DILIA. (DI 10:42) 16 Divine Voice April 2020

17 Soddvonnechea ithihasant jednam Dev kitem-i korunk sodta, tednam Devachea apovnneak aito aslolea mon xachi Taka goroz. Magnneant vell sarun Devachi vatt polleit asa toslea mon xanchi. Devachea Rajyachem Xubhvortoman heram-i ganvamni Hanvem porgottunk zai, tor heach pasot Devan Mhaka dhaddla (Lk. 4:43). Rev Dr Augustine Vallooran VC April 2020 Divine Voice 17

18 pautti amkam dison yeta, konn nam konn tori piddek sampoddlolo monis Jezuk mellttalo ani apleak Tachi pekhovnni melloun ghetalo. Jezu porthun fuddem veta tednam, lok Tachem boreponn gheunk axeun Tachi vatt polletale. To azun lagim asa, tor Taka ulo marat (Iz. 55:6) Devachem Raj portgottcho tin vorsam vaur Jezun hanga thoim bhonvun kelo. Ekach zagear To ravonk nam. Eka nograntlean dusrea nogrant, xara bhitorlean tem doria deger, Jeruzalea thaun Jerikek legun To bhonvlo ani Devachem Raj sthapunk bharim vaurlo. Vell thoddo punn xikvonn porgottcho vatthar khububh vhodd aslo. Xubhvortoman amkam zaitie pautti dakhoita, ki konn porim Jezu, vegim vegim eka vattharantlean dusrea vattharant veta tem. Ani dor Lukachem xubhvortoman 8vo avesvor he porim suru zata: Hache uprant provocheon korit ani Devachea Rajyachem Xubhvortoman porgottit Jezu eka-eka nograntlean ani ganvantlean vetalo. (Lk. 8:1) Galilie-chea nogrant Aplo vaur sompoun, nhoinchie poltoddi To Gerasene desant gelo. Porthun Aplie vatter astanam To Jairus-achea ghora vetalo, tednam 12 vorsam rogtpat zal li ek ostori Taka axeun ravtali, kiteak tika Jezuchi pekhovnni zai asli. Hi zaun asli tichea jivitachi bhou vorti ghoddi jednam tika soddvonn favo zaunchi asli. 18 Divine Voice April 2020

19 Lokanchie urponji modlean Ti Jezuk mellonk fuddem sorunk lagli, kiteak hi ghoddi tika chukli zalear porthun ghoddye kednanch mellchi nam oxem tika dislem. Povitr pustok amkam sangta ki tika 12 vorsam hi pidda asli. Tea kallar osli pidda asop mhonnge Devacho xirap mhonn mandun ghetale. Tika mhellie kuddichi mhonn mandun bhairailoli ani ti eksuri apli jinn sartali. Mhelleponnachea hea gupit dukhant tichea jivitacho sontos ani bhorvanso khuim tori kallkhant sanddlolo. Tori astanam tika Jezucher bhorvanso aslo. Jednam tika To bhett ttolo tednam tika pekhovnni favo zatoli oxem tichea monachea eka kon xeant riglolem aslem. Hi pidda tika Devacho xirap mhonn lokamni ticher xikko marlolean legun tika koslem karonn aslem zait Jezuchie pekhovnniek axeun ravonk? Povitr Pustok amkam tichea khol bhavartha vixim sangta: Tachea vostrankuch hat lain zalear, hanv borim zatolim (Mk. 5:28). Jezun tichea bhavarthachi tokhnnai keli ani tika mhunnlem: Dhuve, tujea bhavarthan tuka bori keli. Xantin voch atam. (Lk. 8:48). Jezuchie pekhovnniek axeun ravop zali tichea bhavarthachi govaiki. Lukachea xubhvortomanant 19vea avesvorant, Jezu Jerikechea nogrant lokachie urponji modlean veta. Apli vatt ani fuddlo rosto To besboro zanna astanam-i, eka zhadda khala yeun thambta. April 2020 Divine Voice 19

20 Tea zhaddar aslo Zakev nanvacho ek monis, zo Jezu konn tem polleunk ravtalo. To zanna aslo ki Jezu bhonvtonnim ubo ravunk taka favo naslem vo urponjintle lok tachem patki soimb zanna zaun taka Jezu lagim yeunk diunche nasle kiteak apleach lokank to tras kortalo. Tanche koddchean hispa bhair dondd ektthaim korun to Romi rajkarbhariank ditalo. Sogllea lokanchea kallzant tache babtint rag aslo, dekhunuch poisul lean to Jezuk polleunk axelolo. Apleak Jezuchi kaklut favo zatoli oso bhorvanso taka aslo. Jezu aple vixim kitem chintit oxe prosn tachea monant asle. Eka rumbddachea zhaddar choddun Jezu vetolo tie vatter to taka polleunk boslolo. Lokanchi urponz tie vatten vetanam, Zakevachi nodor Jezucher poddli, ani oso tannem tallo aikolo, Zakev, vegim denvun ye. Jezun taka tachea nanvan ulo kel lo. Tachea ghorant vechem ani tanger jevnnak boschem Aplem mon Jezun sogllea hujir ugtem kelem. Lok gunngunnunk lagle ani Farizev aple bhitor ulounk lagle. Zakevacho bhorvanso funkott vochonk nam. Aiz hea ghorak taronn ailem, oxem Jezu udgarlo. Ek deivik xokti hea vellar Zakevachem mon ani akhkhench jivit bodolta. Tacho rag, khottie axechem mon ani apleponnachim bhavnam ekech ghottken nanch zata. Mog ani udarponn tachea jivitant rig gheta ani oso to udgarta, Saiba, polle, mhaka asa titleachoi ordo vantto hanv goribank ditam, ani hanvem konnak fosoileant zalear choupott portun ditam (Lk. 19:8). Zakev samkoch novo zata ani tachem jivit ani ghor soddvonnen bhorta. Bhag. Juanvachea xubhvortomanant amkam melltta konn porim Jezu Jeruzaleant Bethsaida mhunnttat tea zagear yeta, zhoim atthtis vorsancho ek arkar boslolo aslo. Tachea jivitant 20 Divine Voice April 2020

21 niraxiponn bhitor sorlolem, punn taka azun bhorvanso aslolo ki takai ek dis hie piddentlean suttka favo zatoli mhonn. Udok halta tem to polletalo. Sorvesporacho dut kednam kednam tollient denvtalo ani udok haloitalo, oso tancho somoz aslo. Piddenvontank aplim ghorchim rokhdinch tea udkant buddounk adhar kortalim kiteak tancho somoz aslo, ki zo konn poilo udok hal lem mhonnttoch udkant veta, taka pekhovnni favo zata. Borim zaun, aplie piddek fattim soddun, him mon xam khuxalkayechea umalleamni vetat tim to polletalo. Taka tea udkant devounk adhar korcho konnuch naslo. To axeun ravtalo ki kednam-i tori konn apleak udkaxim vhortolo. Hem koxem zatolem tem taka khobor nasli punn taka bhorvanso aslo. Hea tachea bhavarthacher Devan upott axirvad ghalo. Jezu tachexim yeta ani oso taka prosn ghalta, Tum boro zaunk sodta? Tacho bhorvanso funkott vochunk nam. Tea bhorvanxeachem foll taka favo zalem. Devan tacho tallo aikolo ani tachea adharak pavlo. Sodanch magnnem korchi goroz ani jiv soddcho nhoi (Lk. 18:1) Axeun vatt pollevop mhonnge bhavarth asop. Jednam monis apleach vadeacho zata ani apnnak zai tem korunk lagta, tednam Devak aplea jivitant vaurunk to sondi dinam. Soddvonnechea itihasant jednam Dev kitem-i korunk sodta, tednam Devachea apovnneak aito aslolea mon xachi Taka goroz. Orombhak thaun amkam dison yeta konn porim Dev, Abraham bapacho bhavarth topasta. Tachi sonstha doriantlie renve ani mollbavelea nokhetram sarki vhodd zatoli mhonn taka Dev bhas dita. Sogllie porjecho taka bapui korchem utor taka dita. Punn hem sogllem fokot Devan nemlolea kallar purnn zaunchem aslem. Ho vell vo kall khuincho to April 2020 Divine Voice 21

22 taka Devan kollounk nam. Bhovtonni aslolim, bapui zauncho tacho aunddo ani mon polleun tachim kebaddam kortale, kiteak taka 20 vorsam voir bapui zaunk ravchem poddlem. Punn Devacher tacho bhavarth unno zaunk nam. Devacher tacho bhavarth itlo okhondd zal lo, ki kall bhortoch, aplea ekleach putachi boli choddounk legun to fattim sorunk nam. Abrahaman lakddamni bandlolea altarar aplea putak ghalun, taka topunk toyar aslo, ani tednanch tachea putak marcho nhoi mhonn sorgar thaun taka khunna favo zali. Hea sogllea ghodditamni taka Devacher purnn bhavarth aslo ani Dev taka kednanch sokol ghalcho nam mhonn to zanna aslo. Aplea jivitachem purai somorponn tannem Devak kel lem. Jezu sorgar veche adim, Aplem raj to kednam sthaptolo, oso prosn xisamni Jezuk kelo. Somia, atam Israel-raxttrachi razvottki Tum novean sthapun ditolo to vell pavlo kai? (D.I. 1:6). Xis azunui sonvsari monache asle. Devacho vell kednam yeit, hacho somoz tankam naslo. Aichea kallant legun amkam zaite monis mellttat, je apunn Devachea rajyache bhaknnar mhonn dakhoitat ani Jezu kednam porthun yetolo to vell sangtat. Xisanchea prosnak zap diun Jezun mhunnlem, Bapan Aplea odhikaran nemlole kall ani ghoddio zanna zaunk tumkam poddlolem nam (D.I. 1:7). Portench zalear tankam Jezu magnneant vell sarun, Povitr Otmeachi vatt polleunk sangta. Jezu amkam, Kristi jivitacho maz asa tachi vatt dakhoita. Magnneant vell sarun Devachi vatt pollet ravonk sangta. Sorvesporachi vatt hanv polleunuch asam, Tachea utracher hanv patieun ravtam. (Stotr 130:5) Venchik putachie voparintlean, patok konn porim bhirtor sorta tem Jezu amkam dakhoita. Ho 22 Divine Voice April 2020

23 put, aplea bapaichea vellak toyar naslo. Vella poiloch apleak poddtta to vantto gheun, aplem jivit aplea nema pormannem cholunk to sodi. Apleak poddtta to daizacho vantto gheun to aplie vattek lagta. Aplea vadeacho zaun, daizacho vantto, tannem ibaddlo ani xevttim dukram poscho vaur korunk poddlo. Oslea vellar taka dison yeta ki konn porim tannem aplea jivitachi vatt lavun ghetli ani tachea bapachem daiz ibaddlem tem. Hea kallkhantlo bhair soronk, tannem aplea bapaxim porthun vechonk chintlem ani tacho ek chakor koso ravchem mon kelem. Jednam aplea bapaik to bhettlo, tednam taka somzun ailem, ki to chakor nhoi, punn tachea bapacho put ani sodanch tacho putuch urtolo. Vhodda somorombhantlean Bapan taka porthun ghetlo. Sevok zavop mhonnge dhoniachie adnechi vatt pollevop ani tachi adnea mandun ghevop. Devachea putak zolm diuncho nirop Maim Mariek pavlo tednam, hea misanvancho hetu tika kollonk, kaim gozali khubuch aughodd laglio. Tichem mon ani kalliz sogllench ghuspolem. Punn tori astanam hi Devachi vatt mhonn tika gomun ailem ani aplea akhkheach jivitachem somorponn tinnem Devak kelem. Hi asa hanv Devachi chakorn: zaum mhoje sovem tujea utra pormannem. (Lk. 1:38). Ani he porim soglleam von xrextth misanvank tinnem khand marlo ani tem xarti pavoilem. Elizabetin tika bhagi ostori mhonn pacharli, kiteak sogllem fattim dovrun tinnem kalljidarponnan Devacho vaur mandun ghetlo ani aplem jivit Devachea hatant ghalem. Ani Devan tuka sanglam tem purnntayen pallon yetolem mhonn tunvem bhavarth dhorlo dekhun tum subhagi! (Lk. 1:45). Devachie purnntayent ho khol bhavarth aplea svotachea jivitant Devachi goroz bhorun April 2020 Divine Voice 23

24 kaddunk konn ekleak podvi dita. Sorvesporacher visvas thevtat tim novea bollan bhoron yetolim (Iz. 40:31) Sumar 10 vorsam fattim, ek kazari zoddem mhoje lagim ailem. Tim retirant vantto gheunk ailolim. Tim dogaim Engineer zaun aslim ani dudduvam votten tankam kainch unnem naslem. Unnem aslem tem eka bhurgeachem dennem. Tim avoi bapui zaunk axeun ravtalim. Dotoram pormannem dadlea bhitor ogunn aslo dekhun tankam bhurgem rochonaslem. Dotoramni tankam suchoilem ki tannem Voizuki Vidneanacho vapor korun, IVF (in vitro fertilisation) hie pod dotin bhurgem zolmounk zata mhonn. Hi pod dot atam chalti zalia ani zaitea zonnank tantunt yox mell llam oxem-i dotoramni sanglem. Hache vixim nirnnoi gheunk tim purnnponnim toyar naslim. Bhirantin tanche bhitor rig ghetli. Ani hakach lagun, magnneacho adhar gheunk tim mhojexim ailolim. Ho vidneanik proyog korunk ani sogllem borie bhoxen zaum mhonn tim mhaka magunk sangunk laglim. Tednam hanvem tankam sanglem ki igorz mata oslea proyogank porvan gi dinam. Te povitr sobhe ani igorje add vetat tosle proyog. Deva lagim zainam toslem kainch nam oxem hanvem tankam sanglem. Devachea vella ani kallachi vatt polleunk ani Tachi khuxi tanchea jivitant zaunk axeun ravunk, hanvem tankam sanglem. Devachi khuxi mandun gheunk ani Dev dita tednam bhurgeachem dennem mandun gheunk ravonk tim toyar zalim. Devak argam diunk tannim tednanch suru kelem kiteak tim zanna aslim ki Dev tankam jerul hem dennem favo kortolo mhonn. Don vorsam fattim jednam ti porthun hanga ailim, tednam tanchea dogainchea hatant ek ek bhurgem aslem. Devan tankam 24 Divine Voice April 2020

25 zonvllea bhurgeanchem dennem favo kel lem. Sogllea lokam mukhar ubhim ravon tannim aplea jivitachi govaiki dili ani koxe porim Devachea vellak ravlear amkam Dev denneamni bhorta tem soglleank kolloilem. Adhunik kallant monis konta pormannem cholta. Apleak zai tem koxiei bhoxen melloun gheunk to proyotn korta. Dusreank vo Devachea vellak ravonk to toyar asonam. Apleacheach vadeacho to zata. Sonvsarak to dakhoun diunk sodta ki apunn kitem korta tem sarkem ani hiech bhoxen tem zaunk zai. Ani oxem korun, Devachi kurpa ani besanvam to monis sanddun dita. Bhorvaxeachi vatt amkam Devachie khuxiek aitim korta ani Devan amchem jivit akarunk ek sondi zata. Povitr Otmeachie zannvayen ami amchem jivit cholounk gorjechem. Devachea utrachea uzvaddant amchea jivitache nirnnoi gheunk zai. April 2020 Divine Voice 25

26 CHRISTIE D COSTA, THANE KOSLECH HUSKE KADDINAKAT; SOGLLEA TUMCHEA MAGNNEAMNI TUMKAM GOROZ TITLEM-I DEVAK KOLLIT KORAT, PUNN TUMCHIM MAGNNIM DIN VAXI KALLZAN KEL LIM ZAUM-DI. (FIL 4:6-7) Logn zaun mhaka don bhurgim asat vorsa hanvem DRCint mhozo poilo retir kelo. Oxench polleunk mhonn hanv gel lem. Mhojea sangata mhojim don bhurgim aslim punn khuxemonan ani urben hanv sogllea session -ant vantto ghetalem vorsa Agost mhoineant mhozo ghov aplea vaura zagear bexud dh poddlo. Taka hospitalant ICU-nt bhorti kelo ani uprant tachi sarki topasnni kortoch taka Brain tumor asa mhonn gomun ailem. Mhojea akantachea vellar hanvem DRC-nt magnneachea zomeak tache pasot magunk fon kelo. Dotoramni tachi poristhiti gombhir asa mhonn kolloilem ani uprant tachem operesanv kelem. Operesanv borie bhoxen zalem. Eka sumana bhitor mhozo ghorkar boro zalo ani to aplie nokriek vochunk laglo. Atam vis vorsam zait aileant to ekdom boro asa vorsa hanvem din vasnniechea retirant vantto ghetlo. Mhozo bhav ani tachi bail bhurgeachem dennem axetalim. Lognik jivitachim panch vorsam taka bhurgem naslem dekhun ti ani mhojim xezarim zanchea lognik jivitant uchambollai asli tim mhoje sangata retirak ailim. Mhojea xezariank tanchea kuttumbik jivitant somadhan favo zalem ani tim khuxal zalim ani chear mhoineamni mhojea bhavachie bailecho kusvo sombhovlo ani taka cheddo bhurgeachem dennem favo zalem. Mhozo put BBC Neutral Science korun botticher kam korta, aiz pasun tannem chear viyaji marleat punn to khuxal nam. Tannem don pautti apli bott bodol lia. Chear mhoine poilim hanvem DRC-int vinontichea zomeant tache pasot magonk sanglem ani eka sumana fattlean taka bori nokri favo zali. Atam to khuxal asa. Dev amchea jivitant bhett dita tednam sogllem borie bhoxen cholta. Hanv vortea Devak argam ani din vas ditam. HO POLLEYAT MON XAM MODEM DEVACHO TOMBU! TO TANCHEA SANGATA RAVTOLO, TIM ZATOLIM TACHI PORZA ANI HOCH TAN- CHEA SANGATA DEV ZATOLO TANCHO DEV. (Prok 21: 3-4) 26 Divine Voice April 2020

27 Jednam Moizes zanntto zalo tednam tannem akhkhea Israelak oxem sanglem, Mhaka ekxem - vis vorsam bhorlim ani atam mhojean mhaka zai toxem bhair - bhitor sorunk zainam. Tea bhair Sorvesporanui mhaka sanglam, Tum hi Jordan nodi utorcho nam. Sorvespor tuzo Dev tuje mukhar vetolo ani hea raxttranchem nisonttonn korun tankam tumche adhin to kortolo ani Sorvesporan sanglam toxem Joshua tumche mukhar vetolo. Dhir gheyat ani ghott ravat, tankam bhiyenakat, tanche mukhar kampum nakat, kiteak Sorvespor tumcho Dev. To Tumche April 2020 Divine Voice 27

28 borabor choltolo, to tumkam visorcho nam, nam mhonn sanddchoi nam. Tednam Moizesan Joshuak apoilo ani akhkhea Israela hujir taka mhunnlem, Dhir ghe ani ghott rav, zo des Sorvesporan tanchea purvozank ditolo mhonn soput dila, tea desant tanche borabor tum bhitor sortolo, ani tunch to tanche adhin kortolo. Sorvespor tuje mukhar choltolo. To tuje borabor astolo, tuka soddcho nam ani sanddchoi nam, bhiyeum naka ani ang kaddinaka. Uprant Moizes Moabachea Nebo dongrar Jerikechea samkar aslolea Pisgache tengxier choddlo ani Sorvesporan taka akhkho des dakhoilo. Tednam Sorvesporan taka oxem sanglem, Ho des Abrahamak, Izakak ani Jakobak ditolom mhonn hanvem soput ghetlolo, dekhun hanv to tuje sonstik ditolom. Tujea dolleamni to des hanvem tuka polleunk dilo khoro, punn tum thoim pauncho nam. Sorvesporachea nirnnoya pormannem Sorvesporcho sevok Moizes thoim aslolea Moaba- 28 Divine Voice April 2020

29 chea ganvant melo. Tednam taka thoim aslolea fallkeant purlo. Punn aiz porian tachi somadhi konnak mellunk nam. Moizes melo tednam taka ekxem vis vorsam aslim ani tachea dolleanchi nodor unni zaunk nasli toxench tachem boll denvunk naslem. Moabachea moidanar Israelachio put-dhuvo Moizesak tis dis roddlio. Xekim Moizesa khatir dukh korpache dis somple. Nunacho put Joshua zannvayechea otmean bhorlolo, kiteak Moizesan tacher aplo hat dovorlolo. Oxem Sorvesporan Moizesak dil lo hukum pallun Israelachea putam-dhuvamni tachem utor aikolem. Akhkhea Israelant Moizesa oslo provadi anik konnuch kednam dixtti poddunk nam. Sorvespor Moizesa koddem mukha-mukhim uloitalo. April 2020 Divine Voice 29

30 AMOGH TAVEZ D SOUZA, BANGALORE SOGLLIM TUMI KOXTT KORTAT ANI OJEACHEA BHARA KHALA ASAT TIM, MHOJE-XIM YEYAT ANI HANV TUMKAM SOMADHAN KORTOLOM. (MT 11:28) Hanvem MBA kelia ani atam ek Customer Service Associate-acho Accenture koso vaur kortam. Hanv ek o-kristi ghorabeantlo ani mhojea kuttumbant soglloch ghuspagondoll. Mhojie avoik hanvem eke Kristi xallent xikche oxem dislem dekhun tinnem mhaka Hublint, Don Bosco High School-ant bhorti kelo. Mhojea sorvbhonvtonnim sogllim Kristi bhurgim, padri ani xant vatavoronn aslem ani haka lagun hanv Jezucho mog korit gelom vorsa hanv mhoji avoi, bhav, xamai ani atem Povitr Snan gheun Kristi bhavarth vengoilo. Eka vorsa fattlean krist prosad xevlo. Tea uprant hanv Jezuk chikttun ravlom. Atmsomorponna vellar amchea jivitant ami kitem bodlunk sodtat tem amkam borounk sanglem. Tednam hanvem Jezu lagim zaite upkar magle ani mhojem kagod tea bokxant ghalem. Tea vellar thaun zaitim mhojim kamam xarti pavlim. Mhojem xikop kortanam mhaka ek pautt obsoyeg ghoddlo, hanv mornnachea chopkeant aslom, tea vellar Povitr Otmean mhaka vatthailo. Hanv eka gorib ghoranneantlo punn mhojem fuddlem xikop korunk mhaka zaitea on-vollkhi mon xamni duddvancho adhar dilo. DRC-int retir kelea uprant dor disa hanv Devacho mog mhojea jivitant onnbhovtam. Tannem mhojio sogllio itsa purnn keliat. Tannem mhaka Povitr Sobecho vangddi kela. 2019, Junachea mhoineant hanvem DRC-int retir kelo ani Devak din vaslo tea vellar mhojea fuddlea vauracher Devacho axirvad maglo. Devan mhojea kuttmbak zaitea denneamni bhorlam. Tech borabor mhojea dhaklea bhavan drugs-achem veson soddun diunk hanv Dev-Bapa lagim visvasan magtam ani he porim mhojie avoicho bhavarth vaddounk vinoitam. Hanv Devak argam ani din vas ditam. ASHISH ROMIN KUJUR, MADHYA PRADESH MHOJEM ANG ANI MHOJEM KALLIZ MOGAN VIRTAT. TUM MHOJEA KALLZACHO DEV, MHOJEM DAIZ SASNNACHEA SASNNAK! (ST.73: 26) Hanv ek middle class familintlo xikpi ani competitive exams diunk toyari kortalom vorsa hanvem DRC-int mhozo poilo retir kelo. Tednam thaun Dev mhojea sangata asa 30 Divine Voice April 2020

31 ani mhaka soddcho nam mhonn mhaka khatri mellttali. Tea uprant hanvem chear retir keleat. Fatllea vorsa hanv mhakach gunneanvkari oxem disonk laglem. Mhojea monant vaitt chitnam yetalim. Hanv DRCint retirak gelom ani jem vaitt ghoddlam tem koxem sarkem korunk zata tem chintunk laglom. Retirachea poilea disa Padr John Misachie bhettent oxem udgarlo, Kumsar, counseling ani xikvonn ditat tednam tumchea sogllea prosnanche tumkam zobab mellttole. Devan ho sondex mhaka dila mhonn hanvem bhavarth dovorlo. Hanvem mhojem mon Devachea Utracher dovorlem, mhojem mon ugtem zalem ani bhavarth vaddot ravlo. Devachem Utor aikunkuch nhoi punn amchea jivitant tem jiyevop khub gorjechem mhonn mhaka kollun ailem. Tednanch milagri ghoddttat. Mhojea unnea bhavarthak Devachea Utrak bhorvanso utpon n zalo. Povitr Otmeachea uzvaddan mhaka ghottai favo zali. Hanv Devak argam ani din vas ditam. PUNN BAP MHOJE NANVIM TUMKAM DHADDTTOLO TO XAROTI, MHONNGE POVITR OTMO, TUMKAM SOGLLEM XIKOITOLO ANI HANVEM TUMKAM SANGLAM TEM SOGOTT TUMCHEA MONANT HADDTTOLO. (Ju 14: 26) ALPHONSA MATAHI, BANGALORE Ami panch bhoinni ani ek bhav. Hanv eka IT department-ant training dita. Mhaka fatti-konneant bhorpur dukh yetali. Hanvem zaitim zhadd-paleachim vokhdam kelim punn kainch boreak poddonam zalem vorsa hanvem DRC-int retir kelo, to mhozo poilo retir aslo. Hanvem ek borem kumsar kelem. Pekhovnniechea vellar hanvem mhojem kalliz Jezuk ugtem dovorlem, Jezu mhojea kallzant proves korta hem disnnem mhaka dislem. Atam 24 vorsam zalim mhaka fattichi dukh kednanch yeunk nam. Hanvem DRC-int bara retir keleat ani tannim mhoji jivitachi magnneachi buniad ghott korunk mhaka adhar favo kelo. Hanvem ek okristi bhavak Jezu sorxim haddlo ani atam to Jezucher bhavarth dovorta. Junachea mhoineant 2019 vorsa ek zhodd kalliz gheun hanv retirak gelem. Chear sumanam mhojem mon sthir asunk nam, pekhovnniechea vellar mhoje bhitor kampero suttlo ani mhojea kallzant xanti onnbhovli. Povitr Otmeachie xoktien mhojean mhoje notes borounk zatole mhonn mhaka khatri mell lli. Sorvesporachea adharan mhaka xokti favo zali. Hanv Devak argam ani din vas ditam. SONSNNIKAYE VORVIM TUMCHI TOPASNNI ZAUM, DEVAK AMI MANDONK PAVTANV; ANI TOPASNNIEN DEVAK MANDTOLEANV MHONNTTOCH, AMCHEA KALLZAMNI BHOR- VANSO UPZOTA. (Rom 5:3-5) April 2020 Divine Voice 31

32 BATMI Cholchitrant kam korche khatir Polish actress bhoktachi ddairi vachta Washington USA : Love and Mercy : Faustina hea novea cholchitrant St. Faustina Kowaisaka hachi bhumika korche khatir Polish actress Kamila Kaminska hinnem apleach desachie eke ostorien boroiloli ddairi vachli. To zaun aslo ek ojapancho onnbhov oxem Kaminskan Otubr 31vier telefonacher New York thaun uloitanam Catholic News Service-k sanglem. Tednam ti Otubr 28vier Polandak thaun ail li jednam US-ant xembhoramni sinema ghoramni hem cholchitr prodorxit zatalem. Hanv vachtalim, hanv aikotalim te audio books ani diaries, Mhozo hoch hetu aslo ki chitrikoronn suru zaunche adim, hanvem diaries vachunk zai aslio karonn to zaun aslo ticho ek sondex. He udexim mhaka adhar mell llo hanvem cholchitrant kitem korunk zai tacho. Kaminkan mhunnlem. Mhaka zaito otmik onnbhov mell llo. Tednam mhaka roddonk suttlem, kednam-i mhaka distalem, hanvem mhojem jivit bodlunk zai, zoxem Mog ani kaklut : Faustina. Polish ani English hea donui bhasamni kelolem, hea cholchitrachem chitrikoronn choltanam, dog ostorio ani ek dadlo Jezuk bhettlim, tinnem mhunnlem, Tankam hem ek ojap, hea onnbhova khatir tim upkari, karonn hea udexim tankam apovnnem ailem, hench tem ojap. Iraq-antlea Kristi ganvant moddlolio Igorzo ani Igorzanchea Imarotinchi durust korpacho vaur suru Mosul, Iraq : ISIS hanchea tabeant aslolea vattharank suttka mellttokoch don vorsam uprant Iraqantlea Ut tor Mosulantlea Nineveh Plains-ant Kristi jivit souka souka porot zaru zata. Aid to church in Hand (ACN) hancho secretary general Philip Ozores hannem Nineveh Plains hea zageak bhett diun kaim porgottonnio kelio: Igorzank zagear haddop, he udexim je lok Kurdistan-antlean porthun aileat tea ganvchea lokam modem ek khatri nirmann korcheak survat 32 Divine Voice April 2020

33 zata. Unnem-unnem mhollear 45 tokke lok je 2014 vorsa ISIS-achea khor hol lea udexim pollun gel le te porthun aileat; dukanam porthun ugoddleant, zaitim ghoram durust keleant ani Igorjeachea jivitak nett aila. Vaur suru zala, zoxem bailanchea zomeamni, xallamni ani radio udexim dista. Hem porot yenneachem mottem kam ACN haka adhar ditoleanchea borea dekhnnaram udexim zalam. Aplo somudai Iraqant porot jivall zalo mhonn sotmandunk zaitea Kristanvank visvas lagonam. Itle lok soddun vetale ki lokam modem surokxitponnachi ani aspotichi ghottsann lokam modem porthun nirmann korchi goroz asli, je udexim Iraqachi Kristi loksonkhea aplea Igorzanchim ghoram ani bhattam-bensam porthun sarkim korop hi, ek bazu. Novea bildding planam modem chodd mohotvachem mhollear Great Al-Tahira Chruch, ji zaun asa Iraqachi vhoddantli vhodd Igorz. Bhadeda hea Iraqachea vhoddantlea vhodd Kristi xarant 95 tokke Syriac Catholic jiyetat. Yezidi-Kristi hea lhan xarant Syriac Orthodox lok jiyetat. Bashiqa hangasor aslolem Najem Al-Masbrik Hall, ACN-an novean bandunk tharailam. Ganvchie Igorjek hea hall-ant lognachea somorombh korunk adhar zatolo. ACN-an 13 her yeuzonno hatant ghetleat zacho korch $ 800,000 itlo asa jea udexim Syrian-Catholic, Chaldean, ani Syrian Orthodox Christianshankam novean aplea zagear xantikayen porthun yeunk favo zatolem. Catholic, Jewish ani Muslim fuddari itsa-mornnak virodh kortat: Vatican Xar: Catholic, Jewish ani Muslim fuddariamni apli nixanni korun itsa-mornnak ani atmhotyank virodh dakhoun Pap Saib Francis-ak ek dakhlo dila. Tea tin Abrahamic monotheistic dhormancho hetu ekuch ani te jivit kabar korpachie poristhitik fuddo korunk koblat ditat. Ami sogllea toranchea itsamornnak virodh kortat - jem soroll asa, mud dom ani zanna zaun atmhotya korop dotoranchea adharan keloli atmhotya kiteak tem monisponna bhailem ani dhormik nodren pasun vankddem, mhonnun tem kosleach ottim vinnem bhairaunk zai. Oxem to dakhlo mukhar mhunntta. Mornnak pavlolea eka piddestak jivit kabar April 2020 Divine Voice 33

34 korche khatir dhomkavop hem spoxttponnim kaddun uddoilam. Pap Saib Francis lokank bhett ditalo, tea vellar ho dakhlo taka dilo. Hea dakhleacher American Jewish Committee khatir David Rassen, Vatican-a votin Orthodox church-icho protinidhi Vincenzo Paglia ani Indonesian Muhammadiyah, hea Islamic social and cultural association-a torfen Samsul Anwar hannim apli nixanni kelia. Ho dakhlo sangatan korchem mon, Israeli National Council on Bioethics hacho Copresident Rabbi Abraham Steinberg, hache koddchean ailem, ani tannech Pap Saib Francisa koddem utor ghalem, zannem to mukha veli karvai korunk Pontifical Academy for Life hanche koddem dilem. DIVINE INSTITUTE OF BIBLE SPIRITUALITY conducts two residential courses on Bible. These courses are designed as a spiritual journey through all the books of the Bible, from Genesis to Revelation. The Institute provides an opportunity to study the Sacred Scripture in an atmosphere of prayer and meditation. Renowned Scholars take classes on Bible expounding the words and events of the Bible elucidating their messages. The courses are open to Priests, Religious and Laity and are organized in view of their spiritual growth and effective ministry. Short Term Course (English) Long Term Course (English) 19 April May July March 2021 Prior registration (required) Rs. 100/- Prior registration (required) Rs. 500/- Course Fee payable on arrival* Divine Retreat Centre, Muringoor P.O. Chalakudy, Kerala , India, Tel: / , Fax * Includes boarding and lodging costs Rs. 5,000/- Course Fee payable on arrival* Rs. 30,000/- For further details contact: Director, Divine Institute of Bible & Spirituality Divine Retreat Centre, Muringoor P.O., Chalakudy, Kerala , India divinebiblecourse@gmail.com Website: Tel: Divine Voice April 2020

35 April 2018 Divine Voice 35

36