NAVODAYA VIDYALAYA SAMITI PROSPECTUS NA KA BYNTA KA JAWAHAR NAVODAYA VIDYALAYA SELECTION TEST-2022, BAN IOH RUNG SKUL HA KLAS VI NAVODAYA VIDYALAYA SK

आकार: px
पृष्ठ पर प्रदर्शन शुरू करें:

Download "NAVODAYA VIDYALAYA SAMITI PROSPECTUS NA KA BYNTA KA JAWAHAR NAVODAYA VIDYALAYA SELECTION TEST-2022, BAN IOH RUNG SKUL HA KLAS VI NAVODAYA VIDYALAYA SK"

प्रतिलिपि

1 NAVODAYA VIDYALAYA SAMITI PROSPECTUS NA KA BYNTA KA JAWAHAR NAVODAYA VIDYALAYA SELECTION TEST-2022, BAN IOH RUNG SKUL HA KLAS VI NAVODAYA VIDYALAYA SKHIM KA JINGLAMPHRANG Ha kaba iadei bad ka National Policy of Education (1986), ka sorkar India ka la sdang ia ka Jawahar Navodaya Vidyalaya (JNVs). Mynta ki JNV ki la phriang ha ki 27 tylli ki jylla bad 8 tylli ki Union Territories. Kine ki skul ba don lang ki jaka sah kynthei bad shynrang, la bei tyngka bad la pyniaid da ka sorkar kmie lyngba ki Autonomous Organisation, Navodaya Vidyalaya Samiti. Ka jingioh rung ha JNV ka dei lyngba ka JAWAHAR NAVODAYA VIDYALAYA SELECTION TEST (JNVST) ha ka klass VI. Ka ktien pdeng ba hikai ha ki JNV ka dei ka ktien tynrai lane ka ktien jong ka thaiň ba don ka JNV haduh klas VIII. Nangta pat ia ka Jingkhein bad Saian da ka ktien phareng bad ia ka social saian da ka Hindi. Ki khynnah skul JNV kiba ialeh eksamin klas X bad klas XII ki hap hapoh ka Central Board of Secondary Education. Katba ka jingpule ka long kaba ioh ei, kynthup ia ka bam ka dih, ka jaka sah, ki uniphom bad ki kot ki sla, ka bai skul kaba jem ha ka dor Rs. 600/- shi bnai, yn lum tang na ki khynnah kiba pule ha klas IX XII na ka bynta ka Vidyalaya Vikas Nidhi. Hynrei, Ki khynnah ki ba don ha ka thup jong SC/ST, ki khynnah kynthei, bad kito kiba na ka ïing kaba ka jingioh ka long hapoh u laiñ ka jingkyrduh (BPL), yn pynlait na ka jingsiew bai skul. Ha kaba iadei bad ki khun jong ki nongtrei sorkar, lait noh kito kiba don ha ka thup (Ki khynnah klas VI VIII, SC/ST, Ki khynnah Kynthei bad ki khun jong ki long iing BPL) ki hap ban siew sha ka Vikas Nidhi ha ka dor Rs. 1500/- shibnai lane kat kum ka Chlidren Education Allowance ba ioh da ki kmie ki kpa (na ophis) shibnai (kat kaba rit). La kumno kumno ka jingsiew sha ka VVN kam dei ban duna ia ka Rs 600/- shibnai na uwei u khynnah. Ki mat ba kongsan jong ka Skhim (i) Ban pynioh ia ka jingnang jingstad kat kum ka juk mynta, kynthup ka jingtip ha ka jingiadei bad ki kolshor bapher bapher, ban pynrung ia ka sap ba kyrpang, ka jingtip ia ka jingiadei bad ka mariang, ki kam shlur bad ki

2 (ii) jinghikai kilan met khamtam ia kito ki khynnah na nongkyndong kiba don la ki sap ki phong bapher bapher. Ban pynthikna ba ki khynnah kin ioh bad pynroi ia ki lai tylli ki jait ktieñ. (iii) Ban kyntiew ia ka jingiatylli ka ri hapdeng ki khynnah lyngba ka skhim Migration, ba ki khynnah ba kren ktien Hindi kin leit sha ki jaka bym kren Hindi bad kumjuh ruh ia ki khynnah bym kren Hindi kin leit sha ki jaka ba kren Hindi. (iv) Ban pynmih ia ki skul kiba bha ki ban long ruh ki nuksa ia kiwei pat ki skul ha ki distrik, bad ba kin long ruh ki skul lamkhmat ki ban kyntiew ia ka pule puthi sha ki kyrdan kiba khambha. 1.1 Ka jingphiah ia ki JNV katkum ka jingdon jong ki jylla Kat kum ka Navodaya Vidyalaya Skhim, yn plie kawei ka Vidyalaya haman la kawei pa kawei ka distrik kat kum ka jingdonkam na kawei ka por sha kawei pat. Haduh mynta, ki don 661 tylli ki skul ha ki 27 tylli ki jylla bad 8 tylli ki Union Territories. Ka jingdon jong ki JNV katkum ki jylla ka long kumne harum: Andhra Pradesh 13+02** UT Ladakh 02 Punjab 22+01** Assam 27+01** UT Jammu & Kashmir 20+01** UT Pudducherry 04 Arunachal Pradesh 18 Jharkhand 24+02** Rajasthan 33+02** Andaman & Nicobar Islands 03 Karnataka 30+01** Sikkim 04 Bihar 38+01** Kerala 14 Tripura 08 UT Chandigarh 01 Chattisgarh 27+01** UT Lakshadweep Madhya Pradesh 01 Telangana **+ 01* Uttar Pradesh UT Delhi 09 Maharashtra 33+01** Uttarakhand 13 UT Dadra & Nagar Haveli and Daman & Diu 75+01** 03 Manipur 09+02** West Bengal 19+01** Goa 02 Meghalaya 11+01** Total **+3*= 661 Gujarat 33+01** Mizoram 08 Haryana 21 Nagaland 11 Himachal Pradesh 12 Orissa 30+01** ** Yn dang plie shuh shuh ki skul ha ki distrik kiba khambun ki nongshongshnong SC/ST*. * Ka JNV ba kyrpang Haduh 80 ngut ki khynnah lah ban pynrung ha ka klas VI ha man ka Jawahar Navodaya Vidyalaya lyngba ka selekshon tes lada ki khynnah ki lah ban lehbha (Pass). Ka Samiti ka don ia ka bor ban pynduna ia ka seat sha ka 40 lane ban nym pynmih ia ka resolt lane ban pynpep ia ka

3 admission lane ban ym pynlong ia ka JNVST ha ki JNV, lada ka jaka sah ia ki khynnah kam pat biang ha kita ki JNV. 1.2 Jawahar Navodaya Vidyalaya Selection Test 2022 Ka JNV Selekshon Tes na ka bynta ka admission sha ka klas-vi ha JNV na ka bynta u snem kan long ha ka sngi Saitjaiñ, 30 tarik u Iaiong 2022 ha ka por 11:30 A.M ha baroh ki jylla jong ka ri India. Ka tarik ba khatduh ban thep ia ki online aplikeshon kan long ha ka 30 tarik u Naiwieng, KI KYNDON BAN APLAI NA KA BYNTA KA JNV SELECTION TEST 2.1 Ki Kyndon ban register online na ka bynta ka JNV Selekshon Tes 2022 (i) Ia ka rukom thep aplikeshon na ka bynta ka JNV selekshon Tes la kham pynsuk lyngba ka rukom online. Lah ban registar lyngba ka admission portal jong ka NVS, kaba la pyniasoh lyngba ka bad bad ym donkam ban siew eiei. Ka jingpynshisha ia ka jaka sah, ka rta, ka kyrdan pule bad kiwei de na ka bynta kito kiba shah jied kan long lyngba kine ki kyndon harum, hadien ba la pynpna ia ka result. (ii) ki nongaplai kiba lah ban ialeh, kin hap ban pyndap ha ka phom online bad upload lang ia ka certificate ba la dep pyndap nadong shadong. Dei ban tah lang ka dur u/ka khynnah ryngkat ka jingsoi u/ka khynah bad ka jingsoi jong ki kmie ki kpa lane ki nongsumar. Ia kine dei ban upload ha ka jpg format bad ka jingheh ka dei ban long hapdeng kb. (iii) Lada u/ka khynnah ki dei na NIOS, ki nongaplai ki dei ban ioh ia ka B certificate bad ka residential certificate na kajuh ka district kaba u/ka khynnah ki aplai. iv) Ka rukom thep online la plie ia baroh bad ym donkam ban siew ei ei. Lah ban aplai hi da kaba pyndonkam da ki desktop, laptop, mobile, tablet bad kiwei kiwei. (v) Ha baroh ki JNV, yn don ki nongiarap, ban iarap ia ki kandidet/ ki kmie ki kpa, ban upload ia ka aplikeshon, khlem da donkam siew eiei. Ban ioh ia ka Registration Number bad ki password lyngba ka sms, ki kmie ki kpa ki lah ruh ban pan jingiarap na ki nongiarap ha JNV, ryngkat bad u kandidet bad ki kot ki sla ba donkam kum ka certificate bad ka dur ba la soi da u/ka khynnah bad

4 ki kmie ki kpa lane ki nongsumar, bad ka mobile phone kaba don ia u nombar uba trei kam. 2.2 Ka jingai/sam ia ki admit card Ia Ka admit card yn pynlait paidbah ynda la dep rai ia ka Tarik da ka NVS, bad yn sa pyllait ha ka Admission portal, ha kaba ki kandidet/ ki kmie ki kpa ki hap download ha shwa ban ialeh ia ka JNVST khlem donkam ban siew eiei. 2.3 Ka Result jong ka Selection Test Ia ka result jong ka JNV Selection Test 2022, la khmih lynti ba yn sa pynbna ha u bnai Jylliew Ki kandidet ki lah ban ioh ia ka result na ka admission portal. Yn sa pynmih ruh ha kine ki ophis harum; (i) Jawahar Navodaya Vidyalaya (ii) District Education Officer (iii) District Magistrate (iv) Deputy Commissioner, Navodaya Vidyalaya Samiti jong ka Region. (v) Ka website jong ka Navodaya Vidyalaya Samiti U Principal, jong kata ka Jawahar Navodaya Vidyalaya, un sa ai jingtip sha kito kiba shah jied lyngba ka SMS ha ka mobile nombar ba la registar ryngkat bad ka speed post. 3. KA JINGJIED BAD KA JINGIOHRUNG 3.1) Ka jingshahjied ha ka tes kam mut ba ki khynnah ki la donhok ban iohrung ha ka Jawahar Navodaya Vidyalaya. Ha ka por ban rung, uwei pa uwei u khynnah ba shah jied un hap pyni ia ki certificate kiba donkam, katkum ba la buh da ka Navodaya Vidyalaya Samiti. Tad haduh ka jingioh rung skul, ka jingshahjied, kan dang long kaba artatien. Yn kyntu ia ki kandidet ba kim dei ban aplai TC na ka skul ba ki pule, tat haduh ba la dep pynshisha ia ki kot ki sla bad ba la pynthikna ia ka jingiohrung da ka JNV. 3.2) Lada don kano kano ka jingiakajia, ka rai jong ka Navodaya Vidyalaya Samiti kan long kaba kut bad bym lah kylla. 3.3) Ki mak ba la ioh da ki khynnah ba shahjied bad ba shah kyntait ha ka tes, yn ym phah sha ki.

5 3.4) Yn ym lah ban phah eksamin biang ia ki kot jubab(answer sheet) lane yn ym lah ban phah kheiñ biang ia ki mark wat lada kyrpad eh ruh, namar ia ka result la leh da ka kompiwtor bad da ka jingbniah kaba thik pa thik. 3.5) Ki khynnah bad ki kmie ki kpa/ki nongsumar jong ki, ki dei ban kynmaw ba katkum ka skhim jong ka Navodaya Vidyalaya, ki khynnah na kawei ka JNV kaba don ha ki jaka ba kren da ka ktien Hindi ki lah ban leit sha kawei pat ka JNV kaba don ha ki jylla bym kren Hindi, lane ki khynnah kiba pule ha ka jaka bym kren Hindi ki lah ban leit sha ka jaka ba kren Hindi, ynda ki la poi klas IX, na ka bynta shisnem. Lada ki khynnah/ki kmie ki kpa ki kyntait ban leit (migration), yn ym shah shuh ia ki ban pule ha JNV. 3.6) Lah ban pynkynmaw ia ki kandidet bad ki kmie ki kpa/nongsumar, ba ia ki kandidet ba la shah jied ha ka nongrim jong ka tes, kin lah ban iohrung tang ha ki JNV kiba don ha ka distrik ha kaba ki pule klas V bad ki ialeh ia ka JNVST. Da lei lei yn ym shah ia ki kandidet ba la shah jied ban leit pule sha kiwei pat ki JNV. Yn ym pdiang ia ki jingkyrpad ban pynkynriah ia ki khynnah na ka daw ka ktien pule (medium of instruction), ne ka jingkynriah jong ki kmie ki kpa/nongsumar sha kiwei pat ki distrik ne jylla. 3.7) Ki kandidet kiba dei Scheduled Caste(SC), Scheduled Tribe(ST) bad Other Backward Class(OBC) ki hap ban pyni ia ka certificate Schedule Caste/ Schedule Tribe/OBC ha ka por ba ki la shah jied. Ki khynnah/kandidet kiba shah jied hapoh ka thup OBC kin hap ban submit ia ka certificaten OBC kat kum ka phom ba la buh da ka Central list(phom la suh lang ha ka Annexed). Ia kum kine ki certificate lah ban ioh na ki bor ba lah ban ai ha lane shwa ka 30 tarik u Lber, ha ka snem ba wad admission, khnang ba ia kane yn ioh ban ai pat ha u Principal ka JNV u ba dei peit ha ka por ba pynshisha ia ki kot ki sla ba donkam. Nuksa, ki kandidet ba wad admission na ka bynta ki dei ban ioh ia ka certificate ha lane shwa ka 30 tarik u Lber, ) Ki kandidet kiba kwah rung skul na ka bhah nongkyndong ki hap ban pynshisha da ka certiicate ba kata ka skul ba u/ka pule klas III, IV bad V ka don ha nongkyndong. 3.9) Ki kandidet kiba don jingduna ha ki dkhot met (ha ki shyieng, matlah bad kyllut) ki hap ban ioh ia ka medical certificate ba la soi da u Chief Medical Officer jong ka distrik ba ki sah ha ka por ba ki ioh rung skul, lada ki shah jied.

6 3.10) Ki kandidet kiba la pynkylla ia ka jinglong kynthei shynrang, ki dei ban suh lang ia ka certificate ba la ioh na u/ka nongtrei sorkar u ba don bor ban ai ha kaba iadei bad ka jinglong thei/rang. Ym don jingmang/bhah kyrpang ia kum kine ki jait. MANO BA BIT BAN IOHRUNG NA KA BYNTA BAROH KI KANDIDET: 4.1) Tang ki kandidet na ki distrik ha kaba ka Jawahar Navodaya ka la plie, ki lah ban aplai. Hynrei, ki distrik ha kaba ka JNV ka la plie bad la phiah noh hadien, ki kandidet kiba sah ha ka distrik barim, ki lah ban aplai na ka bynta ka JNVST. Lada ka JNV kam pat plie ha ka distrik thymmai, ki ruh ki lah ban aplai. 4.2) Ka sngikha jong u/ka kandidet ba wad admission, kam dei ban long shwa ka bad hadien ka (kynthup lang ia ki sngi baroh ar). Kane kan kynthup ia baroh ki jaitbynriew kynthup ia ki SC/ST/OBC. Lada don ka jingartatien ia ka jingheh snem jong u/ka kandidet ba wad admission, yn phah pyntikna sha ka Medical Board bad ban pynshisha ia ka snem jong ki. Ka rai jong ka Medical Board kan long kaba kut. 4.3) Ki kandidet ban ialeh ia ka selekshon tes ki dei ban pule klas V ha baroh shisnem ka snem pule kata, ha ka skul sorkar/ka skul ba ioh jingiarap na ka sorkar/ithuh da ka sorkar lane kiba ioh B certificate Competency Course na ka NIOS ha kajuh ka distrik ba wad admission. Ki kandididet kiba la pas ne pyndep ia ka klas V ha ki snem kiba la dep, kin ym lah ban ialeh ia ka selekshon tes. Yn ithuh ba ka dei ka skul ba la ithuh da ka sorkar tat ynda la pynbna da ka sorkar lane kano kano ka tnat trei kam ba la pynkup bor da ka sorkar. Ki skul kiba u/ka khynnah ki ioh certificate B na ka NIOS ki dei ban long kiba la pyniasoh ne ithuh bad ka NIOS. U/ka kandidet ki dei ban pyndep bad pass ia ka klas V ha ka snem pule Ka admission na ka bynta ka klas VI ha kane ka snem pule kan long katkum katei ka kyndon haneng. 4.4) U/ka kandidet ba pan admission na ka bhah nongkyndong ki dei ban long kiba pule bad pas ia ki klas III,IV bad V na ki skul sorkar/ba la iarap da ka sorkar/ba la ithuh da ka sorkar ba don ha nongkyndong. La kumno kumno ruh ki dei ban pyndep tang shisnem ha kawei ka klas, kaba don ha nongkyndong.

7 4.5) Ki khynnah ki ba pass ia ka B certificate Competency Course jong ka NIOS ha lane shuwa ka , ki lah ruh ban thoh ia ka test lada ki dang biang ka rta. Ka jinglong nongkyndong jong u/ka khynnah na ka NIOS yn sa rai kat kum ka certificate ba la ioh na ka Tehsildar/District Magistrate jong ka District ha kaba u/ka khynnah u/ka shong ha nongkyndong na ka bynta lai snem. Ki khynnah sor kiba pule ha kane ka skhim kim lah ban ioh ia ka seat ha ka bhah nongkyndong. 4.6) U/Ka khynnah ki bym shym la pas ne ioh rung ha klas V ha shuwa ka kim lah ban apply. 4.7) Yn nym shah ia ki khynnah ban ialeh test arsien, la kumno kumno ruh. NA KA BYNTA KI KHYNNAH NONGKONGDONG A). La kumno kumno 75% jong ki seat ha ka Distrik yn pynrung da ki khynnah ba la shah jied na nongkyndong jong ka distrik bad ki seat kiba tam yn sa pyndap da ki khynnah ba pule na sor hapoh jong ka Distrik. B). Ki khynnah kiba wad admission hapoh ka bhah nongkyndong ki dei ban pyndep ia ka klas III, IV bad V na ki skul sorkar/ki skul ba iarap da ka sorkar/ki skul ba ithuh da ka sorkar kiba don ha nongkyngdong. Tangba ki kandidet ki dei ban pule baroh shisnem bad khlem don ka jingsah klas. U/Ka kandidate u/ka dei ban pule baroh shisnem ha ka klas V na kajuh ka Distrik ha kaba wad admission. k) Ki khynnah kiba pule ha ka skhim NIOS ki dei ban ioh ia ka certificate kum ki nongkyndong ba la ai da u District Magistrate/Tehsilder/BDO NA KA BYNTA KI KHYNNAH SOR. Na ka bynta ki khynnah ba pule ha ki skul sor, wat lada tang shisngi ha ka shisnem ki pule ia ka klas III, IV bad V yn kheiñ ia ki ba ki dei ki kandidet sor. Ki jaka sor ki dei kito ki jaka ba la kdew ha ka sensos 2011 lane da ka Notification jong ka sorkar. Lait nangta, ia baroh ki jaka bym shah kynthup ha katei ka sensos, yn kheiñ ba ki dei ki jaka nongkyndong. NA KA BYNTA KIBA KYLLA KA JONGLONG KYNTHEI-SHYNRANG Yn nym don ka bhah kyrpang na ka bynta ki kandidet kiba kylla ka jinglong kynthei-shynrang, hynrei kin hap beit ha ka thup shynrang, hapoh ka jingphiah kum ki nongkyndong, nongsor, SC, ST, OBC bad Divyang (kiba duna dkhot met).

8 KA JINGBHAH KYRPANG IA KI SEAT: a) La kumno kumno 75% jong ki seat ha District yn pynrung da ki khynnah ba la shah jied na nongkyndong bad ki seat kiba tam yn pynrung da ki khynnah kiba la shah jied na sor hapoh jong ka district. b) Kan don ka jingbhah na ka bynta ki khynnah ba dei ki SC/ ST katkum ka jingbun jong ki paid ha ka district bad ka jingbun paid kan nym duna ia ka bhah ba buh da Ka Sorkar kmie(15% na ka bynta ki SC bad 7.5% na ka bynta ki ST) bad kan ym palat ia ka 50% na ka bynta ki baroh ar (SC bad ST) haba la shim lang. Kine ki bhah ki long ban iakylliang kat kum ka jingbun paid jong ki jaka bad yn jied ia ki kandidet katkum ka jinglah jong ki. k) 27% yn bhah kyrpang na ka bynta ki khynnah OBC, nalor kaba la mang kyrpang ia ki SC bad ST. Ia ka bhah na ka bynta kine ki khynnah OBC yn pyn treikam kat kum ka Centre list, kat kumba dawa ka por. Ki khynnah OBC ki bym shem la kynthup ha ka Centre list ki hap ban aplai kum ki General kandidet. d) Shibynta na ka Lai bynta ka seat kan long na ka bynta ki khynnah kynthei. e) Kan don ka jingbhah kyrpang ia ki seat na ka bynta ki khynnah kiba duna dkhot met (Ka jinganna ha ki dkhot met, Ka jingduna ha ka bor iohsngew. Ka jingmatlah) kat kum ka bhah kyrpang ka sorkar India. ** Ka jingmatlah ka mut ba u/ka khynnah ki shitom na kine ki kyndon harum: (i) Ba la duh noh ia ka bor iohi ne (ii) Ka jingiohi ka bym palat ia ka 6/60 ne 20/200(snellen) ha ka khmat ba kham bha ha ka por ba pyndonkam Їt lane (iii) Ka jingiohi kaba kut ha ki kyndon ba tang 20 degree lane kham palat. ** Ka jingduna ha ka bor iohsngew ka mut ka jingduhnoh ia 60 decibels lane tam ha ka shkor ba kham bha ha ka jingjngai na ka jaka ba ia kren. ** Ka jinganna ha ki dkhot met ka mut ka jingduna ha ki mat ki shyieng lane dohksah kaba pynlong ban pyrkhing ia ka jingiaid ne jingkhih ki dkhot kum ka kti ka kjat lane kiba pynshitom/ pynanna wat ia ka bor pyrkhat. ** U briew ba don ka jinganna ka mut u briew ba shitom ym duna ia ka 40 na ka shispah ha ka jinganna ba lah ai certificate da u doktor sorkar.

9 KI KOT KI SLA KI BAN HAP SUBMIT/AI HADIEN BA LA SHAH JIED Ki kmie ki kpa jong ki khynnah ba la shah jied kin hap ban submit ia kine ki kot ki sla harum ban pynshisha ha ka por admission: - i) Ka jingpynshisha ia ka sngi kha. ii) Ka jingpynshisha ia ka jingshahjied kat kum ki kyndon jong ka NVS iii) Ki kandidet kiba wad admission hapoh ka bhah ki nongkyndong, ki kmie ki kpa kin hap ban submit ia ka certificate ba la ioh na ki nongpyniaid distrik ban pynshisha ba ki skul ba ki la pas ki hap hapoh nongkyndong. iv) Ka jingpynshisha ia ka jaka sah na ka bynta ki khynnah kiba pule NIOS kan long kat kum ka proforma ba la buh. v) Kiwei kiwei pat ki kot ki sla ba donkam. SHAPHANG KA SELECTION TEST 1. KA JAKA BAN IALEH EKSAMIN Uwei pa uwei u khynnah un ialeh ia ka selection test ha ka centre ba la buh katkum ba la kdew ha ka admit card. Yn nym shah ia u/ka khynnah ban ialeh na kawei pat ka centre lait noh na kata kaba la buh ia u/ka. Yn nym sngap ia ki jingkyrpad ban pynkylla ia ki center. Yn nym shah iano iano ruh ban ialeh ia ka selection test khlem da don ka admit card kaba biang. Ia ki admit card lah ban download na ka website jong ka NVS, HQ lyngba ka admission portal.

10 2. Ka Ktien ban ialeh eksamin Ka Jawahar Navodaya Vidyalaya Selection Test kan don ha ki ktien bapher ba pher katkum ki jylla ba la pyni harum: STATE NAME ANDAMAN & NICOBAR ISLANDS ANDHRA PRADESH ARUNACHAL PRADESH ASSAM BIHAR CHANDIGARH CHHATTISGARH DELHI GOA GUJARAT HARYANA HIMACHAL PRADESH JAMMU AND KASHMIR JHARKHAND KARNATAKA KERALA LAKSHADWEEP MADHYA PRADESH MAHARASHTRA MANIPUR MEGHALAYA MIZORAM NAGALAND ODISHA PUDUCHERRY PUNJAB RAJASTHAN SIKKIM TELANGANA TRIPURA U T LADAKH U T OF DADAR & NAGAR HAVELI and DAMAN & DIU UTTAR PRADESH UTTARAKHAND WEST BENGAL Languages Hindi, English, Tamil, Urdu, Bengali Hindi, English, Telugu, Marathi, Urdu, Oriya, Kannada English, Hindi English, Hindi, Assamese, Bodo, Garo, Bengali, Manipuri (Bangla Script), Manipuri (Meitei Mayek) English, Hindi, Urdu English, Hindi, Punjabi English, Hindi English, Hindi English, Hindi, Marathi, Kannada English, Hindi, Gujrati, Marathi English, Hindi English, Hindi English, Hindi, Urdu English, Hindi, Urdu, Oriya Hindi, English, Kannada, Telugu, Marathi, Urdu, Malayalam, Tamil Hindi, English, Malayalam, Tamil, Kannada Hindi, English, Malayalam English, Hindi, Urdu, Marathi, Gujarati English, Hindi, Kannada, Marathi, Urdu, Telugu, Gujrati English, Hindi, Manipuri (Meitei Mayek) English, Hindi, Khasi, Garo, Bengali, Assamese English, Hindi, Mizo English, Hindi English,Hindi, Telugu, Oriya, Urdu English, Tamil, Telugu, Malyalam, Hindi English, Hindi, Punjabi English, Hindi English, Hindi, Nepali Hindi, English, Telugu, Kannada, Marati, Urdu English, Hindi, Bengali English, Hindi, Urdu English, Hindi, Gujrati, Marathi English, Hindi, Urdu English, Hindi, Urdu English, Hindi, Bengali, Nepali, Urdu Note:- Ia u/ka khynnah yn ai kawei ka kot Test kaba iadei ha ka jait ktien kumba la pyndap ha ka aplikeshon phom

11 3. KI BYNTA BA KYNTHUP HA KA TEST Ka por jong ka test kan long ar kynta, naduh 11:30 A.M haduh 01:30 P.M bad ki jingkylli kin don 3 bynta, kiba kynthup tang ia ki jingkylli lyngkot (objective type questions). Yn don 80 tylli ki jingkylli bad ki mark kin long 100 mark. Jait Tes Ki Jingkylli Mak Por Mental ability Test Minit Arithmetic Test Minit Language Test Minit Baroh kynta Kan don tang kawei ka kot jubab (test Booklet) kaba kynthup ia baroh lai tylli ki bynta bad yn ai ha uwei pa uwei u khynnah. Yn ai por tam 40 minit ia ki khynnah ba don jingduna ha ka dkhot met. 3. Ka rukom rekod ia ki jubab a) Yn sa ai la ka jong ka kot jubab OMR (Optical Mark Recognition). Ki khynnah ki dei ban thoh ne pyni ia ki jubab jong ki ha ka jaka kaba dei jong ka kot jubab (OMR Shhet). Ia ka nongmuna jong ka OMR, yn sa upload/thep ha ka website jong ka NVS. b) Tang da u khulom ball pen ba blue/iong dei ban pyndonkam ha kaba thoh ia ki jubab ha ka OMR sheet. Ki kandidet ki dei ban wanrah la u jong u jong u khulom. Yn nym shah iano iano ban thoh da u let. k) Na ka bynta kawei pa kawei ka jingkylli, yn don saw tylli ki jubab bad na 37. kine, tang kawei kan long ka jubab kaba dei. Ki khynnah kin jied ia kaba dei bad pyniong (darken) ia ka jylli (Circle) kaba dei. Kum ka nuksa, lada ka jubab ia ka Jingkylli number 37 ka dei C, pyniong ia ka jylli C kumba pyni harum A B C D d) Yn ym shah ban pynkylla ia ka jingpyniong ia ki jylli (Circle). Yn ym shah ban pom bad ban pyndam da ka sia lieh ne da u robar. Ia ki OMR sheet ba leh kumne yn ym pynbeit/kheiñ shuh. e) Yn ai 1.25 mark ia kawei ka jubab kaba dei. f) Yn nym khate mark ia kano kano ka jubab kaba bakla.

12 4. Shaphang ki Jingbthah bad ki nuksa (a) Ki khynnah ki dei ban pule bniah ia ki jingthoh ba la shon ha ka jingsop (cover page) jong kane ka kot lyngkdop bad kumjuh ruh ia kawei pa kawei ka bynta shuwa ba kin jubab ia ki jingkylli. La kyrpad ia ki kandidet ban pyntikna ba ka kot jubab ba ki ioh ka dei kat kum ka ktien ba ki jied ban ialeh. Lada jia ba ka kot Test kam iahap bad ka ktien ba ki jied ha ka aplikeshon, ki dei ban phah kylliang shwa ban sdang ka exam. Ka dei ka kamram u/ka khynnah ban peit ba u/ka la ioh ia ka kot Test kat kum ka ktien ba u/ka la jied ha ka por pyndap ia ka aplikeshon phom. Yn ym pdiang shuh kino kino ki jingujor hadien ka exam. (b) Ka por ban thoh eksamin ka dei ban long ar kynta khlem sangeh. Yn ai por tam 40 minit na ka bynta jong ki khynnah ba don jingduna ha ki dkhot met. (k) Donkam ban ioh ki marks kiba biang ha baroh ki lai bynta (section). Kan bha ia u/ka khynnah ban nym pynlut por than tang ha kawei ka bynta (section) jong ka tes ba la ai, wat la ki lah ban pyniaid ia ka por katba ki sngewbit. (d) Yn tied baje ha man la ka 30 minit. (i) Yn nym shah iano iano ban thoh tes khlem ka admit card kaba biang. (ii) Ki khynnah ki dei ban shong ha ka kamra ba la buh ha lane shuwa ka a.m. Ym shah thoh tes ia kito kiba wan slem. (iii) Yn nym shah ia u/ka khynnah ban mih na ka kamra thoh eksamin, tad haduh ban da kut ka por ba la buh. KA RUKOM LONG KA TEST Bynta -1, Mental Ability Test (MAT) Kane ka dei ka test ym da ki kyntien/ktien. Ia ki jingkylli yn ai tang da ki dur bad ki jingdro. Ki jingkylli ki thmu ban thew ia ka jingstad ka bor pyrkhat jong u/ka khynnah. Ia ki jingkylli la pyniabynta ha ki 10 bynta, kiba don 4 tylli ki jingkylli ha kawei pa kawei ka bynta. Ki nuksa kin long kumne harum.

13 PART-I (Jied ia ka jingiapher) Ki Jingbthah: Ha ki jingkylli 1 haduh 4, la ai saw tylli ki dur A, B, C bad D, ha kawei pa kawei ka jingkylli. Na kine saw tylli ki dur, lai tylli ki dur ki long kiba iasyriem bad kawei ka long kaba iapher. Jied ia ka dur kaba iapher. Ka jubab kaba dei (A) PART- II (Jied ia Kaba ia dei) Ki Jingbthah: Ha ki jingkylli 5 haduh 8, la ai ia ia ki dur jingkylli sha ka liang ka diang bad saw tylli ki dur jubab, ia kiba la buh A, B, C, D la ai sha ka liang ka mon. Jied ia ka dur jubab kaba long thik kum ka dur jingkylli. Ka jubab kaba dei (C) PART- III (Ka jingpynbiang ia ka jingduna Ki Jingbthah: Ha ki jingkylli 9 haduh 12 ka don ka dur jingkylli sha ka liang ka diang, ha kaba shi bynta na ka dur kam don. Peit bniah ia ki dur jubab A,B,C,D sha ka liang kamon bad wad ia ka jubab ba iadei, khlem da pynkylla ia ka rukom shong, ka ban iahap bad kato ka bynta bym don, khnang ba kato ka dur jingkylli kan long kaba pura.

14 Ka jubab kaba dei (A) PART- IV (KA JING PART-IV (PYNBEIT RYNTIH IA KI DUR) Ki Jingbthah: Ha ki jingkylli 13 to 16, ki don lai tylli ki dur jingkylli sha ka liang kadiang bad ha ka jaka kaba saw, la ieh noh suda. Ia ki dur jingkylli, la buh ryntih ter ter. Jied ia kawei ka dur na ka liang kamon, kaba iadei ban buh ha ka jaka kaba suda, khnang ban pyndap ia ka jaka kaba saw sha ka liang kadiang. 18 Ka jubab kaba dei (C) Ki Jingbthah: PART-V (ka jingiasyriem) C Ha ki jingkylli 17 haduh 20, ki don ar set ki dur jingkylli. Ha ka set kaba ar, la buh da u dak jingkylli (?). Ka don ka jingiasyriem hapdeng ka dur kaba nyngkong bad ka dur kaba ar. Ka juh ka jingisyriem ka dei ban don hapdeng ka dur kaba lai bad kaba saw jong ki dur jingkylli. Jied ia kawei na ki dur jubab ba la buh ha ka jaka jong u dak jingkylli. Ka jubab kaba dei (A)

15 PART - VI [Ka jingpynbiang ia ki dur (Triangle, Square, Circle)] Ki Jingbthah: Ha ki jingkylli 21 haduh 24, shi bynta na ka dur sawdong ka don ha ka liang ka diang kum ka dur jingkylli bad ha kawei pat ka liang don saw tylli ki dur A, B, C, D ha ka liang kamon. Jied ia ka dur ka ban pyndap pura ia ka dur sawdong. Ka jubab kaba dei (A) (A) (B) (C) (D) PART VII (Ka jingphalang dur ha ka ïitkhmih Ki Jingbthah: Ha ka jingkylli 25 haduh 28, don ka dur jingkylli ha ka liang kadiang bad saw tylli ki dur A, B, C, D la ai sha ka liang kamon. Jied ia ka dur kaba long kum ka dur ba phalang ha ka їit khmih jong ka jingkylli, haba buh ia ka їitkhmih ha x y. Ka jubab kaba dei (D)

16 PART - VIII (Ka jingkhylliap/jingplied - Folding/Unfolding) Ki Jingbthah: Ha ki jingkylli 29 haduh 32, la khylliap ia ka kot sada kumba la pyni ha ki dur jingkylli ha ka liang kadiang, bad saw tylli ki dur jubab A, B, C, D, la ai sha ka liang kamon. Jied ia ka dur jubab ka ban pyni kumno ka kot sada kan long ynda la plied ia ka. Ka jubab kaba dei (A) PART - IX (Ka jingmutdur) Ki Jingbthah: Ha ki jingkylli 33 haduh 36, La ai ia ka dur jingkylli ha ka liang ka diang bad saw tylli ki dur A, B, C, D la ai sha ka liang kamon. Jied ia ka jubab kaba lah ban pynlong na ki lyngkhot ba la ot, ba la ai ha ka dur jingkylli. Ka jubab kaba dei (D) (A) (B) (C) (D) PART X (JIngbuh rieh ia ki dur) Ki Jingbthah: Ha ki jingkylli 37 haduh 40, la ai ia ka dur jingkylli ha ka liang kadiang bad saw tylli ki dur jubab A, B, C, D la ai ha ka liang kamon. Jied ia ka dur jubab, ha ka ba la buhrieh ia ka dur jingkylli.

17 Ka jubab kaba dei (B) [ Section 2: Arithmetic Test (Ka Jingtynjuh ia ka Jingkheiñ) Ka jingthmu ba kongsan jong kane ka test ka long ban wad ne thew ia ka jingtbit jong ki khynnah ia ka jingkheiň. Baroh 20 tylli ki jingkylli ha kane ka test yn pynshong nongrim halor kine ki 15 tyli ki phang harum; 1. Ki dak jingkheiñ bad ki rukom buh dak jingkheiñ (numeric system). 2. Saw tylli ki rukom pyndonkam ba kongsan ia u whole number. 3. Ki fractional number bad ki saw tylli ki rukom ban pyndonkam ia ki. 4. Ki factors bad multiples bad ia ki jinglong (properties) jong ki. 5. LCM and HCF jong ki dak jingkheiň. 6. Ki decimals bad ki rukom pyndonkam ia ki. 7. Ka jingpynkylla ia ki fraction sha ki decimal bad ia ki decimal sha ki fraction 8. Ka Jingthew ia ka lynter(length), Ka Jingbun-jingheh(mass), ka jingngiam (Capacity), ka por (time), ka pisa (money) bad kiwei kiwei de 9. JIngjngai (distance), ka por (time) bad ka jingstet (speed). 10. Ka Approximation jong ka expressions. 11. Ban Simplify ia ki Numerical Expressions, 12. Ka Percentage bad ka jingpyndonkam ia ka. 13. Ka jingiohnong bad ka jingduhnong (Profit and loss). 14. Ka sut (Simple interest). 15. U Perimeter, ka area bad ka volume. Jingkynthoh: - Ka jingbanjur kan kham long ha ka jingtynjuh ia ka bor sngewthuh bad jingpyndonkam ia ki jingthmu jingbit kaba don ha kane ka bynta. Khnang ban wanrah katto katne ka jingiarap ia ki khynnah ha ki jait jingkylli bapher kiba khmih lynti ban wan ha kaba tynjuh ia ka jingkheiň, katto katne ki nuksa la ai harum: Nuksa - 1 (Ka jingtynjuh ia ka bor sngewthuh): Uei u prime factor jong u 1000? A. 10x10x10 B. 2x5x5x10 C. 2 x 2 x 2 x5 x 5 D. 2 x 2x 2 x 5 x5 x 5

18 Ka jingphiah (factorization) ia u dak jingkheiñ la ong ba u dei prime factorization lada (i) ka product jong ki factor baroh (da kaba shim ia ki factor bunsien katba lah) ka ia ryngkat bad u number ba la ai, bad (ii) u wei pa uwei u factor u dei u prime number. Hangne dei tang u serial number D ba don lut ia kitei kiei kiei baroh, kumta ka jubab ka ba dei, dei u D. Nuksa 2 (Ban tip ia ka bor sngewthuh): Uei uba long pdeng (average) na kine ki saw tylli ki odd number? A. 5 B. 4 C. 5 D. 16 Ki saw tylli ki odd number ba hakhmat ki long 1, 3, 5 and 7. Kumta ka pdeng (average) jong ki ka long (l+3+5+7)/4. Kumta ka jubab ka ba dei ka long B. Nuksa 3 (Ban tip ia ka jinglah ban pyndonkam -Application): Ka rel kaba jrong 1 km ka iaid ha ka jingstet kaba 1 km man la ka 3 minit. Ka por ba ka rel ka shim ban iaid lyngba ia ka tunnel kaba jrong 2 km kan long: A. 1 minit B. 3 minit C. 6 minit D. 9 minit Ka tunnel ka jrong 2 km. bad ka rel pat ka jrong 1 km. Ka rel ka hap ban iaid ia ka jingjngai kaba 3km khnang ban iaid lyngba ia ka tunnel. Da kaba iaid 1 km man la ka 3 minit, ka rel kan shimpor 9 minit ban iaid lyngba ia ka tunnel bad kata ka dei ka jubab kaba dei. Kumta ka jubab ba dei ka long D. Ka jingtynjuh ia ka ktien (Language Test). Ka jingthmu ba kongsan jong kane ka test ka long ban wad ia ka jingsngewthuh ki khynnah haba ki pule. Ka test ka kynthup saw tylli ki jingthoh lyngkot. Ha kaba kut jong kawei pa kawei ka jingthoh lyngkot la buh ia ki 5 tylli ki jingkylli. Ki khynnah ki dei ban pule bniah ia kawei pa kawei ka jingthoh lyngkot bad kin sa jubab ia ki jingkylli ba la ai harum: La ai harum ia ka nuksa jong ka jingthoh ba lyngkot ryngkat bad ki jingkylli kiba bud.

19 Ki jingthoh lyngkot Ki khlaw ki btap ki ai jingmyntoi shibun ia ngi. Ki ai dieng ban shna їing bad ki tiar їing. Ki khlaw ki ai ruh ia ki dieng ban thang ding bad ban shna kot. Ki ai jingiada ia ki sim, ki mrad khlaw bad ki khňiang. Ki khlaw ki iarap ban ioh slap. Ka jingdon ki khlaw ka iarap ruh ban pynneh pynsah ia ka mariang. La dep pynshisha ba ngi dei ban sumar bad pynneh pynsah ia ka mariang. Ka jingpyndonkam bha ia ka mariang bad ki jingmih na ka, ka long kaba donkam, ban pynneh pynsah ia ka jingim briew. 1. Ban pynneh pynsah ia ka mariamg, ka jingdon jong ka long kaba donkam A) Ki khlaw B) Ki briew K) ki Mrad D) Ki jingmih n aka mariang Ka jubab kaba dei A 2. Ka kyntien ba ia pyrshah jong ka Jingpynneh pynsah, ka dei'... A) Ka jingiada na ka jingsniew B) Ka jingshna K) Ka jaka rieh D) Ka jingpynjulor Ka jubab kaba dei D 3. Kano na kine harum, ka bym iadei kajuh ka jingmut bad ka kyntien Bastad? A) Ba lah ban sngewthuh K) Ba danda B) Baproh jingmut D) Ba sian Ka jubab kaba dei K 4. Ki misteri ki shaniah ha ki khlaw namar ba ki pynioh... A) Dieng ban thang B) Dieng ban shna kot K) Dieng ban shna ia ki tiar ing D) Ka jaka sah ia ki marad Ka jubab kaba dei K 5. Ki mrad khlaw ki duh noh ia ka jaka sah lada... A) Pynjulor ia ki kharkhana shna kot B) Shna ia ki iing K) Pynjulor ia ki khlaw D) Sumar ia ka mariang Ka jubab kaba dei K

20 KI KATTO KATNE KI JINGBTHAH BAN UPLOAD IA KI ONLINE APPLIKESHON PHOM Yn donkam ban batai bniah ia ka online aplikeshon phom na ka bynta ka admision sha ka klas VI ha Jawahar Navodaya Vidyalaya namar ba ka la shai bha. Watla katta ruh, kan kham bha ia ki khynnah, ki kmie ki kpa/nongsumar ban bud ryntih ia kine ki jingbatai. 1. Sngewbha ban da pule bniah ia ka Prospectus. Pyndap lut ia ki jingdonkam baroh hadien ba la thikna ba u kandidet u long uba biang lut katkum ka jingdawa, kum ka sngikha ka dei ban long hapdeng ka ( haduh ) ki kyrdan pule ha ki klas III, IV bad V ha ki skul sorkar/ioh jingiarap na ka sorkar/ ba la ithuh da ka sorkar/nios). 2. Pyndap bha ia ka certificate kaban hap upload lang ryngkat bad ka aplikeshon phom, katkum kine ki kyndon, kata, General, SC, ST, OBC & ba don jingduna ha ki dkhot met (Divyang), shynrang/khynthei bad nongkyndong/nongsor. Lada lap ha ka por admission ba u kandidet uba kam ba u dei na kano kano ka kynhun jait bynriew hynrei u/ka, kim hap ha kata ka kynhun, kum kita kin shah pynsangeh noh ban rung skul. Kan long kumjuh ruh na ka bynta kito ki khynnah kiba kam ba ki dei na nongkyndong/nongsor, khynthei/shynrang bad kiwei kiwei. 3. (a) Thoh shai/thikna ia ka snem kha da ki dak jingkheiñ bad ruh da ki kyntien. Thoh thik ia ka snem kha kumba long ha ka certificate skul. Lada lap hadien habud ba ka sngikha jong u/ka kandidet kam iadei bad ka jingbuh rekod ha skul, ϊa u/ka khynnah ym banse ban kyntait noh. (b) Dei ban thoh ha ka aplikeshon phom ia ki dak sohkhliang/ki dak ba don naduh dang kha, kiba paw shynna ha ka met u kandidet. 4. Ka jingsoi jong baroh ar, kata u kandidet bad ki kmie ki kpa/nongsumar dei ban upload ha ka por ba aplai ban ialeh selekshon test ha Jawahar Navodaya Vidyalaya. 5. Ka tarik ba khadduh ban thep online aplikeshon ka dei 30 tarik u Naiwieng, JINGHUSIAR: Lah ban shah kyntait ia ki aplikeshon phom, lada ieh thylli ne pyndap bakla ia ki kolom. Ki nong aplai ki dei ban pynthikna ba ki biang lut ki jingdonkam katkum ba la dawa na ka bynta ka kyrdan pule, ka rta bad ka kynhun jaitbynriew kum (SC/ST/OBC/Kiba duna dkhot met) bad jaka (nongsor/nongkyndong) katba dawa. Lada lap ba ka jingpyndap ha ka aplikeshon ka long kaba bakla/bymdei, wat hadien ba u khynnah ula shah jied, ka Navodaya Vidyalaya Samiti kan shim ia ka rai kaba tyngeh haduh u pud ban pynduh noh ia ka jingiohrung skul bad ia kane ka rai yn ym lah ban pynkylla. Wat lada u/ka khynnah u/ka dep shim admission ruh, da kaba pyndonkam bakla ia ki certificate/jingpynshai/jingpyntip, ka samiti ym tang ba ka donhok ha kaban weng noh ia u na ka skul, hynrei ka don ruh ia ka hok ban dawa ia ka bai lutksan ia kaba ka la pynlut na ka bynta u/ka khynnah ha ka por ba u don ha Vidyalaya.

21 RESIDENCE CERTIFICATE Ki kandidet ba wad admission bad kiba la pass da ka ba pule NIOS ki donkam ban submit lang ia ka residence certificate ha ka por ba shim admission ha JNV Kat kum ka Jawahar Navoday Vidyalaya Distrik Jylla Shithi no. Tarik u/ka khun jong nga u la shah jied lyngba ka test ban ioh rung skul ha ka JNV ha ka klas VI Distriik Jylla / UT na bynta ka snem. Nga pynshisha ba nga shong nga sah ha kane ka jaka ba la ai harum naduh. * Ka jaka ba nga sah ka hap ha Nongkydong/nongsor jong ka Distrik Ka shnong Ka nongbah Distrik Jylla Pin Code Nga pynshisha ba kine ki jingtip kiba nga la ai ki long kiba shisha bad kiba shai bad ym shym la buhrieh eiei ia ka jingshisha. Jingsoi jong kmie /kpa Kyrteng ba pura Jaka sah Jaka Tarik CERTIFICATE (Ban pyndap da ki nongtrei sorkar ba la iohbor bad ba la soi da u SDM/ Tehsildar sha ki kmie ki kpa jong u khynnah ba shah jied ban ioh rung klas VI ha JNV lyngba ka JNVST) Kane ka long ka jingpynshisha ba kine ki sabut ba la ai da u/ka kpa/ kmie jong u/ka u khynnah ba la shah jied sha ka klas VI ha JNV Distrik la peit bad bishar bniah ia ki jingthoh baroh bad ki long kiba dei. *Ka jaka ha kaba u/ka sah ki hap hapoh (Nongkyndong/Nongsor) jong ka Distrik. Soi SDM/Tehsildar

22 JAWAHAR NAVODAYA VIDYALAYA SELECTION TEST CERTIFICATE Ka tarik ba khatduh ban thep ia ka application phom ka long 30 tarik Naiwieng, 2021 ( ). La pynthikna ba ki jingpyndap ba la kdew harum ki long kiba dei ia u/ka (Kyrteng khynnah) ba pule klas V ha skul (Kyrteng skul) ba kwah ban aplai ha Jawahar Navodaya Vidyalaya Selection Test 2022 Tah dur Passport u khynnah Kyrteng Kandidet (DAK HEH) Kyrteng Kpa (DAK HEH) Kyrteng Kmie (DAK HEH) Kyrteng nongsumar bad ka jingiadei, lada don. Sngi kha Ha ki dak jingkhein D D M M Y Y Y Y Jinglong Thei/Rang buh dak ( ) mark Ha ki kyntien Shynrang Kynthei Transgender Jaitbynriew Gen. SC ST OBC (kat kum ka central list) Nabynta kiba duna, lada don sngewbha tik ( ) ia kaba dei. Dak bapaw ha ka met ba ithuh Ka jaka sah ban phah Shithi Duna dkhotmet Matlah Kyllut.... Mobile No Jinglong Trai ri.. Niam Ka jait ktien ban ialeh Examination (Sngewbha jied tang kawei ka ktien na ki jait ktien ba la kdew ha ka prospectus) Particular Klas-III Klas-IV Klas-V Kyrteng ka skul (ba pule klas III & IV bad V) bad Kyrteng ka shnong/jaka Ka skul ka don ha- Nongkyndong / Nongsor Bnai & Snem ba rung skul Bnai & Snem ba pas skul Kyrteng jong ka Block Kyrteng ka Distrik Kyrteng ka Jylla Nga kubur ba ki skul ba u/ka khun ki pas/pule ki dei ki skul ba la ithuh da ka sorkar bad ki long kiba biang kat kum ka jingkwah ka NVS. Nga sngewthuh ruh ba lada u khynnah un pule ha ka skul sor tang shi sngi ruh, ha kawei na kine ki klas III, IV bad V, u khynnah un hap ha ka thup Nongsor. Lada shem kano kano ka jingbakla, u/ka khun jong nga ki lah ban shah kyntait wat lada la dep rung hapoh JNV ruh. Nga kubur ruh ban ngam nym kyrpad shuh hadien lada ka don ka jingiapher hapdeng ka jingpyndap ia ka online bad ka offline, baroh ki jingpyndap LYNGBA KA ONLINE yn shim beit ba ki long kiba shisha. Jingsoi u/ka khynnah Jingsoi kmie/kpa/nongsumar NOTE: Ia ka thup jong ki khynnah NIOS ynpynthikna katkum ka jaka ba ki shong ki sah

23