ᑭᐦᒋ ᒪᓯᓇᐦᐃᑲᐣ ᓂᑲᒧᐃᐧᓇ ᐋᑎᐦᐟ ᑳ ᓇᐊᐧᓲᓇᒥᕽ kihci-masinahikan nikamowina ātiht kā-nawasōnamihk 10 Carnforth Road, Toronto, Ontario M4A 2S4 C

प्रतिलिपि

1

2 ᑭᐦᒋ ᒪᓯᓇᐦᐃᑲᐣ ᓂᑲᒧᐃᐧᓇ ᐋᑎᐦᐟ ᑳ ᓇᐊᐧᓲᓇᒥᕽ kihci-masinahikan nikamowina ātiht kā-nawasōnamihk 0 Carnforth Road, Toronto, Ontario MA S CrkPSAdiFront.indd 0/0/0 :: PM

3 Selected Psalms from the Bible in Plains Cree The translation was completed by a team based in Saskatoon, with input from many people in nearby communities. This is a provisionary translation and we welcome feedback on the translation and orthography. To order copies: To send feedback: Ruth Heeg: rheeg@biblesociety.ca Canadian Bible Society Frederick Street, Unit 0 Kitchener, Ontario NH P -- Canadian Bible Society 0 Cover photo courtesy of Rusty Gardiner, o.m.i. ISBN P/DI Book of Psalms in Plains (Western) Cree CW000 Printed in Canada CBS-0-00 CrkPSAdiFront.indd 0/0/0 :: PM

4 ᒐᐦᑭᐯᐦᐃᑲᓇ cahkipēhikana / Syllabics ē i o a ī ō ā finals ᐁ ᐃ ᐅ ᐊ ᐄ ᐆ ᐋ w ᐍ ᐏ ᐓ ᐘ ᐑ ᐕ ᐚ ᐤ p ᐯ ᐱ ᐳ ᐸ ᐲ ᐴ ᐹ ᑊ t ᑌ ᑎ ᑐ ᑕ ᑏ ᑑ ᑖ ᐟ k ᑫ ᑭ ᑯ ᑲ ᑮ ᑰ ᑳ ᐠ c ᒉ ᒋ ᒍ ᒐ ᒌ ᒎ ᒑ ᐨ m ᒣ ᒥ ᒧ ᒪ ᒦ ᒨ ᒫ ᑦ n ᓀ ᓂ ᓄ ᓇ ᓃ ᓅ ᓈ ᐣ s ᓭ ᓯ ᓱ ᓴ ᓰ ᓲ ᓵ ᐢ y ᔦ ᔨ ᔪ ᔭ ᔩ ᔫ ᔮ ᐩ l ᓬ r ᕒ h ᐦ hk ᕽ Modification based on the syllabics chart found in Arok Wolvengrey, nēhiyawēwin: itwēwina = Cree: Words (Regina: Canadian Plains Research Center, University of Regina, 00), xxi. Used with permission. In the syllabic text, each proper name is followed by the English name in brackets the first time it occurs in each Psalm. CrkPSAdiFront.indd 0/0/0 :: PM

5 ᑭᐦᒋ ᒪᓯᓇᐦᐃᑲᐣ ᓂᑲᒧᐃᐧᓇ ᐋᑎᐦᐟ ᑳ ᓇᐊᐧᓲᓇᒥᕽ ᓂᑲᒧᐃᐧᐣ ᑖᐯᐧ ᒥᔦᐧᔨᐦᑕᒧᐃᐧᐣ ᒥᔦᐧᔨᐦᑕᒧᐃᐧᐣ ᐊᔮᐤ ᐊᔨᓯᔨᓂᐤ ᐁᑳᔭ ᑳ ᐱᒥᑎᓴᐦᐋᐧᐟ ᑳ ᑲᑫᐹᑎᓯᔨᐟ ᐊᔨᓯᔨᓂᐊᐧ; ᐊᐦᐴ ᐁᑳᔭ ᑳ ᑭᐢᑭᓇᐋᐧᐸᒫᐟ ᐅᒪᒑᑎᓴ ᐊᐦᐴ ᐁᑳᔭ ᑳ ᐄᐧᑕᐱᒫᐟ ᐊᓂᐦᐃ ᑳ ᐲᐁᐧᔨᒫᔨᐟ ᑭᓭ ᒪᓂᑐᐊᐧ. ᒫᑲ ᒥᔦᐧᔨᐦᑕᒼ ᓇᐊᐧᐨ ᑭᑕ ᐱᒥᑎᓴᐦᐊᕽ ᐅᐃᐧᔭᓯᐁᐧᐃᐧᓇ ᑭᓭ ᒪᓂᑐᐤ, ᒦᓇ ᒫᒥᑐᓀᔨᐦᑕᒼ ᐁᐊᐧᑯᓂ ᐁ ᑎᐱᐢᑳᐠ ᒦᓇ ᐁ ᑮᓯᑳᐠ. ᑖᐱᐢᑰᐨ ᒥᐢᑎᑲᐧᐠ ᑳ ᐅᐦᐱᑭᒋᐠ ᓯᓱᓀ ᓰᐲᓯᓯᕽ ᒦᓇ ᑕᐦᑐ ᐊᐢᑭᐩ ᑳ ᒦᓂᓯᐃᐧᒋᐠ, ᒦᓇ ᓃᐱᔭ ᐁᑳᔭ ᐄᐧᐦᑳᐨ ᑳ ᐹᐢᑌᑭ. ᒥᔪᐸᔨᐦᐃᑯᐤ ᑲᐦᑭᔭᐤ ᑮᑲᐧᐩ ᐁ ᑑᑕᕽ. ᒫᑲ ᐁ ᒪᒑᑎᓯᒋᐠ ᓇᒫᐧᐨ ᐁᑯᓯ ᐃᐢᐸᔨᐦᐃᑲᐧᐠ; ᒫᑲ ᑖᐱᐢᑰᐨ ᐸᐦᑫᐧᓯᑲᓇᐢᑯᓯᔭ ᑳ ᐁᐧᐹᐢᑕᐦᑭ ᐃᓯᓈᑯᐦᒋᑫᐊᐧᐠ. ᐁᑯᓯ ᒪᒋ ᐊᔨᓯᔨᓂᐊᐧᐠ ᓇᒫᐧᐨ ᑕ ᓃᐸᐃᐧᐊᐧᐠ ᑮᓯ ᐃᐧᔭᓯᐋᐧᑎᐦᑖᐧᐃᐧ, ᐁᑲᐧ ᓇᒨᔭ ᑕ ᐊᑭᒫᐊᐧᐠ ᑭᓭ ᒪᓂᑐᐤ ᐅᑕᔨᓯᔨᓃᒪ. ᐅᑲᐧᔭᐢᑳᑎᓴᐠ ᑭᐢᑭᓄᐦᑕᐦᐃᑲᐧᐠ ᒦᓇ ᑲᓇᐁᐧᔨᒥᑲᐧᐠ ᑳ ᑎᐯᔨᐦᒋᑫᔨᐟ, ᒫᑲ ᒪᒑᑎᓴᐠ ᐃᑐᐦᑌᐊᐧᐠ ᒥᓯᐊᐧᓈᑎᓯᐃᐧᓂᕽ. PSA.indd 0//0 :: PM

6 ᓂᑲᒧᐃᐧᓇ, ᓂᑲᒧᐃᐧᐣ ᑭᓭ ᒪᓂᑐᐤ ᐅᓇᐊᐧᓲᓈᑲᓇ ᑖᓀᐦᑭ ᐁ ᐱᐢᑭᐦᑕᐢᑳᓀᓯᒋᐠ ᐃᔨᓂᐊᐧᐠ ᑳ ᓅᑎᓂᑫᒋᐠ, ᒦᓇ ᐊᔨᓯᔨᓂᐊᐧᐠ ᑳ ᐃᐧᔭᓯᐋᐧᑕᐦᑭᐠ ᑯᓂᑕ ᑭᑕ ᓅᑎᓂᑫᒋᐠ? ᑭᐦᒋ ᐅᑭᒫᐊᐧᐠ ᓀᐦᐯᒥᑳᐸᐃᐧᐊᐧᐠ, ᐁᑲᐧ ᐅᓃᑳᓃᐊᐧᐠ ᒫᒪᐃᐧ ᐃᑌᔨᐦᑕᒪᐧᐠ ᑭᑕ ᓅᑎᓈᒋᐠ ᑳ ᑎᐯᔨᐦᒋᑫᔨᐟ ᐁᑲᐧ ᐅᓇᐊᐧᓲᓈᑲᓇ ᐁ ᐃᑌᐧᒋᐠ, «ᒪᐦᑎ ᐸᐢᑫᑖᐣ ᐅᑎᐯᔨᐦᒋᑫᐃᐧᓂᐋᐧᕽ ᐅᐦᒋ, ᒦᓇ ᐲᑯᓀᑖᐠ ᐅᑎᐯᔨᒥᐁᐧᐃᐧᓂᐋᐧᐤ,» ᐃᑌᐧᐊᐧᐠ ᐁᓴ. ᐅᑭᐦᒋ ᐅᑭᒫᐃᐧᐃᐧᓂᕽ ᐅᐦᒋ ᑳ ᑎᐯᔨᐦᒋᑫᐟ ᐁᓴ ᐹᐦᐱᐦᐁᐤ, ᒦᓇ ᒣᑕᐋᐧᑳᑕᒼ ᐁᓴ ᑳ ᐃᑕᓯᐁᐧᔨᐟ. ᐁᑲᐧ ᐁᓴ ᐲᑭᐢᑳᐧᑌᐤ ᐁ ᑭᓯᐋᐧᐦᐃᑯᐟ ᒦᓇ ᐁᓴ ᒥᐢᑕᐦᐃ ᓭᑭᐦᐁᐤ ᐁ ᐃᑌᐧᐟ ᐁᓴ, «ᓂᐃᐧᔭᐲᐦᐋᐤ ᓂᑭᐦᒋ ᐅᑭᒫᒼ ᓵᔭᐣ (Zion) ᐊᐧᒌᕽ, ᓂᐊᐧᒌᒼ ᑳ ᑭᐦᒋᐦᑖᐧᐃᐧ ᐃᑌᔨᐦᑖᑲᐧᕽ.» «ᓂᑲ ᐄᐧᐦᑌᐣ,» ᐃᑌᐧᐤ ᑭᐦᒋ ᐅᑭᒫᐤ, «ᑖᓂᓯ ᑳ ᑎᐯᔨᐦᒋᑫᐟ ᐁ ᑮ ᐃᑌᐧᐟ. ᐆᒥᓯ ᓂᑮ ᐃᑎᐠ, ᑭᔭ ᐆᒪ ᓂᑯᓯᐢ; ᐊᓄᐦᐨ ᑭᑑᐦᑖᐄᐧᒥᐣ. ᓇᑐᑕᒪᐃᐧᐣ, ᐁᑯᓯ ᑭᑲ ᒥᔨᑎᐣ ᑲᐦᑭᔭᐤ ᐁ ᐱᐢᑭᐦᑕᐢᑳᓀᓯᒋᐠ ᐃᔨᓂᐊᐧᐠ; ᐁᑲᐧ ᐃᔭᐃᐧᐢᐠ ᐊᐢᑭᐩ ᑭᑲ ᑎᐯᔨᐦᑌᐣ. ᑭᑲ ᐲᑯᓈᐊᐧᐠ ᐲᐋᐧᐱᐢᐠ ᐅᐦᒋ; ᑭᑲ ᓯᓭᐧᐦᑕᐋᐧᐊᐧᐠ ᑖᐱᐢᑰᐨ ᐊᓯᐢᑭᐩ ᐃᐧᔮᑲᓇ.» 0 ᓇᑐᐦᑕᒧᐠ ᐁᑲᐧ ᑲᑫᐧ ᐃᔨᓃᓯᐠ, ᑭᔭᐋᐧᐤ ᑭᐦᒋ ᐅᑭᒫᑎᐠ; ᓈᑲᑌᔨᐦᑕᒧᐠ, ᑭᔭᐋᐧᐤ ᐅᓃᑳᓃᑎᐠ ᐆᑕ ᐊᐢᑮᕽ ᐅᐦᒋ. ᐊᑐᐢᑳᕽ ᑳ ᑎᐯᔨᐦᒋᑫᐟ ᐁ ᒪᓈᒋᐦᐋᔦᐠ; ᐁᑲᐧ ᓇᓇᒥ ᒫᒪᐢᑳᑌᔨᒥᕽ. ᐅᒋᐦᒋᐦᑲᐧᓇᐲᐢᑖᕽ ᑳ ᑎᐯᔨᐦᒋᑫᐟ ᐅᒉᐦᑕᒧᐠ ᐅᓯᑕ; ᐁᑯᓯ ᓇᒨᔭ ᓯᓯᑯᐨ ᑭᑕ ᑭᓯᐋᐧᓯᐤ ᐁᑲᐧ ᓇᒨᔭ ᓯᓯᑯᐨ ᑭᑲ ᓂᐱᓈᐋᐧᐤ. ᒥᔦᐧᔨᐦᑕᒪᐧᐠ ᐊᓂᑭ ᑳ ᓈᑖᒧᑐᑕᐋᐧᒋᐠ. ᓂᑲᒧᐃᐧᐣ ᐅᑭᐢᑌᔨᐦᑖᑯᓯᐃᐧᐣ ᑭᓭ ᒪᓂᑐᐤ ᐅᓂᑲᒧᐣ ᑌᐱᐟ (David) ᐦᐋᐤ, ᑳ ᑎᐯᔨᐦᒋᑫᔭᐣ, ᓂᑎᐯᔨᐦᒋᑫᒥᓈᐣ, ᑭᑭᐢᑌᔨᐦᑖᑯᓯᐃᐧᐣ ᐋᐧᐸᐦᒋᑳᑌᐤ ᒥᓯᐁᐧ ᐊᐢᑮᕽ! ᑭᒪᒥᐦᒋᒥᑯᐃᐧᐣ ᐯᐦᒋᑳᑌᐤ ᑭᐦᒋ ᑮᓯᑯᕽ; PSA.indd 0//0 :: PM

7 ᓂᑲᒧᐃᐧᓇ, ᐅᐢᑲᐋᐧᓯᓴᐠ ᒦᓇ ᐊᐱᐢᒐᐋᐧᓯᓴᐠ ᐁ ᐃᓯ ᓂᑲᒧᒋᐠ. ᑭᑮ ᑲᓇᐁᐧᔨᒥᑯᐣ ᐁ ᓲᐦᑭᓯᐦᑖᔭᐣ ᐃᑕ ᐅᐦᒋ ᑭᓅᑎᓈᑲᓇᐠ, ᑭᑕ ᓇᑭᓇᒋᐠ ᐁ ᐄᐧ ᐋᐯᐦᐅᒋᐠ. ᐃᐢᐲᕽ ᐁ ᑭᑖᐸᐦᑕᒫᐣ ᑮᓯᐠ ᑳ ᑮ ᐅᓰᐦᑖᔭᐣ, ᑎᐱᐢᑳᐃᐧ ᐲᓯᒼ ᒦᓇ ᐊᒑᐦᑯᓴᐠ ᐃᑌ ᐁ ᑮ ᐊᐲᐦᐊᒋᐠ, ᑮᑲᐧᐩ ᐊᓇ ᐊᔨᓯᔨᓂᐤ ᑳ ᓈᑲᑐᐦᑳᑕᐟ? ᒦᓇ ᐊᓇ ᒧᐢᒋ ᐊᔨᓯᔨᓂᐤ ᑳ ᑭᑌᔨᒪᐟ? ᐁᑯᓯ ᐊᐱᓰᐢ ᑭᑮ ᓃᐦᑕᑭᒫᐤ ᐃᐢᐲᐦᒋ ᑭᔭ, ᒦᓇ ᑭᑭᐦᒋ ᐅᑭᒫᐄᐧᐦᐋᐤ ᓲᐦᑭᓯᐃᐧᓂᕽ ᒦᓇ ᑭᐢᑌᔨᐦᑖᑯᓯᐃᐧᓂᕽ. ᑭᑮ ᑎᐯᔨᐦᑕᒨᐦᐋᐤ ᑲᐦᑭᔭᐤ ᑮᑲᐧᐩ ᑳ ᑮ ᐅᓰᐦᑖᔭᐣ; ᑭᑕ ᐱᒥᐸᔨᐦᑖᐟ ᑲᐦᑭᔭᐤ ᑭᑑᓰᐦᒋᑲᓇ: ᒫᔭᑎᐦᑲᐧ ᒦᓇ ᒧᐢᑐᓴᐧ, ᐊᓯᒋ ᐸᑲᐧᒋ ᐱᓯᐢᑭᐊᐧ; ᐱᔦᓰᓴ ᒦᓇ ᑭᓄᓭᐊᐧ ᒦᓇ ᐱᓯᐢᑮᓴ ᑭᐦᒋᑲᒦᕽ. ᑳ ᑎᐯᔨᐦᒋᑫᔭᐣ, ᓂᑎᐯᔨᐦᒋᑫᒥᓈᐣ, ᑭᑭᐢᑌᔨᐦᑖᑯᓯᐃᐧᐣ ᐋᐧᐸᐦᒋᑳᑌᐤ ᒥᓯᐁᐧ ᐊᐢᑮᕽ! ᓂᑲᒧᐃᐧᐣ ᐸᑯᓭᔨᐦᑕᒧᐃᐧᐣ ᐅᓂᑲᒧᐣ ᑌᐱᐟ (David) ᑖᓂᔨᑯᕽ ᑲ ᐊᐧᓂᑭᐢᑭᓯᑐᑕᐃᐧᔭᐣ, ᑳ ᑎᐯᔨᐦᒋᑫᔭᐣ? ᑖᓂᔨᑯᕽ ᑲ ᑳᓲᐢᑕᐃᐧᔭᐣ? ᑖᓂᔨᑯᕽ ᑲ ᑲᑳᐧᑕᑫᔨᐦᑕᒫᐣ ᓂᑕᐦᒑᐦᑯᕽ, ᐁᑲᐧ ᑕᐦᑐ ᑮᓯᑳᐤ ᓂᑌᐦᐃᕽ ᑭᑕ ᑮᓯᓈᑌᔨᐦᑕᒫᐣ? ᑖᓂᔨᑯᕽ ᐊᓂᑭ ᑳ ᐸᑳᐧᓯᒋᐠ ᓂᑲ ᓵᑰᒋᐦᐃᑲᐧᐠ? ᑭᑖᐸᒥᐣ, ᑳ ᑎᐯᔨᐦᒋᑫᔭᐣ ᓂᑭᓭ ᒪᓂᑑᒼ, ᒦᓇ ᓇᐢᑫᐧᐊᐧᓯᒥᐣ. ᐱᒫᑎᓰᐢᑲᐃᐧᐣ, ᐁᑳᔭ ᑭᑕ ᓂᐱᔮᐣ. ᓈᓂᑕᐤ ᐃᓯ ᑳ ᐸᑳᐧᓯᒋᐠ ᐃᑌᐧᑖᐧᐃᐧ, «ᓂᑮ ᓵᑰᒋᐦᐋᓈᐣ.» ᓈᓂᑕᐤ ᐃᓯ ᒨᒋᑫᔨᐦᑕᐦᑳᐧᐃᐧ ᐸᐦᑭᓯᓂᔮᓂ. ᒫᑲ ᑭᒪᒥᓰᑐᑖᑎᐣ ᐊᔨᐢᐠ ᑭᓵᑭᐦᐃᐁᐧᐃᐧᐣ ᐅᐦᒋ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ; ᓂᑲ ᒥᔦᐧᔨᐦᑌᐣ ᐊᔨᐢᐠ ᑭᑲ ᐱᒫᒋᐦᐃᐣ. ᓂᑲ ᓂᑲᒧᐢᑕᐋᐧᐤ ᑳ ᑎᐯᔨᐦᒋᑫᐟ, ᐊᔨᐢᐠ ᓂᑮ ᒥᔪ ᑑᑖᐠ. PSA.indd 0//0 :: PM

8 ᓂᑲᒧᐃᐧᓇ, ᓂᑲᒧᐃᐧᐣ ᑳ ᒧᐦᒍᐃᐧᐟ ᐃᑌᐧᐤ ᐅᓂᑲᒧᐣ ᑌᐱᐟ (David) ᐊᓂᑭ ᒨᐦᒍᐊᐧᐠ ᐆᒥᓯ ᐃᑌᔨᐦᑕᒪᐧᐠ, «ᓇᒨᔭ ᐃᐦᑕᑯᐤ ᑭᓭ ᒪᓂᑐᐤ!» ᒥᑐᓂ ᒪᒑᑎᓯᐊᐧᐠ, ᒦᓇ ᑮ ᑑᑕᒪᐧᐠ ᑲᑫᐹᒋ ᑮᑲᐧᔭ; ᓇᒨᔭ ᐊᐃᐧᔭᐠ ᐃᐦᑕᑯᐤ ᑲᐧᔭᐢᐠ ᑭᑕ ᑑᑕᕽ ᑮᑲᐧᐩ. ᑳ ᑎᐯᔨᐦᒋᑫᐟ ᑭᑖᐸᒣᐤ ᑲᐦᑭᔭᐤ ᐊᔨᓯᔨᓂᐊᐧ ᑭᐦᒋ ᑮᓯᑯᕽ ᐅᐦᒋ ᒪᐦᑎ ᐊᐃᐧᔭ ᑭᑕ ᐃᔨᓃᓯᔨᐟ, ᒦᓇ ᐊᐄᐧᓂᐊᐧ ᑳ ᓅᐦᑌ ᑭᐢᑫᔨᒥᑯᐟ. ᒫᑲ ᑲᐦᑭᔭᐤ ᑮ ᒫᔨ ᑑᑕᒪᐧᐠ, ᒦᓇ ᐯᔭᑲᐧᐣ ᐃᔨᑯᕽ ᐁ ᒪᒑᑎᓯᒋᐠ. ᓇᒫᐧᐨ ᐯᔭᐠ ᑲᐧᔭᐢᐠ ᑑᑕᒼ, ᓇᒫᐧᐨ ᐯᔭᐠ. «ᓇᒨᔭ ᒌ ᐁ ᑭᐢᑫᔨᐦᑕᐦᑭᐠ?» ᐃᑌᐧᐤ ᐁᓴ ᑳ ᑎᐯᔨᐦᒋᑫᐟ. «ᑲᐦᑭᔭᐤ ᒌ ᐆᑭ ᐅᒪᒑᑎᓴᐠ ᓇᒨᔭ ᑮᑲᐧᐩ ᐁ ᑭᐢᑫᔨᐦᑕᐦᑭᐠ? ᐁ ᑭᒧᑕᒪᐋᐧᒋᐠ ᓂᑕᔨᓯᔨᓃᒪ ᐁᑯᑕ ᐁ ᐅᐦᒋ ᐱᒫᒋᐦᐅᒋᐠ, ᓇᒨᔭ ᐄᐧᐦᑳᐨ ᓂᑕᔭᒥᐦᐁᐢᑖᑲᐧᐠ.» ᒫᑲ ᐁᑲᐧ ᒥᐢᑕᐦᐃ ᑭᑕ ᓭᑭᓯᐊᐧᐠ, ᐊᔨᐢᐠ ᑭᓭ ᒪᓂᑐᐤ ᐄᐧᒉᐁᐧᐤ ᐊᓂᐦᐃ ᑳ ᓇᓇᐦᐃᐦᑖᑯᐟ. ᐊᐧᐋᐧᓀᔨᐦᑕᒥᐦᐁᐊᐧᐠ ᐊᓂᐦᐃ ᑳ ᑭᑎᒫᑭᓯᔨᐟ ᓈᓂᑕᐤ ᐋᐧ ᐃᓰᐦᒋᑫᔨᒋ, ᒫᑲ ᑳ ᑎᐯᔨᐦᒋᑫᔨᐟ ᑲᓇᐁᐧᔨᒥᑲᐧᐠ. ᐃᔨᑯᕽ ᑳ ᓂᑕᐁᐧᔨᐦᑕᒫᐣ ᐃᐢᕒᐊᐁᓬᐄᐃᐧᔨᓂᐊᐧᐠ (Israelites) ᑭᑕ ᐸᐢᐲᐦᐃᑯᒋᐠ ᐊᓂᐦᐃ ᑳ ᐊᔮᔨᐟ ᓵᔭᓂᕽ (Zion)! ᑲ ᒥᔦᐧᔨᐦᑕᐦᑭᐠ ᐃᐢᕒᐊᐁᓬᐄᐃᐧᔨᓂᐊᐧᐠ ᐃᐢᐲᕽ ᑳ ᑎᐯᔨᐦᒋᑫᔨᐟ ᐄᐧᒋᐦᐃᑯᑖᐧᐃᐧ ᑮᐦᑖᐧᒼ ᑭᑕ ᐁᐧᔫᑎᓯᒋᐠ! ᓂᑲᒧᐃᐧᐣ ᑖᓂᓯ ᐁ ᐃᓯ ᓂᑕᐁᐧᔨᐦᑕᕽ ᑭᓭ ᒪᓂᑐᐤ ᐅᓂᑲᒧᐣ ᑌᐱᐟ (David) ᑳ ᑎᐯᔨᐦᒋᑫᔭᐣ, ᐊᐄᐧᓇ ᑲ ᑮ ᐲᐦᑎᑫᐧᐟ ᑮᑭᕽ? ᐊᐄᐧᓇ ᑲ ᑮ ᐄᐧᑭᐟ ᐊᐧᒌᕽ ᓵᔭᓂᕽ (Zion) ᑳ ᑭᐦᒋᐦᑖᐧᐃᐧ ᐃᑌᔨᐦᑖᑲᐧᕽ? PSA.indd 0//0 :: PM

9 ᓂᑲᒧᐃᐧᓇ, ᐊᐃᐧᔭᐠ ᑳ ᓇᓇᐦᐃᐦᑕᐋᐧᐟ ᑭᓭ ᒪᓂᑐᐊᐧ ᒥᓯᐁᐧ ᐃᓯ ᒦᓇ ᑲᐧᔭᐢᐠ ᑑᑕᐦᑭ ᑖᐱᑕᐃᐧ, ᒦᓇ ᑖᐯᐧᐃᐧᐣ ᐅᑌᐦᐃᕽ ᐅᐦᒋ ᐱᑯ ᐋᐸᒋᐦᑖᒋ, ᒦᓇ ᐁᑳᔭ ᒫᔮᒋᒫᒋ ᐊᐃᐧᔭ, ᐁᑳᔭ ᒫᔨ ᑑᑕᐋᐧᒋ ᐅᐄᐧᒉᐋᐧᑲᓇ ᒦᓇ ᐁᑳᔭ ᐸᐹᒥ ᐋᔨᒨᒫᒋ ᐅᐄᐧᑕᐱᒫᑲᓇ. ᐸᑳᐧᑌᐤ ᐊᓂᐦᐃ ᑳ ᐋᑕᐁᐧᔨᒫᔨᐟ ᑭᓭ ᒪᓂᑐᐊᐧ ᒦᓇ ᑭᐦᒉᔨᒣᐤ ᐊᓂᐦᐃ ᑳ ᓇᓇᐦᐃᐦᑕᐋᐧᔨᐟ ᑳ ᑎᐯᔨᐦᒋᑫᔨᐟ. ᑳᑭᑫ ᑑᑕᒼ ᐊᓂᒪ ᑳ ᐊᓱᑕᕽ, ᑭᔮᒼ ᐋᑕ ᐱᑯ ᐃᔨᑯᕽ ᑎᐸᐦᐊᐦᑭ. ᐊᐃᐧᐦᐃᐁᐧᐤ ᓲᓂᔮᐊᐧ ᐁᑳᔭ ᐁ ᐊᑭᐦᑕᕽ ᐊᔨᐋᐧᐠ ᑭᑕ ᑎᐸᐦᐊᒫᐦᐟ ᐁᑯᑕ ᐅᐦᒋ, ᒦᓇ ᓇᒨᔭ ᑭᑕ ᑮ ᐊᐧᔦᓯᒫᐤ ᑭᑕ ᒫᔨᐱᑖᐟ ᐊᐃᐧᔭ ᐁ ᒥᔮᐧᑎᓯᔨᐟ. ᐊᐃᐧᔭᐠ ᑎᐱᑑᑕᐦᑭ ᐆᐦᐃ ᑳᑭᑫ ᑲ ᓲᐦᑭᑳᐸᐃᐧᐤ. ᓂᑲᒧᐃᐧᐣ ᐁ ᐊᔭᒥᐦᐁᐢᑕᒥᕽ ᐃᐦᑕᑌᔨᒧᐃᐧᐣ ᐅᓂᑲᒧᐣ ᑌᐱᐟ (David) ᑲᓇᐁᐧᔨᒥᐣ ᑭᓭ ᒪᓂᑐᐤ; ᑭᔭ ᐱᑯ ᐁ ᒪᒥᓰᑐᑖᑖᐣ. ᐆᒥᓯ ᓂᑎᑖᐧᐣ, «ᑭᔭ ᓂᑎᐯᔨᐦᒋᑫᒼ; ᑲᐦᑭᔭᐤ ᒥᔪ ᑮᑲᐧᐩ ᑳ ᐊᔮᔮᐣ ᑭᔭ ᑳ ᐅᐦᒌᐢᑕᒪᐃᐧᔭᐣ.» ᑭᐦᒉᔨᐦᑖᑯᓯᐊᐧᐠ ᐊᓂᑭ ᑳ ᑲᐧᔭᐢᑳᑎᓯᒋᐠ ᑳ ᑎᐯᔨᐦᒋᑫᐟ ᐅᑕᔨᓯᔨᓃᒪ ᐆᑕ ᐊᐢᑮᕽ! ᓂᒫᐊᐧᒋ ᒥᔦᐧᔨᐦᑌᐣ ᑭᑕ ᐄᐧᒉᐊᐧᑭᐠ. ᐊᓂᑭ ᑯᑕᑲᐠ ᑳ ᓈᑖᒧᐢᑕᐋᐧᒋᐠ ᑯᑕᑲ ᒪᓂᑐᐊᐧ ᒫᔨ ᑑᑖᓱᐊᐧᐠ ᒥᐦᒉᑖᐧᐤ. ᓇᒨᔭ ᓂᑲ ᐄᐧᒉᐋᐧᐊᐧᐠ ᒪᒍᐢᑌᐦᐊᒫᑫᑖᐧᐃᐧ; ᓇᒨᔭ ᓂᑲ ᒪᐃᐧᒧᐢᑖᒫᐊᐧ ᐅᒪᓂᑑᒥᐋᐧᐊᐧ. ᑭᒫᑎᓇᒫᑫᐢᑕᒪᐃᐧᐣ ᑳ ᑎᐯᔨᐦᒋᑫᔭᐣ, ᑲᐦᑭᔭᐤ ᐁ ᒥᔨᑯᐃᐧᓯᔮᐣ, ᐆᑌ ᓃᑳᓄᕽ ᑭᔭ ᐅᐦᒋ. ᑖᐯᐧ ᒫᒪᐢᑳᑌᔨᐦᑖᑲᐧᓇᐧ ᐊᓂᐦᐃ ᑳ ᒥᔨᔭᐣ; ᑖᐯᐧ ᒥᔮᐧᓯᓇᐧ! ᓂᒪᒥᐦᒋᒫᐤ ᑳ ᑎᐯᔨᐦᒋᑫᐟ, ᐊᔨᐢᐠ ᓂᑭᐢᑭᓄᐦᑕᐦᐃᐠ; ᐁᑲᐧ ᑳ ᑎᐱᐢᑳᐠ ᓂᑭᐢᑭᓄᐦᐊᒫᐠ ᓂᑌᐦᐃᕽ. PSA.indd 0//0 :: PM

10 ᓂᑲᒧᐃᐧᓇ, ᑖᐱᑕᐃᐧ ᓂᒨᔦᔨᒫᐤ ᑳ ᑎᐯᔨᐦᒋᑫᐟ ᑭᓯᐋᐧᐠ ᐊᔮᐤ, ᐁᑲᐧ ᓇᒨᔭ ᑮᑲᐧᐩ ᓂᑲ ᑯᐢᑌᐣ. ᐁᑯᓯ ᓂᓇᓈᐢᑯᒧᐣ ᒦᓇ ᓂᒥᔦᐧᔨᐦᑌᐣ, ᒦᓇ ᓇᒨᔭ ᓂᑕᐢᑖᐦᐃᑯᐣ ᑮᑲᐧᐩ, 0 ᐊᔨᐢᐠ ᑭᑲᓇᐁᐧᔨᒥᐣ ᐁᑳᔭ ᑭᑕ ᓭᑭᐦᐃᑯᔮᐣ ᓂᐱᐃᐧᐣ. ᒦᓇ ᑲᐧᔭᐢᐠ ᐁ ᐊᑐᐢᑳᑖᐣ ᓇᒫᐧᐨ ᑭᑲ ᐸᑭᑌᔨᒥᐣ ᐁᑳᔭ ᑲ ᐃᑐᐦᑌᔮᐣ ᐃᑌ ᐅᓂᐱᐊᐧᐠ ᑳ ᐊᔮᒋᐠ. ᑭᐋᐧᐸᐦᑎᐦᐃᐣ ᒣᐢᑲᓇᐤ ᐱᒫᑎᓯᐃᐧᓂᕽ ᑳ ᐃᑕᒧᐠ; ᑳ ᒨᓯᐦᐃᑖᐣ ᓂᒥᔦᐧᔨᐦᑌᐣ, ᒦᓇ ᑳᑭᑫ ᓂᒥᔨᑯᐣ ᒥᔦᐧᔨᐦᑕᒧᐃᐧᐣ. ᓂᑲᒧᐃᐧᐣ ᑭᓭ ᒪᓂᑐᐤ ᐅᑭᐢᑌᔨᐦᑖᑯᓯᐃᐧᐣ ᐅᓂᑲᒧᐣ ᑌᐱᐟ (David) ᑖᐯᐧ ᒥᔪᓈᑲᐧᐣ ᐆᒪ ᑮᓯᐠ; ᐁᑯᑕ ᐅᐦᒋ ᐋᐧᐸᐦᒋᑳᑌᔨᐤ ᑭᓭ ᒪᓂᑐᐤ ᐅᑭᐢᑌᔨᐦᑖᑯᓯᐃᐧᐣ; ᑖᐯᐧ ᐋᐧᐸᐦᒋᑳᑌᐤ ᐁ ᑮ ᒫᐦᑖᐃᐧ ᐅᓰᐦᑖᐟ ᑲᐦᑭᔭᐤ ᑮᑲᐧᐩ. ᑕᐦᑐ ᑮᓯᑳᐤ ᑮᓯᐠ ᐲᑭᐢᑳᐧᑕᒼ ᑳ ᐋᐧᐸᓂᔨᐠ, ᒦᓇ ᑮᐦᑖᐧᒼ ᐊᑎ ᐲᑭᐢᑳᐧᑕᒼ ᐁ ᐊᑎ ᑎᐱᐢᑳᔨᐠ. ᓇᒨᔭ ᑮᑲᐧᐩ ᐲᑭᐢᑫᐧᐃᐧᐣ ᐊᐦᐴ ᐃᑌᐧᐃᐧᐣ; ᓇᒨᔭ ᐯᐦᑖᑲᐧᓂᔨᐤ ᐅᐲᑭᐢᑫᐧᐃᐧᐣ; ᒫᑲ ᐋᐦᒋ ᐱᑯ ᐅᐲᑭᐢᑫᐧᐃᐧᓂᐋᐧᐤ ᒥᓯᐁᐧ ᐊᐢᑮᕽ ᐯᐦᑖᑲᐧᓂᔨᐤ, ᒦᓇ ᐅᑎᑌᐧᐃᐧᓂᐋᐧᐊᐧ ᒥᓯᐁᐧ ᐊᐢᑮᕽ ᐯᐦᑖᑲᐧᓂᔨᐊᐧ. ᑭᓭ ᒪᓂᑐᐤ ᐁᑯᑕ ᑮ ᒫᓄᑲᐁᐧᐤ ᐲᓯᒪᐧ ᑮᓯᑯᕽ; ᐁ ᐯ ᑕᑯᐦᑌᔨᐟ ᑖᐱᐢᑰᐨ ᐁ ᐄᐧ ᐄᐧᑭᐦᑐᔨᐟ ᐅᐢᑭᓃᑭᐊᐧ ᐁ ᑕᑲᐦᑫᔨᐦᑕᒥᔨᐟ, ᑖᐱᐢᑰᐨ ᐅᒦᐦᑲᐃᐧᑮᐃᐧ ᐃᔨᓂᐊᐧ ᐁ ᒌᐦᑫᔨᐦᑕᒥᔨᐟ ᐁ ᐄᐧ ᐱᒥᐸᐦᑖᔨᐟ. ᐯ ᓵᑫᐁᐧᔨᐊᐧ ᓇᐸᑌ ᑮᓯᑯᕽ ᐅᐦᒋ ᒦᓇ ᐁ ᐱᒧᐦᑌᔨᐟ ᒥᓴᑳᒣ ᐊᑳᒥᕽ ᐃᓯ. ᐁᑲᐧ ᑲᐦᑭᔭᐤ ᑮᑲᐧᐩ ᑮᓲᐃᐧᓇᒥᔨᐊᐧ. ᑳ ᑎᐯᔨᐦᒋᑫᐟ ᐅᐃᐧᔭᓯᐁᐧᐃᐧᐣ ᐅᐃᐧᔭᓯᐁᐧᐃᐧᐣ ᑳ ᑎᐯᔨᐦᒋᑫᐟ ᒥᑐᓂ ᒥᔮᐧᓯᓂᔨᐤ; ᐁᑯᑕ ᐅᐦᒋ ᒥᔨᑯᐃᐧᓯᓈᓂᐃᐧᐤ ᐅᐢᑭ ᒪᐢᑲᐃᐧᓰᐃᐧᐣ; ᐅᑎᑕᓯᐁᐧᐃᐧᓇ ᑳ ᑎᐯᔨᐦᒋᑫᐟ ᒪᒥᓰᑐᒋᑳᑌᔨᐤ, ᐁ ᒥᔨᑯᐃᐧᓯᒋᐠ ᐃᔨᓃᓯᐃᐧᐣ ᐊᓂᑭ ᐁᑳᔭ ᑳ ᐃᔨᓃᓯᒋᐠ. ᐅᐃᐧᔭᓯᐁᐧᐃᐧᓇ ᑳ ᑎᐯᔨᐦᒋᑫᐟ ᑲᐧᔭᐢᑲᐧᓂᔨᐊᐧ, ᒦᓇ ᐊᓂᑭ ᑳ ᑖᐯᐧᐦᑕᐦᑭᐠ ᒥᔦᐧᔨᐦᑕᒧᐃᐧᐣ ᐊᔮᐊᐧᐠ. ᐅᑎᑕᓯᐁᐧᐃᐧᓇ ᑳ ᑎᐯᔨᐦᒋᑫᐟ ᑲᐧᔭᐢᑳᐧᑕᓂᔨᐊᐧ ᒦᓇ ᒥᔨᑲᐧᐠ ᓂᓯᑐᐦᑕᒧᐃᐧᐣ. PSA.indd 0//0 :: PM

11 ᓂᑲᒧᐃᐧᓇ, ᒥᔮᐧᓯᐣ ᑭᑕ ᑭᐢᑌᔨᒥᐦᐟ ᑳ ᑎᐯᔨᐦᒋᑫᐟ, ᑳᑭᑫ ᑲ ᐃᐦᑕᑲᐧᐣ; ᑖᐯᐧᒪᑲᓂᔨᐊᐧ ᐅᐃᐧᔭᓯᐋᐧᑕᒧᐃᐧᐣ ᑳ ᑎᐯᔨᐦᒋᑫᐟ; ᑳᑭᑫ ᑲᐧᔭᐢᐠ ᒥᔪ ᑑᑖᑫᔨᐊᐧ. 0 ᓇᐊᐧᐨ ᑕ ᒥᔦᐧᔨᐦᑕᒧᐦᐟ ᐃᐢᐲᐦᒋ ᐁ ᒫᒪᐅᐧ ᒥᔪᓯᔨᐟ ᐅᓵᐃᐧ ᓲᓂᔮᐊᐧ; ᓇᐊᐧᐨ ᐁ ᓰᐋᐧᐠ ᐃᐢᐲᐦᒋ ᑳ ᒫᐊᐧᒋ ᒥᔮᐧᓯᐠ ᐋᒧᐤ ᐅᓰᐦᒋᑫᐃᐧᐣ. ᐁᑯᑕ ᐅᐦᒋ ᓂᔭ, ᑭᑕᑐᐢᑫᔮᑲᐣ, ᓂᑖᓱᐃᐧ ᒥᔨᑲᐃᐧᐣ ᑭᐢᑫᔨᐦᑕᒧᐃᐧᐣ; ᑎᐸᐦᐃᑫᐸᔨᐤ ᐁ ᓇᓇᐦᐃᐦᑕᒫᐣ. ᒫᑲ ᓇᒨᔭ ᐊᐃᐧᔭᐠ ᑭᑕ ᑮ ᐋᐧᐸᐦᑕᒼ ᐅᐸᑎᓂᑫᐃᐧᓇ; ᑳ ᑎᐯᔨᐦᒋᑫᔭᐣ, ᐱᒫᒋᐦᐃᐣ ᓂᐸᑎᓂᑫᐃᐧᓇ ᐅᐦᒋ ᐁᑳᔭ ᑳ ᑭᐢᑫᔨᐦᑕᒫᐣ! ᒦᓇ ᑲᓇᐁᐧᔨᒥᐣ ᓂᒫᔨ ᑑᑕᒧᐃᐧᓇ ᐅᐦᒋ ᐅᐦᒋᑕᐤ ᑳ ᑑᑕᒫᐣ; ᐁᑳᔭ ᑲ ᑎᐯᔨᒥᑯᔮᐣ. ᐁᑯᓯ ᐁᑲᐧ ᒥᑐᓂ ᓂᑲ ᒥᔮᐧᑎᓯᐣ, ᐁᑲᐧ ᓇᒨᔭ ᓂᑲ ᑎᐯᔨᒥᑯᐣ ᒫᔨ ᑑᑕᒧᐃᐧᐣ. ᑭᔮᒼ ᓂᐲᑭᐢᑫᐧᐃᐧᓇ ᒦᓇ ᓂᒫᒥᑐᓀᔨᐦᒋᑲᓇ ᑭᑕ ᑌᐯᔨᐦᑖᑲᐧᓇᐧ ᑭᔭ ᐅᐦᒋ, ᑳ ᑎᐯᔨᐦᒋᑫᔭᐣ, ᑳ ᓈᑖᒧᑐᑕᐊᐧᐠ ᒦᓇ ᑳ ᐱᒫᒋᐦᐃᐟ. ᓂᑲᒧᐃᐧᐣ ᑲᑳᐧᑕᑭᐦᑖᐤ ᐊᑐᐢᑫᔮᑲᐣ ᐅᓂᑲᒧᐣ ᑌᐱᐟ (David) ᓂᑭᓭ ᒪᓂᑑᒼ, ᓂᑭᓭ ᒪᓂᑑᒼ, ᑖᓀᐦᑭ ᑳ ᐸᑭᑌᔨᒥᔭᐣ? ᒥᐢᑕᐦᐃ ᐁ ᒪᐦ ᒪᐃᐧᒧᐢᒋᑫᔮᐣ ᑕ ᐄᐧᒋᐦᐃᑲᐃᐧᔮᐣ, ᒫᑲ ᓇᒫᐧᐨ ᓂᐄᐧᒋᐦᐃᑲᐃᐧᐣ. ᐁ ᒣᑳᐧ ᑮᓯᑳᐠ ᓂᑳᑮᓯᒧᐣ, ᓂᑭᓭ ᒪᓂᑑᒼ, ᒫᑲ ᓇᒨᔭ ᑭᓇᐢᑫᐧᐊᐧᓯᒥᐣ, ᐁ ᑎᐱᐢᑳᐠ ᓂᑳᑮᓯᒧᐣ, ᐁᑯᓯ ᓇᒫᐧᐨ ᓂᑮ ᑳᒫᐧᒋ ᐊᔮᐣ. ᒫᑲ ᑭᐦᒋ ᐅᑭᒫᐃᐧ ᐊᐱᐃᐧᓂᕽ ᑭᑲᓈᑌᔨᐦᑖᑯᓯᐣ, ᐁᑯᓯ ᑭᑎᓯ ᒪᒥᐦᒋᒥᑲᐧᐠ ᐃᐢᕒᐊᐁᓬᐄᐃᐧᔨᓂᐊᐧᐠ (Israelites). ᓂᒧᓲᒥᐸᓂᓈᓇᐠ ᑭᒪᒥᓰᑐᑖᑲᐧᐠ; ᑭᑮ ᒪᒥᓰᑐᑖᑲᐧᐠ ᐁᑯᓯ ᑭᑮ ᐱᒫᒋᐦᐋᐊᐧᐠ. ᑭᑮ ᑌᐹᐧᑎᑲᐧᐠ ᐁᑯᓯ ᑮ ᐸᐢᐲᐊᐧᐠ ᑲᑫᐧᐢᐸᓈᑕᓄᕽ ᐅᐦᒋ; ᐁ ᒪᒥᓰᑐᑖᐢᑭᐠ ᓇᒫᐧᐨ ᐅᐦᒋ ᐴᒣᐊᐧᐠ. ᒫᑲ ᓂᔭ ᒧᐦᑌᐤ ᓇᒨᔭ ᓈᐯᐤ; ᐁ ᐲᐁᐧᔨᒥᒋᐠ ᒦᓇ ᐁ ᐸᑳᐧᓯᒋᐠ ᑲᐦᑭᔭᐤ. PSA.indd 0//0 :: PM

12 ᓂᑲᒧᐃᐧᐣ ᐊᓂᑭ ᑳ ᐋᐧᐸᒥᒋᐠ ᓂᐲᐁᐧᔨᒥᑲᐧᐠ; ᓂᓵᓵᑭᑌᓂᐁᐧᐢᑖᑲᐧᐠ ᒦᓇ ᓂᐁᐧᐱᐢᑫᐧᔫᐢᑖᑲᐧᐠ. «ᑭᑮ ᒪᒥᓰᑐᑕᐋᐧᐤ ᑳ ᑎᐯᔨᐦᒋᑫᐟ. ᑮᐢᐱᐣ ᑭᓵᑭᐦᐃᐠ, ᑖᓀᐦᑭ ᐁᑳᔭ ᑳ ᐱᒫᒋᐦᐃᐢᐠ?» ᐁ ᐃᑌᐧᒋᐠ. ᑭᔭ ᑳ ᑮ ᑲᓇᐁᐧᔨᒥᔭᐣ ᐁ ᓂᐦᑖᐃᐧᑭᔮᐣ, ᒦᓇ ᐁ ᐅᐢᑲᐋᐧᓯᓰᐃᐧᔮᐣ ᑭᑮ ᑭᑌᔨᒥᐣ. 0 ᑭᑮ ᒪᒥᓰᑐᑖᑎᐣ ᐊᐢᐱᐣ ᐅᐦᒋ ᑳ ᓂᐦᑖᐃᐧᑭᔮᐣ; ᑳᑭᑫ ᐆᒪ ᑭᔭ ᓂᑭᓭ ᒪᓂᑑᒼ. ᐁᑳᔭ ᐋᐧᐦᔭᐤ ᐅᐦᒌᐢᑕᐃᐧᐣ! ᓇᒨᔭ ᐋᐧᐦᔭᐤ ᐊᐢᑌᐤ ᒫᔭᐦᑲᒥᑭᓯᐃᐧᐣ ᐁᑯᓯ ᓇᒨᔭ ᐊᐃᐧᔭᐠ ᑭᑕ ᑮ ᐄᐧᒋᐦᐃᐟ. ᒥᐦᒉᐟ ᑳ ᒫᔦᔨᒥᒋᐠ ᓂᐋᐧᓴᑳᐢᑳᑲᐧᐠ ᑖᐱᐢᑰᐨ ᐃᔮᐯᐊᐧᐠ, ᐁ ᓲᐦᑭᓯᒋᐠ ᐯᓵᐣ (Bashan) ᐅᐦᒋ. ᑖᐦ ᑖᐊᐧᑎᐊᐧᐠ ᑖᐱᐢᑰᐨ ᒥᐢᑕᐦᑫᓯᐊᐧᐠ, ᐁ ᑭᓰᐁᐧ ᑭᑐᒋᐠ ᒦᓇ ᐁ ᐄᐧ ᔮᔮᔨᑭᐱᓯᒋᐠ. ᓂᓅᐦᑌᓯᓂᐣ ᑖᐱᐢᑰᐨ ᓂᐱᐩ ᑳ ᒣᐢᒋᑲᐃᐧᐠ, ᐁᑲᐧ ᑲᐦᑭᔭᐤ ᓂᐢᑲᓇ ᑯᑐᑯᐸᔨᐊᐧ; ᓂᑌᐦ ᑖᐱᐢᑰᐨ ᐋᐧᓴᐢᑯᒉᓂᑲᓂᐢ ᐁ ᑎᐦᑭᑌᐠ. ᓂᑯᐦᑖᑲᐣ ᐹᐢᑌᐤ ᑖᐱᐢᑰᐨ ᐊᓯᐢᑭᐩ ᓂᑌᔨᓂᐩ ᐸᓴᑲᐧᒧᐣ ᐃᐢᐱᒥᕽ ᓂᑑᓂᕽ. ᑭᑮ ᓇᑲᓯᐣ ᐊᓯᐢᑮᕽ ᑖᐱᐢᑰᐨ ᐁ ᓂᐱᔮᐣ. ᒪᒋ ᓈᐯᐊᐧᐠ ᓂᐋᐧᓴᑳᐢᑳᑲᐧᐠ, ᑖᐱᐢᑰᐨ ᐊᑎᒪᐧᐠ; ᔮᔨᑭᐱᑕᒪᐧᐠ ᓂᒋᐦᒋᔭ ᒦᓇ ᓂᓯᑕ. ᑲᐦᑭᔭᐤ ᓂᐢᑲᓇ ᓅᑲᐧᓇᐧ. ᓂᐹ ᐸᑭᓵᐸᒥᑲᐧᐠ ᐊᓂᑭ ᑳ ᐸᑳᐧᓯᒋᐠ. ᒫᑎᓇᒫᑐᐊᐧᐠ ᓂᑕᔨᐃᐧᓂᓴ, ᒦᓇ ᐋᐢᑖᐧᐦᑐᐊᐧᐠ. ᑳ ᑎᐯᔨᐦᒋᑫᔭᐣ, ᐁᑳᔭ ᐋᐧᐦᔭᐤ ᐅᐦᒌᐢᑕᐃᐧᐣ! ᑭᔨᐸ ᐯ ᐄᐧᒋᐦᐃᐣ! 0 ᐱᒫᒋᐦᐃᐣ ᐃᓴᐁᐧᐢᐠ ᐅᐦᒋ; ᐱᒫᒋᐦᐃᐣ ᐆᑭ ᐅᐦᒋ ᐊᑎᒪᐧᐠ. ᐱᒫᒋᐦᐃᐣ ᐆᑭ ᐅᐦᒋ ᒥᐢᑕᐦᑫᓯᐊᐧᐠ. ᓇᒨᔭ ᓈᓂᑕᐤ ᓂᑮ ᐃᓯ ᐄᐧᒋᐦᐃᓱᐣ ᐆᑭ ᐅᐦᒋ ᐸᑲᐧᒋ ᐃᔮᐯᐊᐧᐠ! ᓂᑲ ᐄᐧᐦᑕᒪᐋᐧᐊᐧᐠ ᓂᑎᔨᓃᒪᐠ ᑖᓂᓯ ᐁ ᑮ ᑑᑕᒪᐣ; ᑭᑲ ᒪᒥᐦᒋᒥᑎᐣ ᒫᒪᐅᐧᐸᔨᑖᐧᐃᐧ ᒪᐃᐧᒧᐢᒋᑫᑖᐧᐃᐧ: PSA.indd 0//0 :: PM

13 ᓂᑲᒧᐃᐧᓇ, «ᑭᔭᐋᐧᐤ ᐅᑕᑐᐢᑫᔮᑲᓇ ᑳ ᑎᐯᔨᐦᒋᑫᐟ, ᒪᒥᐦᒋᒥᕽ! ᑭᔭᐋᐧᐤ ᒉᑲᑊ (Jacob) ᑳ ᐅᐦᒌᔦᐠ, ᑭᐢᑌᔨᒥᕽ! ᑭᔭᐋᐧᐤ ᐃᐢᕒᐁᐃᓬ (Israel) ᑳ ᐅᐦᒌᔦᐠ, ᒪᐃᐧᒧᐢᑖᕽ! ᒋᑫᒫ ᓇᒫᐧᐨ ᐊᐧᓂᑭᐢᑭᓯᐤ ᐅᑭᑎᒫᑭᓯᐊᐧ ᒦᓇ ᓈᑲᑐᐦᑫᐤ ᐅᑲᑳᐧᑕᑭᐦᑖᐊᐧ; ᓇᒨᔭ ᑳᓲᐢᑕᐁᐧᐤ, ᒫᑲ ᐯᐦᑕᐁᐧᐤ ᑳ ᒪᒥᓰᑐᑖᑯᐟ ᑭᑕ ᐄᐧᒋᐦᐋᐟ.» ᐃᑕ ᐁ ᒫᒪᐅᐧᐸᔨᒋᐠ ᐊᔨᓯᔨᓂᐊᐧᐠ ᑭᑲ ᒪᒥᐦᒋᒥᑎᐣ; ᑎᐱᔭᐤ ᓂᑲ ᑑᑌᐣ ᑳ ᑮ ᐊᓱᑕᒫᑖᐣ ᐁᑯᑕ. ᑳ ᑭᑎᒫᑭᓯᒋᐠ ᑭᑕ ᑌᐱᐢᑰᔪᐊᐧᐠ; ᐊᓂᑭ ᑳ ᐯ ᓈᑖᒋᐠ ᑳ ᑎᐯᔨᐦᒋᑫᔨᐟ ᑭᑕ ᒪᒥᐦᒋᒣᐊᐧᐠ! ᑳᑭᑫ ᑭᑕ ᐄᐧ ᒥᔪᐸᔨᐊᐧᐠ. ᑲᐦᑭᔭᐤ ᐁ ᐃᑕᐦᑑᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᑭᐢᑭᓯᐊᐧᐠ ᑳ ᑎᐯᔨᐦᒋᑫᔨᐟ; ᒦᓇ ᑲᐦᑭᔭᐤ ᐲᑐᐢ ᐊᔨᓯᔨᓂᐊᐧᐠ ᑭᑕ ᐅᒋᐦᒋᐦᑲᐧᓇᐲᐢᑕᐁᐧᐊᐧᐠ ᑭᑕ ᒪᐃᐧᒧᐢᑕᐁᐧᐊᐧᐠ. ᑳ ᑎᐯᔨᐦᒋᑫᐟ ᑭᐦᒋ ᐅᑭᒫᐃᐧᐤ, ᒦᓇ ᐱᒥᐸᔨᐦᐁᐤ ᑲᐦᑭᔭᐤ ᐊᔨᓯᔨᓂᐊᐧ. ᑲᐦᑭᔭᐤ ᑳ ᒪᒥᐦᑎᓯᔨᐟ ᑭᑕ ᓇᐊᐧᑳᐸᐁᐧᐊᐧᐠ; ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᐄᐧ ᓇᑲᑕᐢᑫᒋᐠ ᑭᑕ ᓇᐊᐧᑳᐸᐁᐧᐊᐧᐠ. 0 ᓃᑳᓄᕽ ᐋᓂᐢᑫ ᐃᔨᓂᐊᐧ ᑭᑕ ᐊᑐᐢᑳᐠ; ᑭᑕ ᐋᔨᒨᑕᒪᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐋᓂᐢᑫ ᐃᔨᓂᐊᐧ. ᐊᔨᓯᔨᓂᐊᐧᐠ ᐁᑳᔭ ᒉᐢᑲᐧ ᑳ ᓂᐦᑖᐃᐧᑭᒋᐠ ᑭᑕ ᐄᐧᐦᑕᒪᐋᐧᐊᐧᐠ, «ᑳ ᑎᐯᔨᐦᒋᑫᐟ ᐁ ᑮ ᐱᒫᒋᐦᐋᐟ ᐅᑕᔨᓯᔨᓃᒪ.» ᓂᑲᒧᐃᐧᐣ ᑳ ᑎᐯᔨᐦᒋᑫᐟ ᐅᑲᓇᐁᐧᔨᒫᔭᑎᐦᑫᐧᐤ ᐅᓂᑲᒧᐣ ᑌᐱᐟ (David) ᑳ ᑎᐯᔨᐦᒋᑫᐟ ᐁᐊᐧᑯ ᓂᑲᓇᐁᐧᔨᒫᔭᑎᐦᑫᐧᒼ; ᑲᐦᑭᔭᐤ ᑮᑲᐧᐩ ᓂᑲ ᑌᐱᐸᔨᐣ. ᓂᐸᑭᑎᓂᐠ ᑭᑕ ᐋᐢᑌᓯᓂᔮᐣ ᐃᑕ ᐁ ᑎᒪᐢᑳᐠ ᒦᓇ ᓂᐱᒧᐦᑕᐦᐃᐠ ᐃᑕ ᐁ ᑳᒫᐧᑕᕽ ᓂᐱᐩ. ᑳᐃᐧ ᓂᒥᔨᐠ ᓂᓲᐦᑳᑎᓯᐃᐧᐣ. ᓂᑭᐢᑭᓄᐦᑕᐦᐃᐠ ᑖᓂᐦᐃ ᑲᐧᔭᐢᐠ ᒣᐢᑲᓇᐊᐧ, ᐅᐄᐧᐦᐅᐃᐧᓂᕽ ᐅᐦᒋ. ᑭᔮᒼ ᐋᑕ ᐱᒧᐦᑌᔮᓂ ᐸᓴᐦᒑᕽ ᐃᑕ ᐁ ᑲᐢᑭ ᑎᐱᐢᑳᐠ ᓇᒨᔭ ᓂᑲ ᑯᐢᑖᒋᐣ, ᐊᔨᐢᐠ ᑭᐄᐧᒉᐃᐧᐣ; PSA.indd 0//0 :: PM

14 0 ᓂᑲᒧᐃᐧᓇ, ᐅᑲᓇᐁᐧᔨᒫᔭᑎᐦᑫᐧᐋᐧᐦᑎᐠ ᑭᑐᐦᒋ ᑲᓇᐁᐧᔨᒥᐣ. ᑭᑲᐧᔮᑕᐢᑕᒪᐃᐧᐣ ᐄᐧᐦᑯᐦᑫᐃᐧᐣ ᐃᑕ ᐁ ᑭᑖᐸᒥᒋᐠ ᐊᓂᑭ ᑳ ᐸᑳᐧᓯᒋᐠ; ᑭᑑᒥᓂᐢᑎᑳᐧᓀᓂᐣ ᐁ ᑭᐦᒋ ᐸᒥᐦᐃᔭᐣ ᒦᓇ ᑭᑑᓵᒼ ᓵᑲᐢᑭᓈᑖᐣ ᓂᒥᓂᐦᑳᐧᑲᐣ. ᑭᑭᓭᐋᐧᑎᓯᐃᐧᐣ ᒦᓇ ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᓂᑲ ᐱᒥᑎᓴᐦᐅᑯᐣ ᐃᐢᑯ ᑳ ᐱᒫᑎᓯᔮᐣ. ᐁᑯᓯ ᑳᑭᑫ ᓂᑲ ᐄᐧᑭᐣ ᐅᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ. ᓂᑲᒧᐃᐧᐣ ᑭᐦᒋ ᐅᑭᒫᐤ ᑳ ᒫᐊᐧᒋ ᑭᐢᑕᑭᓱᐟ ᐅᓂᑲᒧᐣ ᑌᐱᐟ (David) ᐆᒪ ᐊᐢᑭᐩ ᑎᐯᔨᐦᑕᒼ ᑳ ᑎᐯᔨᐦᒋᑫᐟ, ᐊᐢᑭᐩ ᒦᓇ ᑲᐦᑭᔭᐤ ᐁᑯᑕ ᑳ ᐄᐧᑭᔨᐟ ᑎᐯᔨᒣᐤ. ᐃᐧᔭ ᑮ ᐋᔩᑕᐢᑖᐤ ᐊᐢᑭᐩ ᐁ ᑎᒥᔨᕽ ᐊᑖᒥᕽ ᑭᐦᒋᑲᒦᕽ. ᐊᐄᐧᓇ ᑲ ᑮ ᐋᒪᒋᐁᐧᐟ ᐅᐊᐧᒌᒥᔨᕽ ᑳ ᑎᐯᔨᐦᒋᑫᔨᐟ? ᐊᐄᐧᓇ ᑲ ᑮ ᐲᐦᑎᑫᐧᐟ ᐅᑭᐦᒋ ᐊᔭᒥᐦᐁᐃᐧᑲᒥᑯᕽ? ᐊᓇ ᐱᑯ ᑳ ᐯᐦᑭᒋᐦᒉᐟ ᒦᓇ ᑳ ᐯᐦᑲᓂᔨᐠ ᐅᒫᒥᑐᓀᔨᐦᒋᑲᐣ, ᐁᑳᔭ ᑳ ᒪᐃᐧᒧᐢᑕᐋᐧᐟ ᒪᓂᑑᐦᑳᓇ ᐊᐦᐴ ᐁᑳᔭ ᑳ ᐊᐧᔦᓯᐦᑫᒧᐟ. ᑳ ᑎᐯᔨᐦᒋᑫᐟ ᑭᑕ ᓴᐁᐧᔨᒣᐤ ᒦᓇ ᑭᑕ ᐱᒫᒋᐦᐁᐤ. ᑭᓭ ᒪᓂᑐᐤ ᑭᑕ ᑲᓈᑌᔨᒣᐤ. ᐁᑯᓯ ᐁ ᐃᑖᒋᐦᐅᒋᐠ ᐊᔨᓯᔨᓂᐊᐧᐠ ᑳ ᓈᑖᒋᐠ ᑭᓭ ᒪᓂᑐᐊᐧ, ᐁ ᐯ ᓂᑕᐋᐧᐸᒫᒋᐠ ᐅᑭᓭ ᒪᓂᑑᒥᔨᐊᐧ ᒉᑲᐸ (Jacob). ᐦᐋᐤ! ᔫᐦᑌᐁᐧᐱᓇᒧᐠ ᐃᐢᑳᐧᐦᑌᒥᐦᑳᓇ. ᑕᐃᐧᓇᒪᐃᐧᐦᑯᐠ ᑲᔮᓯ ᐃᐢᑳᐧᐦᑌᒪ, ᐁᑯᓯ ᑳ ᒫᐊᐧᒋ ᑭᐢᑌᔨᐦᑖᑯᓯᐟ ᑭᐦᒋ ᐅᑭᒫᐤ ᑭᑕ ᐯ ᐲᐦᑎᑫᐧᐤ. ᐊᐄᐧᓇ ᒫᑲ ᐊᐊᐧ ᑳ ᒫᐊᐧᒋ ᑭᐢᑌᔨᐦᑖᑯᓯᐟ ᑭᐦᒋ ᐅᑭᒫᐤ? ᐁᐊᐧᑯ ᐊᓇ ᑳ ᑎᐯᔨᐦᒋᑫᐟ ᑳ ᒪᐢᑲᐃᐧᓰᐟ ᒦᓇ ᑳ ᓲᐦᑫᔨᐦᑖᑯᓯᐟ, ᑳ ᑎᐯᔨᐦᒋᑫᐟ ᑳ ᓵᑯᐦᑖᐧᐟ ᓅᑎᓂᑐᐃᐧᓂᕽ! ᐦᐋᐤ! ᔫᐦᑌᐁᐧᐱᓇᒧᐠ ᐃᐢᑳᐧᐦᑌᒥᐦᑳᓇ. ᑕᐃᐧᓇᒪᐃᐧᐦᑯᐠ ᑲᔮᓯ ᐃᐢᑳᐧᐦᑌᒪ, ᐁᑯᓯ ᑳ ᒫᐊᐧᒋ ᑭᐢᑌᔨᐦᑖᑯᓯᐟ ᑭᐦᒋ ᐅᑭᒫᐤ ᑭᑕ ᐯ ᐲᐦᑎᑫᐧᐤ. 0 ᐊᐄᐧᓇ ᒫᑲ ᐊᐊᐧ ᑳ ᒫᐊᐧᒋ ᑭᐢᑌᔨᐦᑖᑯᓯᐟ ᑭᐦᒋ ᐅᑭᒫᐤ? ᑳ ᑎᐯᔨᐦᒋᑫᐟ ᑳ ᒫᐊᐧᒋ ᓲᐦᑳᑎᓯᐟ, ᐊᓇ ᑳ ᒫᐊᐧᒋ ᑭᐢᑌᔨᐦᑖᑯᓯᐟ ᑭᐦᒋ ᐅᑭᒫᐤ! PSA.indd 0 0//0 :: PM

15 ᓂᑲᒧᐃᐧᐣ ᓂᑲᒧᐃᐧᐣ ᑭᐢᑭᓄᐦᑕᐦᐃᐁᐧᐃᐧᐣ ᒦᓇ ᑲᓇᐁᐧᔨᒥᐁᐧᐃᐧᐣ ᐅᓂᑲᒧᐣ ᑌᐱᐟ (David) ᐦᐋᐤ, ᑳ ᑎᐯᔨᐦᒋᑫᔭᐣ, ᑭᔭ ᑭᑲ ᐊᔭᒥᐦᐁᐢᑖᑎᐣ; ᑭᔭ ᑭᒪᒥᓰᑐᑖᑎᐣ, ᓂᑭᓭ ᒪᓂᑑᒼ. ᐁᑳᔭ ᓂᑲ ᐄᐧ ᓀᐯᐃᐧ ᓵᑰᒋᐦᐃᑲᐃᐧᐣ, ᐁᑳᔭ ᑳ ᒫᔦᔨᒥᒋᐠ ᑭᑕ ᒥᐢᑌᔨᒥᓱᐊᐧᐠ ᓂᔭ ᐅᐦᒋ! ᓇᒨᔭ ᓀᐯᐃᐧᐦᐋᐤ ᐊᐃᐧᔭᐠ ᑳ ᒪᒥᓰᑐᑖᐢᐠ; ᒫᑲ ᓀᐯᐃᐧᐦᐅᐊᐧᐠ ᐊᓂᑭ ᑳ ᓅᑎᓂᐢᑭᐠ. ᑳ ᑎᐯᔨᐦᒋᑫᔭᐣ, ᑭᐢᑭᓄᐦᐊᒪᐃᐧᐣ ᑭᔭ ᑭᑎᑖᑎᓯᐃᐧᐣ; ᑭᐢᑭᓄᐦᐊᒪᐃᐧᐣ ᑭᒣᐢᑲᓇᐊᐧ. ᓃᑳᓄᐦᑕᐦᐃᐣ ᑭᑖᐯᐧᐃᐧᐣ ᐅᐦᒋ ᒦᓇ ᑭᐢᑭᓄᐦᐊᒪᐃᐧᐣ, ᒋᑫᒫ ᑭᔭ ᓂᑭᓭ ᒪᓂᑑᒼ ᑳ ᐱᒫᒋᐦᐃᔭᐣ. ᑲᐯ ᑮᓯᐠ ᑭᒪᒥᓰᑐᑖᑎᐣ. ᑭᐢᑭᓯ, ᑳ ᑎᐯᔨᐦᒋᑫᔭᐣ, ᑭᑭᑎᒫᑭᓈᑫᐃᐧᐣ ᒦᓇ ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᑲᔮᐢ ᐅᐦᒋ ᐁ ᓅᑯᐦᑖᔭᐣ. ᑳᓰᓇᒪᐃᐧᐣ ᓂᐹᐢᑖᐦᐅᐃᐧᓇ ᒦᓇ ᓂᐊᐧᓂᑑᑕᒧᐃᐧᓇ ᑳ ᑮ ᑑᑕᒫᐣ ᐁ ᐅᐢᑳᔨᐃᐧᔮᐣ. ᒫᑲ ᑭᓵᑭᐦᐃᐁᐧᐃᐧᓂᕽ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᒦᓇ ᑭᒥᔮᐧᑎᓯᐃᐧᓂᕽ ᑭᐢᑭᓯᑐᑕᐃᐧᐣ, ᑳ ᑎᐯᔨᐦᒋᑫᔭᐣ! ᐊᔨᐢᐠ ᑳ ᑎᐯᔨᐦᒋᑫᐟ ᐁ ᑲᐧᔭᐢᑳᐧᑎᓯᐟ ᒦᓇ ᐁ ᒥᔮᐧᑎᓯᐟ ᑭᐢᑭᓄᐦᐊᒪᐁᐧᐤ ᐅᒪᒑᑎᓴ ᐊᓂᒪ ᒣᐢᑲᓇᐤ ᑭᑕ ᐱᒥᑎᓴᐦᐊᒥᔨᐟ. ᑭᐢᑭᓄᐦᑕᐦᐁᐤ ᐅᑕᐸᐦᑌᔨᒥᓱᐊᐧ ᑲᐧᔭᐢᐠ ᐃᓯ ᒦᓇ ᑭᐢᑭᓄᐦᐊᒪᐁᐧᐤ ᐅᑎᓯᔨᓃᐦᑫᐃᐧᐣ. 0 ᓃᑳᓄᐦᑕᐦᐃᐁᐧᐤ ᒪᒥᓰᑐᑕᒧᐃᐧᓂᕽ ᐃᓯ ᒦᓇ ᓵᑭᐦᐃᐁᐧᐃᐧᓂᕽ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐊᓂᐦᐃ ᑳ ᑲᓇᐁᐧᔨᐦᑕᒥᔨᐟ ᐅᐄᐧᒋ ᐃᓰᐦᒋᑫᒥᐁᐧᐃᐧᐣ ᒦᓇ ᑳ ᓇᑐᐦᑕᒥᔨᐟ ᐅᐃᐧᔭᓯᐁᐧᐃᐧᓇ. ᑲᓇᐁᐧᔨᐦᑕ ᑭᑕᓱᑕᒫᑫᐃᐧᐣ, ᑳ ᑎᐯᔨᐦᒋᑫᔭᐣ, ᒦᓇ ᐴᓀᔨᐦᑕᒪᐃᐧᐣ ᓂᐊᐧᓂᑑᑕᒧᐃᐧᓇ ᐋᑕ ᐃᔨᑯᕽ ᐁ ᒥᐦᒉᑎᑭ. ᐊᓂᑭ ᑳ ᑭᐦᒉᔨᒫᒋᐠ ᑳ ᑎᐯᔨᐦᒋᑫᔨᐟ, ᐁᐊᐧᑯᓂᐠ ᑭᑕ ᑭᐢᑭᓄᐦᐊᒫᑲᐧᐠ ᑖᓂᒪ ᒣᐢᑲᓇᐤ ᑭᑕ ᐱᒥᑎᓴᐦᐊᐦᑭᐠ. ᑖᐱᑕᐃᐧ ᑭᑕ ᒥᔮᐧᔮᐊᐧᐠ, ᒦᓇ ᐅᑕᐋᐧᓯᒥᓴ ᐆᒪ ᐆᑕ ᐊᐢᑭᐩ ᑲ ᑎᐯᔨᐦᑕᒪᐧᐠ. PSA.indd 0//0 :: PM

16 ᓂᑲᒧᐃᐧᓇ, ᑳ ᑎᐯᔨᐦᒋᑫᐟ ᒥᔪ ᐅᑑᑌᒥᐤ ᐊᓂᐦᐃ ᑳ ᓇᓇᐦᐃᐦᑖᑯᐟ, ᒦᓇ ᑭᐢᑫᔨᐦᑕᒧᐦᐁᐤ ᐅᐄᐧᒋ ᐃᓰᐦᒋᑫᒥᐁᐧᐃᐧᐣ. ᑳᑭᑫ ᓂᑭᑖᐸᒫᐤ ᑳ ᑎᐯᔨᐦᒋᑫᐟ ᐁᑲᐧ ᓂᐸᐢᐲᐦᐃᐠ ᑲᑫᐧᐢᐸᓈᑕᓄᕽ ᐅᐦᒋ. ᑫᐧᐢᑮᐢᑕᐃᐧᐣ ᒦᓇ ᑭᑎᒫᑭᓇᐃᐧᐣ, ᑳ ᑎᐯᔨᐦᒋᑫᔭᐣ, ᐊᔨᐢᐠ ᓂᑲᐢᑫᔨᐦᑌᐣ ᒦᓇ ᓂᓀᓱᐃᐧᓯᐣ. ᐄᑲᑌᓇᒪᐃᐧᐣ ᓂᐊᐧᐋᐧᓀᔨᐦᑕᒧᐃᐧᓇ ᒦᓇ ᐱᒫᒋᐦᐃᐣ ᓂᑖᔨᒥᓯᐃᐧᓂᕽ ᐅᐦᒋ. ᑭᐢᑭᓯ ᓂᒫᑫᐧᔨᒧᐃᐧᓇ ᒦᓇ ᓂᑲᑳᐧᑕᑭᐦᑖᐃᐧᓇ ᒦᓇ ᑳᓰᓇᒪᐃᐧᐣ ᓂᒪᒋ ᑑᑕᒧᐃᐧᓇ. ᐋᐧᐸᒥᐠ ᑖᓂᑕᐦᑐ ᐁ ᐃᐦᑕᓯᒋᐠ ᐊᓂᑭ ᑳ ᒫᔦᔨᒥᒋᐠ, ᐋᐧᐸᒥᐠ ᐃᔨᑯᕽ ᐁ ᐸᑳᐧᓯᒋᐠ. 0 ᑲᓇᐁᐧᔨᒥᐣ ᒦᓇ ᐱᒫᒋᐦᐃᐣ; ᐁᑳᐃᐧᔭ ᓂᑲ ᓵᑰᒋᐦᐃᑲᐃᐧᐣ. ᑭᓈᑖᒧᑐᑖᑎᐣ. ᑭᔮᒼ ᓂᒥᔮᐧᑎᓯᐃᐧᐣ ᒦᓇ ᓂᑖᐯᐧᐋᐧᑎᓯᐃᐧᐣ ᓂᑲ ᑲᓇᐁᐧᔨᒥᑯᐣ, ᐊᔨᐢᐠ ᑭᒪᒥᓰᑐᑖᑎᐣ. ᐦᐋᐤ, ᑭᓭ ᒪᓂᑐᐤ, ᐱᒫᒋᐦᐃᐠ ᐃᐢᕒᐊᐁᓬᐄᐃᐧᔨᓂᐊᐧᐠ (Israelites) ᐅᒥᑯᐢᑳᑌᔨᐦᑕᒧᐃᐧᓇ ᐅᐦᒋ. ᓂᑲᒧᐃᐧᐣ ᒪᒥᓰᑐᑖᕽ ᑳ ᑎᐯᔨᐦᒋᑫᐟ ᐅᓂᑲᒧᐣ ᑌᐱᐟ (David) ᑳ ᑎᐯᔨᐦᒋᑫᐟ ᓂᐋᐧᓭᓇᒫᐠ ᒦᓇ ᓂᐱᒫᒋᐦᐃᐠ; ᓇᒨᔭ ᐊᐃᐧᔭᐠ ᓂᑲ ᑯᐢᑖᐤ. ᑳ ᑎᐯᔨᐦᒋᑫᐟ ᓂᑭᑌᔨᒥᐠ ᑲᐦᑭᔭᐤ ᐅᐦᒋ ᑳ ᑲᑫᐧᐢᐸᓈᑕᕽ; ᐊᐄᐧᓇ ᑲ ᑮ ᑯᐢᑕᐠ? ᐃᐢᐲᕽ ᐊᓂᑭ ᒪᒋ ᐊᔨᓯᔨᓂᐊᐧᐠ ᐅᑎᐦᑎᓂᑖᐧᐃᐧ ᒦᓇ ᑲᑫᐧ ᓂᐸᐦᐃᑖᐧᐃᐧ, ᑭᑕ ᐱᓴᐧᐦᐃᑫᐊᐧᐠ ᒦᓇ ᑭᑕ ᐸᐦᑭᓯᓇᐧᐠ. ᑭᔮᒼ ᐋᑕ ᒥᐦᒉᐟ ᓯᒫᑲᓂᓴᐠ ᐋᐧᓴᑳᐢᑲᐃᐧᑖᐧᐃᐧ, ᓇᒨᔭ ᓂᑲ ᑯᐢᑖᐊᐧᐠ; ᑭᔮᒼ ᐋᑕ ᒨᐢᑮᐢᑕᐃᐧᑖᐧᐃᐧ, ᑫᔮᐱᐨ ᓂᑲ ᒪᒥᓰᐣ ᑭᓭ ᒪᓂᑐᐤ. ᐯᔭᐠ ᑮᑲᐧᐩ ᓂᓇᑐᑕᒪᐋᐧᐤ ᑳ ᑎᐯᔨᐦᒋᑫᐟ; ᐁᐊᐧᑯ ᐱᑯ ᑳ ᓂᑕᐁᐧᔨᐦᑕᒫᐣ: ᑭᑕ ᐄᐧᑭᔮᐣ ᐅᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ ᐃᐢᑯ ᐃᔨᑯᕽ ᐱᒫᑎᓯᔮᓂ. PSA.indd 0//0 :: PM

17 ᓂᑲᒧᐃᐧᓇ, ᑭᑕ ᒫᒪᐢᑳᑕᒪᐧᐠ ᐅᒥᔮᐧᑎᓯᐃᐧᐣ ᑳ ᑎᐯᔨᐦᒋᑫᐟ, ᒦᓇ ᑭᑕ ᓇᑐᑕᒪᐊᐧᐠ ᑕ ᑭᐢᑭᓄᐦᑕᐦᐃᐟ. ᐊᔨᐢᐠ ᓂᑲ ᑕᐃᐧᓇᒫᐠ ᐅᐋᐧᐢᑳᐦᐃᑲᓂᕽ ᐃᐢᐲᕽ ᓇᔦᐦᑖᐃᐧᐸᔨᔮᓂ; ᓂᑲ ᑳᑎᐠ ᐲᐦᒋ ᐅᑭᐦᒋ ᐊᔭᒥᐦᐁᐃᐧᑲᒥᑯᕽ, ᓂᑲ ᑕᐦᑯᐦᑕᐲᐦᐃᐠ ᑳ ᐃᐢᐸᐱᐟ ᐊᓯᓂᐩ ᐁᑳᔭ ᑮᑲᐧᐩ ᑭᑕ ᑮ ᐊᐢᑖᐦᐃᑯᔮᐣ ᐁᑯᑕ. ᐁᑯᓯ ᒫᑲ ᐊᓂᑭ ᑳ ᒫᔦᔨᒥᒋᐠ ᐋᐧᓴᑳᒼ ᓂᑲ ᓵᑰᒋᐦᐋᐊᐧᐠ; ᐁᑲᐧ ᒣᑳᐧ ᒥᔭᐋᐧᑕᒫᓂ ᓂᑲ ᐸᑭᑎᓈᓱᐣ ᐅᑭᐦᒋ ᐊᔭᒥᐦᐁᐃᐧᑲᒥᑯᕽ. ᓂᑲ ᓂᑲᒧᐣ ᐁᑲᐧ ᓂᑲ ᒪᒥᐦᒋᒫᐤ ᑳ ᑎᐯᔨᐦᒋᑫᐟ. ᐯᐦᑕᐃᐧᐦᑲᐣ, ᑳ ᑎᐯᔨᐦᒋᑫᔭᐣ, ᑌᐹᐧᑎᑖᓂ! ᑭᓭᐋᐧᑐᑕᐃᐧᐣ ᒦᓇ ᓇᐢᑫᐧᐊᐧᓯᒥᐣ! ᑭᑮ ᐃᓯᐣ, «ᐯ ᐊᔭᒥᐦᐁᐢᑕᐃᐧᐣ,» ᓂᑮ ᐃᑖᐧᐣ, «ᓂᑲ ᐯ ᑕᑯᐦᑖᐣ, ᑳ ᑎᐯᔨᐦᒋᑫᔭᐣ.» ᐁᑳᔭ ᑳᓲᐢᑕᐃᐧᐣ! ᐁᑳᔭ ᑭᓰᐢᑕᐃᐧᐣ ᒦᓇ ᐁᑳᔭ ᐁᐧᐱᐣ ᑭᑕᑐᐢᑫᔮᑲᐣ. ᑭᔭ ᑳ ᑮ ᐄᐧᒋᐦᐃᔭᐣ; ᐁᑳᔭ ᐁᐧᐱᓂᐣ, ᐁᑳᔭ ᓇᑲᓯᐣ, ᓂᑭᓭ ᒪᓂᑑᒼ, ᓂᐱᒫᒋᐦᐃᐁᐧᒼ. 0 ᐊᐦᐴ ᑮᐢᐱᐣ ᓄᐦᑖᐃᐧᐩ ᒦᓇ ᓂᑳᐃᐧᐩ ᐁᐧᐱᓂᑖᐧᐃᐧ, ᑳ ᑎᐯᔨᐦᒋᑫᐟ ᓂᑲ ᑲᓇᐁᐧᔨᒥᐠ. ᑳ ᑎᐯᔨᐦᒋᑫᔭᐣ, ᑭᐢᑭᓄᐦᐊᒪᐃᐧᐣ ᑖᓂᓯ ᑭᑕ ᑑᑕᒫᐣ; ᒦᓇ ᐱᒧᐦᑕᐦᐃᐣ ᐃᑕ ᐁ ᑕᑲᐦᑲᐧᑕᒧᐠ ᒣᐢᑲᓇᐤ, ᐃᐧᔭ ᒥᐦᒉᑎᐊᐧᐠ ᑳ ᐸᑳᐧᓯᒋᐠ. ᐁᑳᔭ ᐸᑭᑌᔨᒥᐣ ᐊᓂᑭ ᐅᐦᒋ ᑳ ᐸᑳᐧᓯᒋᐠ, ᑳ ᑭᔮᐢᑮᒥᒋᐠ ᒦᓇ ᑳ ᑲᑫᐧ ᓭᑭᒥᒋᐠ. ᓂᑭᐢᑫᔨᐦᑌᐣ ᑭᑕ ᐯ ᐃᑎᓵᐸᐦᑕᒫᐣ ᐅᒥᔮᐧᑎᓯᐃᐧᐣ ᑳ ᑎᐯᔨᐦᒋᑫᐟ ᐆᑕ ᐊᐢᑮᕽ ᐅᐱᒫᑎᓯᐊᐧᐠ ᑳ ᐊᔮᒋᐠ. ᒪᒥᓰᑐᑕᐤ ᑳ ᑎᐯᔨᐦᒋᑫᐟ. ᑖᐯᐧᐊᐧᑫᔨᒼ, ᐁᑳᔭ ᐴᒣ. ᒪᒥᓰᑐᑕᐤ ᑳ ᑎᐯᔨᐦᒋᑫᐟ. ᓂᑲᒧᐃᐧᐣ ᒪᒥᓰᕽ ᑭᓭ ᒪᓂᑐᐤ ᐅᓂᑲᒧᐣ ᑌᐱᐟ (David) ᑭᐯ ᓈᑎᑎᐣ, ᑳ ᑎᐯᔨᐦᒋᑫᔭᐣ, ᑭᑕ ᑲᓇᐁᐧᔨᒥᔭᐣ; ᐁᑳᔭ ᐄᐧᐦᑳᐨ ᓂᑲ ᓵᑰᒋᐦᐃᑲᐃᐧᐣ. PSA.indd 0//0 :: PM

18 ᓂᑲᒧᐃᐧᐣ ᑭᔭ ᑭᑲᐧᔭᐢᑳᐧᑎᓯᐣ, ᑭᓭ ᒪᓂᑐᐤ; ᑭᒪᐃᐧᒧᐢᑖᑎᐣ ᑭᑕ ᐱᒫᒋᐦᐃᔭᐣ! ᓇᑐᐦᑕᐃᐧᐣ, ᑭᔨᐸ ᐱᒫᒋᐦᐃᐣ! ᑭᓈᑖᒧᑐᑖᑎᐣ ᑭᑕ ᑲᓇᐁᐧᔨᒥᔭᐣ, ᑭᑕ ᐱᒫᒋᐦᐃᔭᐣ. ᑭᔭ ᑖᐱᐢᑰᐨ ᐊᓯᓂᐩ ᐁ ᑎᐱᓇᐋᐧᓯᒧᔮᐣ ᒦᓇ ᑖᐱᐢᑰᐨ ᐁ ᐲᐦᑎᑫᐧᔮᒧᔮᐣ ᐁ ᓲᐦᑲᕽ ᐋᐧᐢᑳᐦᐃᑲᐣ; ᑭᐢᑭᓄᐦᑕᐦᐃᐣ ᒦᓇ ᓃᑳᓄᐦᑕᐦᐃᐣ ᑳ ᑮ ᐃᓯ ᐊᓱᑕᒪᐃᐧᔭᐣ. ᑲᓇᐁᐧᔨᒥᐣ ᐁᑳᔭ ᑕ ᑕᓲᐦᐃᑲᐃᐧᔮᐣ ᐊᐧᓂᐦᐃᑲᓂᕽ, ᑲᑫᐧᐢᐸᓈᑕᓄᕽ ᒦᓇ ᐅᐦᒋ. ᓂᐸᑭᑌᔨᒥᓱᐣ ᑭᐸᒥᐦᐃᐁᐧᐃᐧᓂᕽ. ᑭᑲ ᐱᒫᒋᐦᐃᐣ, ᑳ ᑎᐯᔨᐦᒋᑫᔭᐣ; ᑭᒪᒥᓰᐋᐧᑎᓯᐣ ᑭᓭ ᒪᓂᑐᐤ. ᑭᐸᑳᐧᑖᐊᐧᐠ ᐊᓂᑭ ᑳ ᒪᐃᐧᒧᐢᑕᐋᐧᒋᐠ ᐁᑳᔭ ᓈᓂᑕᐤ ᐁ ᐃᑖᐸᑎᓯᔨᐟ ᒪᓂᑑᐦᑳᓇ, ᒫᑲ ᓂᔭ ᑭᒪᒥᓰᑐᑖᑎᐣ. ᓂᑲ ᒥᔦᐧᔨᐦᑌᐣ ᒦᓇ ᓂᑲ ᒥᔭᐋᐧᑌᐣ ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ, ᐊᔨᐢᐠ ᑭᑮ ᐋᐧᐸᐦᑌᐣ ᓂᑲᑳᐧᑕᑭᐦᑖᐃᐧᐣ, ᑭᑭᐢᑫᔨᐦᑌᐣ ᓂᓇᔦᐦᑖᐃᐧᐸᔨᐃᐧᓇ. ᓇᒫᐧᐨ ᑭᑮ ᐸᑭᑌᔨᒥᐣ ᑭᑕ ᓵᑰᒋᐦᐃᒋᐠ ᐊᓂᑭ ᑳ ᐸᑳᐧᓯᒋᐠ; ᒫᑲ ᑭᑮ ᐸᑭᑎᓂᐣ ᑭᑕ ᐸᐹᒫᒋᐦᐅᔮᐣ ᐱᑯ ᐃᑌ ᐁ ᐃᑌᔨᐦᑕᒫᐣ ᑭᑕ ᐃᑐᐦᑌᔮᐣ. ᑭᑎᒫᑭᓇᐃᐧᐣ ᑳ ᑎᐯᔨᐦᒋᑫᔭᐣ, ᓂᐲᑫᐧᔨᐦᑌᐣ ᒣᑳᐧᐨ; ᓂᒪᒥᐦᑲᐧᐢᑳᐸᒧᐣ ᐃᔨᑯᕽ ᐁ ᒫᑐᔮᐣ, ᒥᑐᓂ ᑖᐯᐧ ᐱᑯ ᓂᓅᐦᑌᓯᓂᐣ. 0 ᓂᑲᑳᐧᑕᑭ ᐱᒫᑎᓯᐣ ᓂᒥᐦᑖᑕᒧᐃᐧᐣ ᐅᐦᒋ, ᓇᒨᔭ ᑭᓀᐧᐢ ᓂᑲ ᐱᒫᑎᓯᐣ ᐅᓵᒼ ᐅᐦᒋ ᓂᒫᑐᐃᐧᐣ; ᓂᓀᓱᐋᐧᑎᓯᐣ ᓂᑲᑳᐧᑕᑭᐦᑖᐃᐧᐣ ᐅᐦᒋ; ᐊᐦᐴ ᐱᑯ ᓂᐢᑲᓇ ᓀᓱᐋᐧᑕᓇᐧ. ᑲᐦᑭᔭᐤ ᑳ ᐸᑳᐧᓯᒋᐠ ᒦᓇ ᐋᐧᐋᐧᐨ ᓂᐄᐧᑕᐱᒫᑲᓇᐠ ᓂᐲᐁᐧᔨᒥᑲᐧᐠ; ᐊᓂᑭ ᑳ ᑭᐢᑫᔨᒥᒋᐠ ᓂᑯᐢᑎᑲᐧᐠ; ᐋᐧᐸᒥᑖᐧᐃᐧ ᐆᑌᓈᕽ ᑕᐸᓰᐊᐧᐠ. ᓂᐊᐧᓂᑭᐢᑭᓯᑐᑖᑲᐃᐧᐣ, ᑖᐱᐢᑰᐨ ᐁᑳᔭ ᐁ ᐱᒫᑎᓯᔮᐣ; ᑖᐱᐢᑰᐨ ᑮᑲᐧᐩ ᑳ ᐁᐧᐱᓇᒥᕽ. ᓂᐯᐦᑕᐋᐧᐊᐧᐠ ᒥᐦᒉᐟ ᑮᒨᐨ ᐁ ᐲᑭᐢᑫᐧᒋᐠ, ᐋᐧᓴᑳᒼ ᐅᐦᒋ ᐁ ᓭᑭᐦᐃᒋᐠ, ᐁ ᐄᐧ ᑲᑫᐧ ᓂᐸᐦᐃᒋᐠ. PSA.indd 0//0 :: PM

19 ᓂᑲᒧᐃᐧᓇ, ᒫᑲ ᑭᔭ ᑭᒪᒥᓰᑐᑖᑎᐣ, ᑳ ᑎᐯᔨᐦᒋᑫᔭᐣ; ᓂᑎᑖᐧᐣ, «ᑭᔭ ᐆᒪ ᓂᑭᓭ ᒪᓂᑑᒼ.» ᑖᐱᑕᐃᐧ ᑭᑲᓇᐁᐧᔨᒥᐣ; ᐱᒫᒋᐦᐃᐣ ᐊᓂᑭ ᐅᐦᒋ ᑳ ᐸᑳᐧᓯᒋᐠ, ᒦᓇ ᐊᓂᑭ ᑳ ᑭᑎᒪᐦᐃᒋᐠ. ᑭᔮᒼ ᑭᑎᒫᑭᓇᐤ ᑭᑕᑐᐢᑫᔮᑲᐣ; ᐱᒫᒋᐦᐃᐣ ᑭᓵᑭᐦᐃᐁᐧᐃᐧᓂᕽ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐅᐦᒋ! ᑳ ᑌᐹᐧᑎᑖᐣ, ᑳ ᑎᐯᔨᐦᒋᑫᔭᐣ, ᐁᑳᔭ ᓂᑲ ᓀᐯᐃᐧᐦᐃᑲᐃᐧᐣ. ᐅᒪᒑᑎᓴᐠ ᑭᑕ ᐄᐧ ᓀᐯᐃᐧᐦᐋᐊᐧᐠ; ᓂᐱᑖᐧᐃᐧ ᑲ ᑳᒫᐧᑎᓯᓇᐧᐠ. ᑭᐳᑐᓀᐦᐅᐠ ᐊᓂᑭ ᐅᑭᔮᐢᑭᐊᐧᐠ, ᐁ ᑭᐦᒉᔨᒥᓱᒋᐠ ᒦᓇ ᐁ ᐊᔨᐋᐧᑫᔨᒧᒋᐠ, ᑳ ᒪᒋ ᐋᔨᒨᒫᒋᐠ ᑳ ᑲᐧᔭᐢᑳᑎᓯᔨᐟ. ᑖᐯᐧ ᑭᐦᒉᔨᐦᑖᑲᐧᐣ ᑭᒥᔮᐧᑎᓯᐃᐧᐣ, ᐁ ᑲᓇᐁᐧᔨᐦᑕᒪᐊᐧᒋᐠ ᐊᓂᑭ ᑳ ᑭᐦᒉᔨᒥᐢᑭᐠ! ᑲᐦᑭᔭᐤ ᐊᐃᐧᔭᐠ ᑭᐢᑫᔨᐦᑕᒼ ᑭᒥᔮᐧᑎᓯᐃᐧᐣ, ᑲᐧᔭᐢᐠ ᐁ ᑲᓇᐁᐧᔨᒪᒋᐠ ᐊᓂᑭ ᑳ ᒪᒥᓰᑐᑖᐢᑭᐠ. 0 ᑭᑳᑖᐊᐧᐠ ᐃᑕ ᐁ ᐊᔮᔭᐣ ᐁᑳᔭ ᑭᑕ ᐃᐧᔭᓯᐋᐧᑎᑯᒋᐠ ᐊᔨᓯᔨᓂᐊᐧ; ᑭᑲᓇᐁᐧᔨᒫᐊᐧᐠ ᑖᐱᐢᑰᐨ ᑎᐱᓇᐋᐧᕽ ᒪᒋ ᐋᔨᒧᐦᑐᐃᐧᓂᕽ ᐅᐦᒋ. ᒪᒥᐦᒋᒥᕽ ᑳ ᑎᐯᔨᐦᒋᑫᐟ! ᐊᔨᐢᐠ ᓂᑮ ᐋᐧᐸᐦᑎᐦᐃᐠ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐃᐢᐲᕽ ᐁ ᐋᐧᓴᑳᐢᑳᑲᐃᐧᔮᐣ ᒦᓇ ᐁ ᒨᐢᑮᐢᑖᑲᐃᐧᔮᐣ! ᓂᑮ ᓭᑭᓯᐣ ᒦᓇ ᓂᑮ ᐃᑌᔨᐦᑌᐣ ᐁ ᐄᑲᑌᑎᓴᐦᐅᐟ ᐃᐧᔭ ᐅᐦᒋ. ᒫᑲ ᓂᑮ ᐯᐦᑖᐠ ᐁᓴ ᐃᐢᐲᕽ ᐁ ᑌᐹᐧᑕᐠ ᑭᑕ ᐄᐧᒋᐦᐃᐟ. ᓵᑭᐦᐃᕽ ᑭᔭᐋᐧᐤ ᑳ ᒪᒥᓰᑐᑕᐋᐧᔦᐠ ᑳ ᑎᐯᔨᐦᒋᑫᐟ. ᑳ ᑎᐯᔨᐦᒋᑫᐟ ᓈᑲᑐᐦᑫᐤ ᐊᓂᐦᐃ ᑳ ᑖᐯᐧᐊᐧᑫᔨᒥᑯᐟ, ᒫᑲ ᒫᑯᐦᐁᐤ ᐊᓂᐦᐃ ᑳ ᐊᔨᐋᐧᑫᔨᒥᓱᔨᐟ ᐃᐧᔭ ᐁ ᑲᐢᑭᐦᑕᒫᓱᔨᐟ. ᓲᐦᑭᑳᐸᐃᐧᐠ ᒦᓇ ᓲᐦᑫᔨᒧᐠ ᑭᔭᐋᐧᐤ ᑳ ᐸᑯᓭᔨᒫᔦᐠ ᑳ ᑎᐯᔨᐦᒋᑫᐟ. ᓂᑲᒧᐃᐧᐣ ᒥᔭᐋᐧᑕᒧᐠ ᐁ ᑳᓰᓇᒫᑯᔦᐠ ᐅᓂᑲᒧᐣ ᑌᐱᐟ (David) ᒥᔦᐧᔨᐦᑕᒪᐧᐠ ᐊᓂᑭ ᑳ ᑳᓰᓇᒫᐦᒋᐠ ᐅᒪᒋ ᑑᑕᒧᐃᐧᓂᐋᐧᐊᐧ, ᒦᓇ ᐅᒪᒑᑎᓯᐃᐧᓂᐋᐧᐤ ᐁ ᐴᓀᔨᐦᑕᒫᐦᒋᐠ. PSA.indd 0//0 :: PM

20 ᓂᑲᒧᐃᐧᓇ, ᒥᔦᐧᔨᐦᑕᒼ ᐊᓇ ᐊᔨᓯᔨᓂᐤ ᓇᒨᔭ ᐅᒪᒋ ᑑᑕᒧᐃᐧᓇ ᐁ ᓇᔭᐦᑕᒨᐦᐃᑯᐟ ᑳ ᑎᐯᔨᐦᒋᑫᔨᐟ, ᒦᓇ ᓇᒨᔭ ᐁ ᑲᑲᔦᔨᓯᐋᐧᑎᓯᐟ. ᐅᓵᒼ ᓇᒨᔭ ᐁ ᐅᐦᒋ ᐋᒋᒥᓱᔮᐣ ᓂᒪᒋ ᑑᑕᒧᐃᐧᓇ, ᒥᑐᓂ ᓂᑮ ᓀᐢᑐᒧᐣ ᐁ ᒫᑐᔮᐣ ᑲᐯ ᑮᓯᐠ. ᑮᓯᑳᑭ ᒦᓇ ᑎᐱᐢᑳᑭ ᑭᑮ ᓲᐦᑭ ᐸᒥᓂᐣ, ᑳ ᑎᐯᔨᐦᒋᑫᔭᐣ; ᒥᑐᓂ ᓂᑮ ᓀᓱᐃᐧᓯᐣ ᑖᐱᐢᑰᐨ ᑳ ᐹᐢᑌᐠ ᑮᑲᐧᐩ ᑳ ᑭᓵᐢᑌᐠ. ᐁᑯᑕ ᐁᑲᐧ ᑳ ᐄᐧᐦᑕᒫᑖᐣ ᓂᒪᒋ ᑑᑕᒧᐃᐧᓇ; ᓇᒫᐧᐨ ᓂᑮ ᑳᑖᐣ ᐁᐊᐧᑯᓂ; ᐁᑯᓯ ᓂᑮ ᐋᒋᒥᓱᐣ, ᐁᑲᐧ ᑭᑮ ᑳᓰᓇᒪᐃᐧᐣ ᑲᐦᑭᔭᐤ ᓂᒪᒋ ᑑᑕᒧᐃᐧᓇ. ᐁᑯᓯ ᑲᐦᑭᔭᐤ ᐊᐃᐧᔭᐠ ᐁ ᑖᐯᐧᐦᑖᐢᐠ ᑭᑲ ᒪᐃᐧᒧᐢᑖᐠ ᑳ ᐊᐧᐋᐧᓀᔨᐦᑕᕽ, ᐃᐢᐲᕽ ᐅᑎᐦᒋᐸᔨᐣ ᓇᔦᐦᑖᐃᐧᐸᔨᐣ ᑖᐱᐢᑰᐨ ᐁ ᐄᐧ ᐃᐢᑭᐯᐠ, ᓇᒫᐧᐨ ᓈᓂᑕᐤ ᑭᑕ ᑑᑖᑲᐧᐠ. ᑭᔭ ᐆᒪ ᓂᑳᓲᐃᐧᐣ; ᑭᑲ ᐱᒫᒋᐦᐃᐣ ᒪᒋ ᑮᑲᐧᐩ ᐅᐦᒋ. ᓲᐦᑭ ᓂᑲ ᓂᑲᒧᐢᑌᐣ ᑭᐱᒫᒋᐦᐃᐁᐧᐃᐧᐣ, ᐊᔨᐢᐠ ᑭᑮ ᑲᓇᐁᐧᔨᒥᐣ. ᑳ ᑎᐯᔨᐦᒋᑫᐟ ᐃᑌᐧᐤ, «ᑭᑲ ᑭᐢᑭᓄᐦᐊᒫᑎᐣ ᐃᑌ ᑭᑕ ᐃᑐᐦᑌᔭᐣ; ᑭᑲ ᑭᐢᑭᓄᐦᐊᒫᑎᐣ ᒦᓇ ᑭᑲ ᑲᑫᐢᑭᒥᑎᐣ. ᐁᑳᐃᐧᔭ ᐃᓯᓈᑯᐦᒋᑫ ᑖᐱᐢᑰᐨ ᒥᓴᑎᒼ ᐊᐦᐴ ᓲᓲᐊᐧᒋᒧᓯᐢ ᐁᑳᔭ ᐁ ᐊᔮᒋᐠ ᓂᓯᑐᐦᑕᒧᐃᐧᐣ, ᐱᑯ ᑭᑕ ᒦᓇᐢᑫᐧᓂᐦᒋᐠ ᑖᐱᑐᓀᐦᐱᒋᑲᐣ ᐅᐦᒋ ᑭᑕ ᐸᒥᐦᐃᐦᒋᐠ.» 0 ᑲᑳᐧᑕᑭᐦᑖᐊᐧᐠ ᐊᓂᑭ ᑳ ᒪᒋ ᐊᔨᓯᔨᓃᐃᐧᒋᐠ, ᒫᑲ ᐊᓂᑭ ᑳ ᒪᒥᓰᒋᐠ ᑳ ᑎᐯᔨᐦᒋᑫᔨᐟ ᑲᓇᐁᐧᔨᒥᑲᐧᐠ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐅᐦᒋ. ᑭᔭᐋᐧᐤ ᑳ ᑲᐧᔭᐢᑳᑎᓯᔦᐠ, ᒥᔦᐧᔨᐦᑕᒧᐠ ᒦᓇ ᒥᔭᐋᐧᑕᒧᐠ ᑳ ᑎᐯᔨᐦᒋᑫᐟ ᐅᒥᔪ ᑑᑕᒧᐃᐧᐣ ᐅᐦᒋ. ᑭᔭᐋᐧᐤ ᑳ ᓇᓇᐦᐃᐦᑕᐋᐧᔦᐠ, ᑌᐯᐧ ᒥᔭᐋᐧᑕᒧᐠ. ᓂᑲᒧᐃᐧᐣ ᒪᒥᐦᒋ ᓂᑲᒧᐃᐧᐣ ᑭᔭᐋᐧᐤ ᑳ ᑲᐧᔭᐢᑳᑎᓯᔦᐠ, ᑌᐯᐧ ᒥᔭᐋᐧᑕᒧᐠ ᑳ ᑎᐯᔨᐦᒋᑫᐟ ᐃᔨᑯᕽ ᐁ ᑮ ᒥᔪ ᑑᑕᕽ; ᑲᐦᑭᔭᐤ ᑭᔭᐋᐧᐤ ᑳ ᓇᓇᐦᐃᐦᑕᐋᐧᔦᐠ, ᒪᒥᐦᒋᒥᕽ. PSA.indd 0//0 :: PM

21 ᓂᑲᒧᐃᐧᐣ ᓇᓈᐢᑯᒥᕽ ᑳ ᑎᐯᔨᐦᒋᑫᐟ ᑳ ᒥᐦᒉᑐᐋᐧᐱᔨᑳᓯᐟ ᑭᑐᐦᒋᑲᐣ, ᓂᑲᒧᐢᑖᕽ ᒥᑖᑕᐦᐟ ᑳ ᐃᑕᒧᑭ ᑭᑐᐦᒋᑲᓀᔮᐱᔭ ᑭᑐᐦᒋᑲᓂᕽ. ᐅᐢᑭ ᓂᑲᒧᐣ ᓯᐯᐧᐦᐊᒫᕽ, ᑭᑐᐦᒋᑫᕽ ᒥᑐᓂ ᑲᐧᔭᐢᐠ ᐁ ᐃᓯ ᑲᐢᑭᐦᑖᔦᐠ ᒦᓇ ᑌᐯᐧᐠ ᒥᔭᐋᐧᑕᒧᐃᐧᓂᕽ! ᐃᐧᔭ ᐁ ᑖᐯᐧᒪᑲᓂᔨᑭ ᐅᑎᑌᐧᐃᐧᓇ ᑳ ᑎᐯᔨᐦᒋᑫᐟ, ᒦᓇ ᑲᐦᑭᔭᐤ ᐅᑕᑐᐢᑫᐃᐧᓇ ᒪᒥᓰᑐᒋᑳᑌᔨᐊᐧ. ᑳ ᑎᐯᔨᐦᒋᑫᐟ ᓵᑭᐦᑖᐤ ᑲᐧᔭᐢᐠ ᐃᑖᑎᓯᐃᐧᐣ ᒦᓇ ᑲᐧᔭᐢᐠ ᑑᑕᒧᐃᐧᐣ. ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐃᐦᑕᑲᐧᓂᔨᐤ ᒥᓯᐁᐧ ᐊᐢᑮᕽ. ᑳ ᑎᐯᔨᐦᒋᑫᐟ ᑮ ᐅᓰᐦᑖᐤ ᑮᓯᐠ ᐅᑎᑕᓯᐁᐧᐃᐧᓂᕽ, ᐲᓯᒪᐧ, ᑎᐱᐢᑳᐃᐧ ᐲᓯᒪᐧ, ᒦᓇ ᐊᒑᐦᑯᓴ ᐅᑎᑌᐧᐃᐧᓂᕽ ᐅᐦᒋ. ᑮ ᒫᐊᐧᓴᑯᓇᒼ ᑲᐦᑭᔭᐤ ᓂᐱᔭ ᐯᔭᑳᐧᔨᕽ, ᑮ ᑭᐸᐦᐊᒼ ᐃᑖᒥᕽ ᑭᐦᒋᑲᒥᐩ ᐹ ᐱᐢᑭᐦᐨ ᐃᑕ ᑭᑕ ᐊᐢᑌᔨᑭ. ᒪᐃᐧᒧᐢᑖᕽ ᑳ ᑎᐯᔨᐦᒋᑫᐟ, ᑲᐦᑭᔭᐤ ᐊᐢᑮᕽ ᑳ ᐊᔮᔦᐠ! ᑭᐢᑌᔨᒥᕽ, ᑲᐦᑭᔭᐤ ᐃᔨᓃᑎᐠ ᒥᓯᐁᐧ ᐊᐢᑮᕽ ᑳ ᐊᔮᔦᐠ! ᐃᐢᐲᕽ ᐁ ᐲᑭᐢᑫᐧᐟ, ᐊᐢᑭᐩ ᑮ ᐅᓰᐦᑖᓂᐃᐧᐤ; ᐁ ᐃᑕᓯᐋᐧᑕᕽ ᑲᐦᑭᔭᐤ ᑮᑲᐧᐩ ᑮ ᐃᐦᑕᑲᐧᓂᔨᐤ. 0 ᑳ ᑎᐯᔨᐦᒋᑫᐟ ᐊᐧᐋᐧᓀᔨᐦᑕᒥᐦᐁᐤ ᐁ ᐃᑕᐦᑑᐢᑳᓀᓯᔨᐟ ᐊᔨᓯᔨᓂᐊᐧ ᐃᐧᔭᓯᐋᐧᑕᒥᔨᒋ ᑮᑲᐧᐩ; ᐊᐧᓈᐦᐁᐤ ᐁ ᐃᑕᓯᐁᐧᔨᐟ ᐁᑳᔭ ᐁ ᑮ ᑑᑕᒥᔨᐟ. ᒫᑲ ᐃᐧᔭ ᐅᑎᑕᓯᐁᐧᐃᐧᐣ ᓇᒫᐧᐨ ᐴᓂᐸᔨᔨᐤ; ᑳᑭᑫ ᐱᒥᐸᔨᔨᐤ. ᒥᔦᐧᔨᐦᑕᒪᐧᐠ ᐊᓂᑭ ᐁ ᐃᑕᐦᑑᐢᑳᓀᓯᒋᐠ ᑳ ᐅᒪᓂᑑᒥᒋᐠ ᑳ ᑎᐯᔨᐦᒋᑫᔨᐟ. ᒥᔦᐧᔨᐦᑕᒥᔨᐊᐧ ᐊᓂᐦᐃ ᐊᔨᓯᔨᓂᐊᐧ ᑳ ᑮ ᓇᐊᐧᓲᓇᒫᓱᐟ! ᑳ ᑎᐯᔨᐦᒋᑫᐟ ᑭᐦᒋ ᑮᓯᑯᕽ ᐅᐦᒋ ᐃᑖᐱᐤ ᐁᑲᐧ ᐁ ᑭᑖᐸᒫᐟ ᑲᐦᑭᔭᐤ ᐊᔨᓯᔨᓂᐊᐧ. ᐃᑌ ᐅᐦᒋ ᐁ ᑭᐦᒋ ᐅᑭᒫᐃᐧ ᐊᐱᐟ, ᑭᑖᐸᒣᐤ ᑕᐦᑐ ᐊᓂᐦᐃ ᐊᔨᓯᔨᓂᐊᐧ ᐆᑕ ᐊᐢᑮᕽ ᑳ ᐊᔮᔨᐟ. ᐁᑯᓯ ᐃᐧᔭᑭᐦᑕᒼ ᑭᑕ ᐃᓯ ᒫᒥᑐᓀᔨᐦᑕᒥᔨᐟ, ᒦᓇ ᑭᐢᑫᔨᐦᑕᒼ ᐁ ᐃᓯᔨᓃᐦᑫᔨᐟ. ᑭᐦᒋ ᐅᑭᒫᐤ ᓇᒨᔭ ᓵᑯᐦᑖᐧᐤ ᒥᐦᒉᐟ ᐅᐦᒋ ᐁ ᐅᓯᒫᑲᓂᓰᒥᐟ; ᓅᑎᓂᑫᐃᐧᔨᓂᐤ ᓇᒫᐧᐨ ᓵᑯᐦᑖᐧᐤ ᐅᒥᓯ ᒪᐢᑲᐃᐧᓰᐃᐧᓂᕽ ᐅᐦᒋ. ᓅᑎᓂᑫᐃᐧ ᒥᓴᑎᒪᐧᐠ ᑳ ᐋᐸᑎᓯᔨᐟ ᓇᒨᔭ ᓈᓂᑕᐤ ᑭᑕ ᑮ ᐃᓯ ᓵᑯᐦᑖᐧᒋᐠ, ᐅᒪᐢᑲᐃᐧᓰᐃᐧᓂᐋᐧᐤ ᐅᐦᒋ ᓇᒫᐧᐨ ᑭᑕ ᑮ ᐱᒫᒋᐦᐃᐁᐧᒋᐠ. PSA.indd 0//0 :: PM

22 ᓂᑲᒧᐃᐧᓇ, ᑳ ᑎᐯᔨᐦᒋᑫᐟ ᓈᑲᑐᐦᑫᐤ ᐊᓂᐦᐃ ᑳ ᓇᓇᐦᐃᐦᑖᑯᐟ, ᐊᓂᐦᐃ ᑳ ᒪᒥᓰᑐᑕᒥᔨᐟ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᓂᔨᐠ. ᐱᒫᒋᐦᐁᐤ ᓂᐱᐃᐧᓂᕽ ᐅᐦᒋ; ᐁ ᒣᑳᐧ ᒥᓯ ᓅᐦᑌᐦᑲᑌᕽ ᐱᒫᒋᐦᑖᓱᐤ. 0 ᓂᐸᑯᓭᔨᒧᑐᑕᐋᐧᓈᐣ ᑳ ᑎᐯᔨᐦᒋᑫᐟ; ᐃᐧᔭ ᐁᐊᐧᑯ ᑳ ᑲᓇᐁᐧᔨᒥᑯᔭᕽ ᒦᓇ ᑳ ᐄᐧᒋᐦᐃᑯᔭᕽ. ᑭᒥᔦᐧᔨᐦᑕᒥᐦᐃᑯᓇᐤ ᐃᐧᔭ ᑳ ᑎᐯᔨᐦᒋᑫᐟ ᑭᒪᒥᓰᑐᑕᐋᐧᓇᐤ ᐅᐄᐧᐦᐅᐃᐧᓂᕽ ᑳ ᑲᓈᑕᓂᔨᐠ. ᒪᐦᑎ ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᓂᑲ ᐄᐧᒉᑯᓈᐣ, ᑳ ᑎᐯᔨᐦᒋᑫᔭᐣ, ᐃᐧᔭ ᐁ ᒪᒥᓰᑐᑖᑖᕽ. ᓂᑲᒧᐃᐧᐣ ᒪᒥᐦᒋᒫᐤ ᑳ ᑎᐯᔨᐦᒋᑫᐟ ᐅᒥᔪ ᑑᑖᑫᐃᐧᐣ ᐅᐦᒋ ᐅᓂᑲᒧᐣ ᑌᐱᐟ (David) ᑖᐱᑕᐃᐧ ᓂᑲ ᓇᓈᐢᑯᒫᐤ ᑳ ᑎᐯᔨᐦᒋᑫᐟ; ᓇᒨᔭ ᓂᑲ ᐴᓂ ᒪᒥᐦᒋᒫᐤ. ᓂᑲ ᒪᒥᐦᒋᒫᐤ ᐅᑑᑕᒧᐃᐧᐣ ᐅᐦᒋ; ᑭᑲ ᐄᐧ ᓇᑐᐦᑕᒪᐧᐠ ᒦᓇ ᑭᑲ ᐄᐧ ᒥᔦᐧᔨᐦᑕᒪᐧᐠ ᐊᓂᑭ ᑳ ᑭᑎᒪᐦᐃᐦᒋᐠ! ᒪᐦᑎ ᐄᐧᐦᑌᑖᐣ ᐅᑎᐢᐹᐦᑫᔨᐦᑖᑯᓯᐃᐧᐣ ᑳ ᑎᐯᔨᐦᒋᑫᐟ ᐁᑲᐧ ᒫᒪᐃᐧ ᒪᒥᐦᒋᒫᑖᐣ! ᓂᑮ ᐊᔭᒥᐦᐁᐢᑕᐋᐧᐤ ᑳ ᑎᐯᔨᐦᒋᑫᐟ ᐁᑯᓯ ᓂᑮ ᓇᐢᑫᐧᐊᐧᓯᒥᐠ, ᒦᓇ ᓂᑮ ᐸᐢᐲᐦᐃᐠ ᑲᐦᑭᔭᐤ ᑮᑲᐧᐩ ᑳ ᑯᐢᑕᒫᐣ ᐅᐦᒋ. ᐊᓂᑭ ᑳ ᑭᑎᒪᐦᐃᐦᒋᐠ ᒥᔦᐧᔨᐦᑕᒪᐧᐠ ᐁ ᒪᒥᓰᑐᑕᐋᐧᒋᐠ; ᓇᒨᔭ ᐄᐧᐦᑳᐨ ᑭᑕ ᓀᐯᐃᐧᓯᒋᐠ. ᐊᓂᑭ ᐁᑳᔭ ᑳ ᑮ ᐄᐧᒋᐦᐃᓱᒋᐠ ᒫᑑᐢᑕᐁᐧᐊᐧᐠ, ᒦᓇ ᓇᐢᑫᐧᐊᐧᓯᒥᑲᐧᐠ; ᐱᒫᒋᐦᐁᐤ ᑲᐦᑭᔭᐤ ᓇᔦᐦᑖᐃᐧᐸᔨᐃᐧᓂᕽ ᐅᐦᒋ. ᐅᑮᓯᑰᒪ ᑲᓇᐁᐧᔨᒣᔨᐊᐧ ᐊᓂᐦᐃ ᑳ ᑭᐢᑌᔨᒫᔨᐟ ᑳ ᑎᐯᔨᐦᒋᑫᔨᐟ ᐸᐢᐱᓀᐃᐧᓂᕽ ᐅᐦᒋ ᒦᓇ ᐱᒫᒋᐦᐁᐤ. ᐦᐋᐤ, ᓈᑲᑐᐦᑫ ᒪᐦᑎ ᐃᔨᑯᕽ ᐁ ᒥᔮᐧᑎᓯᐟ ᑳ ᑎᐯᔨᐦᒋᑫᐟ, ᒥᔦᐧᔨᐦᑕᒪᐧᐠ ᐊᓂᑭ ᑳ ᓈᑖᒧᑐᑕᐋᐧᒋᐠ. ᑭᐢᑌᔨᒥᕽ ᑳ ᑎᐯᔨᐦᒋᑫᐟ ᑲᐦᑭᔭᐤ ᑭᔭᐋᐧᐤ ᐅᑕᔨᓯᔨᓃᒪ; ᓇᒨᔭ ᑮᑲᐧᐩ ᑲ ᓅᐦᑌᐸᔨᐊᐧᐠ ᐊᓂᑭ ᑳ ᓇᓇᐦᐃᐦᑕᐋᐧᒋᐠ. 0 ᐊᐦᐴ ᐱᑯ ᒥᐢᑕᐦᑫᓯᐊᐧᐠ ᓅᐦᑌᐦᑲᑌᐊᐧᐠ ᓇᒨᔭ ᐁ ᐃᐦᑕᑲᐧᓂᔨᐠ ᒦᒋᐃᐧᐣ, PSA.indd 0//0 :: PM

23 ᓂᑲᒧᐃᐧᓇ, ᒫᑲ ᐊᓂᑭ ᑳ ᓇᓇᐦᐃᐦᑕᐋᐧᒋᐠ ᑳ ᑎᐯᔨᐦᒋᑫᔨᐟ ᓇᒫᐧᐨ ᓅᐦᑌᐸᔨᐊᐧᐠ ᑮᑲᐧᐩ ᐁ ᒥᔮᐧᓯᓂᔨᐠ. ᐋᐢᑕᒥᑎᐠ, ᓂᐄᐧᒉᐋᐧᑲᓂᓴᐠ, ᒦᓇ ᓇᑐᐦᑕᐃᐧᐠ, ᑭᑲ ᑭᐢᑭᓄᐦᐊᒫᑎᓈᐋᐧᐤ ᑭᑕ ᐃᓯ ᑭᐢᑌᔨᒫᔦᐠ ᑳ ᑎᐯᔨᐦᒋᑫᐟ. ᑭᓅᐦᑌ ᒥᔭᐋᐧᑌᓈᐋᐧᐤ ᒌ ᐱᒫᑎᓯᐃᐧᐣ? ᑭᓂᑕᐁᐧᔨᐦᑌᓈᐋᐧᐤ ᒌ ᑭᓀᐧᐢ ᑭᑕ ᐱᒫᑎᓯᔦᐠ, ᐁᑲᐧ ᑭᑕ ᒥᔦᐧᔨᐦᑕᒣᐠ? ᐁᑯᓯ ᒫᑲ ᐁᑳᔭ ᒪᒋ ᐲᑭᐢᑫᐧᐠ ᒦᓇ ᐁᑳᔭ ᑭᔮᐢᑭᐠ. ᑫᐧᐢᑮᕽ ᒪᒋ ᑮᑲᐧᐩ ᐅᐦᒋ ᒦᓇ ᒥᔪ ᑑᑕᒧᐠ; ᓰᐦᑭᐢᑲᒧᐠ ᐯᔮᐦᑕᑫᔨᒧᐃᐧᐣ ᑳᑭᑫ ᐁ ᐃᓯ ᑲᐢᑭᐦᑖᔦᐠ ᑭᑌᐦᐃᐋᐧᕽ ᐅᐦᒋ. ᑳ ᑎᐯᔨᐦᒋᑫᐟ ᑭᑌᔨᒣᐤ ᐊᓂᐦᐃ ᑳ ᑲᐧᔭᐢᑳᑎᓯᔨᐟ ᒦᓇ ᓇᑐᐦᑕᐁᐧᐤ ᑳ ᒪᐃᐧᒧᐢᒋᑫᔨᐟ; ᒫᑲ ᐋᑕᐁᐧᔨᒣᐤ ᐊᓂᐦᐃ ᑳ ᒪᒋ ᑑᑕᒥᔨᐟ, ᐁᑯᓯ ᐃᐢᐲᕽ ᑳ ᓂᐱᔨᐟ, ᑭᔨᐸ ᐊᐧᓂᑭᐢᑭᓯᑐᑕᐋᐧᐊᐧᐠ. ᐊᓂᑭ ᑲᐧᔭᐢᐠ ᐅᑎᑖᑎᓯᐊᐧᐠ ᒪᐃᐧᒧᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐁᑲᐧ ᓇᑐᐦᑖᑲᐧᐠ; ᒦᓇ ᐱᒫᒋᐦᐃᑲᐧᐠ ᑲᐦᑭᔭᐤ ᐊᓂᐦᐃ ᑳ ᓇᔦᐦᑖᐃᐧᐸᔨᒋᐠ. ᑭᓯᐋᐧᐠ ᐅᐦᒌᐢᑕᐁᐧᐤ ᑳ ᑎᐯᔨᐦᒋᑫᐟ ᐊᓂᐦᐃ ᑳ ᐴᒣᔨᐟ; ᐱᒫᒋᐦᐁᐤ ᐊᓂᐦᐃ ᑳ ᒫᐊᐧᒋ ᑭᑎᒫᑫᔨᒧᔨᐟ. ᑳ ᑲᐧᔭᐢᑳᑎᓯᒋᐠ ᑲᑳᐧᑕᑭᐦᐃᑲᐧᐠ ᒥᐦᒉᐟ ᑮᑲᐧᔭ, ᒫᑲ ᑳ ᑎᐯᔨᐦᒋᑫᔨᐟ ᐱᒫᒋᐦᐃᑲᐧᐠ ᐁᐊᐧᑯᓂ ᐅᐦᒋ ᑲᐦᑭᔭᐤ. 0 ᒥᓴᑳᒣ ᑳ ᑎᐯᔨᐦᒋᑫᐟ ᑲᓇᐁᐧᔨᒣᐤ; ᓇᒨᔭ ᐊᐦᐴ ᐯᔭᑳᐧᐤ ᑲ ᑲᐢᑲᑎᓯᐣ. ᒪᒋ ᑮᑲᐧᐩ ᑭᑕ ᓂᐸᐦᐃᐠ ᐅᒪᒑᑎᐢ; ᐁᑯᓯ ᐊᓂᑭ ᑳ ᐸᑳᐧᑖᒋᐠ ᑳ ᑲᐧᔭᐢᑳᑎᓯᔨᐟ ᑭᑕ ᑲᑳᐧᑕᑭᐦᑖᐊᐧᐠ. ᑳ ᑎᐯᔨᐦᒋᑫᐟ ᑭᑕ ᐱᒫᒋᐦᐁᐤ ᐅᑕᔨᓯᔨᓃᒪ; ᐊᓂᐦᐃ ᑳ ᓈᑖᒧᑐᑖᑯᐟ ᑭᑕ ᐸᐢᐲᐦᐁᐤ. ᓂᑲᒧᐃᐧᐣ ᐅᑲᐧᔭᐢᑳᑎᓴᐠ ᐁᑲᐧ ᐅᒪᒑᑎᓴᐠ ᐅᓂᑲᒧᐣ ᑌᐱᐟ (David) ᐁᑳᔭ ᑭᑲ ᒥᑯᐢᑳᑌᔨᐦᑕᒥᐦᐃᑲᐧᐠ ᐅᒪᒋ ᑑᑕᒧᐊᐧᐠ; ᐁᑳᔭ ᐅᐦᑌᔨᒥᐠ ᐊᓂᑭ ᑳ ᐊᐧᓂᑑᑕᐦᑭᐠ. ᑭᑕ ᒣᐢᒋᐸᔨᐊᐧᐠ ᐄᐧᐸᐨ ᑖᐱᐢᑰᐨ ᒪᐢᑯᓯᔭ ᑳ ᐹᐢᑌᑭ; ᒦᓇ ᑭᑕ ᓂᐱᐊᐧᐠ ᑖᐱᐢᑰᐨ ᑭᐢᒋᑳᓂᓴ ᑳ ᓂᐴᒪᑲᐦᑭ. PSA.indd 0//0 :: PM

24 0 ᓂᑲᒧᐃᐧᐣ ᒪᒥᓰᑐᑕᐤ ᑳ ᑎᐯᔨᐦᒋᑫᐟ ᒦᓇ ᒥᔪ ᑑᑕ; ᐁᑯᓯ ᑭᑲ ᐄᐧᑭᐣ ᐊᐢᑮᕽ ᐁᑲᐧ ᑭᑲ ᓈᑲᑐᐦᑳᑎᑲᐃᐧᐣ. ᑳ ᑎᐯᔨᐦᒋᑫᐟ ᐅᐦᒋ ᒥᐢᑲᒫᓱ ᒥᔦᐧᔨᐦᑕᒧᐃᐧᐣ, ᐁᑯᓯ ᑭᑲ ᒥᔨᐠ ᐁ ᐃᓯ ᓂᑕᐁᐧᔨᐦᑕᒪᐣ ᑭᑌᐦᐃᕽ. ᐸᑭᑌᔨᒥᓲᐢᑕᐤ ᑳ ᑎᐯᔨᐦᒋᑫᐟ; ᒪᒥᓰᑐᑕᐤ, ᐁᑯᓯ ᑭᑲ ᐄᐧᒋᐦᐃᐠ; ᐁ ᐋᐧᓭᐢᑲᒫᐢᐠ ᑭᑲᐧᔭᐢᑳᐧᑎᓯᐃᐧᐣ ᑭᑕ ᑮᐦᑳᔮᐢᑌᐤ ᑖᐱᐢᑰᐨ ᐋᐱᐦᑖ ᑮᓯᑳᐃᐧ ᐲᓯᒼ. ᓵᓰᐯᔨᐦᑕ ᐁ ᐯᐦᐊᐟ ᑳ ᑎᐯᔨᐦᒋᑫᐟ ᑭᑕ ᐊᐧᐢᑲᐄᐧᑐᑕᕽ; ᐁᑳᔭ ᒥᑯᐢᑳᑌᔨᒥᐠ ᐊᓂᑭ ᑳ ᐁᐧᔫᑎᓯᒋᐠ ᐊᐦᐴ ᐊᓂᑭ ᑳ ᒥᔪᐸᔨᐦᐃᑯᒋᐠ ᐅᑲᑲᔦᔨᓯᐃᐧᓂᐋᐧᐊᐧ ᐅᐦᒋ. ᐁᑳᔭ ᒥᑯᐢᑳᑌᔨᐦᑕ ᐊᐦᐴ ᐁᑳᔭ ᑭᓯᐋᐧᓯ, ᑭᑲ ᐊᑎ ᒫᔨ ᑑᑖᑯᐣ. ᐊᓂᑭ ᑳ ᒪᒥᓰᑐᑕᐋᐧᒋᐠ ᑳ ᑎᐯᔨᐦᒋᑫᔨᐟ ᑭᑕ ᐄᐧᑭᐊᐧᐠ ᐊᐢᑮᕽ, ᒫᑲ ᐊᓂᑭ ᑳ ᒪᒑᑎᓯᒋᐠ ᑭᑕ ᐊᐧᔭᐄᐧᑎᓴᐦᐋᐧᐊᐧᐠ. 0 ᐄᐧᐸᐨ ᓇᒨᔭ ᐊᔨᐋᐧᐠ ᑲ ᓅᑯᓯᐊᐧᐠ ᐅᒪᒑᑎᓴᐠ, ᐋᑕ ᑭᓇᑐᓇᐋᐧᐊᐧᐠ ᓇᒫᐧᐨ ᑲ ᒥᐢᑲᐋᐧᐊᐧᐠ; ᒫᑲ ᐊᓂᑭ ᑳ ᑕᐸᐦᑌᔨᒥᓱᒋᐠ ᑭᑕ ᐄᐧᑭᐊᐧᐠ ᐊᐢᑮᕽ ᒦᓇ ᑭᑕ ᒥᔪ ᐱᒫᑎᓯᐊᐧᐠ ᐁᑲᐧ ᑲ ᐯᔮᐦᑕᑫᔨᒧᐊᐧᐠ. ᒪᒋ ᐊᔨᓯᔨᓂᐊᐧᐠ ᑲᑫᐧ ᒫᔨ ᑑᑕᐁᐧᐊᐧᐠ ᐅᑲᐧᔭᐢᑳᑎᓯᐊᐧ ᒦᓇ ᑭᓰᐃᐧ ᑭᑖᐸᒣᐊᐧᐠ ᐁ ᐸᑳᐧᑖᒋᐠ. ᒫᑲ ᑳ ᑎᐯᔨᐦᒋᑫᐟ ᐹᐦᐱᐦᐁᐤ ᒪᒋ ᐊᔨᓯᔨᓂᐊᐧ, ᐊᔨᐢᐠ ᑭᐢᑫᔨᐦᑕᒼ ᐄᐧᐸᐨ ᑭᑕ ᒥᓯᐊᐧᓈᒋᐦᐃᒥᐦᐟ. ᐅᒪᒑᑎᓴᐠ ᓀᐦᐯᒥᓇᒪᐧᐠ ᐅᓴᐁᐧᐢᑯᒥᐋᐧᐊᐧ ᒦᓇ ᐅᑕᐦᒑᐲᐋᐧᐊᐧ ᑭᑕ ᓂᐸᐦᐋᒋᐠ ᐅᑭᑎᒫᑭᓴ ᒦᓇ ᑳ ᒪᓀᓯᒋᐠ, ᑭᑕ ᓂᐸᐦᐋᒋᐠ ᐊᓂᐦᐃ ᑲᐧᔭᐢᐠ ᑳ ᑑᑕᒥᔨᐟ; ᒫᑲ ᑭᑕ ᓂᐸᐦᐃᑲᐧᐠ ᐅᓴᐁᐧᐢᑯᒥᐋᐧᐊᐧ ᐅᐦᒋ, ᐁᑲᐧ ᐅᑕᐦᒑᐲᐋᐧᐊᐧ ᑭᑕ ᐲᑯᓇᒥᔨᐊᐧ. ᓇᐊᐧᐨ ᐊᔨᐋᐧᐠ ᐃᑕᑭᐦᑌᐤ ᐅᑲᐧᔭᐢᑳᑎᓯᐤ ᐊᐱᓰᐢ ᑳ ᑎᐯᔨᐦᑕᕽ ᐃᐢᐲᐦᒋ ᑲᐦᑭᔭᐤ ᐅᒪᒑᑎᓴᐠ ᐅᐁᐧᔫᑎᓯᐃᐧᓂᐋᐧᐤ, ᐊᔨᐢᐠ ᑳ ᑎᐯᔨᐦᒋᑫᐟ ᑭᑕ ᒪᐢᑲᒣᐤ ᐅᓲᐦᑭᓯᐃᐧᓂᔨᐤ ᐅᒪᒑᑎᓴ, ᒫᑲ ᑭᑕ ᑲᓇᐁᐧᔨᒣᐤ ᐊᓂᐦᐃ ᑳ ᑲᐧᔭᐢᑳᑎᓯᔨᐟ. ᑳ ᑎᐯᔨᐦᒋᑫᐟ ᑭᑌᔨᒣᐤ ᐊᓂᐦᐃ ᑳ ᓇᓇᐦᐃᐦᑖᑯᐟ, ᐁᑲᐧ ᐊᓂᒪ ᐊᐢᑭᐩ ᑭᑕ ᐄᐧᑭᐊᐧᐠ ᑳᑭᑫ. ᓇᒫᐧᐨ ᑭᑕ ᑲᑳᐧᑕᑭᐦᑖᐊᐧᐠ ᐋᑕ ᐋᔨᒪᓂᔨᑭ, ᑭᑲ ᑌᐱᐸᔨᐊᐧᐠ ᐃᐢᐲᕽ ᒥᓯ ᓅᐦᑌᐦᑲᑌᐦᑭ. PSA.indd 0 0//0 :: PM

25 ᓂᑲᒧᐃᐧᐣ 0 ᒫᑲ ᐅᒪᒑᑎᓴᐠ ᑭᑕ ᓂᐱᐊᐧᐠ; ᐊᓂᐦᐃ ᑳ ᒫᔦᔨᒥᑯᐟ ᑳ ᑎᐯᔨᐦᒋᑫᐟ ᓇᒨᔭ ᐊᔨᐋᐧᐠ ᑲ ᓅᑯᓯᐊᐧᐠ ᑖᐱᐢᑰᐨ ᐋᐧᐱᑲᐧᓂᔭ ᑳ ᒣᐢᒋᐸᔨᑭ; ᑖᐱᐢᑰᐨ ᑲᐢᑳᐸᐦᑌᐤ ᑳ ᐴᓂ ᓅᑲᐧᓂᔨᐠ. ᐅᒪᒑᑎᓴᐠ ᓂᑖᐦᑖᒧᐊᐧᐠ ᒫᑲ ᓇᒫᐧᐨ ᑳᐃᐧ ᑎᐸᐦᐃᑫᐊᐧᐠ, ᒫᑲ ᑳ ᑲᐧᔭᐢᑳᑎᓯᒋᐠ ᓃᐦᑖ ᒣᑭᐊᐧᐠ ᒫᓇ ᑮᑲᐧᐩ; ᐊᓂᑭ ᑳ ᓴᐁᐧᔨᒥᑯᒋᐠ ᑳ ᑎᐯᔨᐦᒋᑫᔨᐟ ᑭᑕ ᐄᐧᑭᐊᐧᐠ ᐊᐢᑮᕽ, ᒫᑲ ᐊᓂᑭ ᑳ ᐹᐢᑖᐦᐅᒋᐠ ᑭᑕ ᐊᐧᔭᐄᐧᑎᓴᐦᐅᑲᐧᐠ. ᑳ ᑎᐯᔨᐦᒋᑫᐟ ᑭᐢᑭᓄᐦᑕᐦᐁᐤ ᐊᐃᐧᔭ ᑖᓂᑌ ᑭᑕ ᐃᑐᐦᑌᔨᐟ ᒦᓇ ᑲᓇᐁᐧᔨᒣᐤ ᐊᓂᐦᐃ ᑳ ᓇᐦᐁᔨᐦᑕᒥᐦᐃᑯᐟ. ᑮᐢᐱᐣ ᐸᐦᑭᓯᓂᔨᒋ ᓇᒫᐧᐨ ᑭᑕ ᒣᒋᒫᐧᑕᐱᐊᐧᐠ, ᐊᔨᐢᐠ ᑳ ᑎᐯᔨᐦᒋᑫᐟ ᑭᑕ ᐸᓯᑰᓀᐤ. ᓂᑫᐦᑌ ᐊᔨᐃᐧᐣ ᐁᑲᐧ; ᐃᐧᔭ ᑭᓀᐧᐢ ᐁ ᐱᒫᑎᓯᔮᐣ, ᒫᑲ ᓇᒫᐧᐨ ᓂᑑᐦᒋ ᐯ ᐋᐧᐸᒫᐤ ᐊᐃᐧᔭᐠ ᑳ ᑲᐧᔭᐢᑳᑎᓯᐟ ᑭᑕ ᐁᐧᐱᓂᑯᐟ ᑳ ᑎᐯᔨᐦᒋᑫᔨᐟ ᐊᐦᐴ ᐅᑕᐋᐧᓯᒥᓴ ᑭᑕ ᐸᐹᒥ ᓇᑐᑕᒫᔨᐟ ᑭᑕ ᒦᒋᓱᔨᐟ. ᑖᐱᑕᐃᐧ ᐊᓴᐦᑫᔨᐊᐧ ᒦᓇ ᓃᐦᑖ ᐊᐃᐧᐦᐃᐁᐧᔨᐊᐧ ᒫᓇ, ᐁᑯᓯ ᒥᔨᑯᐃᐧᓯᐊᐧᐠ ᐅᒐᐋᐧᓯᒥᓯᐋᐧᐊᐧ. ᑫᐧᐢᑳᑎᓯᐠ ᒪᒋ ᑮᑲᐧᐩ ᐅᐦᒋ ᐁᑲᐧ ᒥᔪ ᑑᑕᒧᐠ, ᐁᑯᓯ ᑭᑖᓂᐢᑯᑖᐹᓂᐋᐧᐊᐧᐠ ᑖᐱᑕᐃᐧ ᑲ ᐄᐧᑭᐊᐧᐠ ᐊᐢᑮᕽ; ᐃᐧᔭ ᑳ ᑎᐯᔨᐦᒋᑫᐟ ᒥᔦᐧᔨᐦᑕᒼ ᑲᐧᔭᐢᐠ ᑑᑕᒧᐃᐧᐣ ᐁᑲᐧ ᓇᒫᐧᐨ ᐁᐧᐱᓀᐤ ᐅᑕᔨᓯᔨᓃᒪ ᑳ ᑖᐯᐧᐦᑖᑯᐟ. ᑭᑌᔨᒣᐤ ᑳᑭᑫ, ᒫᑲ ᐁᑲᐧ ᑳ ᒪᒑᑎᓯᔨᐟ ᐅᑖᓂᐢᑯᑖᐹᓂᔨᐊᐧ ᑭᑕ ᐊᐧᔭᐄᐧᑎᓴᐦᐅᒫᐊᐧ. ᑳ ᑲᐧᔭᐢᑳᑎᓯᒋᐠ ᑭᑲ ᐊᔮᐊᐧᐠ ᐊᐢᑭᐩ, ᒦᓇ ᑭᑕ ᐄᐧᑭᐊᐧᐠ ᐁᑯᑕ ᑳᑭᑫ. 0 ᐲᑭᐢᑫᐧᐃᐧᓇ ᑳ ᐋᐸᒋᐦᑖᒋᐠ ᑲᐧᔭᐢᑳᑎᓯᐊᐧᐠ ᐃᔨᓃᓯ ᐃᑕᑭᐦᑌᐊᐧ ᐁᑲᐧ ᑖᐱᑕᐃᐧ ᑲᐧᔭᐢᐠ ᐋᐸᑕᓇᐧ ᑕ ᒥᔪ ᐸᒥᐦᐃᑐᕽ. ᑲᓇᐁᐧᔨᐦᑕᒼ ᐅᑌᐦᐃᕽ ᑭᓭ ᒪᓂᑐᐊᐧ ᐅᐃᐧᔭᓯᐁᐧᐃᐧᓂᔨᐤ ᒦᓇ ᓇᒨᔭ ᐄᐧᐦᑳᐨ ᑕ ᓇᑲᑕᒼ. ᒪᒑᑎᓴᐠ ᐊᓴᐋᐧᐸᒣᐊᐧᐠ ᑳ ᑲᐧᔭᐢᑳᑎᓯᒋᐠ, ᐁᑲᐧ ᐁ ᑲᑫᐧ ᓂᐸᐦᐋᒋᐠ; ᒫᑲ ᑳ ᑎᐯᔨᐦᒋᑫᐟ ᓇᒨᔭ ᑭᑕ ᓇᑲᑌᐤ ᑭᑕ ᓵᑰᒋᐦᐃᑯᔨᐟ ᐅᒪᒑᑎᓴ, ᐊᐦᐴ ᑭᑕ ᐸᐢᐲᐦᐁᐤ ᑳ ᐃᐧᔭᓯᐋᐧᑎᒥᐦᐟ. PSA.indd 0//0 :: PM

26 ᓂᑲᒧᐃᐧᓇ, ᐸᑯᓭᔨᒧᑐᑖᕽ ᑳ ᑎᐯᔨᐦᒋᑫᐟ ᒦᓇ ᓇᓇᐦᐃᐦᑕᒧᐠ ᐅᑎᑕᓯᐁᐧᐃᐧᓇ; ᑭᑲ ᑭᐢᑌᔨᒥᐠ ᐊᐢᑭᐩ ᑳ ᒥᔨᐢᐠ, ᐁᑲᐧ ᑭᑲ ᐋᐧᐸᒫᐊᐧᐠ ᐅᒪᒑᑎᓴᐠ ᐁ ᐊᐧᔭᐄᐧᑎᓴᐦᐅᐦᒋᐠ ᐁᑯᑕ ᐅᐦᒋ. ᐯᔭᑳᐧᐤ ᓂᑮ ᑭᐢᑫᔨᒫᐤ ᒪᒋ ᐊᔨᓯᔨᓂᐤ ᐁ ᐋᐦᑳᐧᑎᓯᐟ; ᑖᐱᐢᑰᐨ ᑳ ᒫᐊᐧᒋ ᓲᐦᑭᓯᐟ ᒪᐢᑲᐋᐧᐦᑎᐠ ᓬᐁᐱᓇᐣ (Lebanon) ᐅᐦᒋ; ᒫᑲ ᑮᐦᑖᐧᒼ ᐁᑯᑕ ᐁ ᐱᒧᐦᑌᔮᐣ ᓇᒫᐧᐨ ᐁᑯᑕ ᐅᐦᒋ ᐊᔮᐤ; ᓂᑮ ᓇᑐᓇᐋᐧᐤ ᒫᑲ ᓇᒫᐧᐨ ᓂᒥᐢᑲᐋᐧᐤ. ᓈᑲᑐᐦᑫ ᑳ ᒥᔮᐧᑎᓯᐟ ᐊᔨᓯᔨᓂᐤ, ᑭᑖᐸᒼ ᑲᐧᔭᐢᐠ ᑳ ᐃᓯᔨᓃᐦᑫᐟ; ᐁ ᐯᔮᐦᑕᑳᑎᓯᐟ ᐊᔨᓯᔨᓂᐤ ᐋᓂᐢᑯᑖᐹᓀᐤ, ᒫᑲ ᐅᒪᒑᑎᓯᐊᐧᐠ ᑲᐦᑭᔭᐤ ᒣᐢᒋ ᒥᓯᐊᐧᓈᒋᐦᐋᐊᐧᐠ, ᐁᑲᐧ ᐅᑖᓂᐢᑯᑖᐹᓂᐋᐧᐊᐧ ᒣᐢᒋᓀᔨᐊᐧ. ᑳ ᑎᐯᔨᐦᒋᑫᐟ ᐱᒫᒋᐦᐁᐤ ᑳ ᑲᐧᔭᐢᑳᑎᓯᔨᐟ ᒦᓇ ᓈᑲᑐᐦᑫᐤ ᐃᐢᐲᕽ ᐁ ᓇᔦᐦᑖᐄᐧᔨᐟ. 0 ᐄᐧᒋᐦᐁᐤ ᒦᓇ ᐸᐢᐲᐦᐁᐤ; ᐁ ᐱᒫᒋᐦᐋᐟ ᑳ ᒪᒑᑎᓯᔨᐟ ᐅᐦᒋ, ᐊᔨᐢᐠ ᓈᑖᒧᑐᑖᐠ ᑭᑕ ᑲᓇᐁᐧᔨᒫᐟ. ᓂᑲᒧᐃᐧᐣ ᓂᑲ ᐊᐢᐯᔨᒧᑐᑕᐋᐧᐤ ᑭᓭ ᒪᓂᑐᐤ ᐅᑖᓂᐢᑫ ᐱᒫᑎᓴᐠ ᑯᕒᐋ (Korah) ᐅᓂᑲᒧᐃᐧᓂᐋᐧᐤ ᑖᐱᐢᑰᐨ ᐊᐱᓯᒨᓱᐢ ᐁ ᓅᐦᑌ ᒥᓂᐦᑫᐧᐟ ᓂᐱᐩ ᐁ ᑕᐦᑭᑲᒥᓂᔨᐠ ᓰᐲᓯᓯᔨᕽ, ᐁᑯᓯ ᐯᔭᑲᐧᐣ ᑭᑎᓯ ᓂᑕᐁᐧᔨᒥᑎᐣ, ᓂᑭᓭ ᒪᓂᑑᒼ. ᑖᐱᐢᑰᐨ ᓂᑕᐦᒑᕽ ᐁ ᓅᐦᑌᔮᐹᑫᐧᑐᑖᐢᐠ, ᑭᓭ ᒪᓂᑐᐤ ᑳ ᐱᒫᑎᓯᔭᐣ. ᑖᓂᐢᐲᕽ ᑲ ᑮ ᓂᑕᐃᐧ ᒪᐃᐧᒧᐢᑖᑖᐣ ᐃᑕ ᑳ ᐊᔮᔭᐣ? ᐁ ᑮᓯᑳᐠ ᒦᓇ ᐁ ᑎᐱᐢᑳᐠ ᓂᒫᑐᐣ, ᓂᑐᐦᒋᑲᐋᐧᐱᐃᐧᓇ ᐅᐦᒋ ᓇᒨᔭ ᓂᑮ ᒦᒋᓱᐣ; ᑖᐱᑕᐃᐧ ᐊᔨᓯᔨᓂᐊᐧᐠ ᓂᑲᑫᐧᒋᒥᑲᐧᐠ, «ᑖᓂᐋᐧ ᑭᑭᓭ ᒪᓂᑑᒼ?» ᐁ ᐃᓯᒋᐠ. ᓂᑲᑳᐧᑕᑫᔨᒧᐣ ᑳ ᑭᐢᑭᓯᔮᐣ ᐆᐦᐃ: ᐁ ᐱᒥ ᐄᐧᒉᐊᐧᑭᐠ ᒫᓇ ᒥᐦᒉᐟ ᐊᔨᓯᔨᓂᐊᐧᐠ ᐁ ᐃᑐᐦᑕᐦᐊᑭᐠ ᒫᓇ ᑭᓭ ᒪᓂᑐᐤ ᐅᐋᐧᐢᑳᐦᐃᑲᓂᕽ ᐁ ᐱᒥ ᑌᐯᐧ ᒥᔭᐋᐧᑕᐦᑭᐠ ᐁ ᓇᓈᐢᑯᒧᒋᐠ ᒦᓇ ᐁ ᐱᒥ ᓂᑲᒧᒋᐠ ᐃᔨᑯᕽ ᐁ ᑮ ᒥᔦᐧᔨᐦᑕᐦᑭᐠ. ᑖᓀᐦᑭ ᐆᒪ ᑳ ᐲᑭᐢᑳᑕᒫᐣ? ᑖᓀᐦᑭ ᐆᒪ ᑳ ᐲᑫᐧᔨᐦᑕᒫᐣ? ᓂᑲ ᐊᐢᐯᔨᒧᑐᑕᐋᐧᐤ ᑭᓭ ᒪᓂᑐᐤ, PSA.indd 0//0 :: PM

27 ᓂᑲᒧᐃᐧᓇ, ᒦᓇ ᑮᐦᑖᐧᒼ ᓂᑲ ᒪᒥᐦᒋᒫᐤ ᓂᑭᓭ ᒪᓂᑑᒼ ᑳ ᐱᒫᒋᐦᐃᐟ. ᓂᐄᐧᓴᑭᑌᐦᐋᐣ, ᐁᑯᓯ ᑭᑭᐢᑭᓯᑐᑖᑎᐣ, ᒎᕒᑕᐣ (Jordan) ᐊᐢᑮᕽ ᐅᐦᒋ ᒦᓇ ᐦᐊᕒᒪᐣ (Hermon) ᐊᐢᑮᕽ ᐅᐦᒋ, ᐊᐧᒌᕽ ᒥᓵᕒ (Mizar) ᐅᐦᒋ. ᓂᑎᑎᓴᐦᐊᒫᐠ ᑲᑳᐧᑕᑫᔨᐦᑕᒧᐃᐧᐣ ᑖᐱᐢᑰᐨ ᑳ ᒪᒪᐦᑳᐢᑳᐠ ᐁ ᐸᑲᒥᐢᑳᑯᔮᐣ; ᐁ ᐱᑎᐦᑫᐧᒋᐊᐧᕽ ᐁ ᐃᐢᑭᐯᐠ ᑖᐱᐢᑰᐨ. ᐁ ᒣᑳᐧ ᑮᓯᑳᐠ ᑳ ᑎᐯᔨᐦᒋᑫᐟ ᑭᑕ ᐄᐧ ᐋᐧᐸᐦᑎᐦᐃᐁᐧᐤ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᔨᐠ; ᐁᑲᐧ ᑭᑕ ᓂᑲᒧᐢᑕᐊᐧᐠ ᐁ ᑎᐱᐢᑳᐠ, ᑭᑕ ᐊᔭᒥᐦᐁᐢᑕᐊᐧᐠ ᑭᓭ ᒪᓂᑐᐤ ᑳ ᐱᒫᑎᓰᐢᑲᐃᐧᐟ. ᐆᒥᓯ ᓂᑎᑖᐤ ᑭᓭ ᒪᓂᑐᐤ ᑳ ᑲᓇᐁᐧᔨᒥᐟ; «ᑖᓀᐦᑭ ᑳ ᐊᐧᓂᑭᐢᑭᓯᑐᑕᐃᐧᔭᐣ? ᑖᓀᐦᑭ ᑳ ᐅᐦᒋ ᑲᑳᐧᑕᑫᔨᒧᔮᐣ ᐁ ᑲᑳᐧᑕᑭᐦᐃᒋᐠ ᐊᓂᑭ ᑳ ᓅᑎᓂᒋᐠ?» 0 ᑖᐱᐢᑰᐨ ᐁ ᒫᐦᑕᑯᐢᑳᑲᐃᐧᔮᐣ ᐃᔨᑯᕽ ᑖᐱᑕᐃᐧ ᐁ ᒫᔦᔨᒥᒋᐠ, ᐁ ᐃᑌᐧᒋᐠ, «ᑖᓂᐋᐧ ᑭᑭᓭ ᒪᓂᑑᒼ?» ᑖᓀᐦᑭ ᐆᒪ ᑳ ᐲᑭᐢᑳᑕᒫᐣ? ᑖᓀᐦᑭ ᐆᒪ ᑳ ᐲᑫᐧᔨᐦᑕᒫᐣ? ᓂᑲ ᐊᐢᐯᔨᒧᑐᑕᐋᐧᐤ ᑭᓭ ᒪᓂᑐᐤ, ᒦᓇ ᑮᐦᑖᐧᒼ ᓂᑲ ᒪᒥᐦᒋᒫᐤ ᓂᑭᓭ ᒪᓂᑑᒼ ᑳ ᐱᒫᒋᐦᐃᐟ. ᓂᑲᒧᐃᐧᐣ ᐁ ᐸᑯᓭᔨᒧᕽ ᑲ ᑫᐧᐢᑳᑎᓯᕽ ᐅᓂᑲᒧᐣ ᑌᐱᐟ (David) ᑭᓭᐋᐧᑐᑕᐃᐧᐣ, ᑭᓭ ᒪᓂᑐᐤ, ᑭᓵᑭᐦᐃᐁᐧᐃᐧᐣ ᐅᐦᒋ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ. ᑭᑭᐦᒋ ᑭᓭᐋᐧᑐᑖᑫᐃᐧᐣ ᐅᐦᒋ ᑳᓰᓇᒪᐃᐧᐣ ᓂᒪᒋ ᑑᑕᒧᐃᐧᓇ! ᑳᓰᔮᐹᐊᐧᑖ ᑲᐦᑭᔭᐤ ᓂᒪᒑᑎᓯᐃᐧᓇ ᒦᓇ ᑲᓈᒋᐦᐃᐣ ᓂᒪᒋ ᑑᑕᒧᐃᐧᓇ ᐅᐦᒋ! ᓂᑭᐢᑫᔨᐦᑌᐣ ᓂᒫᔨ ᑑᑕᒧᐃᐧᓇ; ᑖᐱᑕᐃᐧ ᓂᒫᒥᑐᓀᔨᐦᑌᐣ ᓂᒪᒋ ᑑᑕᒧᐃᐧᓇ. ᑭᑮ ᒫᔨ ᑑᑖᑎᐣ, ᑭᔭ ᐱᑯ, ᒦᓇ ᓂᑮ ᑑᑌᐣ ᐊᓂᐦᐃ ᑳ ᒫᔭᑭᐦᑕᒪᐣ. ᐁᑯᓯ ᑲᐧᔭᐢᐠ ᑳ ᐃᐧᔭᓯᐋᐧᓯᔭᐣ. PSA.indd 0//0 :: PM

28 ᓂᑲᒧᐃᐧᐣ ᓂᑮ ᒪᒑᑎᓯᐣ ᐊᐢᐱᐣ ᐅᐦᒋ ᑳ ᓂᐦᑖᐃᐧᑭᔮᐣ; ᐊᐢᐱᐣ ᐅᐦᒋ ᓂᑳᐃᐧᐩ ᑳ ᑭᑭᐢᑲᐃᐧᐟ, ᓂᑮ ᐹᐢᑖᐦᐅᐣ. ᑭᓂᑕᐁᐧᔨᐦᑌᐣ ᑫᐦᒋᓈᐨ ᑲ ᑭᑭᐢᑳᑯᔮᐣ ᑖᐯᐧᐃᐧᐣ; ᑭᐢᑭᓄᐦᐊᒪᐃᐧᐣ ᑭᑎᔨᓃᓯᐃᐧᐣ. ᐄᑲᑌᓇ ᓂᐹᐢᑖᐦᐅᐃᐧᐣ, ᐁᑯᓯ ᓂᑲ ᑲᓈᑎᓯᐣ; ᑭᓰᐯᑭᓂᐣ, ᐁᑯᓯ ᓇᐊᐧᐨ ᓂᑲ ᐋᐧᐱᐢᑭᓯᐣ ᐃᐢᐲᐦᒋ ᑰᓇ. ᒪᐦᑎ ᓂᑲ ᐯᐦᑌᐣ ᒥᔭᐋᐧᑕᒧᐃᐧᐣ ᒦᓇ ᒥᔦᐧᔨᐦᑕᒧᐃᐧᐣ; ᒦᓇ ᐋᑕ ᐁ ᑮ ᒫᐦᑕᑯᐢᑲᐃᐧᔭᐣ ᒦᓇ ᐁ ᑮ ᐲᑯᓂᔭᐣ, ᐋᐦᒋ ᐱᑯ ᑮᐦᑖᐧᒼ ᒦᓇ ᓂᑲ ᒥᔭᐋᐧᑌᐣ. ᐁᑳᔭ ᑭᑖᐸᐦᑕ ᓂᒫᔨ ᑑᑕᒧᐃᐧᓇ ᒦᓇ ᑳᓰᐦᐊ ᑲᐦᑭᔭᐤ ᓂᒪᒑᑎᓯᐃᐧᓇ. 0 ᐅᓰᐦᑕᒪᐃᐧᐣ ᓂᑌᐦ ᑲ ᑲᓈᑕᕽ, ᑭᓭ ᒪᓂᑐᐤ, ᐊᐢᑕᒪᐃᐧᐣ ᐅᐢᑭ ᐊᐦᒑᕽ ᒦᓇ ᓇᓇᐦᐃᐦᑕᒧᐃᐧᐣ. ᐁᑳᔭ ᓯᐯᐧᐦᑎᓴᐦᐅᐣ ᐃᑕ ᐅᐦᒋ ᑳ ᐊᔮᔭᐣ; ᐊᐦᐴ ᐁᑳᐃᐧᔭ ᒪᐢᑲᒥᐣ ᑳ ᑲᓈᑎᓯᐟ ᑭᑕᐦᒑᕽ. ᑳᐃᐧ ᐊᐢᑕᒪᐃᐧᐣ ᒥᔦᐧᔨᐦᑕᒧᐃᐧᐣ ᑳ ᐅᐦᒌᒪᑲᕽ ᑭᐱᒫᒋᐦᐃᐁᐧᐃᐧᓂᕽ, ᒦᓇ ᓰᐦᑐᓂᐣ ᑕ ᓇᓇᐦᐃᐦᑖᑖᐣ. ᐁᑲᐧ ᓂᑲ ᑭᐢᑭᓄᐦᐊᒪᐋᐧᐊᐧᐠ ᐅᒪᒑᑎᓴᐠ ᑭᑎᑕᓯᐁᐧᐃᐧᓇ, ᐁᑯᓯ ᑳᐃᐧ ᑭᑲ ᐱᒥᑎᓴᐦᐅᑲᐧᐠ. ᐸᐢᐲᐦᐃᐣ, ᑭᓭ ᒪᓂᑐᐤ, ᐱᒫᒋᐦᐃᐣ ᐁᑳᔭ ᑲ ᓂᐸᐦᐃᑲᐃᐧᔮᐣ ᐁᑯᓯ ᓂᑲ ᒥᔦᐧᔨᐦᑌᐣ ᑭᑕ ᐄᐧᐦᑕᒫᐣ ᑲᐧᔭᐢᐠ ᑭᑎᑖᑎᓯᐃᐧᐣ. ᐄᐧᒋᐦᐃᐣ ᑭᑕ ᐲᑭᐢᑫᐧᔮᐣ, ᑳ ᑎᐯᔨᐦᒋᑫᔭᐣ, ᐁᑯᓯ ᑭᑲ ᒪᒥᐦᒋᒥᑎᐣ. ᓇᒨᔭ ᑭᓂᑕᐁᐧᔨᐦᑌᐣ ᒪᒍᐢᑌᐦᐊᒫᑫᐃᐧᓇ, ᐊᔨᐢᐠ ᓂᑲ ᑮ ᐸᑭᑎᓈᓱᐣ. ᓂᑕᐦᒑᕽ ᐁ ᑕᐸᐦᑌᔨᐦᑖᑲᐧᕽ ᐁᐊᐧᑯ ᑳ ᐸᑭᑎᓈᓱᔮᐣ, ᑭᓭ ᒪᓂᑐᐤ; ᓇᒨᔭ ᑭᑲ ᐋᑕᐁᐧᔨᒫᐤ ᐊᐃᐧᔭᐠ ᐁ ᑕᐸᐦᑌᔨᒧᐟ ᒦᓇ ᐁ ᑮᓯᓈᑌᔨᒧᐟ ᐅᑌᐦᐃᕽ. ᑭᓭᐋᐧᑐᑕᐤ ᓵᔭᐣ (Zion) ᒦᓇ ᐄᐧᒋᐦ; ᑳᐃᐧ ᒋᒪᑖ ᒣᓂᑲᓇ ᐋᐧᓴᑳᒼ ᒉᕒᐅᓴᓬᐊᒥᕽ (Jerusalem). ᐁᑯᓯ ᑭᑲ ᓇᐦᐁᔨᐦᑕᒥᐦᐃᑯᐣ ᑲᐧᔭᐢᐠ ᑲ ᐸᑭᑎᓈᓱᕽ ᐁᑲᐧ ᐁ ᒪᒍᐢᑌᐦᐊᒫᑲᐃᐧᔭᐣ; ᒦᓇ ᑭᑕ ᐸᑭᑎᓈᓱᕽ ᐃᔮᐯᐊᐧᐠ ᑭᒪᒍᐢᑌᐦᐅᐃᐧᓈᐱᐢᑯᕽ. PSA.indd 0//0 :: PM

29 ᓂᑲᒧᐃᐧᐣ ᓂᑲᒧᐃᐧᐣ ᐄᐧᒋᐦᐃᑯᐃᐧᐣ ᐁ ᓇᑐᑕᒥᕽ ᐅᓂᑲᒧᐣ ᑌᐱᐟ (David) ᐦᐋᐤ, ᑭᑎᒫᑭᓇᐃᐧᐣ ᑭᓭ ᒪᓂᑐᐤ, ᑭᑎᒫᑭᓇᐃᐧᐣ, ᐊᔨᐢᐠ ᑭᐯ ᓈᑖᒧᑐᑖᑎᐣ ᑲ ᑲᓇᐁᐧᔨᒥᔭᐣ. ᑭᑕᐦᑕᐦᑲᐧᓂᕽ ᓂᐯ ᐃᑖᒧᐣ ᐃᐢᑯ ᐃᔨᑯᕽ ᐴᓂᐸᔨᑭ ᒥᓯ ᑲᑳᐧᑕᑭᐦᑖᐃᐧᐣ. ᓂᒪᐃᐧᒧᐢᑕᐋᐧᐤ ᑭᓭ ᒪᓂᑐᐤ, ᑳ ᒫᐊᐧᒋ ᐃᐢᐹᐦᑫᔨᐦᑖᑯᓯᐟ, ᐃᐧᔭ ᐅᐦᒋ ᑲᐦᑭᔭᐤ ᑮᑲᐧᐩ ᑳ ᐄᐧᒋᐦᐃᑯᐃᐧᓯᔮᐣ. ᓂᑲ ᓇᐢᑫᐧᐊᐧᓯᒥᐠ ᑭᐦᒋ ᑮᓯᑯᕽ ᐅᐦᒋ ᒦᓇ ᓂᑲ ᐱᒫᒋᐦᐃᐠ; ᑭᑕ ᓵᑰᒋᐦᐁᐤ ᐊᓂᐦᐃ ᑳ ᑭᑎᒪᐦᐃᔨᐟ. ᑭᓭ ᒪᓂᑐᐤ ᓂᑲ ᐋᐧᐸᐦᑎᐦᐃᐠ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᒦᓇ ᐅᒪᒥᓰᐋᐧᑎᓯᐃᐧᐣ. ᓂᐋᐧᓴᑳᒣᐢᑳᑲᐧᐠ ᐊᓂᑭ ᑳ ᒫᔦᔨᒥᒋᐠ ᑖᐱᐢᑰᐨ ᒥᐢᑕᐦᑫᓯᐊᐧᐠ ᑳ ᓅᐦᑌ ᒧᐋᐧᒋᐠ ᐊᔨᓯᔨᓂᐊᐧ. ᐄᐧᐱᑎᐋᐧᐊᐧ ᑖᐱᐢᑰᐨ ᑕᐦᑲᐦᒋᑲᓇ ᒦᓇ ᑮᓂᑲᑐᓴ; ᐅᑌᔨᓃᐋᐧᐊᐧ ᑖᐱᐢᑰᐨ ᐃᓴᐁᐧᐢᑲᐧ ᑳ ᑳᓯᓯᓂᔨᑭ. ᐋᐧᐸᐦᑎᐦᐃᐁᐧ ᑭᑭᐦᒉᔨᐦᑖᑯᓯᐃᐧᐣ ᑮᓯᑯᕽ, ᑭᓭ ᒪᓂᑐᐤ, ᒦᓇ ᑭᑭᐢᑌᔨᐦᑖᑯᓯᐃᐧᐣ ᒥᓯᐁᐧᐢᑲᒥᐠ. ᐊᓂᑭ ᑳ ᒫᔦᔨᒥᒋᐠ ᓂᑲᑫᐧ ᑖᐱᑳᐧᑎᑲᐧᐠ ᐊᔭᐱᔭ ᐅᐦᒋ; ᒥᑐᓂ ᓂᐲᑫᐧᔨᐦᑕᒥᐦᐃᑲᐧᐠ. ᐋᐧᑎᐦᑫᐊᐧᐠ ᐃᑕ ᑭᑕ ᐊᑎ ᐱᒧᐦᑌᐊᐧᐠ, ᒫᑲ ᐃᐧᔭᐋᐧᐤ ᐲᐦᒋᐸᔨᐊᐧᐠ. ᒥᑐᓂ ᑭᒪᒥᓰᑐᑖᑎᐣ, ᑭᓭ ᒪᓂᑐᐤ; ᓂᑲ ᓂᑲᒧᐣ ᒦᓇ ᑭᑲ ᒪᒥᐦᒋᒥᑎᐣ! ᐯᑯᐸᔨ ᓂᑕᐦᒑᕽ! ᐯᑯᐸᔨᐠ ᓂᑭᑐᐦᒋᑲᐣ ᒦᓇ ᓂᑭᒍᐦᒋᑲᓂᐢ! ᓂᑲ ᐯᑯᐦᐋᐤ ᐲᓯᒼ. ᑭᑲ ᓇᓈᐢᑯᒥᑎᐣ, ᑳ ᑎᐯᔨᐦᒋᑫᔭᐣ, ᐲᑐᓯᔨᓃᓈᕽ. ᑭᑲ ᒪᒥᐦᒋᒥᑎᐣ ᐊᔨᓯᔨᓃᓈᕽ. 0 ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᑭᐢᑫᔨᐦᑖᑲᐧᐣ ᑭᐦᒋ ᑮᓯᑯᕽ; ᑭᒪᒥᓰᐋᐧᑎᓯᐃᐧᐣ ᐃᐢᑯ ᑮᓯᑯᕽ ᐃᐢᐸᔨᐣ. ᐋᐧᐸᐦᑎᐦᐃᐁᐧ ᑭᑭᐦᒉᔨᐦᑖᑯᓯᐃᐧᐣ ᑮᓯᑯᕽ, ᑭᓭ ᒪᓂᑐᐤ, ᒦᓇ ᑭᑭᐢᑌᔨᐦᑖᑯᓯᐃᐧᐣ ᒥᓯᐁᐧᐢᑲᒥᐠ. PSA.indd 0//0 :00:00 PM

30 ᓂᑲᒧᐃᐧᐣ ᓂᑲᒧᐃᐧᐣ ᒪᒥᓰᑐᑕᐤ ᑭᓭ ᒪᓂᑐᐤ ᐅᓂᑲᒧᐣ ᑌᐱᐟ (David) ᓂᓵᓰᐯᔨᐦᑌᐣ ᑳ ᐯᐦᐊᐠ ᑭᓭ ᒪᓂᑐᐤ ᑭᑕ ᐱᒫᒋᐦᐃᐟ; ᐃᐧᔭ ᐱᑯ ᓂᒪᒥᓰᐣ. ᐃᐧᔭ ᐱᑯ ᓂᑲᓇᐁᐧᔨᒥᐠ ᒦᓇ ᓂᐱᒫᒋᐦᐃᐠ; ᐃᐧᔭ ᓂᑲ ᓈᑕᒫᐠ, ᐁᑯᓯ ᓇᒨᔭ ᐄᐧᐦᑳᐨ ᓂᑲ ᓵᑰᒋᐦᐃᑲᐃᐧᐣ. ᑖᓂᒪᔨᑯᕽ ᐃᐢᑯ ᑳ ᐄᐧ ᒫᔦᔨᒫᔦᐠ ᐊᔨᓯᔨᓂᐤ ᓇᒫᐧᐨ ᐁ ᒪᐢᑲᐃᐧᓰᐟ ᐃᐢᐲᐦᒋ ᒣᓂᑲᐣ ᑳ ᐲᑲᐧᐢᑌᐠ? ᓇᔦᐢᑕᐤ ᐱᑯ ᐁ ᓅᐦᑌ ᓃᐦᒋᐁᐧᐱᓈᔦᐠ ᑭᐦᒋ ᐊᐱᐃᐧᓂᕽ ᐅᐦᒋ; ᑭᑕᑲᐦᑫᔨᒥᓱᓈᐋᐧᐤ ᐁ ᑭᔮᐢᑭᔦᐠ. ᑭᓴᐁᐧᔨᐦᒋᑳᓈᐋᐧᐤ ᑭᐲᑭᐢᑫᐧᐃᐧᓇ ᐅᐦᒋ, ᒫᑲ ᑭᑌᐦᐃᐋᐧᕽ ᑭᐹᐢᑖᒫᐋᐧᐤ. ᑭᓭ ᒪᓂᑐᐤ ᐱᑯ ᑳ ᐊᐢᐯᔨᒧᔮᐣ; ᐁᐊᐧᑯ ᑳ ᐸᑯᓭᔨᒧᑐᑕᐊᐧᐠ. ᐃᐧᔭ ᐱᑯ ᓂᑲᓇᐁᐧᔨᒥᐠ ᒦᓇ ᓂᐱᒫᒋᐦᐃᐠ; ᐃᐧᔭ ᑳ ᓈᑕᒪᐃᐧᐟ, ᒦᓇ ᓇᒨᔭ ᐄᐧᐦᑳᐨ ᓂᑲ ᓵᑰᒋᐦᐃᑲᐃᐧᐣ. ᑭᓭ ᒪᓂᑐᐤ ᐅᐦᒋᐸᔨᓇᐧ ᓂᐱᒫᒋᐦᐃᑯᐃᐧᐣ ᒦᓇ ᓂᑭᐢᑌᔨᐦᑖᑯᓯᐃᐧᐣ; ᐃᐧᔭ ᓂᑲᓇᐁᐧᔨᒥᐠ ᐅᒪᐢᑲᐃᐧᓰᐃᐧᓂᕽ ᐅᐦᒋ; ᐃᐧᔭ ᓂᑎᐱᓇᐋᐧᐢᑳᐠ. ᑖᐱᑕᐃᐧ ᒪᒥᓰᑐᑖᕽ ᑭᓭ ᒪᓂᑐᐤ, ᓂᑎᔨᓃᒥᑎᐠ. ᐄᐧᐦᑕᒫᕽ ᑲᐦᑭᔭᐤ ᐊᓂᐦᐃ ᑳ ᒥᑯᐢᑳᒋᐦᐃᑯᔦᐠ, ᐊᔨᐢᐠ ᐃᐧᔭ ᑳ ᑎᐱᓇᐋᐧᐢᑳᑯᔭᕽ. ᐊᔨᓯᔨᓂᐊᐧᐠ ᑖᐱᐢᑰᐨ ᐯᔭᐠ ᐸᑭᑕᑖᒧᐃᐧᐣ; ᐊᓂᑭ ᑳ ᑭᐦᒉᔨᐦᑖᑯᓯᒋᐠ ᒦᓇ ᑳ ᐲᐁᐧᔨᐦᑖᑯᓯᒋᐠ ᑲᐦᑭᔭᐤ ᓇᒨᔭ ᑮᑲᐧᐩ ᐃᑌᔨᐦᑖᑯᓯᐊᐧᐠ. ᑎᐹᐯᐢᑯᐦᐃᐠ ᐁᑯᓯ ᓇᒨᔭ ᑯᓯᑲᐧᑎᐊᐧᐠ; ᓇᐊᐧᐨ ᔮᐦᑭᑎᓯᐊᐧᐠ ᐃᐢᐲᐦᒋ ᐸᑭᑕᑖᒧᐃᐧᐣ. 0 ᐁᑳᔭ ᒪᒥᓰᑐᑕ ᒫᔭᐦᑲᒥᑭᓯᐃᐧᐣ, ᐁᑳᔭ ᑮᑲᐧᐩ ᐃᐦᑕᑌᔨᐦᑕ ᑭᒧᑎᐃᐧᓂᕽ ᐅᐦᒋ; ᑭᔮᒼ ᐋᑕ ᐊᑎ ᐁᐧᔫᑎᓯᔭᓂ, ᐁᑳᔭ ᒪᒥᓰᑐᑕ. ᓇᒨᔭ ᐯᔭᑳᐧᐤ ᐱᑯ ᓂᑮ ᐯᐦᑕᐋᐧᐤ ᑭᓭ ᒪᓂᑐᐤ ᐁ ᐃᑌᐧᐟ ᓲᐦᑳᑎᓯᐃᐧᐣ ᐃᐧᔭ ᐁ ᑎᐯᔨᐦᑕᕽ. PSA.indd 0//0 :00:00 PM

31 ᓂᑲᒧᐃᐧᓇ, ᒦᓇ ᑭᔭ, ᑳ ᑎᐯᔨᐦᒋᑫᔭᐣ, ᐅᐦᒌᒪᑲᐣ ᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ. ᐃᐧᔭ ᑭᔭ ᑳ ᑎᐸᐦᐊᒪᐊᐧᐟ ᑲᐦᑭᔭᐤ ᐊᐃᐧᔭᐠ ᐊᔨᓯᔨᓂᐤ ᐁ ᐃᓯ ᑲᐢᑭᐦᑕᒫᓱᐟ. ᓂᑲᒧᐃᐧᐣ ᓂᑰᑕᐁᐧᔨᒫᐤ ᑭᓭ ᒪᓂᑐᐤ ᐅᓂᑲᒧᐣ ᑌᐱᐟ (David) ᐦᐋᐤ, ᑭᓭ ᒪᓂᑐᐤ, ᑭᔭ ᓂᑭᓭ ᒪᓂᑑᒼ, ᑭᓂᑕᐁᐧᔨᒥᑎᐣ. ᐃᔭᐃᐧᐢᐠ ᓂᔭᐃᐧᕽ ᐅᐦᒋ ᑭᓂᑕᐁᐧᔨᒥᑎᐣ; ᑖᐱᐢᑰᐨ ᑳ ᐹᐢᑌᐠ ᐊᐢᑭᐩ ᐃᑕ ᐁᑳᔭ ᑮᑲᐧᐩ ᓂᐱᐩ ᐁ ᐃᐦᑕᑲᐧᕽ, ᓂᑕᐦᒑᕽ ᑭᓅᐦᑌᔮᐹᑫᐧᑐᑖᐠ. ᒪᐦᑎ ᑭᑲ ᐋᐧᐸᒥᑎᐣ ᑭᐦᒋ ᐊᔭᒥᐦᐁᐃᐧᑲᒥᑯᕽ; ᒪᐦᑎ ᓂᑲ ᐋᐧᐸᐦᑌᐣ ᐁ ᐃᓯ ᓲᐦᑳᑎᓯᔭᐣ ᒦᓇ ᐁ ᐃᓯ ᑭᐢᑌᔨᐦᑖᑯᓯᔭᐣ. ᐊᔨᐢᐠ ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᓇᐊᐧᐨ ᒥᐢᑕᐦᐃ ᐃᑌᔨᐦᑖᑲᐧᐣ ᐃᐢᐲᐦᒋ ᐱᒫᑎᓯᐃᐧᐣ, ᐁᑯᓯ ᑭᑲ ᒪᒥᐦᒋᒥᑎᐣ. ᑭᑲ ᓇᓈᐢᑯᒥᑎᐣ ᐃᐢᑯ ᐱᒫᑎᓯᔮᓂ; ᑭᑲ ᐅᐦᐱᓂᐢᑫᐢᑖᑎᐣ ᐊᔭᒥᐦᐋᔮᓂ. ᑲ ᓇᐦᐁᔨᐦᑕᒼ ᓂᑕᐦᒑᕽ ᑖᐱᐢᑰᐨ ᐁ ᐊᔮᐟ ᐄᐧᐦᑯᐦᑫᐃᐧᓂᕽ, ᐁᑲᐧ ᑭᑲ ᒪᒥᐦᒋ ᓂᑲᒧᐢᑕᒫᑎᐣ. ᑭᑭᐢᑭᓯᑐᑖᑎᐣ ᑲᐃᐧᓯᒧᔮᓂ; ᑲᐯ ᑎᐱᐢᐠ ᑭᒫᒥᑐᓀᔨᒥᑎᐣ, ᐊᔨᐢᐠ ᑖᐱᑕᐃᐧ ᑭᑮ ᐯ ᐄᐧᒋᐦᐃᐣ, ᓰᐹ ᑭᑕᐦᑕᐦᑲᐧᓂᕽ, ᓂᓂᑲᒧᐣ ᐁ ᒥᔭᐋᐧᑕᒫᐣ. ᑭᒥᒋᒥᓂᑎᐣ, ᐁᑲᐧ ᑭᑭᐦᒋᓂᐢᑭᕽ ᑭᑲᓇᐁᐧᔨᒥᐣ. ᐊᓂᑭ ᑳ ᐄᐧ ᑲᑫᐧ ᓂᐸᐦᐃᒋᐠ ᑭᑕ ᐃᑐᐦᑌᐊᐧᐠ ᐃᑌ ᐅᓂᐱᐊᐧᐠ ᑳ ᐊᔮᒋᐠ. 0 ᑭᑕ ᓂᐸᐦᐋᐊᐧᐠ ᓅᑎᓂᑐᐃᐧᓂᕽ, ᒦᓇ ᒪᐦᐃᐦᑲᓇ ᑭᑕ ᒧᐃᐧᑲᐧᐠ. ᐊᔨᐢᐠ ᑭᓭ ᒪᓂᑐᐤ ᒥᔦᐤ ᓵᑯᐦᑖᐧᐃᐧᐣ, ᑭᐦᒋ ᐅᑭᒫᐤ ᑭᑕ ᒥᔭᐋᐧᑕᒼ. ᐊᓂᑭ ᑳ ᑭᐦᒋ ᐃᑌᐧᒋᐠ ᑭᓭ ᒪᓂᑐᐊᐧ ᐅᐄᐧᐦᐅᐃᐧᓂᔨᕽ ᑭᑕ ᒪᒥᐦᒋᒣᐊᐧᐠ, ᒫᑲ ᑭᑕ ᑭᐳᑐᓀᐦᐁᐧᐊᐧᐠ ᑳ ᑭᔮᐢᑭᒋᐠ. PSA.indd 0//0 :00:00 PM

32 ᓂᑲᒧᐃᐧᐣ ᓂᑲᒧᐃᐧᐣ ᒪᒥᐦᒋᒼ ᒦᓇ ᓇᓈᐢᑯᒼ ᑭᓭ ᒪᓂᑐᐤ ᐅᓂᑲᒧᐣ ᑌᐱᐟ (David) ᑭᓭ ᒪᓂᑐᐤ, ᓇᐦᐃᐸᔨᐣ ᑭᑕ ᒪᒥᐦᒋᒥᑖᕽ ᓵᔭᓂᕽ (Zion) ᒦᓇ ᑭᑕ ᑭᐢᑌᔨᐦᑕᒫᕽ ᑳ ᑮ ᐃᓯ ᐊᓱᑕᒫᑖᕽ, ᐊᔨᐢᐠ ᑭᓇᑐᐦᑌᐣ ᐊᔭᒥᐦᐋᐃᐧᓇ. ᐊᔨᓯᔨᓂᐊᐧᐠ ᒥᓯᐁᐧᐢᑲᒥᐠ ᐅᐦᒋ ᑭᑲ ᐯ ᓈᑎᑲᐧᐠ ᐅᒪᒋ ᑑᑕᒧᐃᐧᓂᐋᐧᐊᐧ ᐅᐦᒋ. ᓂᒫᔨ ᑑᑕᒧᐃᐧᓂᓈᓇ ᓂᓵᑰᒋᐦᐃᑯᓈᐣ, ᒫᑲ ᑭᔭ ᑭᑳᓰᓇᒪᐃᐧᓈᐣ. ᒥᔦᐧᔨᐦᑕᒪᐧᐠ ᐊᓂᑭ ᑳ ᑮ ᓇᐊᐧᓲᓇᒋᐠ, ᒦᓇ ᑳ ᐯᓯᐊᐧᒋᐠ ᑭᑕ ᐊᔮᒋᐠ ᑭᑭᐦᒋ ᐊᔭᒥᐦᐁᐃᐧᑲᒥᑯᕽ. ᓂᑲ ᑕᑲᐦᑫᔨᐦᑌᓈᐣ ᒥᔪ ᑮᑲᐧᐩ ᑭᑭᐦᒋ ᐋᐧᐢᑳᐦᐃᑲᓂᕽ ᐅᐦᒋ, ᒦᓇ ᓴᐁᐧᔨᐦᒋᑫᐃᐧᓇ ᐅᐦᒋ ᑳ ᑲᓈᑕᕽ ᑭᑭᐦᒋ ᐊᔭᒥᐦᐁᐃᐧᑲᒥᑯᕽ. ᑭᓇᐢᑫᐧᐊᐧᓯᒥᓈᐣ ᐁ ᒥᔨᔮᕽ ᓵᑰᒋᐦᐃᐁᐧᐃᐧᐣ, ᒦᓇ ᒪᒫᐦᑖᐃᐧ ᑮᑲᐧᐩ ᑭᑑᑌᐣ ᑭᑕ ᐱᒫᒋᐦᐃᔮᕽ. ᐁᑯᓯ ᐊᔨᓯᔨᓂᐊᐧᐠ ᒥᓯᐁᐧ ᐊᐢᑮᕽ ᒦᓇ ᐊᑳᒪᐢᑮᕽ ᑭᒪᒥᓰᑐᑖᑲᐧᐠ. ᑭᐃᐧᔭᐢᑖᐣ ᐊᓯᓃᐊᐧᒋᔭ ᑭᒪᐢᑲᐃᐧᓰᐃᐧᐣ ᐅᐦᒋ, ᐁ ᐋᐧᐸᐦᑎᐦᐃᐁᐧᔭᐣ ᐃᔨᑯᕽ ᐁ ᓲᐦᑭᓯᔭᐣ. ᑭᑳᒫᐧᒋᐦᑖᐣ ᑭᐦᒋᑲᒥᐩ ᑳ ᐯᐦᑖᑲᐧᕽ ᒦᓇ ᑳ ᐱᑎᐦᑫᐧᑭ ᒪᒪᐦᑳᐢᑳᐊᐧ; ᑭᑳᒫᐧᒋᐦᐋᐊᐧᐠ ᑳ ᒫᔭᐦᑲᒥᑭᓯᒋᐠ ᐊᔨᓯᔨᓂᐊᐧᐠ. ᑲᐦᑭᔭᐤ ᐆᑕ ᐊᐢᑮᕽ ᒫᒪᐢᑳᑕᒪᐧᐠ ᐊᓂᐦᐃ ᑭᐦᒋ ᑮᑲᐧᔭ ᑳ ᑮ ᑑᑕᒪᐣ. ᑭᑑᑕᒧᐃᐧᓇ ᐅᐦᒋ ᑌᐯᐧᐊᐧᐠ ᐁ ᒨᒋᑫᔨᐦᑕᐦᑭᐠ ᐃᑌ ᑳ ᓵᑳᐢᑌᐠ ᐃᐢᑯ ᐃᑌ ᑳ ᐸᐦᑭᓯᒧᕽ. ᑭᓈᑲᑐᐦᑳᐣ ᐊᐢᑭᐩ ᐁ ᑭᒥᐊᐧᓂᐦᑖᔭᐣ ᐅᐦᒋ; ᑭᒥᔪᐢᑲᒥᑳᐃᐧᐦᑖᐣ ᒦᓇ ᒥᔪ ᐅᐦᐱᑭᐦᒋᑫᒪᑲᐣ. ᑭᓵᑲᐢᑭᓀᔮᐹᐊᐧᑖᐣ ᓰᐲᓯᓴ, ᑭᒥᔪᑭᐦᑖᐣ ᑭᐢᑎᑳᓇ ᐆᑕ ᐊᐢᑮᕽ. ᐁᑯᓯ ᐆᒪ ᐁ ᐃᓯ ᑑᑕᒪᐣ: 0 ᑲᐧᔭᐢᐠ ᑭᑭᒥᐊᐧᓂᐦᑖᐣ ᐃᑕ ᐁ ᐲᑯᐱᒋᑳᑌᐠ ᐊᐢᑭᐩ ᒦᓇ ᑲᐧᔭᐢᐠ ᑭᓵᐳᐸᑖᐣ ᑭᔫᐢᑭᐦᑖᐣ ᐊᓯᐢᑭᐩ, ᐁᑯᓯ ᐅᐢᑭ ᑭᐢᒋᑳᓂᓴ ᐅᐦᐱᑭᓇᐧ. ᑖᐯᐧ ᐱᑯ ᑭᐁᐧᔫᒋᐦᑖᐣ ᑭᐢᑎᑳᓇ ᑭᒥᔮᐧᑎᓯᐃᐧᓂᕽ ᐅᐦᒋ! ᐱᑯ ᐃᑌ ᐁ ᐃᑐᐦᑌᔭᐣ ᒥᔪᐸᔨᐊᐧᐠ. ᒥᓯᐁᐧᑳᐸᐃᐧᐊᐧᐠ ᒫᔭᑎᐦᑲᐧᐠ; ᒥᔦᐧᔨᐦᑖᑲᐧᐣ ᔩᐯᐦᒑᕽ. PSA.indd 0//0 :00:00 PM

33 ᓂᑲᒧᐃᐧᓇ,, ᒥᓯᐁᐧ ᐁᑯᑌ ᐊᔮᐊᐧᐠ ᒫᔭᑎᐦᑲᐧᐠ; ᐸᓴᑎᓈᕽ ᓵᑲᐢᑭᓀᐃᐧ ᐅᐦᐱᑭᓇᐧ ᑭᐢᑎᑳᓇ. ᑲᐦᑭᔭᐤ ᑮᑲᐧᐩ ᑌᐯᐧᒪᑲᐣ ᒦᓇ ᓂᑲᒨᒪᑲᐣ ᐁ ᒥᔭᐋᐧᑕᒧᕽ. ᓂᑲᒧᐃᐧᐣ ᓂᑲᒧᐣ ᐁ ᓇᓈᐢᑯᒧᕽ ᑭᓭ ᒪᓂᑐᐤ, ᑭᓭᐋᐧᑐᑕᐃᐧᓈᐣ ᒦᓇ ᓴᐁᐧᔨᒥᓈᐣ; ᑭᑎᒫᑭᓇᐃᐧᓈᐣ, ᐁᑯᓯ ᑕ ᑭᐢᑫᔨᐦᑖᑲᐧᓇᐧ ᑭᑎᓰᐦᒋᑫᐃᐧᓇ ᐱᑯ ᐃᑌ ᐆᑕ ᐊᐢᑮᕽ; ᑭᐱᒫᒋᐦᐃᐁᐧᐃᐧ ᓲᐦᑭᓯᐃᐧᐣ ᑲ ᑭᐢᑫᔨᐦᒋᑳᑌᐤ ᐱᑯ ᐃᑌ ᐊᔨᓯᔨᓃᓈᕽ. ᐦᐋᐤ, ᑭᓭ ᒪᓂᑐᐤ, ᑭᔮᒼ ᑲᐦᑭᔭᐤ ᐃᔨᓂᐊᐧᐠ ᑭᑲ ᒪᒥᐦᒋᒥᑲᐧᐠ; ᑭᔮᒼ ᑲᐦᑭᔭᐤ ᐃᔨᓂᐊᐧᐠ ᑭᑲ ᐄᐧ ᒪᒥᐦᒋᒥᑲᐧᐠ! ᒪᐦᑎ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᐄᐧ ᒥᔦᐧᔨᐦᑕᒪᐧᐠ ᒦᓇ ᑭᑕ ᓂᑲᒧᐊᐧᐠ ᐁ ᒥᔭᐋᐧᑕᐦᑭᐠ, ᐊᔨᐢᐠ ᑲᐧᔭᐢᐠ ᑭᑎᑕᓯᐋᐧᑖᐊᐧᐠ ᐊᔨᓯᔨᓂᐊᐧᐠ ᒦᓇ ᑭᑭᐢᑭᓄᐦᑕᐦᐋᐊᐧᐠ ᐁ ᐃᑕᐦᑑᐢᑳᓀᓯᒋᐠ ᐃᔨᓂᐊᐧᐠ ᐆᑕ ᐊᐢᑮᕽ. ᐦᐋᐤ, ᑭᓭ ᒪᓂᑐᐤ, ᑭᔮᒼ ᑲᐦᑭᔭᐤ ᐃᔨᓂᐊᐧᐠ ᑭᑲ ᒪᒥᐦᒋᒥᑲᐧᐠ; ᑭᔮᒼ ᑲᐦᑭᔭᐤ ᐃᔨᓂᐊᐧᐠ ᑭᑲ ᐄᐧ ᒪᒥᐦᒋᒥᑲᐧᐠ! ᐊᐢᑭᐩ ᑲᐧᔭᐢᐠ ᐅᐦᐱᑭᐦᒋᑫᒪᑲᐣ; ᑭᓭ ᒪᓂᑐᐤ, ᑭᒪᓂᑑᒥᓇᐤ ᑭᑮ ᓴᐁᐧᔨᒥᑯᓇᐤ. ᐁ ᑮ ᓴᐁᐧᔨᒥᑯᔭᕽ ᑭᓭ ᒪᓂᑐᐤ, ᒪᐦᑎ ᑲᐦᑭᔭᐤ ᐃᔨᓂᐊᐧᐠ ᐱᑯ ᐃᑌ ᑭᑕ ᑭᐢᑌᔨᒣᐊᐧᐠ. ᓂᑲᒧᐃᐧᐣ ᑫᐦᑌ ᐊᔭ ᐅᑕᔭᒥᐦᐋᐃᐧᐣ ᐦᐋᐤ, ᑳ ᑎᐯᔨᐦᒋᑫᔭᐣ, ᑭᔭ ᑳ ᓈᑖᒧᑐᑖᑖᐣ; ᐁᑳᔭ ᐄᐧᐦᑳᐨ ᑭᑕ ᓵᑰᒋᐦᐃᑲᐃᐧᔮᐣ! ᐊᔨᐢᐠ ᑭᔭ ᐁ ᑲᐧᔭᐢᑳᐧᑎᓯᔭᐣ, ᐱᒫᒋᐦᐃᐣ ᒦᓇ ᐸᐢᐲᐦᐃᐣ; ᓇᑐᐦᑕᐃᐧᐣ ᒦᓇ ᐱᒫᒋᐦᐃᐣ! ᒪᐦᑎ ᑎᐱᓇᐋᐧᐢᑲᐃᐧᐣ ᑖᐱᐢᑰᐨ ᐊᓯᓃᐃᐧᑲᒥᐠ ᐁ ᓲᐦᑲᕽ ᑭᑕ ᐱᒫᒋᐦᐃᔭᐣ, ᑭᔭ ᑳ ᒪᒥᓰᑐᑖᑖᐣ ᒦᓇ ᑭᔭ ᑳ ᓈᑕᒪᐃᐧᔭᐣ. PSA.indd 0//0 :00:00 PM

34 0 ᓂᑲᒧᐃᐧᐣ ᐦᐋᐤ, ᓂᑭᓭ ᒪᓂᑑᒼ, ᐱᒫᒋᐦᐃᐣ ᐊᓂᑭ ᑳ ᒪᒋ ᐊᔨᓯᔨᓃᐃᐧᒋᐠ ᐅᐦᒋ, ᐅᒪᐢᑲᐃᐧᓰᐃᐧᓂᐋᐧᕽ ᐅᐦᒋ ᐊᓂᑭ ᑳ ᑭᑎᒪᐦᐃᐁᐧᒋᐠ ᐁᑲᐧ ᑳ ᒪᒑᑎᓯᒋᐠ. ᑭᓭ ᒪᓂᑐᐤ, ᑭᔭ ᑳ ᑎᐯᔨᐦᒋᑫᔭᐣ, ᑭᑕᐢᐯᔨᒧᑐᑖᑎᐣ; ᐊᐢᐱᐣ ᐅᐦᒋ ᐁ ᐊᐋᐧᓯᓰᐃᐧᔮᐣ ᑭᒪᒥᓰᑐᑖᑎᐣ. ᑭᑮ ᒪᒥᓰᑐᑖᑎᐣ ᐊᐢᐱᐣ ᐅᐦᒋ ᑳ ᐯ ᐱᒫᑎᓯᔮᐣ; ᑭᔭ ᐆᒪ ᑳ ᑮ ᑲᓇᐁᐧᔨᒥᔭᐣ ᐊᐢᐱᐣ ᐅᐦᒋ ᑳ ᓂᐦᑖᐃᐧᑭᔮᐣ. ᑖᐱᑕᐃᐧ ᑭᑲ ᒪᒥᐦᒋᒥᑎᐣ. ᒥᐦᒉᐟ ᓂᐯ ᑭᐢᑭᓄᐋᐧᐸᒥᑲᐧᐠ, ᐊᔨᐢᐠ ᑭᔭ ᐁ ᐯ ᓲᐦᑭ ᓈᑕᒪᐃᐧᔭᐣ. ᑲᐯ ᑮᓯᐠ ᑭᒪᒥᐦᒋᒥᑎᐣ ᒦᓇ ᓂᐄᐧᐦᑌᐣ ᐃᔨᑯᕽ ᐁ ᐃᐢᐹᐦᑫᔨᐦᑖᑯᓯᔭᐣ. ᐁᑳᔭ ᐋᑕᐁᐧᔨᒥᐣ ᐁᑲᐧ ᑳ ᑫᐦᑌ ᐊᔨᐃᐧᔮᐣ; ᐁᑳᔭ ᓇᑲᓯᐣ ᑳ ᓀᓱᐋᐧᑎᓯᔮᐣ. 0 ᐊᓂᑭ ᑳ ᐸᑳᐧᓯᒋᐠ ᓂᒪᒋ ᐋᔨᒨᒥᑲᐧᐠ ᐁᑲᐧ ᒥᐢᑫᐧᔨᐦᑕᒪᐧᐠ ᑖᓂᓯ ᐁ ᐄᐧ ᐃᓯ ᓂᐸᐦᐃᒋᐠ. ᐆᒥᓯ ᐃᑌᐧᐊᐧᐠ, «ᑭᓭ ᒪᓂᑐᐊᐧ ᑮ ᐁᐧᐱᓂᐠ; ᓇᒨᔭ ᐊᐃᐧᔭ ᑭᑕ ᓈᑕᒫᐠ. ᐦᐋᐤ, ᓇᐊᐧᓵᐧᑖᐠ, ᐅᑎᓈᑖᐠ.» ᐦᐋᐤ, ᑭᓭ ᒪᓂᑐᐤ, ᐁᑳᔭ ᐋᐧᐦᔭᐤ ᐅᐦᒌᐢᑕᐃᐧᐣ; ᓂᑭᓭ ᒪᓂᑑᒼ, ᑭᔨᐸ, ᐯ ᐄᐧᒋᐦᐃᐣ! ᑭᔮᒼ ᐊᓂᑭ ᑳ ᒨᐢᑮᐢᑕᐃᐧᒋᐠ ᑭᑕ ᓵᑰᒋᐦᐋᐊᐧᐠ ᒦᓇ ᑭᑕ ᒥᓯᐊᐧᓈᒋᐦᐋᐊᐧᐠ. ᑭᔮᒼ ᐊᓂᑭ ᑳ ᑲᑫᐧ ᒫᔨ ᑑᑕᐃᐧᒋᐠ ᑭᑕ ᓀᐯᐃᐧᓯᐊᐧᐠ ᒦᓇ ᑭᑕ ᒥᓯᐦᐅᐊᐧᐠ. ᒫᑲ ᓂᔭ ᑖᐱᑕᐃᐧ ᑭᑲ ᒪᒥᓰᑐᑖᑎᐣ; ᐊᐦᐴ ᐊᔨᐋᐧᐠ ᑭᑲ ᒪᒥᐦᒋᒥᑎᐣ. ᓂᑲ ᐄᐧᐦᑌᐣ ᑭᒥᔪ ᑑᑕᒧᐃᐧᓇ; ᑲᐯ ᑮᓯᐠ ᓂᑲ ᐄᐧᐦᑌᐣ ᑭᐱᒫᒋᐦᐃᐁᐧᐃᐧᐣ, ᐋᑕ ᓇᒨᔭ ᓂᑮ ᓂᓯᑐᐦᑌᐣ ᐃᔨᑯᕽ ᐁ ᐊᑭᐦᒋᑳᑌᑭ ᑭᒥᔪ ᑑᑕᒧᐃᐧᓇ. ᓂᑲ ᑭᐢᑭᓄᐦᑕᐦᐃᑯᐣ ᐅᓲᐦᑳᑎᓯᐃᐧᐣ ᑳ ᑎᐯᔨᐦᒋᑫᐟ ᑭᓭ ᒪᓂᑐᐤ; ᑭᑲ ᒪᒥᐦᒋᒥᑎᐣ ᑲᐧᔭᐢᐠ ᑭᔭ ᐱᑯ ᐁ ᒥᔪ ᑑᑕᐊᐧᒋᐠ ᑭᑎᔨᓃᒪᐠ. ᐊᐢᐱᐣ ᐅᐦᒋ ᐁ ᐊᐋᐧᓯᓰᐃᐧᔮᐣ ᑭᑮ ᑭᐢᑭᓄᐦᐊᒪᐃᐧᐣ, ᑫᔮᐱᐨ ᓂᐄᐧᐦᑌᐣ ᑭᒪᒫᐦᑖᐃᐧ ᑑᑕᒧᐃᐧᓇ. ᐦᐋᐤ, ᑭᓭ ᒪᓂᑐᐤ, ᐁᑲᐧ ᐆᒪ ᐁ ᑫᐦᑌ ᐊᔨᐃᐧᔮᐣ ᐁ ᐋᐧᐱᐢᑎᑳᐧᓀᔮᐣ ᐁᑳᔭ ᐸᑭᑌᔨᒥᐣ! ᐄᐧᒉᐃᐧᐣ ᒣᑳᐧᐨ ᑳ ᐄᐧᐦᑕᒪᐊᐧᑭᐠ ᑭᓲᐦᑳᑎᓯᐃᐧᐣ ᐅᐦᒋ ᒦᓇ ᑭᒪᐢᑲᐃᐧᓰᐃᐧᐣ ᐊᓂᑭ ᐋᓂᐢᑫ ᑳ ᐄᐧ ᓂᐦᑖᐃᐧᑭᒋᐠ. PSA.indd 0 0//0 :00:00 PM

35 ᓂᑲᒧᐃᐧᓇ, ᐦᐋᐤ, ᑭᓭ ᒪᓂᑐᐤ, ᑭᑲᐧᔭᐢᑳᐧᑎᓯᐃᐧᐣ ᐃᐢᐹᐦᑫᔨᐦᑖᑲᐧᐣ, ᑭᑮ ᑑᑌᐣ ᑭᐦᒋ ᑮᑲᐧᔭ; ᐊᐄᐧᓇ ᑕ ᑮ ᓇᐢᐱᑖᐢᐠ? 0 ᑭᑮ ᐯ ᐃᑎᓴᐦᐊᒪᐃᐧᐣ ᓇᔦᐦᑖᐃᐧᐸᔨᐃᐧᓇ ᒦᓇ ᒫᔨᐸᔨᐃᐧᓇ, ᒫᑲ ᑭᐄᐧ ᑖᐸᐢᑕᒪᐃᐧᐣ ᓂᒪᐢᑲᐋᐧᑎᓯᐃᐧᐣ; ᐁᑳᔭ ᑕ ᐴᓂ ᐱᒫᑎᓯᔮᐣ. ᐊᐊᐧᓯᒣ ᑭᑲ ᒥᔨᐣ ᑭᐢᑌᔨᐦᑖᑯᓯᐃᐧᐣ; ᑮᐦᑖᐧᒼ ᑭᑲ ᑳᑮᒋᐦᐃᐣ. ᑭᑲ ᒪᒥᐦᒋᒥᑎᐣ ᑭᑐᐦᒋᑲᓂᕽ; ᑭᑲ ᒪᒥᐦᒋᒥᑎᐣ ᑭᒪᒥᓰᑐᑕᐋᐧᑎᓯᐃᐧᓂᕽ ᐅᐦᒋ, ᓂᑭᓭ ᒪᓂᑑᒼ. ᓂᑭᑐᐦᒋᑲᓂᕽ ᑭᑲ ᑭᑐᐦᒋᑫᐢᑕᒫᑎᐣ, ᑭᔭ ᑳ ᑲᓈᑎᓯᔭᐣ, ᐃᐢᕒᐊᐁᓬᐄᐃᐧᔨᓂᐊᐧᐠ (Israelites) ᐅᒪᓂᑑᒥᐋᐧᐊᐧ. ᑭᑐᐦᒋᑫᔮᓂ ᓂᑲ ᑌᐹᐧᐣ ᐁ ᒥᔭᐋᐧᑕᒫᐣ; ᐁ ᐃᓯ ᑲᐢᑭᐦᑖᔮᐣ ᓂᑲ ᓂᑲᒧᐣ ᐊᔨᐢᐠ ᑭᑮ ᐱᒫᒋᐦᐃᐣ. ᑲᐯ ᑮᓯᐠ ᓂᑲ ᐄᐧᐦᑌᐣ ᑭᑲᐧᔭᐢᑳᐧᑎᓯᐃᐧᐣ, ᐊᔨᐢᐠ ᐊᓂᑭ ᑳ ᑮ ᑲᑫᐧ ᒫᔨ ᑑᑕᐃᐧᒋᐠ ᑮ ᓵᑰᒋᐦᐋᐊᐧᐠ ᒦᓇ ᑮ ᓀᐯᐃᐧᐦᐋᐊᐧᐠ. ᓂᑲᒧᐃᐧᐣ ᐃᐧᔭᓯᐁᐧᐤ ᑭᓭ ᒪᓂᑐᐤ ᐅᓂᑲᒧᐣ ᐋᓵᑊ (Asaph) ᑖᐯᐧ ᒥᔪ ᑑᑕᐁᐧᐤ ᑭᓭ ᒪᓂᑐᐤ ᐃᐢᕒᐊᐁᓬᐄᐃᐧᔨᓂᐊᐧ (Israelites), ᐊᓂᐦᐃ ᑳ ᑲᓈᒋᑌᐦᐁᔨᐟ. ᒫᑲ ᓂᔭ ᑫᑳᐨ ᓂᑮ ᐱᓴᐧᐦᐃᑳᐣ; ᑫᑳᐨ ᓂᑮ ᐊᐧᓂᐦᑖᐣ ᓂᑖᐳᐊᐧᑫᔨᐦᑕᒧᐃᐧᐣ, ᐊᔨᐢᐠ ᐁ ᑮ ᐅᐦᑌᔨᒪᑭᐠ ᐊᓂᑭ ᑳ ᑭᐦᒉᔨᒧᒋᐠ, ᑳ ᐋᐧᐸᒪᑭᐠ ᐁ ᒥᔪᐸᔨᒋᐠ ᐋᑕ ᐁ ᒪᒑᑎᓯᒋᐠ. ᓇᒨᔭ ᐄᐧᐦᑳᐨ ᐄᐧᓴᑳᐦᐱᓀᐊᐧᐠ; ᐃᐧᔭ ᐁ ᒪᐢᑲᐃᐧᓰᒋᐠ ᒦᓇ ᐁ ᒥᔮᐧᔮᒋᐠ. ᓇᒨᔭ ᑲᑳᐧᑕᑭᐦᑖᐊᐧᐠ ᑖᐱᐢᑰᐨ ᑯᑕᑲᐠ ᐃᔨᓂᐊᐧᐠ; ᓇᒨᔭ ᓇᔦᐦᑖᐄᐧᐊᐧᐠ ᓈᓂᑕᐤ ᐃᓯ ᑖᐱᐢᑰᐨ ᑯᑕᑲᐠ. ᐁᑯᓯ ᐅᑭᐢᑌᔨᒥᓱᐃᐧᓂᐋᐧᐤ ᓅᑲᐧᓂᔨᐤ ᑖᐱᐢᑰᐨ ᑖᐱᐢᑳᑲᐣ ᒦᓇ ᐅᑖᑳᐧᑎᓯᐃᐧᓂᐋᐧᐤ ᑖᐱᐢᑰᐨ ᑭᓈᐧᐯᑲᓵᑲᔭ. ᐅᑌᐦᐃᐋᐧᕽ ᐅᐦᒋᐸᔨᔨᐤ ᒪᒋ ᑮᑲᐧᐩ, ᐁᑲᐧ ᐅᑕᒣᔨᐦᑕᒪᐧᐠ ᒪᒋ ᑮᑲᐧᐩ ᐅᒥᑐᓀᔨᐦᒋᑲᓂᐋᐧᕽ. ᓃᐦᑖᐋᐧᐦᐱᐦᐁᐊᐧᐠ ᑯᑕᑲ ᐊᔨᓯᔨᓂᐊᐧ ᒦᓇ ᒪᒋ ᐋᔨᒨᒋᑫᐊᐧᐠ; ᑭᐦᒉᔨᒥᓱᐊᐧᐠ ᒦᓇ ᑲᑫᐧ ᒥᐢᑫᐧᔨᐦᑕᒪᐧᐠ ᑖᓂᓯ ᑲ ᑭᑎᒪᐦᐋᒋᐠ ᑯᑕᑲ. ᒪᒋ ᐋᔨᒨᒣᐊᐧᐠ ᑭᓭ ᒪᓂᑐᐊᐧ ᑭᐦᒋ ᑮᓯᑯᕽ ᑳ ᐊᔮᔨᐟ, ᐁᑲᐧ ᐅᓵᒼ ᐁ ᑭᐢᑌᔨᒥᓱᒋᐠ, ᐃᐧᔭᓯᐋᐧᑌᐊᐧᐠ ᐃᔨᓂᐊᐧ ᐆᑕ ᐊᐢᑮᕽ, PSA.indd 0//0 :00:00 PM

36 ᓂᑲᒧᐃᐧᐣ 0 ᐁᑯᓯ ᐱᒥᑎᓴᐦᐁᐧᐊᐧᐠ ᒦᓇ ᑖᐯᐧ ᐱᑯ ᑖᐯᐧᐦᑕᐁᐧᐊᐧᐠ, ᐊᐦᐴ ᐄᐧᐢᑕᐋᐧᐤ ᑭᓭ ᒪᓂᑐᐤ ᐅᑕᔨᓯᔨᓃᒪ. ᐆᒥᓯ ᐃᑌᐧᐊᐧᐠ, «ᑭᓭ ᒪᓂᑐᐤ ᒥᓴᐋᐧᐨ ᓇᒫᐧᐨ ᑲ ᑭᐢᑫᔨᐦᑕᒼ; ᓇᒨᔭ ᑭᑕ ᑭᐢᑫᔨᐦᑕᒼ ᑳ ᒫᐊᐧᒋ ᐃᐢᐹᐦᑫᔨᐦᑖᑯᓯᐟ.» ᐁᑯᓯ ᐃᑖᑎᓯᐊᐧᐠ ᑳ ᒪᒑᑎᓯᒋᐠ. ᒥᐢᑕᐦᐃ ᐊᔮᐊᐧᐠ ᒦᓇ ᐋᐦᒋ ᐱᑯ ᐊᑎ ᐁᐧᔫᑎᓯᐊᐧᐠ. ᓇᒨᔭ ᓈᓂᑕᐤ ᓂᑎᑖᐸᒋᐦᐃᑯᐣ ᐁ ᑮ ᐯ ᒥᔪ ᐱᒫᑎᓯᔮᐣ ᒦᓇ ᓇᒫᐧᐨ ᐁ ᑮ ᒫᔨ ᑑᑕᒫᐣ. ᐦᐋᐤ, ᑭᓭ ᒪᓂᑐᐤ, ᑭᑭᑎᒪᐦᐃᐣ ᑲᐯ ᑮᓯᐠ; ᑕᐦᑖᐧᐤ ᐁ ᑮᑭᓭᐹᔮᐠ ᑭᑳᐧᑕᑭᐦᐃᐣ. ᑮᐢᐱᐣ ᐁᑯᓯ ᓂᑮ ᐃᑖᐧᐣ, ᓇᒨᔭ ᓂᔭ ᐯᔭᐠ ᓂᑲ ᑮ ᐃᑕᑭᒥᓱᐣ ᑭᑎᔨᓃᒪᐠ. ᓂᑮ ᑲᑫᐧ ᓂᓯᑐᐦᑌᐣ ᐁᐊᐧᑯ ᐆᒪ, ᒫᑲ ᐅᓵᒼ ᐋᔨᒪᐣ ᓂᔭ ᐅᐦᒋ ᐃᐢᑯ ᐃᐢᐲ ᐁ ᐃᑐᐦᑌᔮᐣ ᑭᑭᐦᒋ ᐊᔭᒥᐦᐁᐃᐧᑲᒥᑯᕽ. ᐁᑯᑕ ᑳ ᑭᐢᑫᔨᐦᑕᒫᐣ ᑖᓂᓯ ᑭᑕ ᐃᐢᐸᔨᐦᐃᑯᒋᐠ ᐅᒪᒑᑎᓴᐠ. ᑭᑲ ᐊᐦᐋᐊᐧᐠ ᐃᑌ ᐁ ᓲᐢᑳᐧᔨᐠ, ᐁᑯᓯ ᑭᑕ ᐸᐦᑭᓯᐦᑭᐠ ᒥᓯᐊᐧᓈᒋᐦᐅᐃᐧᓂᕽ. ᓭᒫᐠ ᒥᓯᐊᐧᓈᒋᐦᐋᐊᐧᐠ; ᑲᑳᐧᔭᑭᐦᐋᐊᐧᐠ. 0 ᑖᐱᐢᑰᐨ ᑳ ᐸᐋᐧᑕᒥᕽ ᐃᑌᔨᐦᑖᑯᓯᐊᐧᐠ ᐁ ᑮᑭᓭᐹᔮᐠ ᐊᐧᓂᑭᐢᑭᓯᓈᓂᐊᐧᐣ; ᑳ ᑎᐯᔨᐦᒋᑫᔭᐣ, ᐃᐢᐲᕽ ᐁ ᑯᐢᑯᐸᔨᔭᐣ ᓇᒨᔭ ᓅᑯᓯᐊᐧᐠ. ᐃᐢᐲᕽ ᑳ ᑮ ᑭᓰᐁᐧᔨᐦᑕᒫᐣ ᒦᓇ ᑳ ᑮ ᐄᐧᓴᑭᑌᐦᐁᔮᐣ, ᑖᐱᐢᑰᐨ ᐱᓯᐢᑭᐤ ᓂᑮ ᑲᑫᐹᑎᓯᐣ, ᐁᑳᔭ ᐁ ᑮ ᓂᓯᑐᐦᑖᑖᐣ. ᐋᐦᒋ ᐱᑯ ᑖᐱᑕᐃᐧ ᑭᓯᐋᐧᐠ ᑭᐄᐧᒉᑎᐣ; ᐁᑲᐧ ᓂᑭᐦᒋᓂᐢᑭᕽ ᑭᒥᒋᒥᓂᐣ. ᑭᑭᐢᑭᓄᐦᑕᐦᐃᐣ ᑭᑭᐢᑭᓄᐦᐊᒫᑫᐃᐧᓂᕽ ᐅᐦᒋ, ᒦᓇ ᐃᐢᑫᐧᔮᓂᕽ ᑭᑲ ᑕᐃᐧᓇᒪᐃᐧᐣ ᑲ ᑭᐢᑌᔨᒥᔭᐣ. ᑮᑲᐧᐩ ᑯᑕᐠ ᐁ ᐊᔮᔮᐣ ᑭᐦᒋ ᑮᓯᑯᕽ, ᑭᔭ ᐱᑯ? ᑮᑲᐧᐩ ᑯᑕᐠ ᑲ ᑮ ᓂᑕᐁᐧᔨᐦᑕᒫᐣ ᐆᑕ ᐊᐢᑮᕽ, ᐊᔨᐢᐠ ᐁ ᐄᐧᒉᐃᐧᔭᐣ? ᓂᑲ ᑮ ᓈ ᓀᓱᐃᐧᓯᐣ ᓂᒫᒥᑐᓀᔨᐦᒋᑲᓂᕽ ᒦᓇ ᓂᔭᐃᐧᕽ, ᒫᑲ ᐃᐧᔭ ᑭᓭ ᒪᓂᑐᐤ ᓂᓲᐦᑭᓯᐃᐧᐣ; ᐃᐧᔭ ᐱᑯ ᓂᑲ ᒪᒥᓰᐣ. ᐊᓂᑭ ᑳ ᑮ ᐊᐧᓂᓯᐦᑭᐠ ᑫᐦᒋᓈ ᑭᑕ ᐴᓂ ᐱᒫᑎᓯᐊᐧᐠ; ᐊᓂᑭ ᐁᑳᔭ ᑳ ᐱᒥᑎᓴᐦᐅᐢᑭᐠ ᑭᑲ ᒥᓯᐊᐧᓈᒋᐦᐋᐊᐧᐠ. PSA.indd 0//0 :00:00 PM

37 ᓂᑲᒧᐃᐧᓇ, ᒫᑲ ᓂᔭ ᐃᐧᔭ ᐅᐦᒋ ᒥᐢᑕᐦᐃ ᒥᔮᐧᓯᐣ ᒌᑭ ᑭᑕ ᐄᐧᒉᐊᐧᐠ ᑭᓭ ᒪᓂᑐᐤ; ᑭᑕ ᑲᓇᐁᐧᔨᒥᐟ ᑳ ᑎᐯᔨᐦᒋᑫᐟ ᑭᓭ ᒪᓂᑐᐤ, ᐁᑯᓯ ᑭᑕ ᐋᑐᑕᒫᐣ ᑲᐦᑭᔭᐤ ᐅᒥᔪ ᑑᑕᒧᐃᐧᓇ. ᓂᑲᒧᐃᐧᐣ ᓂᑕᑳᐋᐧᑌᐣ ᑭᓭ ᒪᓂᑐᐤ ᐅᑭᐦᒋ ᐊᔭᒥᐦᐁᐃᐧᑲᒥᑯᕽ ᐅᑖᓂᐢᑫ ᐱᒫᑎᓴᐠ ᑯᕒᐋ (Korah) ᐅᓂᑲᒧᐃᐧᓂᐋᐧᐤ ᐦᐋᐤ, ᑳ ᑎᐯᔨᐦᒋᑫᔭᐣ ᑳ ᒫᐊᐧᒋ ᓲᐦᑳᑎᓯᔭᐣ! ᑖᐯᐧ ᒥᔮᐧᓯᐣ ᑭᑭᐦᒋ ᐊᔭᒥᐦᐁᐃᐧᑲᒥᐠ! ᒥᑐᓂ ᐁᑯᑌ ᓂᓅᐦᑌ ᐊᔮᐣ! ᓂᑕᑳᐋᐧᑌᐣ ᑭᑕ ᐊᔮᔮᐣ ᐁᑯᑌ ᑳ ᑎᐯᔨᐦᒋᑫᐟ ᐅᑭᐦᒋ ᐊᔭᒥᐦᐁᐃᐧᑲᒥᑯᕽ. ᐃᔨᑯᕽ ᐁ ᑲᐢᑭᐦᑖᔮᐣ ᓂᒥᔭᐋᐧᑌᐣ ᐁ ᓂᑲᒧᐢᑕᐊᐧᐠ ᑳ ᐱᒫᑎᓯᐟ ᑭᓭ ᒪᓂᑐᐤ. ᐊᐦᐴ ᐱᑯ ᐱᔦᓰᓴᐠ ᐊᐧᒋᐢᑐᓂᐦᑫᐊᐧᐠ, ᒦᓇ ᒦᒐᐢᑯᓰᓴᐠ ᐊᔮᐊᐧᐠ ᐃᑕ ᑭᑕ ᐄᐧᑭᒋᐠ; ᑲᓇᐁᐧᔨᒫᐊᐧᓱᐊᐧᐠ ᒌᑭ ᐸᑭᑎᓈᓱᐃᐧᓈᐱᐢᑲᐧ, ᑳ ᑎᐯᔨᐦᒋᑫᔭᐣ ᑳ ᒫᐊᐧᒋ ᓲᐦᑳᑎᓯᔭᐣ, ᓂᑑᑭᒫᒼ ᒦᓇ ᓂᑭᓭ ᒪᓂᑑᒼ! ᒥᔦᐧᔨᐦᑕᒪᐧᐠ ᐊᓂᑭ ᐁᑯᑕ ᑳ ᐊᔮᒋᐠ ᑭᑭᐦᒋ ᐊᔭᒥᐦᐁᐃᐧᑲᒥᑯᕽ, ᑖᐱᑕᐃᐧ ᐁ ᓂᑲᒧᒋᐠ ᒦᓇ ᐁ ᒪᒥᐦᒋᒥᐢᑭᐠ. ᒥᔦᐧᔨᐦᑕᒪᐧᐠ ᐊᓂᑭ ᑳ ᒥᔭᒋᐠ ᑭᓲᐦᑭᓯᐃᐧᐣ, ᑳ ᓅᐦᑌ ᐃᑖᐊᐧᐦᐃᑐᒋᐠ ᓵᔭᐣ (Zion) ᐊᐧᒌᕽ. ᐁ ᐊᑎ ᒥᔮᐢᑲᐦᑭᐠ ᐸᓴᑎᓈᕽ ᐹᑲ (Baca) ᐁ ᐹᐢᑌᔨᐠ, ᐊᑎ ᒨᐦᑭᒋᐊᐧᓂᐯᐊᐧᐣ; ᐁ ᑕᑳᐧᑭ ᑭᒥᐊᐧᓂᔨᐠ ᓈ ᓂᐲᐃᐧᔨᐤ. ᐊᔨᐋᐧᐠ ᐊᑎ ᓲᐦᑭᓯᐊᐧᐠ; ᓵᔭᓂᕽ ᑭᑕ ᐋᐧᐸᒣᐊᐧᐠ ᑭᓭ ᒪᓂᑐᐊᐧ ᑳ ᐃᐢᐹᐦᑫᔨᐦᑖᑯᓯᐟ ᐃᐢᐲᐦᒋ ᑯᑕᑲ ᒪᓂᑐᐊᐧ. ᓇᑐᐦᑕ ᐁ ᒪᐃᐧᒧᐢᑖᑖᐣ, ᑳ ᑎᐯᔨᐦᒋᑫᐟ ᑭᓭ ᒪᓂᑐᐤ ᑳ ᒫᐊᐧᒋ ᓲᐦᑳᑎᓯᔭᐣ. ᓇᑐᐦᑕ, ᐅᑭᓭ ᒪᓂᑑᒪ ᒉᑲᑊ (Jacob)! ᐦᐋᐤ, ᑭᓭ ᒪᓂᑐᐤ, ᓴᐁᐧᔨᒼ ᓂᑭᐦᒋ ᐅᑭᒫᒥᓈᐣ, ᐊᓇ ᑭᐦᒋ ᐅᑭᒫᐤ ᑳ ᑮ ᓇᐊᐧᓲᓇᐟ. 0 ᐯᔭᐠ ᑮᓯᑳᐤ ᑭᑭᐦᒋ ᐊᔭᒥᐦᐁᐃᐧᑲᒥᑯᕽ ᑭᑕ ᐊᔮᕽ ᓇᐊᐧᐨ ᒥᔮᐧᓯᐣ ᐃᐢᐲᐦᒋ ᑭᐦᒋ ᒥᑖᑕᐦᑐᒥᑕᓇᐤ ᑮᓯᑳᐊᐧ ᑯᑕᑭᕽ; ᓇᐊᐧᐨ ᑕ ᓃᐸᐃᐧᔮᐣ ᐃᐢᑳᐧᐦᑌᒥᕽ ᓂᑭᓭ ᒪᓂᑑᒼ ᐅᐋᐧᐢᑳᐦᐃᑲᓂᕽ ᐃᐢᐲᐦᒋ ᑕ ᐄᐧᒋ ᐊᔮᒪᑭᐠ ᐅᒪᒑᑎᓴᐠ. PSA.indd 0//0 :00:00 PM

38 ᓂᑲᒧᐃᐧᓇ, ᑳ ᑎᐯᔨᐦᒋᑫᐟ ᑳ ᑲᓇᐁᐧᔨᒥᑯᔭᕽ ᒦᓇ ᐁᐊᐧᑯ ᑭᑭᐦᒋ ᐅᑭᒫᒥᓇᐤ ᑳ ᑭᐢᑌᔨᐦᑖᑯᓯᐟ, ᐁ ᓴᐁᐧᔨᒥᑯᔭᕽ ᐁ ᑭᓭᐋᐧᑐᑖᑯᔭᕽ ᒦᓇ ᐁ ᑭᐢᑌᔨᒥᑯᔭᕽ. ᒥᔦᐤ ᑮᑲᐧᐩ ᐁ ᒥᔮᐧᓯᓂᔨᐠ ᐊᓂᐦᐃ ᑲᐧᔭᐢᐠ ᑳ ᑑᑕᒥᔨᐟ. ᑳ ᑎᐯᔨᐦᒋᑫᔭᐣ ᑳ ᒫᐊᐧᒋ ᓲᐦᑳᑎᓯᔭᐣ, ᒥᔦᐧᔨᐦᑕᒪᐧᐠ ᐊᓂᑭ ᑳ ᒪᒥᓰᑐᑖᐢᑭᐠ! ᓂᑲᒧᐃᐧᐣ ᐋᐧᐸᐦᑎᐦᐃᓈᐣ ᑭᓵᑭᐦᐃᐁᐧᐃᐧᐣ, ᑳ ᑎᐯᔨᐦᒋᑫᔭᐣ ᐅᑖᓂᐢᑫ ᐱᒫᑎᓴᐠ ᑯᕒᐋ (Korah) ᐅᓂᑲᒧᐃᐧᓂᐋᐧᐤ ᑳ ᑎᐯᔨᐦᒋᑫᔭᐣ, ᑭᑮ ᑭᑎᒫᑫᔨᐦᑌᐣ ᑭᑕᐢᑭᐩ; ᑭᑮ ᒥᔪᐸᔨᐦᐋᐊᐧᐠ ᐃᐢᕒᐊᐁᓬᐄᐃᐧᔨᓂᐊᐧᐠ (Israelites) ᒦᓇ ᑮᐦᑖᐧᒼ. ᑭᑮ ᐄᑲᑌᓀᐣ ᑭᑎᔨᓃᒪᐠ ᐅᒫᔨ ᑑᑕᒧᐃᐧᓂᐋᐧᐊᐧ ᒦᓇ ᑭᑮ ᑳᓰᓇᒪᐋᐧᐊᐧᐠ ᑲᐦᑭᔭᐤ ᐅᐊᐧᓂᑑᑕᒧᐃᐧᓂᐋᐧᐊᐧ. ᑭᑮ ᐴᓂ ᑭᓯᐋᐧᐦᐃᑲᐧᐠ ᒦᓇ ᑭᑮ ᒥᒋᒥᓀᐣ ᑭᑭᓯᐋᐧᓯᐃᐧᐣ. ᑮᐦᑖᐧᒼ ᓰᐦᑐᐢᑲᐃᐧᓈᐣ, ᑭᓭ ᒪᓂᑐᐤ ᑳ ᐱᒫᒋᐦᐃᔮᕽ, ᒦᓇ ᐴᓂ ᑭᓰᐢᑕᐃᐧᓈᐣ! ᑭᑲ ᑭᓯᐋᐧᐦᐃᑎᓈᐣ ᒌ ᑳᑭᑫ? ᓇᒨᔭ ᒌ ᐄᐧᐦᑳᐨ ᑭᑲ ᐴᓂ ᑭᓯᐋᐧᐦᐃᑎᓈᐣ? ᑮᐦᑖᐧᒼ ᐁᑲᐧ ᒥᔨᓈᐣ ᒪᐢᑲᐃᐧᓰᐃᐧᐣ, ᐁᑲᐧ ᓂᔭᓈᐣ ᑭᑎᔨᓃᒪᐠ ᑭᑲ ᒪᒥᐦᒋᒥᑎᓈᐣ. ᐋᐧᐸᐦᑎᐦᐃᓈᐣ ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ, ᑳ ᑎᐯᔨᐦᒋᑫᔭᐣ, ᒦᓇ ᐱᒫᒋᐦᐃᓈᐣ. ᓂᐯᐦᑌᐣ ᑖᓂᓯ ᑭᓭ ᒪᓂᑐᐤ ᑳ ᑎᐯᔨᐦᒋᑫᐟ ᐁ ᐃᑌᐧᐟ; ᑭᑕᓱᑕᒫᑯᓇᐤ ᐯᔮᐦᑕᑫᔨᒧᐃᐧᐣ ᑭᔮᓇᐤ ᐅᑎᔨᓃᒪ, ᑮᐢᐱᐣ ᐁᑳᔭ ᑮᐁᐧᑐᑕᒫᐦᑯ ᑭᑲᑫᐹᒋ ᐃᓰᐦᒋᑫᐃᐧᓂᓇᐊᐧ. ᑫᐦᒋᓈ ᐄᐧᐸᐨ ᑭᑕ ᐱᒫᒋᐦᐁᐤ ᐊᓂᐦᐃ ᑳ ᑭᐢᑌᔨᒥᑯᐟ, ᐁᑲᐧ ᐅᐱᒫᒋᐦᐃᐁᐧᐃᐧᐣ ᓂᑲ ᑭᓵᑎᑯᓈᐣ ᐆᑕ ᑭᑕᐢᑮᓈᕽ. 0 ᓵᑭᐦᐃᐁᐧᐃᐧᐣ ᐁᑲᐧ ᒪᒥᓰᐋᐧᑎᓯᐃᐧᐣ ᑭᑕ ᓇᑭᐢᑳᑑᒪᑲᓇᐧ; ᑲᐧᔭᐢᐠ ᐃᑖᑎᓯᐃᐧᐣ ᒦᓇ ᐯᔮᐦᑕᑫᔨᒧᐃᐧᐣ ᑭᑕ ᒥᒋᒥᑑᒪᑲᓇᐧ. ᐊᔨᓯᔨᓂᐤ ᐅᐄᐧᒋᐦᐃᐁᐧᐃᐧᐣ ᑭᑕ ᐅᐦᐲᒪᑲᓂᔨᐤ ᐊᐢᑮᕽ ᐅᐦᒋ, ᐁᑲᐧ ᑭᓭ ᒪᓂᑐᐤ ᐅᑲᐧᔭᐢᑳᐧᑎᓯᐃᐧᐣ ᑭᑕ ᐃᑖᐲᒪᑲᓂᔨᐤ ᑭᐦᒋ ᑮᓯᑯᕽ ᐅᐦᒋ. ᑳ ᑎᐯᔨᐦᒋᑫᐟ ᑭᑲ ᒥᔪᐸᔨᐦᐃᑯᓇᐤ, ᐁᑲᐧ ᑭᑕᐢᑮᓇᐤ ᑭᑕ ᒥᔪᑭᐦᒋᑫᒪᑲᐣ. ᑲᐧᔭᐢᑳᐧᑎᓯᐃᐧᐣ ᑭᑕ ᓃᑳᓄᐦᑖᐠ ᑳ ᑎᐯᔨᐦᒋᑫᐟ ᐁᑲᐧ ᐁ ᑲᐧᔮᒋᐦᑕᒪᐋᐧᐟ ᒣᐢᑲᓇᐤ. PSA.indd 0//0 :00:00 PM

39 ᓂᑲᒧᐃᐧᐣ 0 ᓂᑲᒧᐃᐧᐣ 0 ᑭᓭ ᒪᓂᑐᐤ ᐁᑲᐧ ᐊᔨᓯᔨᓂᐊᐧᐠ ᐅᑕᔭᒥᐦᐋᐃᐧᐣ ᒨᓯᐢ (Moses) ᑳ ᑎᐯᔨᐦᒋᑫᔭᐣ, ᑭᔭ ᑭᑮ ᑎᐱᓇᐋᐧᐢᑲᐃᐧᓈᐣ ᐊᐩ ᐋᓂᐢᑫ ᑲᔮᐢ ᐅᐦᒋ. ᐹᒪᐧᔦᐢ ᐁ ᑮ ᐅᓰᐦᑖᔭᐣ ᐃᐢᐸᑎᓈᐊᐧ ᐊᐦᐴ ᐹᒪᐧᔦᐢ ᐊᐢᑭᐩ ᐁ ᑮ ᐅᓰᐦᑖᔭᐣ, ᑳᑭᑫ ᑭᑮ ᑭᓭ ᒪᓂᑑᐃᐧᐣ, ᒦᓇ ᑳᑭᑫ ᑭᑲ ᑭᓭ ᒪᓂᑑᐃᐧᐣ. ᑭᐄᐧᐦᑕᒪᐋᐧᐤ ᐊᔨᓯᔨᓂᐤ ᑭᑕ ᑮᐁᐧᑐᑕᕽ ᐊᓯᐢᑭᐩ, ᓂᐢᑕᒼ ᑳ ᑮ ᐅᐦᒋ ᐅᓰᐦᐃᐦᐟ. ᑭᐦᒋ ᒥᑖᑕᐦᑐᒥᑕᓇᐤ ᐊᐢᑭᐩ ᑖᐱᐢᑰᐨ ᐯᔭᐠ ᑮᓯᑳᐤ ᑭᔭ ᐅᐦᒋ; ᑖᐱᐢᑰᐨ ᐅᑖᑯᓯᕽ ᐋᓴᐩ ᐁ ᑭᓯᐱᐸᔨᐠ, ᑖᐱᐢᑰᐨ ᐯᔭᐠ ᑎᐸᐦᐃᐲᓯᒫᐧᐣ ᐯᔭᐠ ᑎᐱᐢᑳᐤ. ᑭᑑᑎᓀᐣ ᓂᐱᒫᑎᓯᐃᐧᓂᓈᓇ ᑖᐱᐢᑰᐨ ᓯᓯᑯᐨ ᑳ ᐃᐢᑭᐯᐠ; ᓇᒫᐧᐨ ᑭᓀᐧᐢ ᑳ ᐱᒫᑎᓯᕽ, ᑖᐱᐢᑰᐨ ᐁ ᐸᐋᐧᑕᒥᕽ. ᓂᔭᓈᐣ ᑖᐱᐢᑰᐨ ᒪᒋᑯᓈᓴ ᑳ ᐅᐦᐱᑭᐦᑭ ᐁ ᑮᑭᓭᐹᔮᐠ, ᐁ ᐅᐦᐱᑭᐦᑭ ᒦᓇ ᐁ ᐊᑎ ᐋᐧᐱᑲᐧᓂᔨᑭ, ᐁᑲᐧ ᐊᑎ ᐹᐢᑌᐊᐧ ᒦᓇ ᐁ ᓂᐲᒪᑲᐦᑭ ᑳ ᐅᑖᑯᓯᐠ. ᓂᒥᓯᐊᐧᓈᑎᓯᓈᐣ ᑭᑭᓯᐋᐧᓯᐃᐧᐣ ᐅᐦᒋ ᐁᑲᐧ ᒥᑐᓂ ᓂᓭᑭᐦᐃᑯᓈᐣ ᑭᓴᐢᑭᔭᐁᐧᓯᐃᐧᐣ. ᑭᑲᓇᐋᐧᐸᐦᑌᐣ ᓂᐊᐧᓂᑑᑕᒧᐃᐧᓂᓈᓇ, ᐊᐦᐴ ᐱᑯ ᑮᒨᐨ ᑳ ᑮ ᐊᐧᓂᑑᑕᒫᕽ ᑭᐋᐧᐸᐦᑌᐣ. ᑭᑭᓯᐋᐧᓯᐃᐧᐣ ᐅᐦᒋ ᓇᒨᔭ ᑭᓀᐧᐢ ᓂᐱᒫᑎᓯᓈᐣ, ᑖᐱᐢᑰᐨ ᑌᐱᔮᕽ ᔦᐦᐁᐃᐧᐣ. 0 ᓂᐱᒫᑎᓯᓈᐣ ᑌᐸᑯᐦᐳᒥᑕᓇᐤ ᐊᐢᑭᐩ ᑮᐢᐱᐣ ᐁ ᓲᐦᑭᓯᔮᕽ ᐊᔨᓈᓀᐅᐧᒥᑕᓇᐤ ᐊᐢᑭᐩ ᐃᐢᑯ. ᓇᔦᐢᑕᐤ ᐱᑯ ᒪᒋᐸᔨᐃᐧᐣ ᒦᓇ ᒥᐦᑖᑕᒧᐃᐧᐣ ᓂᐯ ᓇᑭᐢᑫᓈᐣ; ᐄᐧᐸᐨ ᓂᓇᑲᑕᐢᑫᓈᐣ ᐁᑯᓯ ᓂᐴᓂ ᐱᒫᑎᓯᓈᐣ. ᐊᐄᐧᓇ ᑳ ᒨᓯᐦᑖᐟ ᐁ ᐃᓯ ᓲᐦᑲᕽ ᑭᑭᓯᐋᐧᓯᐃᐧᐣ? ᐊᐄᐧᓇ ᑳ ᑭᐢᑫᔨᐦᑕᕽ ᐃᔨᑯᕽ ᑲ ᑮ ᓭᐢᑫᔨᐦᑖᑲᐧᕽ ᑭᑭᓯᐋᐧᓯᐃᐧᐣ? ᑭᐢᑭᓄᐦᐊᒪᐃᐧᓈᐣ ᓇᒨᔭ ᑳᑭᑫ ᓂᑲ ᑮ ᐱᒫᑎᓯᓈᐣ, ᐁᑯᓯ ᓂᑲ ᐊᑎ ᐃᔨᓃᓯᓈᐣ. ᑖᓂᔨᑯᕽ ᑲ ᐱᒥ ᑭᓯᐋᐧᓯᔭᐣ? ᑭᑎᒫᑭᓇᐃᐧᐠ ᑭᑕᑐᐢᑫᔮᑲᓇᐠ, ᑳ ᑎᐯᔨᐦᒋᑫᔭᐣ! ᑕᐦᑐ ᐁ ᑮᑭᓭᐹᔮᐠ ᓵᑲᐢᑭᓀᐢᑲᐃᐧᓈᐣ ᑭᓵᑭᐦᐃᐁᐧᐃᐧᐣ ᐅᐦᒋ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ, PSA.indd 0//0 :00:00 PM

40 ᓂᑲᒧᐃᐧᓇ 0, ᐁᑯᓯ ᓂᑲ ᓂᑲᒧᓈᐣ ᒦᓇ ᓂᑲ ᒥᔦᐧᔨᐦᑌᓈᐣ ᐃᐢᑯ ᐱᒫᑎᓯᔮᐦᑯ. ᒥᔨᓈᐣ ᐁᑲᐧ ᒥᐢᑕᐦᐃ ᒥᔦᐧᔨᐦᑕᒧᐃᐧᐣ ᐯᔭᑲᐧᐣ ᐃᔨᑯᕽ ᑳ ᑮ ᐃᓯ ᒥᔨᔮᕽ ᐲᑭᐢᑳᑕᒧᐃᐧᐣ; ᒥᓴᑳᒣ ᐆᒪ ᐁ ᑲᑳᐧᑕᑭᐦᑖᔮᕽ. ᐦᐋᐤ, ᒪᐦᑎ ᓂᔭᓈᐣ ᑭᑕᑐᐢᑫᔮᑲᓇᐠ ᓂᑲ ᐋᐧᐸᐦᑌᓈᐣ ᑭᒪᒫᐦᑖᐃᐧ ᑑᑕᒧᐃᐧᓇ; ᓂᑖᓂᐢᑯᑖᐹᓂᓈᓇᐠ ᑭᑕ ᐋᐧᐸᐦᑕᐦᑭᐠ ᑭᓲᐦᑭᓯᐃᐧᐣ ᑳ ᑭᐢᑌᔨᐦᑖᑲᐧᕽ. ᑳ ᑎᐯᔨᐦᒋᑫᔭᐣ ᓂᑭᓭ ᒪᓂᑑᒥᓈᐣ, ᑭᓴᐁᐧᔨᒥᑯᐃᐧᓯᐃᐧᓇ ᓂᑲ ᐄᐧ ᐄᐧᒉᐃᐧᑯᓈᐣ. ᒥᔨᓈᐣ ᒥᔪᐸᔨᐃᐧᐣ ᑳ ᐊᑐᐢᑳᑕᒫᕽ. ᓂᑲᒧᐃᐧᐣ ᑭᓭ ᒪᓂᑐᐤ ᑳ ᑲᓇᐁᐧᔨᒥᑯᔭᕽ ᐊᐃᐧᔭᐠ ᐁ ᓈᑖᒧᑐᑕᐋᐧᐟ ᑳ ᑎᐯᔨᐦᒋᑫᔨᐟ, ᐊᐃᐧᔭᐠ ᐁ ᐊᐢᐯᔨᒧᑐᑕᕽ ᐅᒫᐊᐧᒋ ᓲᐦᑳᑎᓯᐃᐧᓂᔨᐤ ᑭᓭ ᒪᓂᑐᐊᐧ, ᑭᑕ ᑮ ᐃᑌᐤ, «ᑭᔭ ᑳ ᓈᑕᒪᐃᐧᔭᐣ ᒦᓇ ᑳ ᑲᓇᐁᐧᔨᒥᔭᐣ. ᑭᔭ ᓂᑭᓭ ᒪᓂᑑᒼ ᑳ ᒪᒥᓰᑐᑖᑖᐣ.» ᑭᑲ ᑭᑌᔨᒥᐠ ᐁᑳᔭ ᑲ ᑕᓲᓱᔭᐣ ᑲᐦᑭᔭᐤ ᑮᑲᐧᐩ ᐅᐦᒋ ᑳ ᑲᑫᐧᐢᐸᓈᑕᕽ ᒦᓇ ᐋᐦᑯᓯᐃᐧᐣ ᐅᐦᒋ ᑳ ᒥᓯᐊᐧᓈᒋᐦᐃᐁᐧᕽ. ᑭᑲ ᐋᑰᓂᐠ ᑖᐱᐢᑰᐨ ᐱᔦᓰᐢ ᑳ ᐊᑲᐧᓇᐦᐋᐧᐟ ᐅᒐᐋᐧᓯᒥᓴ ᐅᑕᐦᑕᐦᑲᐧᓂᕽ. ᑭᓭ ᒪᓂᑐᐤ ᐅᒪᒥᓰᐋᐧᑎᓯᐃᐧᓂᕽ ᐅᐦᒋ ᑭᑲ ᑲᓇᐁᐧᔨᒥᐠ ᒦᓇ ᑭᑲ ᓈᑕᒫᐠ. ᓇᒨᔭ ᑭᑕ ᑮ ᑯᐢᑕᒪᐣ ᒪᒋ ᑮᑲᐧᐩ ᐁ ᑎᐱᐢᑳᐠ, ᐊᐦᐴ ᓯᓯᑯᐨ ᑭᑕ ᒨᐢᑮᐢᑖᑲᐃᐧᔭᐣ ᐁ ᑮᓯᑳᐠ, ᐊᐦᐴ ᐋᐦᑯᓯᐃᐧᐣ ᑳ ᐅᑎᐦᑎᑯᕽ ᑳ ᐊᐧᓂᑎᐱᐢᑳᐠ, ᐊᐦᐴ ᒪᒋ ᑮᑲᐧᐩ ᑳ ᓂᐸᐦᐃᑯᕽ ᑳ ᒣᑳᐧ ᑮᓯᑳᐠ. ᑭᐦᒋ ᒥᑖᑕᐦᑐᒥᑕᓇᐤ ᑭᑕ ᑮ ᓂᐸᐦᐃᓯᓇᐧᐠ ᐃᑕ ᐁ ᐊᔮᔭᐣ, ᒥᑖᑕᐦᐟ ᑭᐦᒋ ᒥᑖᑕᐦᑐᒥᑕᓇᐤ ᐋᐧᓴᑳᒼ, ᒫᑲ ᑭᔭ ᓇᒨᔭ ᓈᓂᑕᐤ ᑭᑲ ᒫᔨ ᑑᑖᑲᐃᐧᐣ. ᑭᑲ ᐋᐧᐸᐦᑌᐣ ᑖᓂᓯ ᐁ ᐃᓯ ᓲᐦᑭ ᐸᒥᓂᐦᒋᐠ ᐅᒪᒑᑎᓴᐠ. ᐦᐋᐤ, ᑳ ᑎᐯᔨᐦᒋᑫᐟ ᑭᔭ ᑭᓈᑖᒧᑐᑕᐋᐧᐤ, ᐁᑲᐧ ᑭᑕ ᑭᑌᔨᒥᐢᐠ ᑳ ᒫᐊᐧᒋ ᐃᐢᐹᐦᑫᔨᐦᑖᑯᓯᐟ, 0 ᐁᑯᓯ ᓇᒨᔭ ᒪᒋ ᑮᑲᐧᐩ ᑭᑲ ᒫᔨ ᑑᑖᑯᐣ, ᓇᒨᔭ ᒫᔨᐸᔨᐃᐧᐣ ᑭᑲ ᐅᑎᐦᑎᑯᐣ ᒌᑭ ᑮᑭᕽ. ᑭᓭ ᒪᓂᑐᐤ ᑭᑕ ᐃᑕᓯᐋᐧᑌᐤ ᐅᑮᓯᑰᒪ ᑭᑕ ᑲᓇᐁᐧᔨᒥᐢᑭᐠ ᐱᑯ ᐃᑌ ᐃᑐᐦᑌᔭᓂ. PSA.indd 0//0 :00:00 PM

41 ᓂᑲᒧᐃᐧᓇ,, ᑭᑲ ᒥᒋᒥᓂᑲᐧᐠ ᐁᑳᔭ ᑭᑕ ᐄᐧᓴᑭᓯᑌᓯᓂᔭᐣ ᐊᓯᓃᕽ. ᑭᑲ ᑮ ᑕᐦᑭᐢᑳᑖᐊᐧᐠ ᒥᐢᑕᐦᑫᓯᐊᐧᐠ, ᒦᓇ ᐸᑲᐧᒋ ᐱᓯᐢᑭᐊᐧᐠ ᒦᓇ ᑭᓀᐱᑲᐧᐠ. ᑭᓭ ᒪᓂᑐᐤ ᐃᑌᐧᐤ, «ᓂᑲ ᐱᒫᒋᐦᐋᐊᐧᐠ ᐊᓂᑭ ᑳ ᓵᑭᐦᐃᒋᐠ ᒦᓇ ᓂᑲ ᑭᑌᔨᒫᐊᐧᐠ ᐊᓂᑭ ᑳ ᑭᐢᑌᔨᒥᒋᐠ ᐁ ᑎᐯᔨᐦᒋᑫᔮᐣ. ᐃᐢᐲᕽ ᑌᐹᐧᓯᑖᐧᐃᐧ ᓂᑲ ᓇᐢᑫᐧᐊᐧᓯᐦᐋᐊᐧᐠ; ᓂᑲ ᐄᐧᒋᐦᐋᐊᐧᐠ ᒫᔭᐦᑯᐸᔨᑖᐧᐃᐧ, ᓂᑲ ᐱᒫᒋᐦᐋᐊᐧᐠ ᒦᓇ ᓂᑲ ᑭᐢᑌᔨᒫᐊᐧᐠ. ᓂᑲ ᒥᔨᑯᐃᐧᓯᐦᐋᐊᐧᐠ ᑭᓀᐧᐢ ᐱᒫᑎᓯᐃᐧᐣ, ᒦᓇ ᓂᑲ ᐋᐧᐸᐦᑎᐦᐋᐊᐧᐠ ᓂᐱᒫᒋᐦᐃᐁᐧᐃᐧᐣ.» ᓂᑲᒧᐃᐧᐣ ᑭᐦᒋ ᐅᑭᒫᐃᐧᐤ ᑭᓭ ᒪᓂᑐᐤ ᑳ ᑎᐯᔨᐦᒋᑫᐟ ᑭᐦᒋ ᐅᑭᒫᐃᐧᐤ. ᓲᐦᑳᑎᓯᐤ ᒦᓇ ᐅᑭᒫᐃᐧᓰᐦᐅᐤ. ᑭᑮ ᐋᔩᑕᐢᑖᐣ ᐆᒪ ᐊᐢᑭᐩ, ᓇᒨᔭ ᑭᑕ ᑮ ᐋᐦᑕᐢᑖᓂᐊᐧᐣ. ᑭᑭᐦᒋ ᐅᑭᒫᐃᐧ ᐊᐱᐃᐧᐣ, ᑳ ᑎᐯᔨᐦᒋᑫᔭᐣ, ᑮ ᐋᔩᑕᐢᑌᐤ ᓂᐢᑕᒼ ᐅᐦᒋ, ᒦᓇ ᑭᑮ ᐃᐦᑕᑯᐣ ᐹᒪᐧᔦᐢ ᑮᑲᐧᐩ ᐁ ᒫᒋᐸᔨᐠ. ᑳ ᑎᒦᑭ ᑭᐦᒋᑲᒥᔭ ᓲᐦᑫᐦᑖᑲᐧᓇᐧ, ᑳ ᑎᐯᔨᐦᒋᑫᔭᐣ, ᒥᑐᓂ ᒥᓯ ᐯᐦᑖᑲᐧᓇᐧ. ᑳ ᑎᐯᔨᐦᒋᑫᐟ ᐃᐧᔭ ᐱᑯ ᑭᐦᒋ ᐅᑭᒫᐃᐧᐤ ᑭᐦᒋ ᑮᓯᑯᕽ, ᓇᐊᐧᐨ ᐊᔨᐋᐧᐠ ᓲᐦᑳᑎᓯᐤ ᐃᐢᐲᐦᒋ ᑳ ᓲᐦᑫᐦᑖᑲᐧᓂᔨᐠ ᑭᐦᒋᑲᒦᕽ, ᐁᑲᐧ ᒦᓇ ᐃᐢᐲᐦᒋ ᑳ ᒪᒪᐦᑳᐢᑳᔨᐠ ᑭᐦᒋᑲᒦᕽ. ᑳ ᑎᐯᔨᐦᒋᑫᔭᐣ, ᑭᐃᐧᔭᓯᐁᐧᐃᐧᓇ ᑳᑭᑫ ᐃᐦᑕᑲᐧᓇᐧ, ᒦᓇ ᑭᑭᐦᒋ ᐊᔭᒥᐦᐁᐃᐧᑲᒥᐠ ᑲᓈᑌᔨᐦᑖᑲᐧᐣ, ᑳᑭᑫ ᒦᓇ ᑳᑭᑫ. ᓂᑲᒧᐃᐧᐣ ᐯ ᒪᒥᐦᒋᒫᑖᐠ ᐋᐢᑕᒥᐠ, ᒪᐦᑎ ᒪᒥᐦᒋᒫᑖᐠ ᑳ ᑎᐯᔨᐦᒋᑫᐟ! ᒪᐦᑎ ᓂᑲᒧᐢᑕᐋᐧᑖᐠ ᑭᓭ ᒪᓂᑐᐤ ᐁ ᒨᒋᑫᔨᐦᑕᒪᕽ, ᐁᐊᐧᑯ ᓲᐦᑳᑎᓯᐤ ᑖᐱᐢᑰᐨ ᐊᓯᓂᐩ ᑳ ᐱᒫᒋᐦᐃᑯᔭᕽ. ᒪᐦᑎ ᓂᑕᐃᐧ ᓃᐸᐄᐧᐢᑕᐋᐧᑖᐣ ᑭᑕ ᓇᓈᐢᑯᒧᔭᕽ; ᒦᓇ ᓂᑲᒧᐢᑕᐋᐧᑖᐠ ᐁ ᒪᒥᐦᒋᒫᔭᕽ. ᐊᔨᐢᐠ ᑳ ᑎᐯᔨᐦᒋᑫᐟ ᑭᐦᒋ ᒪᓂᑑᐃᐧᐤ, ᐊᔨᐋᐧᐠ ᑭᐦᒋ ᐅᑭᒫᐃᐧᐤ ᐃᐢᐲᐦᒋ ᑲᐦᑭᔭᐤ ᒪᓂᑐᐊᐧ. ᐱᒥᐸᔨᐦᑖᐤ ᐃᔭᐃᐧᐢᐠ ᐆᒪ ᐊᐢᑭᐩ, PSA.indd 0//0 :00:00 PM

42 ᓂᑲᒧᐃᐧᓇ, ᐃᑖᒥᕽ ᐊᐢᑮᕽ ᐅᐦᒋ ᐃᐢᑯ ᑕᐦᑯᐦᐨ ᐊᓯᓃᐊᐧᒌᕽ. ᑎᐯᔨᐦᑕᒼ ᑭᐦᒋᑲᒥᐩ, ᑳ ᑮ ᐅᓰᐦᑖᐟ; ᐊᐢᑭᐩ ᐊᓯᒋ ᐃᐧᔭ ᑳ ᑮ ᐅᓰᐦᑖᐟ. ᐦᐋᐤ, ᒪᐦᑎ ᑕᐸᐦᑎᐢᑫᐧᑳᐸᐄᐧᐢᑕᐋᐧᑖᐠ ᑕ ᒪᐃᐧᒧᐢᑕᐋᐧᔭᕽ; ᒪᐦᑎ ᐅᒋᐦᒋᐦᑲᐧᓇᐲᐢᑕᐋᐧᑖᐠ ᑳ ᑎᐯᔨᐦᒋᑫᐟ ᑳ ᑮ ᐅᓰᐦᐃᑯᔭᕽ! ᐁᐊᐧᑯ ᑭᒪᓂᑑᒥᓇᐤ; ᑭᔮᓇᐤ ᐅᑎᔨᓃᒪ ᑳ ᑭᑌᔨᒫᐟ, ᐅᑎᔨᓃᒪ ᑳ ᑲᓇᐁᐧᔨᒫᐟ. ᐊᓄᐦᐨ ᑳ ᑮᓯᑳᐠ ᓇᑐᐦᑕᐃᐧᐠ ᑖᓂᓯ ᐁ ᐃᑌᐧᐟ! ᐁᑳᔭ ᒪᒋᐢᑎᑳᐧᓀᐠ ᑖᐱᐢᑰᐨ ᑭᒧᓲᒥᐸᓂᐋᐧᐊᐧᐠ ᒣᕒᐃᐸᐦᐃᕽ (Meribah), ᑖᐱᐢᑰᐨ ᐃᐢᐲ ᑳ ᑮ ᒪᒋᐢᑎᑳᐧᓀᒋᐠ ᒫᓴ (Massah) ᐸᑲᐧᑕᐢᑮᕽ. ᓂᑮ ᑯᒋᐦᐃᑲᐧᐠ ᐁ ᒪᐃᐧᓀᐦᐅᒋᐠ, ᐋᑕ ᐁ ᐋᐧᐸᐦᑕᐦᑭᐠ ᑖᓂᓯ ᐁ ᑮ ᑑᑕᒪᐊᐧᑭᐠ. 0 ᓀᐅᐧᒥᑕᓇᐤ ᐊᐢᑭᐩ ᓂᑮ ᑭᓯᐋᐧᐦᐃᑲᐧᐠ ᐆᑭ, ᓂᑮ ᐃᑖᐧᐣ, «ᓴᓰᐱᐦᑕᒪᐧᐠ; ᐁᑳᔭ ᐁ ᐄᐧ ᐱᒥᑎᓴᐦᐊᐦᑭᐠ ᓂᑎᑕᓯᐁᐧᐃᐧᓇ.» ᓂᑮ ᑭᓯᐋᐧᓯᐣ ᒦᓇ ᓂᑮ ᓲᐦᑭ ᐊᓱᑌᐣ, «ᓇᒨᔭ ᑭᑲ ᐅᑎᐦᑌᓈᐋᐧᐤ ᐊᓂᒪ ᐊᐢᑭᐩ ᐃᑌ ᑖᐦ ᑮ ᒥᔨᑕᑯᐠ ᑭᑕ ᐊᔨᐁᐧᐱᔦᐠ.» ᓂᑲᒧᐃᐧᐣ ᑭᓭ ᒪᓂᑐᐤ ᑭᐦᒋ ᐅᑭᒫᐃᐧᐤ ᓯᐯᐧᐦᐊᒫᕽ ᐅᐢᑭ ᓂᑲᒧᐣ ᑳ ᑎᐯᔨᐦᒋᑫᐟ! ᓯᐯᐧᐦᐊᒫᕽ ᑳ ᑎᐯᔨᐦᒋᑫᐟ, ᑲᐦᑭᔭᐤ ᑭᔭᐋᐧᐤ ᐆᑕ ᐊᐢᑮᕽ! ᓯᐯᐧᐦᐊᒫᕽ ᑳ ᑎᐯᔨᐦᒋᑫᐟ, ᒦᓇ ᒪᒥᐦᒋᒥᕽ! ᒥᔮᐧᒋᒧᐃᐧᐣ ᐄᐧᐦᑕᒧᐠ ᑕᐦᑐ ᑮᓯᑳᐤ ᐁ ᐱᒫᒋᐦᐃᑯᔭᕽ. ᐄᐧᐦᑕᒫᐦᑯᐠ ᐅᑭᐦᒉᔨᐦᑖᑯᓯᐃᐧᐣ ᐁ ᐃᑕᐦᑑᐢᑳᓀᓯᒋᐠ ᐆᑕ ᐊᐢᑮᕽ, ᒦᓇ ᐄᐧᐦᑕᒫᐦᑯᐠ ᑲᐦᑭᔭᐤ ᐊᔨᓯᔨᓂᐊᐧᐠ ᐅᒪᒫᐦᑖᐃᐧ ᑑᑕᒧᐃᐧᓇ. ᑭᐦᒉᔨᐦᑖᑯᓯᐤ ᑳ ᑎᐯᔨᐦᒋᑫᐟ ᐁᑲᐧ ᑭᑕ ᑮ ᒪᒥᐦᒋᒥᐦᐟ; ᑭᑕ ᑭᐢᑌᔨᒥᐦᐟ ᐃᐢᐲᐦᒋ ᑯᑕᑲ ᒪᓂᑐᐊᐧ. ᐊᔨᐢᐠ ᒪᓂᑑᐦᑳᓇ ᐱᑯ ᑲᐦᑭᔭᐤ ᐲᑐᓯᔨᓂᐊᐧᐠ ᒫᓇ ᑳ ᒪᐃᐧᒧᐢᑕᐋᐧᒋᐠ; ᒫᑲ ᑭᐦᒋ ᑮᓯᑯᕽ ᑳ ᑎᐯᔨᐦᒋᑫᐟ ᑮ ᐅᓰᐦᑖᐤ. ᐋᐧᓴᑳᐢᑳᐠ ᐅᑭᐦᒋ ᐅᑭᒫᐁᐧᔨᐦᑖᑯᓯᐃᐧᐣ ᒦᓇ ᐅᑭᐢᑌᔨᐦᑖᑯᓯᐃᐧᐣ; ᐅᓲᐦᑭᓯᐃᐧᐣ ᒦᓇ ᐅᒥᔮᐧᑎᓯᐃᐧᐣ a ᓵᑲᐢᑭᓀᔨᐤ ᐅᑭᐦᒋ ᐊᔭᒥᐦᐁᐃᐧᑲᒥᑯᕽ. a. ᐊᐦᐴ: ᐅᑲᑕᐊᐧᓯᓯᐃᐧᐣ PSA.indd 0//0 :00:00 PM

43 ᓂᑲᒧᐃᐧᓇ, 00 ᒪᒥᐦᒋᒥᕽ ᑳ ᑎᐯᔨᐦᒋᑫᐟ, ᑲᐦᑭᔭᐤ ᐊᔨᓯᔨᓃᑎᐠ ᐆᑕ ᐊᐢᑮᕽ ᑳ ᐊᔮᔦᐠ; ᒪᒥᐦᒋᐦᑕᒧᐠ ᐅᑭᐢᑌᔨᐦᑖᑯᓯᐃᐧᐣ ᒦᓇ ᐅᓲᐦᑭᓯᐃᐧᐣ. ᒪᒥᐦᒋᐦᑕᒧᐠ ᑳ ᑭᐢᑌᔨᐦᑖᑲᐧᓂᔨᐠ ᑳ ᑎᐯᔨᐦᒋᑫᐟ ᐅᐄᐧᐦᐅᐃᐧᐣ; ᐲᐦᑎᑲᐧᑖᐠ ᐸᑭᑎᓈᓱᐃᐧᓇ ᐅᑭᐦᒋ ᐊᔭᒥᐦᐁᐃᐧᑲᒥᑯᕽ. ᐅᑎᐦᑕᐲᐢᑖᕽ ᑳ ᑭᐢᑌᔨᐦᑖᑯᓯᐟ ᒪᔭᐤ ᑕᑯᐦᑌᒋ; ᓇᓇᒥ ᒫᒪᐢᑳᑌᔨᒥᕽ, ᑲᐦᑭᔭᐤ ᐁ ᐃᐦᑕᓯᔦᐠ ᐆᑕ ᐊᐢᑮᕽ! 0 ᐄᐧᐦᑕᒫᐦᑯᐠ ᑲᐦᑭᔭᐤ ᐊᔨᓯᔨᓂᐊᐧᐠ ᐁ ᐃᑕᐦᑑᐢᑳᓀᓯᒋᐠ, «ᑭᓭ ᒪᓂᑐᐤ ᑭᐦᒋ ᐅᑭᒫᐃᐧᐤ! ᐊᐢᑭᐩ ᐋᔩᑕᐢᑌᐤ ᒦᓇ ᓇᒫᐧᐨ ᑭᑕ ᑮ ᐋᐦᑕᐢᒋᑳᑌᐤ; ᑲᐧᔭᐢᐠ ᑭᑕ ᐃᐧᔭᓯᐋᐧᑌᐤ ᐊᔨᓯᔨᓂᐊᐧ.» ᐊᐢᑭᐩ ᒦᓇ ᑮᓯᐠ, ᒥᔭᐋᐧᑕᒧᐠ; ᓲᐦᑫᐦᑖᑯᓯᐠ ᑭᐦᒋᑲᒥᐩ, ᐁᑲᐧ ᑲᐦᑭᔭᐤ ᑮᑲᐧᐩ ᐁᑯᑕ; ᒥᔭᐋᐧᑕᒧᐠ ᑭᐢᑎᑫᐃᐧ ᐊᐢᑭᔭ, ᐁᑲᐧ ᑲᐦᑭᔭᐤ ᑮᑲᐧᐩ ᐁᑯᑕ. ᒥᐢᑎᑲᐧᐠ ᓴᑳᕽ ᑭᑕ ᑌᐯᐧᐊᐧᐠ ᐁ ᒥᔦᐧᔨᐦᑕᐦᑭᐠ ᐃᐧᔭ ᑳ ᑎᐯᔨᐦᒋᑫᐟ ᐁ ᐄᐧ ᐯ ᐃᐧᔭᓯᐋᐧᑕᕽ ᐆᒪ ᐊᐢᑭᐩ. ᑲᐧᔭᐢᐠ ᑭᑕ ᐃᐧᔭᓯᐋᐧᑌᐤ ᐊᔨᓯᔨᓂᐊᐧ ᐆᑕ ᐊᐢᑮᕽ ᐁᑲᐧ ᑲᐧᔭᐢᐠ ᑭᑕ ᐸᒥᓀᐤ. ᓂᑲᒧᐃᐧᐣ 00 ᒪᒥᐦᒋᒥᕽ ᑳ ᑎᐯᔨᐦᒋᑫᐟ ᑭᓰᐁᐧᐠ! ᒥᔪ ᓯᐯᐧᐦᐊᒧᐢᑖᕽ ᑳ ᑎᐯᔨᐦᒋᑫᐟ, ᑭᔭᐋᐧᐤ ᑲᐦᑭᔭᐤ ᐆᑕ ᐊᐢᑮᕽ ᑳ ᐊᔮᔦᐠ! ᒪᐃᐧᒧᐢᑖᕽ ᑳ ᑎᐯᔨᐦᒋᑫᐟ ᒥᔦᐧᔨᐦᑕᒧᐃᐧᓂᕽ; ᐯ ᓂᑲᒧᐢᑖᕽ ᐁ ᒥᔭᐋᐧᑕᒣᐠ! ᑭᐢᑫᔨᐦᑕᒧᐠ ᑳ ᑎᐯᔨᐦᒋᑫᐟ ᐁ ᒪᓂᑑᐃᐧᐟ! ᑭᑮ ᐅᓰᐦᐃᑯᓇᐤ ᒦᓇ ᑭᑎᐯᔨᒥᑯᓇᐤ; ᑭᔮᓇᐤ ᐅᑎᔨᓃᒪ, ᑭᔮᓇᐤ ᐅᑲᓇᐁᐧᔨᒫᑲᓇ. ᐲᐦᑎᑫᐧᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐁ ᓇᓈᐢᑯᒧᔦᐠ; ᒪᒥᐦᒋᒥᕽ ᐲᐦᒑᔨᕽ. ᓇᓈᐢᑯᒥᕽ ᒦᓇ ᒪᒥᐦᒋᒥᕽ. ᐊᔨᐢᐠ ᑳ ᑎᐯᔨᐦᒋᑫᐟ ᒥᔮᐧᑎᓯᐤ; ᑳᑭᑫ ᑲ ᓈᐢᐱᒋ ᓵᑭᐦᐃᐁᐧᐤ ᐁᑲᐧ ᑳᑭᑫ ᑲ ᓈᐢᐱᒋ ᒪᒥᓰᐋᐧᑎᓯᐤ. PSA.indd 0//0 :00:00 PM

44 0 ᓂᑲᒧᐃᐧᐣ 0 ᓂᑲᒧᐃᐧᐣ 0 ᐅᓵᑭᐦᐃᐁᐧᐃᐧᐣ ᑭᓭ ᒪᓂᑐᐤ ᐅᓂᑲᒧᐣ ᑌᐱᐟ (David) ᒪᒥᐦᒋᒼ ᑳ ᑎᐯᔨᐦᒋᑫᐟ, ᓂᑕᐦᒑᕽ! ᐁ ᐃᓯ ᑲᐢᑭᐦᑖᔮᐣ ᓂᑲ ᒪᒥᐦᒋᒫᐤ ᑳ ᑲᓈᑕᓂᔨᐠ ᐅᐄᐧᐦᐅᐃᐧᓂᕽ ᐅᐦᒋ! ᒪᒥᐦᒋᒼ ᑳ ᑎᐯᔨᐦᒋᑫᐟ, ᓂᑕᐦᒑᕽ, ᐁᑲᐧ ᐁᑳᔭ ᐊᐧᓂᑭᐢᑭᓯ ᐃᔨᑯᕽ ᐁ ᑭᓭᐋᐧᑎᓯᐟ. ᐴᓀᔨᐦᑕᒼ ᑲᐦᑭᔭᐤ ᓂᒪᒋ ᑑᑕᒧᐃᐧᓇ ᒦᓇ ᐃᔨᓂᐦᑭᐦᑖᐤ ᑲᐦᑭᔭᐤ ᓂᑖᐦᑯᓯᐃᐧᓇ. ᓂᐱᒫᒋᐦᐃᐠ ᐁᑳᔭ ᑭᑕ ᓂᐱᐊᐧᐠ ᐁᑲᐧ ᐁ ᓴᐁᐧᔨᒥᑯᐃᐧᓯᔮᐣ ᐁ ᓵᑭᐦᐃᐟ ᐁᑲᐧ ᐁ ᑭᑎᒫᑫᔨᒥᐟ. ᓂᒥᔨᐠ ᒥᔪ ᑮᑲᐧᔭ ᐃᐢᑯ ᑳ ᐱᒫᑎᓯᔮᐣ, ᐁᑯᓯ ᑭᓀᐧᐢ ᓂᑲ ᐅᐢᑳᔨᐃᐧᐣ ᐁᑲᐧ ᓂᑲ ᒪᐢᑲᐃᐧᓰᐋᐧᑎᓯᐣ ᑖᐱᐢᑰᐨ ᑭᐦᐄᐊᐧ. ᑳ ᑎᐯᔨᐦᒋᑫᐟ ᐁ ᐃᐧᔭᓯᐋᐧᑖᐟ ᐊᔨᓯᔨᓂᐊᐧ, ᒪᓈᒋᐦᐁᐤ ᐊᓂᐦᐃ ᐁᑳᔭ ᑳ ᑮ ᓈᑕᒫᓱᔨᐟ. ᑮ ᐋᐧᐸᐦᑎᐦᐁᐤ ᒧᓯᓴ (Moses) ᑖᓂᓯ ᐁ ᐄᐧ ᐃᓰᐦᒋᑫᐟ ᒦᓇ ᑮ ᐋᐧᐸᐦᑎᐦᐁᐤ ᐃᐢᕒᐊᐁᓬᐄᐃᐧᔨᓂᐊᐧ (Israelites) ᐅᒪᒫᐦᑖᐃᐧ ᑑᑕᒧᐃᐧᓇ. ᑳ ᑎᐯᔨᐦᒋᑫᐟ ᑭᓭᐋᐧᑎᓯᐤ ᐁ ᓵᑭᐦᐃᐁᐧᐟ, ᓰᐱᔭᐁᐧᓯᐤ ᒦᓇ ᑳᑭᑫ ᓵᑭᐦᐃᐁᐧᐤ. ᓇᒨᔭ ᑖᐱᑕᐃᐧ ᑮᐦᑳᐃᐧᑕᒼ, ᓇᒨᔭ ᑳᑭᑫ ᑭᓯᐋᐧᓯᐤ. 0 ᓇᒨᔭ ᑭᒫᑯᐦᐃᑯᓇᐤ ᐋᑕ ᐁ ᑲᐢᑭᐦᑕᒫᓱᔭᕽ, ᐊᐦᐴ ᓇᒫᐧᐨ ᑭᑎᐸᐦᐃᑫᐦᐃᑯᓇᐤ ᑭᒪᒋ ᑑᑕᒧᐃᐧᓂᓇᐊᐧ ᐅᐦᒋ ᒦᓇ ᑭᒫᔨ ᑑᑕᒧᐃᐧᓂᓇᐊᐧ ᐅᐦᒋ. ᐃᔨᑯᕽ ᐁ ᐃᐢᐹᐠ ᑮᓯᐠ ᐊᐢᑮᕽ ᐅᐦᒋ, ᐁᑯᓯ ᐃᓯ ᑭᐦᒉᔨᐦᑖᑲᐧᓂᔨᐤ ᐅᓵᑭᐦᐃᐁᐧᐃᐧᐣ ᐊᓂᑭ ᐅᐦᒋ ᑳ ᑭᐢᑌᔨᒫᒋᐠ. ᐁ ᐃᐢᐲᐦᒋ ᐲᐦᒑᐠ ᒫᒥᕽ ᐅᐦᒋ ᐃᐢᑯ ᓇᑎᒥᕽ, ᐁᑲᐧ ᐃᔨᑯᕽ ᐄᑲᑌᓇᒼ ᑭᒫᔨ ᑑᑕᒧᐃᐧᓂᓇᐊᐧ. ᑖᐱᐢᑰᐨ ᐅᐦᑖᐄᐧᒫᐤ ᑳ ᐃᓯ ᑭᑎᒫᑫᔨᒫᐟ ᐅᑕᐋᐧᓯᒥᓴ, ᐯᔭᑲᐧᐣ ᐁᑯᓯ ᐃᓯ ᑭᑎᒫᑫᔨᒣᐤ ᑳ ᑎᐯᔨᐦᒋᑫᐟ ᐊᓂᐦᐃ ᑳ ᑭᐢᑌᔨᒥᑯᐟ. ᐊᔨᐢᐠ ᑭᐢᑫᔨᐦᑕᒼ ᑖᓂᓯ ᐁ ᑮ ᐅᓰᐦᐃᑲᐃᐧᔭᕽ; ᑲᓄᑭᐢᑭᓯᐤ ᐊᓯᐢᑮᕽ ᐁ ᐅᐦᒌᔭᕽ. ᓂᔭᓈᐣ ᐃᐧᔭ ᐯᔭᑲᐧᐣ ᒪᐢᑯᓯᔭ. ᑭᒥᔪ ᐅᐦᐱᑭᓈᓇᐤ ᑖᐱᐢᑰᐨ ᐸᑲᐧᒋ ᐋᐧᐱᑲᐧᓂᐩ; ᐁᑲᐧ ᔫᑎᑭ, ᐁᐧᐹᐢᑕᐣ ᓇᒨᔭ ᑮᐦᑖᐧᒼ ᐊᐃᐧᔭᐠ ᐋᐧᐸᐦᑕᒼ. PSA.indd 0 0//0 :00:0 PM

45 ᓂᑲᒧᐃᐧᓇ 0, 0 ᒫᑲ ᐊᓂᑭ ᑳ ᑭᐢᑌᔨᒫᒋᐠ ᑳ ᑎᐯᔨᐦᒋᑫᔨᐟ ᐅᓵᑭᐦᐃᐁᐧᐃᐧᐣ ᑳᑭᑫ ᐊᔮᔨᐤ, ᐁᑲᐧ ᐅᒥᔮᐧᑎᓯᐃᐧᐣ ᑳᑭᑫ ᐊᔮᔨᐤ ᐊᐩ ᐋᓂᐢᑫ ᑲᐦᑭᔭᐤ ᐁ ᐃᐦᑕᓯᕽ, ᐊᓂᑭ ᑳ ᑲᓇᐁᐧᔨᐦᑕᐦᑭᐠ ᐅᐄᐧᒋ ᐃᓰᐦᒋᑫᒥᐁᐧᐃᐧᐣ ᒦᓇ ᑳ ᑲᓄᑭᐢᑭᓯᒋᐠ ᑭᑕ ᑲᓇᐁᐧᔨᐦᑕᐦᑭᐠ ᐅᐃᐧᔭᓯᐁᐧᐃᐧᓇ. ᑳ ᑎᐯᔨᐦᒋᑫᐟ ᑮ ᐊᐢᑖᐤ ᐅᑐᑭᒫᐃᐧ ᐊᐱᐃᐧᐣ ᑭᐦᒋ ᑮᓯᑯᕽ; ᒥᓯᐁᐧ ᑎᐯᔨᐦᑕᒼ ᐁ ᑭᐦᒋ ᐅᑭᒫᐃᐧᐟ. 0 ᒪᒥᐦᒋᒥᕽ ᑳ ᑎᐯᔨᐦᒋᑫᐟ, ᑭᔭᐋᐧᐤ ᐅᑮᓯᑯᐊᐧᐠ ᑳ ᓲᐦᑭᓯᔦᐠ ᐅᑭᐦᒋ ᓈᑕᒫᑫᐊᐧᐠ, ᑳ ᓇᓇᐦᐃᐦᑕᒣᐠ ᐅᑎᑕᓯᐁᐧᐃᐧᓇ, ᑳ ᓇᑐᐦᑕᐋᐧᔦᐠ ᐁ ᐃᑌᐧᐟ. ᒪᒥᐦᒋᒥᕽ ᑳ ᑎᐯᔨᐦᒋᑫᐟ, ᑲᐦᑭᔭᐤ ᐁ ᐃᐦᑕᓯᔦᐠ ᑭᐦᒋ ᑮᓯᑯᕽ, ᑭᔭᐋᐧᐤ ᐅᑕᑐᐢᑫᔮᑲᓇ, ᐅᑎᑌᔨᐦᑕᒧᐃᐧᐣ ᑳ ᐱᒥᑎᓴᐦᐊᒣᐠ! ᒪᒥᐦᒋᒥᕽ ᑳ ᑎᐯᔨᐦᒋᑫᐟ, ᑲᐦᑭᔭᐤ ᑳ ᑮ ᐅᓰᐦᐃᑯᔦᐠ ᐱᑯ ᐃᑌ ᐅᑎᐯᔨᐦᒋᑫᐃᐧᓂᕽ. ᒪᒥᐦᒋᒼ ᑳ ᑎᐯᔨᐦᒋᑫᐟ, ᓂᑕᐦᒑᕽ! ᓂᑲᒧᐃᐧᐣ 0 ᒪᒥᐦᒋᒼ ᑳ ᑎᐯᔨᐦᒋᑫᐟ, ᓂᑕᐦᒑᕽ! ᒪᒥᐦᒋᒼ ᑳ ᑎᐯᔨᐦᒋᑫᐟ, ᓂᑕᐦᒑᕽ! ᐦᐋᐤ, ᑳ ᑎᐯᔨᐦᒋᑫᔭᐣ ᓂᑭᓭ ᒪᓂᑑᒼ, ᒥᐢᑕᐦᐃ ᑭᑭᐦᒉᔨᐦᑖᑯᓯᐣ! ᑭᑭᑭᐢᑫᐣ ᑭᐦᒋ ᐅᑭᒫᐃᐧᑌᔨᐦᑖᑯᓯᐃᐧᐣ ᒦᓇ ᑭᐢᑌᔨᐦᑖᑯᓯᐃᐧᐣ; ᑭᑕᑲᐧᓇᐦᐅᐣ ᐋᐧᐢᑌᐤ. ᑭᑕᓭᐧᑲᐢᑖᐣ ᑮᓯᐠ ᑖᐱᐢᑰᐨ ᐸᑳᐧᓂᑲᒥᐠ, ᒦᓇ ᑭᒫᓄᑳᐣ ᑕᐦᑯᐦᐨ ᓂᐲᕽ ᐃᐢᐱᒥᕽ. ᐊᐧᐢᑯᐊᐧ ᑭᑖᐸᒋᐦᑖᐣ ᑖᐱᐢᑰᐨ ᐅᑖᐹᐣ ᑭᐱᒥᐦᐋᐣ ᐅᑕᐦᑕᐦᑲᐧᓂᕽ ᔫᑎᐣ. ᑭᑖᐸᒋᐦᐋᐊᐧᐠ ᔫᑎᓇᐧ ᐁ ᐃᑌᐧᐢᑕᒫᐢᑭᐠ ᐁᑲᐧ ᑭᑖᐸᒋᐦᐋᐊᐧᐠ ᑳ ᑳᐧᐦᑯᑌᑭ ᐃᐢᑯᑌᐊᐧ ᑲ ᐊᑐᐢᑳᐢᑭᐠ. ᑭᑮ ᐋᔩᑕᐢᑖᐣ ᐃᑕ ᑳ ᑌᐦᑕᐢᑌᐠ ᐆᒪ ᐊᐢᑭᐩ, ᐁᑯᓯ ᓇᒨᔭ ᐄᐧᐦᑳᐨ ᑭᑕ ᑮ ᐋᐦᑕᐢᑌᐤ. ᑭᑮ ᐊᑲᐧᓇᐦᐁᐣ ᐆᒪ ᐊᐢᑭᐩ ᑭᐦᒋᑲᒥᐩ ᐅᐦᒋ ᑖᐱᐢᑰᐨ ᐊᑯᐦᑊ, ᐁᑲᐧ ᑮ ᐃᐢᑭᐯᐊᐧ ᐊᐧᒋᔭ. ᐃᐢᐲᕽ ᐁ ᑮᐦᑳᒪᒋᐠ ᑭᐦᒋᑲᒥᔭ ᑮ ᐃᐦᑭᐯᐸᔨᐊᐧ ᓭᒫᐠ; ᑖᐱᐢᑰᐨ ᐁ ᑕᐸᓰᐢᑖᑯᔭᐣ ᑳ ᐯᐦᑖᐢᑭᐠ ᑭᑎᑕᓯᐁᐧᐃᐧᐣ. ᑮ ᓯᐯᐧᒋᐊᐧᓇᐧ ᐊᐧᒌᕽ ᐅᐦᒋ ᐸᓴᐦᒑᕽ ᐃᓯ, ᐃᑌ ᑳ ᑮ ᐃᑕᐢᑖᔭᐣ ᑭᑕ ᐃᐦᑕᑲᐧᐦᑭ. ᑭᑮ ᐊᐢᑖᐣ ᐃᑕ ᐁᑳᔭ ᑮᐦᑖᐧᒼ ᑭᑕ ᐃᐢᑭᐯᐠ ᐆᒪ ᐊᐢᑭᐩ. 0 ᑭᑮ ᐅᓰᐦᑖᐣ ᐸᓴᐦᒑᕽ ᑭᑕ ᒨᐦᑭᒋᐊᐧᓂᐯᑳᐠ, ᐁᑲᐧ ᑭᑕ ᐱᒥᒋᐊᐧᐦᑭ ᓰᐱᔭ ᑕᐢᑕᐊᐧᑎᓈᕽ. PSA.indd 0//0 :00:0 PM

46 ᓂᑲᒧᐃᐧᐣ 0 ᐁᑯᑕ ᐅᐦᒋ ᑭᑕ ᒥᓂᐦᑫᐧᔨᐟ ᐸᑲᐧᒋ ᐱᓯᐢᑭᐊᐧ; ᐁᑯᑕ ᐸᑲᐧᒋ ᓲᓲᐊᐧᑎᒪᐧᐠ ᒥᓂᐦᑫᐧᐊᐧᐠ. ᐁᑯᑕ ᒌᑭ, ᒥᐢᑎᑯᐢᑳᕽ, ᐱᔦᓰᓴᐠ ᐊᐧᒋᐢᑐᓂᐦᑫᐊᐧᐠ ᐁᑲᐧ ᓂᑲᒧᐊᐧᐠ. ᑮᓯᑯᕽ ᐅᐦᒋ ᑭᑭᒥᐊᐧᓂᐦᑖᐣ ᐃᐢᐸᑎᓈᕽ, ᐁᑲᐧ ᐊᐢᑭᐩ ᓵᑲᐢᑭᓀᐤ ᑭᒥᔪ ᑑᑖᑫᐃᐧᓇ ᐅᐦᒋ. ᑭᑑᐦᐱᑭᐦᑖᐣ ᒪᐢᑯᓯᔭ ᒧᐢᑐᓴᐧᐠ ᐅᐦᒋ ᐁᑲᐧ ᑭᐢᒋᑳᓂᓴ ᐊᔨᓯᔨᓂᐊᐧᐠ ᑭᑕ ᐋᐸᒋᐦᑖᒋᐠ, ᐁᑯᓯ ᑭᑕ ᑮ ᑭᐢᑎᑫᒋᐠ ᑭᐢᑎᑳᓇ, ᐁᑲᐧ ᑭᑕ ᐅᓰᐦᑖᐟ ᓲᒥᓈᐳᐩ ᑭᑕ ᒥᔦᐧᔨᐦᑕᒥᐦᐃᑯᐟ, ᐱᒥᐩ ᑭᑕ ᐅᐦᒋ ᒥᔦᐧᔨᐦᑕᕽ, ᐁᑲᐧ ᐸᐦᑫᐧᓯᑲᓇ ᑭᑕ ᒪᐢᑲᐃᐧᓰᐢᑳᑯᐟ. ᐊᓂᐦᐃ ᑳ ᑎᐯᔨᐦᒋᑫᐟ ᑳ ᑮ ᑭᐢᑎᑫᐟ ᒫᓯᑮᐢᑳᐧᐦᑎᑲᐧ ᓬᐁᐱᓇᐣ (Lebanon) ᐅᐦᒋ ᒥᔪ ᑭᒥᐊᐧᓂᓯᐊᐧᐠ ᒫᓇ. ᐁᑯᓯ ᐁᑯᑕ ᐱᔦᓰᓴᐠ ᐊᐧᒋᐢᑐᓂᐦᑫᐊᐧᐠ; ᐁᑲᐧ ᑯᑕᑲᐠ ᐱᔦᓰᓴᐠ ᐊᐧᒋᐢᑐᓂᐊᐧᐠ ᒥᓇᐦᐃᑳᐧᐦᑎᑯᕽ. ᐸᑲᐧᒋ ᐋᐧᐸᑎᐦᑲᐧᐠ ᑕᐦᑯᐦᐨ ᐊᐧᒌᕽ ᐊᔮᐊᐧᐠ ᐁᑲᐧ ᐊᓯᓃᐊᐧᒌ ᒥᐢᑕᓇᐢᑲᐧᐠ ᑳᓲᐊᐧᐠ ᐊᓯᓃᐢᑳᕽ. b ᑭᑮ ᐅᓰᐦᐋᐤ ᑎᐱᐢᑳᐃᐧ ᐲᓯᒼ ᑭᑕ ᑲᓇᐃᐧ ᐲᓯᒣᐧᐟ, ᑮᓯᑳᐃᐧ ᐲᓯᒼ ᑭᐢᑫᔨᐦᑕᒼ ᐃᐢᐲᕽ ᑭᑕ ᐸᐦᑭᓯᒧᐟ. 0 ᑭᑮ ᐅᓰᐦᑖᐣ ᑎᐱᐢᑳᐤ, ᐁᑲᐧ ᐁ ᑎᐱᐢᑳᐠ ᐁᑯᓯ ᑲᐦᑭᔭᐤ ᐸᑲᐧᒋ ᐱᓯᐢᑭᐊᐧᐠ ᐯ ᒪᑖᐃᐧᓯᐊᐧᐠ. ᒥᐢᒐᐦᑫᓰᓴᐠ ᓀᒧᐊᐧᐠ ᐁ ᒣᑳᐧ ᒫᒌᒋᐠ, ᐁ ᓇᑐᓇᐦᑭᐠ ᑭᑕ ᒦᒋᒋᐠ ᑭᓭ ᒪᓂᑐᐊᐧ ᑳ ᑮ ᒥᔨᑯᒋᐠ. ᐃᐢᐲᕽ ᐁ ᐯ ᓵᑳᐢᑌᐠ, ᑳᐃᐧ ᐃᑐᐦᑌᐊᐧᐠ ᐅᐋᐧᑎᐋᐧᕽ ᐁ ᓂᑕᐃᐧ ᐱᒥᓯᐦᑭᐠ. ᐁᑯᓯ ᐁᑲᐧ ᐊᔨᓯᔨᓂᐊᐧᐠ ᓂᑕᐃᐧ ᐊᑐᐢᑫᐊᐧᐠ ᐁᑲᐧ ᐋᐦᑲᒥ ᐊᑐᐢᑫᐊᐧᐠ ᐃᐢᑯ ᐁ ᐅᑖᑯᓯᓂᔨᐠ. ᑳ ᑎᐯᔨᐦᒋᑫᔭᐣ, ᒥᐦᒉᐟ ᑮᑲᐧᐩ ᑭᑮ ᐅᓰᐦᑖᐣ! ᐃᔨᓃᓯᐃᐧᓂᕽ ᑭᑮ ᐅᓰᐦᑖᐣ ᐁᐊᐧᑯᓂ ᑲᐦᑭᔭᐤ! ᓵᑲᐢᑭᓀᐊᐧᐠ ᓇᓈᑐᕽ ᐱᓯᐢᑭᐊᐧᐠ ᐆᑕ ᐊᐢᑮᕽ. ᓀᒪ ᑭᐦᒋᑲᒥᐩ, ᐁ ᒥᓵᐠ ᒦᓇ ᐁ ᐊᔭᑲᐢᑳᐠ, ᐃᑕ ᒥᑐᓂ ᒥᐦᒉᐟ ᓇᓈᑐᕽ ᐱᓯᐢᑭᐊᐧᐠ ᐁ ᒥᓯᑭᑎᒋᐠ ᐁᑲᐧ ᐁ ᐊᐱᓰᓯᓯᒋᐠ ᑳ ᐄᐧᑭᒋᐠ. ᓈᐱᐦᑳᐧᓇ ᐱᒫᐢᑕᓇᐧ ᐁᑯᑕ, ᒦᓇ ᒣᑕᐁᐧᐤ ᒥᓯ ᑭᓀᐱᐠ ᓬᐁᐹᔭᑕᐣ (Leviathan), ᐁᐊᐧᑯ ᑳ ᑮ ᐅᓰᐦᐊᐟ ᑭᐦᒋᑲᒦᐃᐧ ᐊᔭ. b 0. ᐊᐦᐴ: ᑮᐢᑳᐱᐢᑯᕽ PSA.indd 0//0 :00:0 PM

47 ᓂᑲᒧᐃᐧᓇ 0, 0 ᑲᐦᑭᔭᐤ ᐁᐊᐧᑯᓂᐠ ᐆᑭ ᑭᒪᒥᓰᑐᑖᑲᐧᐠ ᑭᑕ ᐊᓴᒪᒋᐠ ᓂᑕᐁᐧᔨᐦᑕᐦᑳᐧᐃᐧ. ᑭᒥᔮᐊᐧᐠ ᑭᑕ ᒦᒋᒋᐠ ᐁᑯᓯ ᒦᒋᐊᐧᐠ; ᑭᑑᓰᐦᑕᒪᐋᐧᐊᐧᐠ ᒦᒋᐃᐧᐣ ᐁᑯᓯ ᑮᐢᐳᐊᐧᐠ. ᑯᐢᑖᒋᐊᐧᐠ ᐃᐢᐲᕽ ᑳ ᓇᑲᑕᒋᐠ; ᐃᐢᐲᕽ ᐁ ᒪᐢᑲᒪᒋᐠ ᔦᐦᐁᐃᐧᐣ ᐴᓂ ᐱᒫᑎᓯᐊᐧᐠ, ᑳᐃᐧ ᐊᓯᐢᑮᐃᐧᐸᔨᐊᐧᐠ ᐃᑕ ᑳ ᑮ ᐅᐦᒋ ᐅᓰᐦᐃᐦᒋᐠ. 0 ᒫᑲ ᐁ ᒥᔭᒋᐠ ᔦᐦᐁᐃᐧᐣ ᓂᐦᑖᐃᐧᑭᐊᐧᐠ; ᐅᐢᑭ ᐱᒫᑎᓯᐃᐧᐣ ᑭᒣᑭᐣ ᐆᑕ ᐊᐢᑮᕽ. ᑳᑭᑫ ᑭᑕ ᐄᐧ ᐊᔮᒪᑲᐣ ᐅᑭᐢᑌᔨᐦᑖᑯᓯᐃᐧᐣ ᑳ ᑎᐯᔨᐦᒋᑫᐟ! ᑭᑕ ᐄᐧ ᒥᔦᐧᔨᐦᑕᒼ ᑳ ᑎᐯᔨᐦᒋᑫᐟ ᐊᓂᒪ ᑳ ᑮ ᐅᓰᐦᑖᐟ! ᐁ ᑭᑖᐸᐦᑕᕽ ᐊᐢᑭᐩ, ᓇᓇᒥᐸᔨᔨᐤ; ᐁ ᓵᒥᓇᕽ ᐊᐧᒋᔭ, ᑲᐢᑳᐸᐦᑌᔨᐊᐧ. ᓂᑲ ᓂᑲᒧᐢᑕᐋᐧᐤ ᑳ ᑎᐯᔨᐦᒋᑫᐟ ᑖᐱᑕᐃᐧ ᑳ ᐱᒫᑎᓯᔮᐣ; ᓂᑲ ᓂᑲᒧᐢᑕᒪᐋᐧᐤ ᐁ ᒪᒥᐦᒋᒪᐠ ᓂᑭᓭ ᒪᓂᑑᒼ ᐃᐢᑯ ᐱᒫᑎᓯᔮᓂ. ᑭᑕ ᐄᐧ ᒥᔦᐧᔨᐦᑕᒼ ᓂᓂᑲᒧᐣ, ᐊᔨᐢᐠ ᓂᒌᐦᑫᔨᐦᑕᒧᐃᐧᐣ ᐅᐦᒋᐸᔨᐤ ᐃᐧᔭ ᐅᐦᒋ. ᓂᓇᑐᑕᒪᐋᐧᐤ ᑲᐦᑭᔭᐤ ᐅᒪᒑᑎᓴᐠ ᑭᑕ ᒥᓯᐊᐧᓈᒋᐦᐃᐦᒋᐠ ᐊᐢᑮᕽ ᐅᐦᒋ; ᐁᑳᔭ ᑭᑕ ᐄᐧ ᐃᐦᑕᑯᐊᐧᐠ ᐅᒪᒑᑎᓴᐠ. ᒪᒥᐦᒋᒼ ᑳ ᑎᐯᔨᐦᒋᑫᐟ, ᓂᑕᐦᒑᕽ! ᒪᒥᐦᒋᒼ ᑳ ᑎᐯᔨᐦᒋᑫᐟ! ᓂᑲᒧᐃᐧᐣ 0 ᓇᓈᐢᑯᒥᕽ ᑳ ᑎᐯᔨᐦᒋᑫᐟ «ᓇᓈᐢᑯᒥᕽ ᑳ ᑎᐯᔨᐦᒋᑫᐟ, ᐊᔨᐢᐠ ᒥᔮᐧᑎᓯᐤ; ᑳᑭᑫ ᓵᑭᐦᐃᐁᐧᐤ.» ᑳ ᑮᐦᑖᐧᒼ ᐄᐧᐦᑕᒧᐠ ᐆᐦᐃ ᐲᑭᐢᑫᐧᐃᐧᓇ ᐁ ᒪᒥᐦᒋᒫᔦᐠ ᑳ ᑎᐯᔨᐦᒋᑫᐟ, ᑭᔭᐋᐧᐤ ᑲᐦᑭᔭᐤ ᑳ ᑮ ᐱᒫᒋᐦᐃᑯᔦᐠ. ᑭᑮ ᐸᐢᐲᐦᐃᑯᐋᐧᐤ ᓇᔦᐦᑖᐃᐧᐸᔨᐃᐧᓂᕽ ᐅᐦᒋ ᐁᑲᐧ ᑳᐃᐧ ᑭᑮ ᐯᓰᑯᐋᐧᐤ ᐹᐦ ᐲᑐᐢ ᐊᐢᑮᕽ ᐅᐦᒋ, ᒫᒥᕽ ᐅᐦᒋ ᒦᓇ ᓇᑎᒥᕽ ᐅᐦᒋ, ᓈᑕᑳᒼ ᐅᐦᒋ ᒦᓇ ᓵᐊᐧᓄᕽ ᐅᐦᒋ. ᐋᑎᐦᐟ ᑮ ᐸᐹᒫᒋᐦᐅᐊᐧᐠ ᐸᑲᐧᑕᐢᑮᕽ. ᐁᑲᐧ ᓇᒫᐧᐨ ᐅᐦᒋ ᒥᐢᑲᒪᐧᐠ ᐆᑌᓇᐤ ᐃᑕ ᑭᑕ ᐄᐧᑭᒋᐠ. ᑮ ᓅᐦᑌᐦᑲᑌᐊᐧᐠ ᒦᓇ ᑮ ᓅᐦᑌᔮᐹᑫᐧᐊᐧᐠ, ᐁᑯᓯ ᑮ ᐸᑭᑌᔨᒥᓱᐊᐧᐠ. PSA.indd 0//0 :00:0 PM

48 ᓂᑲᒧᐃᐧᐣ 0 ᐁᑲᐧ ᐁ ᓇᔦᐦᑖᐄᐧᒋᐠ ᑮ ᑌᐹᐧᑌᐊᐧᐠ ᑳ ᑎᐯᔨᐦᒋᑫᔨᐟ, ᐁᑯᓯ ᑮ ᐱᒫᒋᐦᐁᐤ ᐅᑲᑳᐧᑕᑭᐦᑖᐃᐧᓂᐋᐧᕽ ᐅᐦᒋ. ᑮ ᐃᑐᐦᑕᐦᐁᐤ ᐁ ᑲᐧᔭᐢᑲᐧᒧᔨᐠ ᒣᐢᑲᓈᕽ, ᐁ ᐃᑕᒧᔨᐠ ᐆᑌᓈᕽ ᐃᑕ ᑭᑕ ᐄᐧᑭᒋᐠ. ᒪᐦᑎ ᑕ ᓇᓈᐢᑯᒫᒋᐠ ᑳ ᑎᐯᔨᐦᒋᑫᔨᐟ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐅᐦᒋ ᐁᑲᐧ ᐊᓂᐦᐃ ᒪᒫᐦᑖᐃᐧ ᑮᑲᐧᔭ ᑳ ᑮ ᑑᑕᒫᑯᒋᐠ ᐅᐦᒋ. ᐊᔨᐢᐠ ᑌᐱ ᒥᓇᐦᐁᐤ ᐊᓂᐦᐃ ᑳ ᓅᐦᑌᔮᐹᑫᐧᔨᐟ, ᒦᓇ ᑮᐢᐴᐦᐁᐤ ᐊᓂᐦᐃ ᑳ ᓅᐦᑌᐦᑲᑌᔨᐟ. 0 ᐋᑎᐦᐟ ᑮ ᑭᑎᒫᑲᐱᐊᐧᐠ ᒦᓇ ᐊᐧᓂᑎᐱᐢᑲᐱᐊᐧᐠ, ᐆᑭ ᑭᐸᐦᐋᐧᑲᓇᐠ ᐁ ᓴᑲᐦᐱᓱᒋᐠ ᐲᐋᐧᐱᐢᑫᐧᔮᐱᔭ ᐅᐦᒋ, ᐊᔨᐢᐠ ᐁ ᑮ ᓅᑎᓇᐦᑭᐠ ᐅᑎᑕᓯᐁᐧᐃᐧᓂᔨᐤ ᑭᓭ ᒪᓂᑐᐊᐧ ᑳ ᒫᐊᐧᒋ ᓲᐦᑳᑎᓯᔨᐟ ᒦᓇ ᑮ ᐊᓭᓇᒪᐧᐠ ᐅᑭᐢᑭᓄᐦᐊᒫᑫᐃᐧᓂᔨᐤ. ᐁᐊᐧᑯ ᐅᐦᒋ ᑮ ᓀᐢᑐᓯᐊᐧᐠ ᐃᔨᑯᕽ ᐁ ᓲᐦᑭ ᐊᑐᐢᑲᐦᐃᐦᒋᐠ; ᐁ ᐸᐦᑭᓯᐦᑭᐠ ᒫᓇ ᐁᑲᐧ ᐁᑳᔭ ᐊᐃᐧᔭ ᑭᑕ ᐄᐧᒋᐦᐃᑯᒋᐠ. ᐁᑲᐧ ᐁ ᓇᔦᐦᑖᐄᐧᒋᐠ ᑮ ᑌᐹᐧᑌᐊᐧᐠ ᑳ ᑎᐯᔨᐦᒋᑫᔨᐟ, ᐁᑯᓯ ᑮ ᐱᒫᒋᐦᐁᐤ ᐅᑲᑳᐧᑕᑭᐦᑖᐃᐧᓂᐋᐧᕽ ᐅᐦᒋ. ᑮ ᐸᐢᐲᐦᐃᑲᐧᐠ ᑳ ᑭᑎᒫᑲᐱᒋᐠ ᒦᓇ ᐅᐊᐧᓂᑎᐱᐢᑭᓯᐃᐧᓂᐋᐧᕽ ᐅᐦᒋ ᒦᓇ ᑮ ᐲᑯᓇᒥᔨᐊᐧ ᐲᐋᐧᐱᐢᑫᐧᔮᐱᔭ. ᒪᐦᑎ ᑕ ᓇᓈᐢᑯᒣᐊᐧᐠ ᑳ ᑎᐯᔨᐦᒋᑫᔨᐟ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐅᐦᒋ ᐁᑲᐧ ᐊᓂᐦᐃ ᒪᒫᐦᑖᐃᐧ ᑮᑲᐧᔭ ᑳ ᑮ ᑑᑕᒫᑯᒋᐠ ᐅᐦᒋ. ᐲᑲᐧᑕᐦᐊᒥᔨᐊᐧ ᐃᐢᑳᐧᐦᑌᒪ ᐁ ᐅᓵᐋᐧᐱᐢᑯᐃᐧᔨᑭ ᒦᓇ ᓯᑲᐧᑕᐦᐊᒥᔨᐊᐧ ᒥᒋᒫᐱᐢᑲᐧᐦᐃᑲᓇ. ᐋᑎᐦᐟ ᑮ ᒨᐦᒍᐃᐧᐊᐧᐠ, ᑮ ᑲᑳᐧᑕᑭᐦᐋᐊᐧᐠ ᐅᒪᒋ ᑑᑕᒧᐃᐧᓂᐋᐧᐊᐧ ᐁᑲᐧ ᐅᒪᒑᑎᓯᐃᐧᓂᐋᐧᐊᐧ ᐅᐦᒋ. ᓇᒫᐧᐨ ᐅᐦᒋ ᑲᐢᑭᐦᑖᐊᐧᐠ ᑭᑕ ᒦᒋᓱᒋᐠ ᐁᑲᐧ ᑮ ᓀᓱᐋᐧᑎᓯᐊᐧᐠ. ᐁᑲᐧ ᐁ ᓇᔦᐦᑖᐄᐧᒋᐠ ᑮ ᑌᐹᐧᑌᐊᐧᐠ ᑳ ᑎᐯᔨᐦᒋᑫᔨᐟ, ᐁᑯᓯ ᑮ ᐱᒫᒋᐦᐁᐤ ᐅᑲᑳᐧᑕᑭᐦᑖᐃᐧᓂᐋᐧᕽ ᐅᐦᒋ. 0 ᑮ ᐃᔨᓃᐦᑲᐦᐁᐤ ᐅᑎᑕᓯᐁᐧᐃᐧᓂᕽ ᐅᐦᒋ ᒦᓇ ᑮ ᐱᒫᒋᐦᐁᐤ ᐄᑲᐧᐦᐋᐢᑳᓂᕽ ᐅᐦᒋ. ᒪᐦᑎ ᑕ ᓇᓈᐢᑯᒣᐊᐧᐠ ᑳ ᑎᐯᔨᐦᒋᑫᔨᐟ ᐅᓵᑭᐦᐃᐁᐧᐃᐧᓂᕽ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐅᐦᒋ, ᐁᑲᐧ ᐊᓂᐦᐃ ᒪᒫᐦᑖᐃᐧ ᑮᑲᐧᔭ ᑳ ᑮ ᑑᑕᒫᑯᒋᐠ ᐅᐦᒋ. ᒪᐦᑎ ᑕ ᓇᓈᐢᑯᒣᐊᐧᐠ ᐁ ᐸᑭᑎᓈᓱᒋᐠ, ᑲᒫᒋᐊᐧᐦᐃᑲᐣ ᐁ ᓂᑲᒧᒋᐠ ᐁ ᐄᐧᐦᑕᐦᑭᐠ ᑲᐦᑭᔭᐤ ᑳ ᑮ ᑑᑕᒫᑯᒋᐠ. PSA.indd 0//0 :00:0 PM

49 ᓂᑲᒧᐃᐧᐣ 0 ᐋᑎᐦᐟ ᑮ ᐴᓯᐊᐧᐠ ᓈᐱᐦᑳᐧᓂᕽ ᑭᐦᒋᑲᒦᕽ ᐃᓯ, ᐁᑯᑕ ᐁ ᐅᐦᑖᒋᐦᐅᒋᐠ. ᑮ ᐋᐧᐸᐦᑕᒪᐧᐠ ᑖᓂᓯ ᑳ ᑎᐯᔨᐦᒋᑫᐟ ᐁ ᑲᐢᑭᐦᑖᐟ ᑭᑕ ᑑᑕᕽ, ᐅᒪᒫᐦᑖᐃᐧ ᑑᑕᒧᐃᐧᓇ ᑭᐦᒋᑲᒦᕽ. ᑮ ᐃᑕᓯᐋᐧᑕᒼ ᐁᑯᓯ ᑮ ᒫᒋ ᒥᓯ ᔫᑎᐣ, ᒦᓇ ᑮ ᒪᒫᐦᑳᐢᑳᐤ. ᓈᐱᐦᑳᐧᓇ ᑮ ᐃᐢᐹᐦᑯᑌᐊᐧ, ᒦᓇ ᑮ ᑰᓵᐯᑯᑌᐊᐧ ᑎᒦᕽ ᐃᓯ. ᐁ ᑯᐢᑖᑌᔨᐦᑖᑲᐧᕽ ᐊᓂᑭ ᓈᐯᐊᐧᐠ ᑮ ᐸᑭᑌᔨᒥᓱᐊᐧᐠ; ᑮ ᐸᐦᑭᓯᓇᐧᐠ ᒦᓇ ᑮ ᐊᔭᐦᐱᐸᔨᐊᐧᐠ ᑖᐱᐢᑰᐨ ᐁ ᑮᐢᑫᐧᐯᒋᐠ ᓇᒨᔭ ᓈᓂᑕᐤ ᐅᐦᒋ ᐃᑖᐸᒋᐦᐃᑲᐧᐠ ᐁ ᓇᑲᒋᐦᑖᒋᐠ ᐋᑕ. ᐁᑲᐧ ᐁ ᓇᔦᐦᑖᐄᐧᒋᐠ ᑮ ᑌᐹᐧᑌᐊᐧᐠ ᑳ ᑎᐯᔨᐦᒋᑫᔨᐟ, ᐁᑯᓯ ᑮ ᐱᒫᒋᐦᐁᐤ ᐅᑲᑳᐧᑕᑭᐦᑖᐃᐧᓂᐋᐧᕽ ᐅᐦᒋ. ᑮ ᐋᐢᑌ ᒫᔨ ᑮᓯᑲᓂᐦᑖᔨᐊᐧ, ᐁᑲᐧ ᑮ ᐴᓂ ᒪᒫᐦᑳᐢᑳᔨᐤ. 0 ᑮ ᒥᔦᐧᔨᐦᑕᒪᐧᐠ ᐁ ᑳᒫᐧᒋ ᑮᓯᑳᔨᐠ, ᐁᑲᐧ ᑮ ᐯᓰᑲᐧᐠ ᑲᐹᐃᐧᓂᕽ ᐃᓯ ᑳ ᑮ ᓂᑕᐁᐧᔨᐦᑕᐦᑭᐠ. ᒪᐦᑎ ᑕ ᓇᓈᐢᑯᒣᐊᐧᐠ ᑳ ᑎᐯᔨᐦᒋᑫᐟ ᐅᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐁᑲᐧ ᐊᓂᐦᐃ ᒪᒫᐦᑖᐃᐧ ᑮᑲᐧᔭ ᑳ ᑮ ᑑᑕᒫᑯᒋᐠ ᐅᐦᒋ. ᒪᐦᑎ ᑭᑕ ᐄᐧᐦᑕᒪᐧᐠ ᐅᑭᐦᒉᔨᐦᑖᑯᓯᐃᐧᓂᔨᐤ ᐃᑕ ᐁ ᒫᒪᐅᐧᐸᔨᔨᐟ ᐊᔨᓯᔨᓂᐊᐧ ᐁᑲᐧ ᑭᑕ ᒪᒥᐦᒋᒫᒋᐠ ᐃᑕ ᐁ ᐊᔮᔨᐟ ᐅᓃᑳᓃᐊᐧ. ᑳ ᑎᐯᔨᐦᒋᑫᐟ ᑮ ᑫᐧᐢᑭᓇᒼ ᓰᐱᔭ ᑭᑕ ᐹᐢᑌᔨᑭ ᒥᑐᓂ ᒦᓇ ᑮ ᓇᑭᓇᒼ ᒨᐦᑭᒋᐊᐧᓂᐯᑲᐧ ᑭᑕ ᐴᓂ ᐱᒥᒋᐊᐧᓂᔨᑭ. ᑮ ᑫᐧᐢᑭᓇᒼ ᐁ ᒥᔮᐧᓯᓂᔨᐠ ᐊᐢᑭᐩ ᑭᑕ ᓰᐄᐧᐦᑖᑲᓃᐃᐧᔨᐠ ᐁᑳᔭ ᓈᓂᑕᐤ ᑕ ᐃᑖᐸᑕᓂᔨᐠ, ᐊᔨᐢᐠ ᐅᐦᒋ ᐁ ᒪᒑᑎᓯᔨᐟ ᐁᑯᑕ ᑳ ᐄᐧᑭᔨᐟ. ᑮ ᑫᐧᐢᑭᓇᒼ ᐸᑲᐧᑕᐢᑭᔭ ᑭᑕ ᓵᑲᐦᐃᑲᓃᐃᐧᔨᑭ ᐁᑲᐧ ᐃᑕ ᐁ ᐹᐢᑌᔨᐠ ᐊᐢᑭᐩ ᑮ ᒨᐦᑭᒋᐊᐧᓂᐯᑯᐃᐧᐤ. ᐁᑯᑕ ᑮ ᐸᑭᑎᓀᐤ ᐅᓅᐦᑌᐦᑲᑌᐊᐧ ᑭᑕ ᐄᐧᑭᔨᐟ, ᐁᑲᐧ ᑭᐦᒋ ᐆᑌᓇᐊᐧ ᑮ ᐅᓰᐦᑖᐊᐧᐠ ᐁᑯᑕ. ᑮ ᑭᐢᑎᑫᐊᐧᐠ ᐁᑯᑕ ᐁ ᐅᐦᐱᑭᐦᑖᒋᐠ ᒦᓂᓵᐴ ᑭᐢᑎᑳᐣ, ᒦᓇ ᑮ ᒥᔪᑭᐦᒋᑫᐊᐧᐠ. ᑮ ᓴᐁᐧᔨᒣᐤ ᐅᑎᔨᓃᒪ, ᐁᑲᐧ ᑮ ᒥᐦᒉᑑᓭᔨᐊᐧ; ᑮ ᒥᔨᑯᐃᐧᓯᐊᐧᐠ ᐅᒧᐢᑐᓱᒥᐋᐧᐊᐧ ᑭᑕ ᐋᐦᑲᒥ ᒥᐦᒉᑎᔨᐟ. ᐁᑲᐧ ᐃᐢᐲᕽ ᑭᓭ ᒪᓂᑐᐤ ᐅᑎᔨᓃᒪ ᐁ ᓵᑰᒋᐦᐃᐦᒋᐠ ᒦᓇ ᐁ ᐲᐁᐧᔨᒥᐦᒋᐠ ᑮ ᑭᑎᒪᐦᐋᐊᐧᐠ ᒦᓇ ᑮ ᑲᑳᐧᑕᑭᐦᐋᐊᐧᐠ, 0 ᑮ ᒫᔦᔨᐦᑕᒪᐁᐧᐤ ᐊᓂᐦᐃ ᑳ ᑭᑎᒪᐦᑖᓱᔨᐟ ᒦᓇ ᑮ ᑑᑕᒨᐦᐁᐤ ᑭᑕ ᐸᐹᒫᒋᐦᐅᔨᐟ ᐸᑲᐧᑕᐢᑮᕽ. ᒫᑲ ᑮ ᐸᐢᐲᐦᐁᐤ ᐊᓂᐦᐃ ᑳ ᑭᑎᒫᑭᓯᔨᐟ ᐅᑖᔨᒥᓯᐃᐧᓂᔨᕽ ᐅᐦᒋ, ᐁᑲᐧ ᑮ ᐃᑕᑭᒣᐤ ᐆᐦᐃ ᑭᑕ ᔭᐦᑮᒧᔨᐟ ᑖᐱᐢᑰᐨ ᒫᔭᑎᐦᑲᐧ. PSA.indd 0//0 :00:0 PM

50 ᓂᑲᒧᐃᐧᓇ 0, 0, ᑳ ᑲᐧᔭᐢᐠ ᐃᑖᑎᓯᒋᐠ ᐋᐧᐸᐦᑕᒪᐧᐠ ᐆᒪ ᒦᓇ ᒥᔦᐧᔨᐦᑕᒪᐧᐠ, ᒫᑲ ᐅᒪᒑᑎᓴᐠ ᑭᐳᑐᓀᐦᐋᐧᐊᐧᐠ. ᐊᐃᐧᔭᐠ ᑳ ᐃᔨᓃᓯᐟ ᑭᔮᒼ ᑭᑕ ᒫᒥᑐᓀᔨᐦᑕᒼ ᐆᐦᐃ ᑮᑲᐧᔭ ᐁᑲᐧ ᑕ ᓈᑲᑌᔨᐦᑕᒼ ᑳ ᑎᐯᔨᐦᒋᑫᔨᐟ ᑳᑭᑫ ᐅᓵᑭᐦᐃᐁᐧᐃᐧᓂᔨᐤ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ. ᓂᑲᒧᐃᐧᐣ 0 ᑳ ᑎᐯᔨᐦᒋᑫᐟ ᐅᓇᐊᐧᓲᓈᑲᓇ ᐅᓂᑲᒧᐣ ᑌᐱᐟ (David) ᑳ ᑎᐯᔨᐦᒋᑫᐟ ᐃᑌᐤ ᓂᑎᐯᔨᐦᒋᑫᒪ, «ᐊᐱ ᐆᑕ ᓂᑭᐦᒋᓂᐢᑫᔨᕽ ᐃᔨᑯᕽ ᑳ ᒫᔦᔨᒥᐢᑭᐠ ᓵᑰᒌᐢᑕᒫᑖᓂ.» ᑳ ᑎᐯᔨᐦᒋᑫᐟ ᑭᑲ ᐄᐧ ᒥᔨᐠ ᑭᐦᒋ ᓲᐦᑭᓯᐃᐧᐣ ᓵᔭᓂᕽ (Zion) ᐅᐦᒋ ᐋᐧᓴᑳᒼ ᐃᓯ. «ᑎᐯᔨᒥᐠ ᐊᓂᑭ ᑳ ᒫᔦᔨᒥᐢᑭᐠ,» ᐃᑌᐧᐤ. ᑭᑎᔨᓃᒪᐠ ᑭᑲ ᐄᐧᒋᐦᐃᑲᐧᐠ ᓭᒫᐠ ᐊᓂᒪ ᑮᓯᑳᐤ ᓅᑎᓇᑖᐧᐃᐧ ᑳ ᒫᔦᔨᒥᐢᑭᐠ. ᑖᐱᐢᑰᐨ ᑳ ᐋᑰᓯᐯᔮᐠ ᐁ ᑮᑭᓭᐹᔮᐠ, ᐅᐢᑭᓃᑭᐊᐧᐠ ᑭᑲ ᐯ ᐄᐧᒉᑲᐧᐠ ᐊᐧᒌᕽ ᑳ ᑲᓈᑌᔨᐦᑖᑲᐧᕽ. c ᑳ ᑎᐯᔨᐦᒋᑫᐟ ᑮ ᐊᓱᑕᒫᑫᐤ ᐁᑳᔭ ᑭᑕ ᑳᐃᐧ ᐅᑎᓂᑫᐟ: «ᑭᔭ ᐅᑕᔭᒥᐦᐁᐃᐧᔨᓂᐤ ᑳᑭᑫ, ᐯᔭᑲᐧᐣ ᐃᑐᐊᐧᕽ ᒣᓬᑭᓯᑌᐠ (Melchizedek).» ᑳ ᑎᐯᔨᐦᒋᑫᐟ ᑭᑭᐦᒋᓂᐢᑭᕽ ᐊᔮᐤ; ᐃᐢᐲᕽ ᑭᓯᐋᐧᓯᒋ ᑭᑕ ᓵᑰᒋᐦᐁᐤ ᑭᐦᒋ ᐅᑭᒫᐊᐧ ᑭᑕ ᐃᐧᔭᓯᐋᐧᑌᐤ ᐊᔨᓯᔨᓂᐊᐧ ᐁ ᐃᑕᐦᑑᐢᑳᓀᓯᔨᐟ ᒦᓇ ᑭᑕ ᓯᓭᐧᐁᐧᐱᓀᐤ ᒥᐦᒉᐟ ᑳ ᓂᐱᔨᐟ; ᑭᑕ ᓵᑰᒋᐦᐁᐤ ᑭᐦᒋ ᐅᑭᒫᐊᐧ ᐱᑯ ᐃᑌ ᐆᑕ ᐊᐢᑮᕽ. ᐊᐊᐧ ᑭᐦᒋ ᐅᑭᒫᐤ ᑭᑕ ᒥᓂᐦᑫᐧᐤ ᓰᐲᓯᓯᕽ ᐅᐦᒋ ᒌᑭ ᒣᐢᑲᓈᕽ, ᐁᑲᐧ ᓭᓵᐃᐧᒪᐦᒋᐦᐅᒋ ᑭᑕ ᓵᑯᐦᑖᐧᐃᐧᑳᐸᐃᐧᐤ. ᓂᑲᒧᐃᐧᐣ ᑳ ᑎᐯᔨᐦᒋᑫᐟ ᒪᒥᐦᒋᒥᕽ ᑭᔭ, ᑳ ᑎᐯᔨᐦᒋᑫᔭᐣ, ᑭᔭ ᐱᑯ, ᐁᑲᐧ ᓇᒨᔭ ᓂᔭᓈᐣ, ᒫᑲ ᑭᔭ ᐱᑯ ᑭᑕ ᑭᐢᑌᔨᒥᑖᕽ ᐊᔨᐢᐠ ᑭᓵᑭᐦᐃᐁᐧᐃᐧᐣ ᐁᑳᔭ ᐄᐧᐦᑳᐨ ᑳ ᑮᓯᐱᐸᔨᐠ ᐁᑲᐧ ᑭᒪᒥᓰᐋᐧᑎᓯᐃᐧᐣ. ᑖᓀᐦᑭ ᐊᔨᓯᔨᓂᐊᐧᐠ ᐁ ᐃᑕᐦᑑᐢᑳᓀᓯᒋᐠ ᑳ ᑲᑫᐧᒋᒥᑯᔮᐦᑯᐠ, «ᑖᓂᐋᐧ ᑭᒪᓂᑑᒥᐋᐧᐤ?» PSA.indd 0//0 :00:0 PM

51 ᓂᑲᒧᐃᐧᐣ ᓂᑭᓭ ᒪᓂᑑᒥᓈᐣ ᑭᐦᒋ ᑮᓯᑯᕽ ᐊᔮᐤ; ᐱᑯ ᐃᓯ ᐁ ᐄᐧ ᑑᑕᕽ ᑑᑕᒼ. ᐅᒪᓂᑑᐦᑳᓂᐋᐧᐊᐧ ᐋᐧᐱᐢᑭ ᓲᓂᔮᐊᐧ ᐅᐦᒋ ᐊᓯᒋ ᐅᓵᐃᐧ ᓲᓂᔮᐊᐧ ᐅᐦᒋ, ᐁᐊᐧᑯᓂᐠ ᐆᑭ ᐁ ᒧᐢᒋ ᐅᓰᐦᐃᐦᒋᐠ. ᐁ ᐅᑑᓂᔨᐟ ᒫᑲ ᓇᒫᐧᐨ ᐲᑭᐢᑫᐧᔨᐊᐧ; ᐁ ᐅᐢᑮᓯᑯᔨᐟ ᒫᑲ ᓇᒫᐧᐨ ᐋᐧᐱᔨᐊᐧ. ᐁ ᐅᐦᑕᐊᐧᑳᔨᐟ ᒫᑲ ᓇᒫᐧᐨ ᐯᐦᑕᒥᔨᐊᐧ; ᒦᓇ ᐁ ᐅᐢᑭᐊᐧᓂᔨᐟ ᒫᑲ ᓇᒫᐧᐨ ᐸᓱᔨᐊᐧ. ᐁ ᐅᒋᐦᒋᔨᐟ ᒫᑲ ᓇᒫᐧᐨ ᒨᓯᐦᑖᔨᐊᐧ, ᒦᓇ ᐁ ᐅᓯᑎᔨᐟ ᒫᑲ ᓇᒫᐧᐨ ᐱᒧᐦᑌᔨᐊᐧ; ᓇᒫᐧᐨ ᑮ ᐯᐦᑖᑯᓯᔨᐊᐧ ᐅᑯᐦᑖᑲᓂᔨᕽ. ᐊᓂᑭ ᑳ ᑮ ᐅᓰᐦᐋᒋᐠ ᒦᓇ ᐊᓂᑭ ᑳ ᒪᒥᓰᒋᐠ ᓇᐢᐱᑕᐁᐧᐊᐧᐠ ᐊᓂᐦᐃ ᒪᓂᑑᐦᑳᓇ ᑳ ᑮ ᐅᓰᐦᐋᒋᐠ. ᒪᒥᓰᑐᑖᕽ ᑳ ᑎᐯᔨᐦᒋᑫᐟ, ᑭᔭᐋᐧᐤ ᐊᔨᓯᔨᓃᑎᐠ ᐃᐢᕒᐁᐃᓬ (Israel) ᐅᐦᒋ. ᑭᐄᐧᒋᐦᐃᑯᐋᐧᐤ ᒦᓇ ᑭᑲᓇᐁᐧᔨᒥᑯᐋᐧᐤ. 0 ᒪᒥᓰᑐᑖᕽ ᑳ ᑎᐯᔨᐦᒋᑫᐟ, ᑭᔭᐋᐧᐤ ᑭᓭ ᒪᓂᑐᐤ ᐅᑕᔭᒥᐦᐁᐃᐧᔨᓂᐊᐧ. ᑭᐄᐧᒋᐦᐃᑯᐋᐧᐤ ᒦᓇ ᑭᑲᓇᐁᐧᔨᒥᑯᐋᐧᐤ. ᒪᒥᓰᑐᑖᕽ ᑳ ᑎᐯᔨᐦᒋᑫᐟ, ᑲᐦᑭᔭᐤ ᑭᔭᐋᐧᐤ ᑳ ᒪᐃᐧᒧᐢᑕᐋᐧᔦᐠ. ᑭᐄᐧᒋᐦᐃᑯᐋᐧᐤ ᒦᓇ ᑭᑲᓇᐁᐧᔨᒥᑯᐋᐧᐤ. ᑳ ᑎᐯᔨᐦᒋᑫᐟ ᑭᑭᐢᑭᓯᑐᑖᑯᓇᐤ ᐁᑲᐧ ᑭᑲ ᓴᐁᐧᔨᒥᑯᓇᐤ; ᑭᑕ ᓴᐁᐧᔨᒣᐤ ᐊᔨᓯᔨᓂᐊᐧ ᐃᐢᕒᐁᐃᓬ ᐅᐦᒋ ᐁᑲᐧ ᑲᐦᑭᔭᐤ ᑭᓭ ᒪᓂᑐᐤ ᐅᑕᔭᒥᐦᐁᐃᐧᔨᓂᐊᐧ. ᑭᑕ ᓴᐁᐧᔨᒣᐤ ᑕᐦᑐ ᐊᓂᐦᐃ ᑳ ᒪᐃᐧᒧᐢᑖᑯᐟ, ᐊᓂᐦᐃ ᑳ ᑭᐦᒉᔨᐦᑖᑯᓯᔨᐟ ᒦᓇ ᐲᐃᐧᔨᓂᐊᐧ. ᑳ ᑎᐯᔨᐦᒋᑫᐟ ᑭᑲ ᐄᐧ ᒥᔨᑯᐋᐧᐤ ᒥᐦᒉᑑᓭᐃᐧᐣ, ᑭᔭᐋᐧᐤ ᒦᓇ ᐊᐩ ᐋᓂᐢᑫ ᑭᑕᐋᐧᓯᒥᓯᐋᐧᐊᐧ. ᑭᑲ ᐄᐧ ᓴᐁᐧᔨᒥᑯᐋᐧᐤ ᑳ ᑎᐯᔨᐦᒋᑫᐟ, ᑳ ᑮ ᐅᓰᐦᑖᐟ ᑭᐦᒋ ᑮᓯᐠ ᒦᓇ ᐊᐢᑭᐩ! ᐃᐧᔭ ᑎᐯᔨᐦᑕᒼ ᑳ ᑎᐯᔨᐦᒋᑫᐟ ᑭᐦᒋ ᑮᓯᐠ, ᒫᑲ ᑮ ᒥᔦᐤ ᐊᔨᓯᔨᓂᐊᐧ ᐆᒪ ᐊᐢᑭᐩ. ᓇᒫᐧᐨ ᐅᓂᐱᐊᐧᐠ ᑳᒫᐧᑕᓄᕽ ᑳ ᐊᔮᒋᐠ ᒪᒥᐦᒋᒣᐊᐧᐠ ᑳ ᑎᐯᔨᐦᒋᑫᔨᐟ. ᒫᑲ ᑭᔮᓇᐤ ᑳ ᐱᒫᑎᓯᔭᕽ ᑭᑲ ᒪᒥᐦᒋᒫᓇᐤ ᐊᓄᐦᐨ ᒦᓇ ᑳᑭᑫ. ᒪᒥᐦᒋᒥᕽ ᑳ ᑎᐯᔨᐦᒋᑫᐟ! PSA.indd 0//0 :00:0 PM