ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ Roundnose Grenadier ᖑᓂᕋᖅᑕᐅᔪᑦ ᑐᑭᓯᓂᐊᕈᑕᐅᓂᖏᑦ ᐃᓕᔭᐅᓂᐊᕐᒪᖔᑕ ᒪᓕᒐᕐᓄᑦ ᑕᐃᔭᐅᔪᓄᑦ ᐆᒪᔪᐃᑦ ᐅᓗᕆᐊᓇᖅᑐᒦᓕᕐᓂᖏᓐᓄᑦ ᒪᓕᒐᖅᑎᒍᑦ ᖃᐅᔨᒪᑎᑦᑎᒋᐊᕈᑏᑦ ᓇᐃᓈᖅᑕᐅᓯᒪᔪᑦ ᐊᐱᖁᑏᓪᓗ ᑐᑭᓯᓂᐊᕈᑕᐅᓂᐊᖅᑐᑦ ᐃᓕᔭᐅᓂᐊᕐᒪᖔᑦ ᐃᓕᔭᐅᓇᔭᕐᓂᖏᓐᓂᒃ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ Roundnose Grenadier ᖑᓂᕋᖅᑕᐅᔪᑦ ᒪᓕᒐᕐᓄᑦ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓄᑦ ᒪᓕᒐᕐᓄᑦ ᑕᐃᔭᐅᓂᐊᖅᑐᓂᒃ ᐊᒥᓲᖏᓗᐊᓕᕐᓂᕐᒥᒃ ᔭᓄᐊᕆ 15-ᒥᒃ ᒫᔾᔨ 15, 2015-ᒧᑦ ᑐᑭᓯᓂᐊᕈᑕᐅᓂᖏᑦ ᐃᓱᒪᒋᔭᐃᑦ ᑐᓴᖅᑕᐅᑎᒍᒃ ᑲᓇᑕᐅᑉ ᒪᓕᒐᖓ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓄᑦ ᒪᓕᒐᐃᑦ ᒪᓕᒐᖅᑎᒍᑦ ᓴᐳᓐᓂᐊᖅᓯᔾᔪᑕᐅᔪᑦ ᐆᒪᔪᓂᒃ ᐅᓗᕆᐊᓇᖅᑐᒦᓕᖅᑐᓂᒃ ᐱᑕᖃᐃᓐᓇᕈᓐᓇᕐᓂᖏᓐᓂ ᐆᒪᔪᐃᑦ. ᐃᓕᑕᕆᔭᐅᒋᕗᑦ ᑕᒪᕐᒥᒃ ᑲᓇᑕᒥᐅᑦ ᐃᓚᒋᔭᐅᓂᖏᓐᓂᒃ ᓴᐳᓐᓂᐊᖅᑎᐅᖃᑕᐅᓂᖅ ᐆᒪᔪᓂᒃ. ᐃᓱᒪᓕᐅᕈᑕᐅᓚᐅᖏᓐᓂᖏᓐᓂ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᒪᓕᒐᕐᓄᑦ ᑎᑎᕋᖅᑕᐅᓯᒪᖃᑦᑕᖅᑐᓄᑦ ᐊᑖᒍᑦ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓄᑦ ᒪᓕᒐᕐᓄᑦ, ᐃᓕᔅᓯᓐᓂᒃ ᑐᓴᕈᒪᔪᒍᑦ ᐃᓱᒪᒋᔭᔅᓯᓐᓂᒃ, ᐅᖃᐅᓯᒃᓴᔅᓯᓐᓂᒃ, ᐃᓱᒪᒋᔭᐅᖁᔭᔅᓯᓐᓂᒡᓗ ᐱᔾᔪᑎᖃᕈᓐᓇᖅᑐᓂᒃ ᐊᕙᑎᖏᓐᓂᒃ, ᐃᓕᖅᑯᓯᑐᖃᖅᓯᓐᓂᒃ, ᐃᓄᔾᔪᑎᒃᓴᕆᕙᒃᑕᔅᓯᖏᓐᓂᒡᓗᓐᓃᑦ ᐃᓕᔭᐅᓇᔭᖅᐸᑦ ᐃᓕᔭᐅᓇᔭᖏᐸᑕᓗᓐᓃᑦ ᒪᓕᒐᕐᓄᑦ ᑖᒃᑯᐊ ᐃᒪᕐᒥᐅᑕᐃᑦ. ᐃᓚᔭᐅᓂᖏᑦ ᐆᒪᔪᐃᑦ ᒪᓕᒐᕐᓄᑦ ᑎᑎᖃᖁᑎᒋᔭᐅᔪᓄᑦ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓄᑦ... ᐱᐅᓯᕆᔭᐅᕙᒃᑐᑦ ᐃᓕᓯᖃᑦᑕᕐᓂᖅ ᐆᒪᔪᓂᒃ ᒪᓕᒐᕐᓄᑦ ᐊᑖᒍᑦ ᐆᒥᐊᔪᐃᑦ ᐊᒥᓲᖏᓗᐊᓕᕐᓂᖏᓐᓂᒃ, ᐊᒥᓱᒐᓴᖕᓂᒃ ᐱᓕᕆᐊᖑᕙᓪᓕᐊᖃᑕᖅᐳᖅ: ᐱᒋᐊᕈᑎᖃᓲᑦ ᖃᓄᐃᓕᖓᓕᕐᓂᖏᓐᓂᒃ ᖃᐅᔨᓴᖅᑕᐅᓂᖅ ᑲᑎᒪᔨᕋᓛᓄᑦ ᖃᓄᐃᓕᖓᓕᕐᓂᖏᓐᓄᑦ ᐊᒥᓱᖏᓗᐊᓕᖅᑐᑦ ᐆᒪᔪᐃᑦ ᑲᓇᑕᒥ (ᐊᒥᓲᖏᓗᐊᕐᓂᖏᓐᓄᑦ ᑲᑎᒪᔩᑦ) ᐱᔭᕇᕈᑎᖃᖃᑦᑕᖅᓱᑎᒃ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᓱᒪᓕᐅᕈᑕᐅᖃᑕᕐᓂᖅ ᖃᓄᐃᓕᓂᐊᕐᒪᖔᑕ ᐃᓕᔭᐅᓗᑎᒃ ᐃᓕᔭᐅᓐᖏᓗᑎᒡᓗᓐᓃᑦ ᐅᒪᔪᐃᑦ ᑎᑎᕋᕈᑕᐅᓯᒪᓂᖏᓐᓄᑦ ᒪᓕᒐᖅᑎᒍᑦ. ᐃᓄᓕᒫᑕᐅᖅ ᑐᑭᓯᓂᐊᕐᕕᐅᓂᐊᕐᒥᔪᑦ ᑲᑎᖅᓱᖅᑕᐅᔪᒪᓗᑎᒃ ᐃᓱᒪᒋᔭᐅᔪᑦ ᐱᒻᒪᕆᐊᓗᖕᒥᓗ ᐃᓚᒋᔭᐅᓗᑎᒃ ᑕᒪᒃᑯᓄᖓ ᐊᑐᖅᑕᐅᕙᓪᓕᐊᓂᐊᖅᑐᓄᑦ ᐱᓕᕆᐊᖑᔭᕆᐊᖃᖅᑐᓄᑦ. ᓱᓕᔪᑦ ᐱᔾᔪᑎᓖᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ (ᑕᑯᑎᑦᑎᔾᔪᑦ 1) ᐃᓚᒋᔭᐅᔪᑦ ᓴᓇᓯᒪᓂᖏᑦ ᑕᐃᒃᑯᓄᖓ ᐃᖃᓗᖕᓄᑦ ᑕᐃᔭᐅᔪᓄᑦ Macrouridae-ᓄᑦ, ᑕᐃᔭᐅᒐᔪᖕᒥᔪᓂᒃ ᖃᓗᓈᑎᑐᑦ rattails -ᓂᒃ. ᑖᒃᑯᐊ ᐃᒪᕐᒥ ᐊᑦᓚᓐᑎᒃ ᑕᕆᐅᕌᓗᐊᑕ ᐅᐊᖕᓇᖓᓂ ᐊᒻᒪᓗ ᑲᓇᑕᒥ ᐃᒪᖁᑎᖏᓐᓂᒃ ᑕᐅᕙᖓᑦ ᐱᒋᐊᕐᓗᒋᑦ ᔾᔪᐊᔾᔨᐅᑉ ᐃᒪᖏᓐᓂᒃ (ᑲᓇᖕᓇᖅᐸᓯᐊᓂᒃ ᑮᑉ ᑳᑦ, ᓂᒋᐊᓂ ᓅᕙ ᔅᑰᓯᐊᑉ) ᐅᐊᖕᓇᖅᐸᓯᖕᒧᑦ ᑕᒃᐸᐅᖓ ᕿᑭᖅᑖᓘᑉ ᐊᑯᑭᑦᑐᓪᓗ ᐱᒋᐊᖅᑎᑕᐅᔪᒪᔪᑦ ᐃᓕᔭᐅᖁᔭᐅᓂᖅ ᑖᑯᐊ ᐃᒪᕐᒥᐅᑦᑕᐃᑦ ᐅᓗᕆᐊᓇᖅᑐᒦᓂᖏᓐᓄᑦ ᒪᓕᒐᕐᓄᑦ ᐃᓕᑕᕆᔭᐅᒪᓕᕐᓗᑎᒃ: ᐊᒥᓱᖏᓗᐊᓕᕐᓂᕐᒥᒃ ᑲᑎᒪᔨᕋᓛᓄᑦ ᐱᔾᔪᑕᐅᔪᑦ ᑎᑯᐊᖅᐊᑕᐅᖁᔨᓂᕐᒧᑦ: ᖃᐅᔨᓴᖅᑕᐅᓯᒪᔪᑦ ᑐᑭᓯᓇᖅᓯᔪᑦ ᐱᑕᖃᑦᑎᐊᕈᓐᓂᓚᐅᕐᓂᖏᓐᓂᒃ 98% ᐳᓴᓐᑎᓗᐊᓂᒃ ᑕᐃᒪᖓᑦ ᐃᓐᓇᐅᓂᖏᓐᓂᒃ 1978-ᒥᒃ 1994-ᒧᑦ ᐊᒻᒪ ᓱᓕᒃᑲᓐᓂᖅ ᐊᕐᕋᒍᖏᓐᓂᒃ 1995-ᒥᒃ 2003-ᒧᑦ. ᐊᒥᓲᓂᖅᓴᐃᑦ ᓇᑎᐊᓃᖃᑦᑕᕋᓗᐊᕐᒪᑕ ᑕᕆᐅᕋᓗᖕᒥ ᐃᖅᑲᖓᓂ, ᓇᓗᓇᕈᑕᐅᓪᓗᑎᒡᓗ ᖃᐅᔨᓴᖅᑕᐅᓯᒪᔪᒐᓗᐊᓂᒃ, ᑕᒪᒃᑯᐊ ᐱᐅᓂᖅᐹᖑᓪᓗᑎᒃ ᐊᑐᐃᓐᓇᖕᒪᑕ ᖃᐅᔨᒪᔾᔪᑎᒃᓴᐅᓂᕐᒧᑦ ᖃᐅᔨᓴᖅᑕᐅᓂᖏᓐᓄᑦ ᐃᒪᕐᒥᐅᑕᐃᑦ. ᑕᒪᒃᑯᐊ ᐊᑯᓂᐊᓗᒃ ᐆᒪᔪᔪᓐᓇᖃᑦᑕᖅᑐᑦ, ᐱᕈᐊᓂᒃᓴᕋᐃᖏᑦᑐᓪᓗᑎᒡᓗ, ᐅᓗᕆᐊᓇᖅᑐᒦᓴᐃᔾᔪᑎᒋᔭᖓᑦ ᐃᓄᐃᑦ ᐱᓕᕆᔨᖏᓐᓄᑦ ᑐᖁᕋᕈᑕᐅᔪᓐᓇᖃᑕᕐᓂᖅ.
ᐊᑯᓐᓂᖏᓐᓂ ᐃᒪᕐᓂ (ᐅᐊᖕᓇᖓᓂ ᓚᐸᑐᐊᕆᑉ) ᑕᑯᑎᑦᑎᔾᔪᑦ ᐃᖃᓪᓕᐊᖅᑕᐅᑦᑕᐃᓕᒪᑎᑕᐅᓯᒪᔪᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᑕᐅᕙᓂ ᐊᑦᓚᓐᑎᒃᑯᑦ ᐅᐊᖕᓇᖓᓂ ᐃᖃᓗᓐᓂᐊᖅᑏᑦ ᑲᑐᔾᔨᖃᑎᒌᖏᓐᓄᑦ, ᐃᒪᕐᓂᒃ ᓈᓴᐅᑎᓕᖕᓂ 0, 2, ᐊᒻᒪᓗ 3-ᒥ ᑕᐃᒪᖓᓂᒃ 1997-ᒥ. ᑭᓯᓂᐊᓕᑦᑕᐅᖅ, ᑖᒃᑯᐊ ᐱᑕᖅᑕᐅᓇᓱᖏᓐᓂᖏᓐᓂᒃ ᐱᑕᖅᑕᐅᖃᑕᕐᕆᕗᑦ ᐃᑎᔪᓂᒃ ᐃᖃᓗᒃᓯᐅᖅᑎᐅᔪᓂ, ᐱᓗᐊᖅᑐᒥᒃ ᑕᐃᒃᑯᓂᖓ ᐱᓇᓱᐊᖅᐸᖕᓂᖏᓐᓂᒃ ᐊᑯᑭᑦᑐᐃᑦ ᖃᓂᒋᔭᖏᓐᓂ ᓇᑖᕐᓇᕐᓂᐊᖅᑐᓂᒃ. ᑎᒃᑯᐊᖅᓯᖃᑦᑕᖅᓱᑎᒃ ᑕᒪᒃᑯᐊ ᒪᓕᒐᖅᑎᒍᑦ ᐃᓕᑕᕆᔭᐅᔾᔪᑎᖃᕐᓂᐊᓕᖅᑐᓂᒃ. ᑲᑎᒪᔨᕋᓛᑦ ᖃᐅᔨᓴᖅᑕᐅᑎᑦᑎᖃᑦᑕᖅᑐᑦ ᐊᑐᖅᓱᑎᒃ ᐱᐅᓂᖅᐹᓂᒃ ᐊᑐᐃᓐᓇᐅᔪᓂᒃ ᖃᐅᔨᒪᔾᔪᑎᒃᓴᐅᔪᓂᒃ ᐃᓚᖃᖅᓱᑎᒃ ᖃᐅᔨᓴᖅᑎᓄᑦ ᖃᐅᔨᒪᔭᐅᓕᖅᑐᓂᒃ ᑲᑎᖅᓱᖅᑕᐅᓯᒪᔪᓂᒃ, ᓄᓇᓕᖕᓂ ᖃᐅᔨᒪᔭᐅᔪᑐᖃᐅᓂᖏᓐᓂᒃ ᐊᕙᑎᖏᓪᓗ ᐆᒪᔪᐃᓪᓗ, ᓄᓇᖃᐃᓐᓇᖅᑐᓪᓗ ᖃᐅᔨᒪᔭᑐᖃᖏᓐᓂᒃ. ᑲᑎᒪᔨᕋᓛᑦ ᖃᐅᔨᓴᓚᐅᖅᐳᑦ ᖃᓄᐃᓕᖓᓂᖏᓐᓂᒃ ᐅᐊᖕᓇᖅᐸᓯᖓᑕ ᐱᖓᖕᓇᖓᓂ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᐱᑕᖃᕐᓂᖏ ᑲᓇᑕᒥ, ᐊᒥᓲᖏᓗᐊᓕᕐᓂᕐᒥᒃ ᐅᓗᕆᐊᓇᖅᑐᒦᓕᕐᓂᖅ ᐊᒥᓲᖏᓗᐊᓕᕐᓂᕐᒥᒃ, ᓄᕕᐱᕆ 2008-ᒥ. ᑕᑯᑎᑦᑎᔾᔪᑦ 1. ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᓲᒐᒥᓕ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᑐᑭᓕᐅᕈᑕᐅᓯᒪᕙᑦ ᐅᓗᕆᐊᓇᖅᑐᓕᕆᓂᕐᒥᒃ ᐱᓕᕆᐊᖑᕙᒃᑐᓂ? ᑲᑎᒪᔨᕋᓛᑦ ᐃᓱᒪᑖᓚᐅᖅᑐᑦ ᑐᖁᕋᖅᐸᓪᓕᐊᓂᖏᑦ ᐱᑕᖅᑕᐅᓇᓱᖏᒃᑲᓗᐊᖅᑐᓂᒃ ᐱᑕᖅᑕᐅᖃᑕᕐᓂᖏᑦ ᐃᑎᔪᒥᒃ ᐃᖃᓗᒃᓯᐅᖅᑎᓄᑦ ᐱᒻᒪᕆᐅᓂᖅᐹᒥᒃ ᐅᓗᕆᐊᓇᕈᑕᐅᓂᖏᓐᓂᒃ ᐱᑕᖃᐃᓐᓇᕈᓐᓇᕐᓂᖏᓐᓄᑦ ᐆᒐᑯᑖᑦ ᐃᑎᓐᓂᒻᒪᕆᖕᒥᓲᑦ. ᑖᒃᑯᐊ ᐃᒪᕐᒥᐅᑕᐃᑦ ᐱᓗᐊᖅᑐᒥᒃ ᐅᓗᕆᐊᓇᖅᑐᒦᑐᓐᓇᕐᒪᑕ ᐊᒥᓱᕈᖅᐸᓪᓕᐊᓴᕋᐃᖏᓂᖏᓐᓄᑦ, ᐱᕈᐊᓂᖕᓇᓵᖃᑕᕐᓂᖏᓐᓄᑦ ᐊᒻᒪᓗ ᐊᕐᕋᒍᑕᒪᖅ ᐊᒥᓲᖏᑐᓂᒃ ᓱᕙᖃᓕᖃᑦᑕᕐᓂᖏᓐᓄᑦ. ᑕᑯᑎᑦᑎᔾᔪᑦ 2. ᓄᓇᕐᔪᐊᕐᒥ ᐱᑕᖃᖃᑕᕐᓂᖏᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ (ᑲᑎᒪᔨᕋᓛᑦ ᖃᓄᐃᓕᖓᓕᕐᓂᖏᓄᑦ ᐅᓗᕆᐊᓇᖅᑐᒦᓕᖅᑐᑦ ᐆᒪᔪᐃᑦ COSEWIC 2008). ᑭᓇᒃᑯᑦ ᑎᒃᑯᐊᖅᓯᓯᒪᖕᒪᑕ ᑕᐃᔭᐅᔪᒥᒃ ᐊᒥᓲᖏᓗᐊᓕᕐᓂᕋᐃᓂᕐᒥᒃ ᖃᓄᐃᓕᖓᓂᖏᓐᓂᒃ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᐅᓗᕆᐊᓇᖅᑐᒦᓂᖏᓐᓂᒃ? ᑲᑎᒪᔨᕋᓛᑦ ᖃᓄᐃᓕᖓᓕᕐᓂᖏᓐᓄᑦ ᐊᒥᓲᖏᓗᐊᓕᖅᑐᑦ ᐆᒪᔪᐃᑦ ᐃᖕᒥᒍᑦ ᐊᐅᓚᑦᑎᓪᓗᑎᒃ ᖃᐅᔨᒪᔨᑕᕆᔭᐅᕗᑦ ᖃᐅᔨᓴᖃᑕᖅᑐᑦ ᑎᒃᑯᐊᖅᓯᖃᑦᑕᖅᓱᑎᒡᓗ ᐆᒪᔪᐃᑦ ᓇᓪᓕᐊᖕᓂᒃ ᐃᓚᖏᓐᓂᒃ ᐱᑕᖃᕈᓐᓃᑐᐃᓇᕆᐊᖃᓕᖅᑐᓂᒃ ᑲᓇᑕᒥ, ᐆᒪᔪᐃᑦ ᐃᒪᕐᒥᐅᑕᐃᑦ ᐃᓕᔭᐅᒍᑎᒃ ᒪᓕᒐᕐᓄᑦ ᐊᑖᒍᑦ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓄᑦ ᒪᓕᒐᕐᓄᑦ... ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᐃᓕᔭᐅᒍᑎᒃ ᒪᓕᒐᕐᓄᑦ, ᐃᓕᑕᕆᔭᐅᓂᕐᒥᒃ ᐊᔾᔨᐅᖏᑦᑐᒥᒃ ᐃᓱᒪᓘᑕᐅᓂᖅ, ᑕᐃᒃᑯᐊ ᐊᔪᕐᓇᕈᑕᐅᔪᑦ (ᓲᕐᓗ ᐆᒃᑑᑎᒋᓗᒋᑦ, ᑐᖁᑕᐅᑦᑕᐃᓕᒪᓂᖏᑦ, ᐋᓐᓂᖅᑕᐅᑦᑕᐃᓕᒪᓂᖏᑦ, ᐱᑕᖅᑕᐅᑦᑕᐃᓕᒪᓂᖏᓪᓗ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᒪᓕᒐᖅᑎᒍᑦ ᐆᒪᔪᐃᑦ ᐊᒥᓱᖏᓗᐊᓕᕐᓂᖏᓐᓄᑦ ᐊᑐᓕᕋᔭᖏᑦᑐᑦ. ᑭᓯᐊᓂ, ᐃᓕᔭᐅᒍᑎᒃ ᒪᓕᒐᕐᓄᑦ, ᓴᕿᑎᑦᑎᔪᖃᕆᐊᖃᕐᓂᐊᖅᐳᖅ ᐱᑕᖃᐃᓐᓇᕆᐊᕈᑎᒃᓴᖏᓐᓄᑦ ᐊᒻᒪᓗ ᐊᐅᓚᑕᐅᓂᖏᓐᓄᑦ ᐸᕐᓇᐅᑎᓂᒃ ᐃᓚᖃᕐᓂᐊᖅᑐᓂᒃ ᓴᐳᓐᓂᐊᖅᑕᐅᔾᔪᑎᒃᓴᖏᓐᓂᒃ ᑖᒃᑯᐊ ᐃᒪᕐᒥᐅᑕᐃᑦ.
ᐅᖃᐅᓯᒃᓴᔅᓯᓐᓂᒃ ᑐᓂᔭᐅᔪᒪᔪᒍᑦ ᐃᓕᔅᓯᓐᓂᒃ ᐊᒃᑐᖅᑕᐅᓯᒪᓇᔭᕐᓂᖅ ᐃᓚᔭᐅᒍᑎᒃ ᐃᓚᔭᐅᓇᔭᖏᒃᑯᑎᒡᓗᓐᓃᑦ ᐆᒐᐃᑦ ᐃᑎᓂᒻᒪᕆᖕᒦᓲᑦ ᒪᓕᒐᕐᓄᑦ ᐆᒪᔪᐃᑦ ᐅᓗᕆᐊᓇᖅᑐᒦᓕᕐᓂᖏᓐᓂᒃ ᐊᑖᒍᑦ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓄᑦ ᒪᓕᒐᖅᑎᒍᑦ, ᑕᐃᔭᐅᓗᑎᒃ ᐊᔾᔨᐅᖏᑦᑐᒥᒃ ᐃᓱᒪᓘᑕᐅᓕᕐᓂᕐᒥᒃ. ᐅᖃᐅᓯᒃᓴᔭᕋᔅᓯ ᐱᒻᒪᕆᐅᖕᒪᑕ. ᐊᑏᑐᖅ ᑕᑕᑎᕐᓂᐊᖅᐸᐃᑦ ᐊᐱᖁᑎᒃᓴᖃᕐᕕᐅᓂᖓ ᑎᑎᕋᕐᕕᒃᓴᖅ. ᐃᓕᔅᓯᓐᓂᒃ ᑐᓴᕈᒪᔪᒍᑦ. ᐊᔾᔨᖏᓐᓂᒃ ᐱᑕᖃᖅᑐᖅ 2007-ᒥ ᑲᑎᒪᔨᕋᓛᓄᑦ ᖃᓄᐃᓕᖓᓕᕐᓂᖏᓐᓄᑦ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓂᒃ ᑲᓇᑕᒥ ᖃᐅᔨᓴᖅᓯᒪᔭᖏᓐᓂᒃ ᐊᒻᒪᓗ ᖃᓄᐃᓕᖓᓕᕐᓂᖏᓐᓂᒃ ᐅᓂᒃᑳᓕᐊᖏᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᐊᒻᒪᓗ ᐊᓯᖏᑦ ᐱᔭᒃᓴᐅᒋᓪᓗᑎᒃ. ᑐᑭᓯᓂᐊᕐᕕᖓᓐᓂ ᐃᓄᓕᒫᓄᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕕᖓᓂ ᐅᕙᓂ www.sararegistry.gc.ca. ᑲᑎᒪᔨᕋᓛᑦ ᖃᓄᐃᓕᖓᓕᕐᓂᖏᓐᓄᑦ ᐆᒪᔪᐃᑦ ᐊᒥᓲᖏᓗᐊᓕᕐᓂᖏᓐᓄᑦ ᑲᓇᑕᒥ-COSEWIC-ᑯᑦ 20038. ᑖᒃᑯᐊ ᑲᑎᒪᔨᕋᓚᑦ ᖃᐅᔨᓴᖅᓯᒪᔭᖏᑦ ᓄᑖᓂᒡᓗ ᖃᓄᐃᓕᖓᓕᕐᓂᖏᓐᓂᒃ ᐅᓂᒃᑲᓕᐊᖏᑦ ᐱᓪᓗᒋᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ, (ᖃᓪᓗᓈᑎᑐᑦ ᑕᐃᔭᐅᔪᓂᒃ Coryphaenoides rupestris), ᑲᓇᑕᒥ. ᑲᓇᑕᒥ, ᐋᑐᕚᒥ vii + 42 pp ᒪᒃᐱᒐᖏᓐᓂ. ᐊᑐᐃᓐᓇᐅᔪᑦ ᐅᕙᓂ ᑕᑯᓂᐊᖅᑕᐅᕝᕕᖕᒥ ᖃᕆᑕᐅᔭᒃᑯᑦ ᑐᕌᕉᒻᒥ (www.sararegistry.gc.ca). ᑐᑭᓯᓂᐊᕐᕕᐅᓯᒪᓂᖏᑦ:
ᐊᐱᖁᑎᒃᓴᖃᖅᑐᒍᑦ: ᐅᖃᐅᓯᒃᓴᕆᔭᓯ ᐱᒻᒪᕆᐊᓗᖕᒪᑕ! ᐱᔾᔪᑎᖃᖅᑐᑦ ᐊᐱᖁᑎᒃᓴᖃᖅᑎᑦᑎᓂᖅ ᑐᑭᓯᔭᐅᔪᒪᓂᖏᓐᓄᑦ ᐅᖃᐅᒃᓯᓴᕆᔭᓯ ᐃᓕᔭᐅᓇᔭᖅᐸᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ Roundnose Grenadier ᖑᓂᕋᖅᑕᐅᔪᑦ ᒪᓕᒐᖏᓐᓄᑦ ᐆᒪᔪᐃᑦ ᐅᓗᕆᐊᓇᖅᑐᒦᓕᕐᓂᖏᓐᓄᑦ, ᐃᓕᑕᕆᔭᐅᓕᕐᓗᓂ ᐊᒥᓲᖏᓗᐊᓕᕐᓂᖏᓐᓂᒃ. ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ, ᐅᕝᕙᓗᓐᓃᑦ ᐱᔪᒪᒍᕕᑦ ᑐᑭᓯᓂᐊᕈᑕᐅᓂᕐᒧᑦ ᐅᖃᓕᒫᒐᒃᓴᓂᒃ ᑎᑎᖃᖁᑎᒋᔭᐅᔪᓂᒃ/ᑐᓂᓯᔾᔪᑎᓂᒡᓗᓐᓃᑦ ᐅᖃᐅᓯᒃᓴᕆᔭᐅᔪᓂᒃ, ᑕᑯᒋᐊᕐᓂᐊᖅᐸᐃᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕕᖓᑦ ᐅᕙᓂ www.sararegistry.gc.ca ᐊᑖᑏᓂᑦᑐᑦ ᑕᑯᓗᒋᑦ ᑐᑭᖃᖅᑐᑦ ᐃᓚᐅᖃᑕᐅᓂᖅ Get involved - ᓚᓯᒪᔪᑦ ᐊᒻᒪᓗ ᑭᖑᓂᐊᒍᑦ ᑕᐃᑯᖓᐅᓕᕐᒥᓗᑎᒃ ᐃᓄᓕᒫᓂᒃ ᑐᑭᓯᓂᐊᕐᕕᖃᓂᕐᒧᑦ Public Consultations -ᓚᓯᒪᓂᖏᓐᓂ. 1. ᐃᑲᔪᖅᓱᐃᕖᑦ ᐃᓕᔭᐅᓂᖏᓐᓂᒃ ᒪᓕᒐᕐᓄᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᐊᒥᓱᖏᓗᐊᓕᕐᓂᕐᒧᑦ ᐃᓕᑕᕆᔭᐅᓕᕐᓗᑎᒃ ᐊᑖᒍᑦ ᐆᒪᔪᐃᑦ ᐅᓗᕆᐊᓇᖅᑐᒦᓕᕐᓂᖏᓐᓂ? ᐄᓗᓐᓃᑦ ᐋᒃᑲᓗᓐᓃᑦ? ᓲᒐᒥ ᑕᐃᒪᐃᖁᔨᕕᑦ ᐅᕝᕙᓗᓐᓃᑦ ᓲᒐᒥ ᑕᐃᒪᐃᖁᔨᓇᔭᓐᖏᓚᑎᓐ? 2. ᖃᓄᖅ ᐱᐅᓂᖅᓴᓂᒃ ᐊᒃᑐᖅᑕᐅᓯᒪᓇᔭᖅᐸᑦ ᐃᓕᔭᐅᒍᑎᒃ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᒪᓕᒐᕐᓄᑦ, ᐃᓕᖕᓄᑦ ᐱᓕᕆᐊᕆᔭᕐᓄᑦ, ᓄᓇᔅᓯᓐᓄᑦ, ᐃᓕᖅᑯᓯᑐᖃᔅᓯᓐᓄᑦ, ᐊᕙᑎᖕᓄᑦ, ᐊᒻᒪᓗ ᐃᓅᔾᔪᑎᒃᓴᖃᕈᓐᓇᕐᓂᕐᒧᑦ? 3. ᖃᓄᖅ ᐱᐅᓐᖏᓐᓂᖅᓴᓂᒃ ᐊᒃᑐᖅᑕᐅᓯᒪᓇᔭᖅᐸᑦ ᐃᓕᔭᐅᒍᑎᒃ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᒪᓕᒐᕐᓄᑦ, ᐃᓕᖕᓄᑦ ᐱᓕᕆᐊᕆᔭᕐᓄᑦ, ᓄᓇᔅᓯᓐᓄᑦ, ᐃᓕᖅᑯᓯᑐᖃᔅᓯᓐᓄᑦ, ᐊᕙᑎᖕᓄᑦ, ᐊᒻᒪᓗ ᐃᓅᔾᔪᑎᒃᓴᖃᕈᓐᓇᕐᓂᕐᒧᑦ? 4. ᐊᓯᖏᓐᓂᒃ ᐅᖃᐅᓯᒃᓴᖃᖅᐱᑦ ᐃᓕᔭᐅᓇᔭᖅᐸᑦ ᒪᓕᒐᕐᓄᑦ ᑕᕆᐅᕐᒥᐅᑕᐃᑦ ᐆᒐᕋᓛᑦ ᐃᔨᖁᖅᑐᔪᒻᒪᕇᑦ ᑕᐃᔭᐅᔪᒥᒃ ᐊᒥᓱᖏᓗᐊᓕᕐᓂᕋᖅᑕᐅᔪᓄᑦ ᒪᓕᒐᕐᓄᑦ ᐆᒪᔪᐃᑦ ᐅᓗᕆᐊᓇᖅᑐᒦᓕᕐᓂᖏᓐᓄᑦ? 5. ᑭᐅᒍᕕᑦ ᑭᒡᒐᖅᑐᐃᓗᑎᑦ ᓄᓇᖃᖄᖅᑐᑐᖃᐅᔪᑦ ᓄᓇᖓᓐᓂᒃ ᑲᑐᔾᔨᖃᑎᒌᖏᓐᓂᒡᓗᓐᓃᑦ, ᐊᖏᔫᑎᓂᒃ ᐱᓕᕆᕕᖕᓂᒡᓗᓐᓃᑦ, ᒥᑭᔪᒥᒃ ᓇᖕᒥᓂᖅᕆᔭᐅᔪᒥᒃᓗᓐᓃᑦ 1 ᐱᓕᕆᕝᕕᐅᔪᒥᒃ, ᑲᑐᔾᔨᖃᑎᒌᖑᔪᓂᒡᓗᓐᓃᑦ, ᐊᑏᑐᖅ ᑎᑎᕋᕐᓂᐊᖅᐸᐃᑦ ᑕᐃᔭᐅᓂᖏᑦ. 6. ᓇᓂ ᑲᓇᑕᐅᑉ ᐊᕕᒃᑐᖅᓯᒪᓂᖓᓃᑉᐱᑦ ᐅᑭᐅᖅᑕᖅᑐᖅᐸᓯᐅᓪᓗᓐᓃᑦ ᐊᕕᒃᑐᖅᓯᒪᓂᖓᑕ ᓇᓕᐊᖕᓂ ᓄᓇᖃᖅᐱᑦ? ᓇᓂ ᑲᓇᑕᐅᑉ ᐊᕕᒃᑐᖅᓯᒪᓂᖓᓂ ᐅᕝᕙᓗᓐᓃᑦ ᐅᑭᐅᖅᑕᖅᑐᕐᓂ ᑲᑐᔾᔨᖃᑎᒌᒃᓯ ᐊᐅᓚᑦᑎᕙᑦ ᐊᑏᑦ ᐊᒻᒪᓗ ᑭᓇ ᐅᖃᕐᕕᒃᓴᐅᓇᔭᕐᓂᖓ (ᐃᓱᒪᖅᓲᑎᒋᔭᐃᑦ ᑎᑎᕋᕈᓐᓇᕐᓂᖅ):
ᖁᔭᓐᓇᒦᒃ ᑕᑕᑎᕆᒐᕕᒃ ᐊᐱᖁᑎᓂᒃ ᐆᒪᔪᐃᑦ ᐅᓗᕆᐊᓇᖅᑐᒦᓕᕐᓂᖏᓐᓄᑦ ᑎᑎᖃᕆᒋᐊᓕᖕᓂᒃ ᐃᖃᓗᓕᕆᔨᕐᔪᐊᒃᑯᑦ ᑕᕆᐅᒥᐅᑕᓕᕆᔨᓪᓗ ᑲᓇᑕᒥ ᐊᑏᑐᖅ ᓇᒃᓯᐅᑎᓂᐊᖅᐸᑎᑦ 501 University Crescent ᑎᑎᖃᕐᓂᐊᕐᕕᒃᑯᑦ ᓱᒃᑲᔪᒃᑯᑦ ᐅᕙᓗᓐᓃᑦ ᐅᐃᓂᐸᐃᒡ, ᒫᓂᑑᐸ R3T 2N6 ᖃᕆᑕᐅᔭᒃᑯ ᓱᒃᑲᔪᒃᑯᑦ: (204) 983-5192 ᑎᑎᖃᖅᑖᑲᐅᑎᒋᕕᒃᑯᑦ ᐅᕗᖓ: E-Mail: fwisar@dfo-mpo.gc.ca 1 ᑐᑭᖃᖅᑎᑕᐅᔪᖅ ᖃᓄᐃᑦᑐᑐᐃᓇᓂᒃ ᐱᓕᕆᕝᕕᐅᔪᓂᒃ, ᐃᓚᒋᕙᒃᑕᖏᓐᒡᓗ, ᐱᓕᕆᔨᖃᖅᑐᓂᒃ ᐊᑖᓂ 100ᓂᒃ, ᐅᕝᕙᓗᓐᓃᑦ ᑖᒃᓯᔭᖅᑕᐅᓯᒪᖏᑦᑐᓂᒃ ᓱᓕ ᐊᕐᕋᒍᑕᒫᖅ ᑮᓇᐅᔭᓕᐅᕐᓂᖏᓐᓂᒃ $30,000-ᓂᒃ - $5 ᒥᓕᔭᓐᓄᑦ.